Коми Республикалӧн лун
РНА-лӧн экспертиза
РНА-лӧн экспертиза
Россияса Наукаяс Академияӧн
| Коми Республикалӧн лун | |
|---|---|
 Коми Республикалӧн канпас | |
| Сикас | Канму гаж |
| Вынсьӧдӧма | 2014 вося ода-кора тӧлысь 5-ӧд лун |
| Пасйӧны | Коми Республика |
| Кадпас | моз тӧлысь 22-ӧд лун |
| Празднуйтӧм | моз тӧлысь 22-ӧд лун |
| Йитчӧма | 1921 вося моз тӧлысь 22-ӧд лунын вӧлі лӧсьӧдӧма Коми (Зыряна) асвеськӧдлан обласьт (Коми автономия) |
Коми Республикалӧн лун (рочӧн День Республики Коми) — Коми Республикаын канму гаж. Гажыс вынсьӧдӧма «Коми Республикалӧн лун йылысь» 2014 во ода-кора тӧлысь 5-ӧд лунся 30-РЗ №-а Коми Республикаса Оланпасӧн[1].
Гажлӧн кадпасыс йитчӧма 1921 вося моз тӧлысь 22-ӧд лунын Коми (Зыряна) асвеськӧдлан обласьт (Коми автономия) лӧсьӧдӧмкӧд.
История
1921-ӧд вося тӧвшӧр тӧлысь 8-ӧд-13-ӧд лунъясӧ Сыктывдінын муніс Коми муса коммунистъяслӧн медводдза съезд. Сэтчӧ волісны бӧрйӧмаяс Коммуысь, Изьваысь, Печӧраысь, быд овмӧдӧминысь.
Коми автономия лӧсьӧдӧм кузя сёрнитысьяс юксисны кык пельӧ. Ӧтияс, налӧн нырщикӧн лои Наркомнацын Коми представительствоӧн юрнуӧдысь Батиев Дмитрий Александрович, сувтісны сы дор, медым пыр жӧ котыртны-лӧсьӧдны Коми муын автономия. Мӧдъяс, на лыдын Москвааын уджалысь коми чиновник А. В. Нахлупин, лыддисны, мый автономиясӧ котыртны водз на. Комиын сэкся унджык олысьыс, эз сӧмын ылі Изьва да Мылдінсянь, но Сыктывдінсянь матысса вӧлӧсьтъясысь, веськодьпырысь на видзӧдісны Комиын автономия лӧсьӧдӧм вылӧ. Та вылӧ видзӧдтӧг съезд вынсьӧдіс, мый колӧ котыртны Коми Автономияа Сӧветскӧй Социалистическӧй Республика.
Вензисны тшӧтш сы йылысь, кутшӧм инъяс сюйны Республикаӧ. Чужис ӧтувъя кӧсйӧм — ӧтувтчыны перым комияскӧд да артмӧдны ӧти канму сяма. Но олӧмыс эз артмы йӧз кӧсйӧм серти, автономияа республика пыдди лои котыртӧма обласьт, а перым комиясӧс эз лэдзны ӧтувтчыны, налы котыртісны автономияа кытш.
Национальностьяс кузя Народнӧй комиссариат ошкис Комиын автономия котыртӧм. Но сьӧм эз тырмы сійӧ кадӧ, специалистъяс эз вӧвны, та вӧсна оланпасъяс дасьтан органъясын вӧзйисны лӧсьӧдны Коми муын асшӧр (автономия) республика пыдди автономияа обласьт.
1921 вося моз тӧлысь 22-ӧд лунӧ РСФСР-са ЦИК-лӧн Президиум вынсьӧдіс «Коми (зыряналысь) автономия область котыртӧм йылысь» декрет.
«РСФСР пытшкын Коми (зыряналысь) автономия обласьт котыртӧм йылысь» ВЦИК-лӧн Декрет[2]:
1. Образовать Автономную область Коми (Зырян), как часть Российской Социалистической Федеративной Советской Республики, с административным центром в городе Усть-Сысольске.
2. В состав Автономной области включаются: из Архангельской губ. — Печорский уезд, за исключением Пустозерской и Усть-Цылемского волостей и территории Тиманской тундры, в отношении которых должен быть проведен опрос всего трудящегося населения. Из Северо- Двинской губ. — Усть-Сысольский уезд и из Яренского уезда волости: 1) Чупровская; 2) Вашгородская; 3) Селибская; 4) Косланская; 5) Ертомская; 6) Глотовская; 7) Турьинская; 8) Онежская; 9) Княжпогостская; 10) Шешетская; 11) Сереговская; 12) Севогорская; 13) Ибская; 14) Часовская; 15) Прокофьевская; 16) Усть-Вымская; 17) Айкинская; 18) Гамская; 19) Жешартска; 20) Коквицкая; 21) Полевицкая; 22) Пыская волость с деревней Латьюга Усть-Важского уезда Архангельской губернии.
Председатель ВЦИК — М.И. Калинин.
Секретарь ВЦИК — А.С. Енукидзе.
Юркарнас лои Сыктывдін. Коми йӧзлӧн юркарын лӧсьӧдісны обласьтса учрежденньӧяс. На водзын пуктісны мог — веськӧдлыны став олӧм-вылӧмӧн, политикаӧн, овмӧсӧн, культураӧн. Лои дасьтӧма коми войтырӧс водзӧ сӧвмӧдӧм могысь подув РСФСР ӧтувъя канму пытшкын.
Пасйӧм
Тайӧ Коми Республикаын медся ыджыд гаж, кытчӧ пырӧдчӧ Республикаын став олысь. Тайӧ лунӧ нуӧдӧны гажӧдчан мероприятиеяс — Республикаса веськӧдлысьяслӧн чолӧмалӧмъяс[3], шествиеяс, фестивальяс, йӧзкостса гуляйтӧмъяс, ярмангаяс, праздничнӧй концертъяс, уличвывса перфомансъяс, выставкаяс, ордйысьӧмъяс[4].
Коми Республикалӧн лун водзын сетӧны бура уджалӧмысь Коми Республикаса да Россия Федерацияса наградаяс[5]. Тайӧ лунӧ сетӧны медся тӧдчана йӧзлы, кодъяс пуктісны ыджыд пай Коми Республика сӧвмӧмӧ, «Коми Республикалӧн Почёта гражданин» Медвылыс звание да пыртӧны найӧс Коми Республикалӧн Почёт книгаӧ[6].
Коми Республикалӧн лунӧ нуӧдӧны Коми Республикаса йӧзкостса художествоа творчестволысь «Шондібан» гаж.
Тайӧ лун кежлӧ урчитӧны тшӧтш «ШаньгаФест» фестиваль.
Республика луныс векджык помасьӧ фейерверкъясӧн да салютӧн.
Видзӧдӧй тшӧтш
Ыстӧгъяс
- ↑ Закон Республики Коми от 5 мая 2014 г. N 30-РЗ «О Дне Республики Коми»
- ↑ Декрет Всероссийского центрального исполнительного комитета об образовании Автономной Области Коми (Зырян). 22 августа 1921 г.
- ↑ Поздравление Главы Республики Коми с Днём Республики
- ↑ День Республики Коми — 2024. Программа праздничных мероприятий 22 августа
- ↑ Владимир Уйба поздравил жителей с наступающим Днём Республики Коми
- ↑ Ордена блистали на торжественном собрании в честь Дня Коми