Коми гижӧд лун
Коми гижӧд лун (рочӧн День коми языка и письменности) — коми войтырлӧн тӧдчана лун. Сиӧма коми анбур лӧсьӧдӧмлы.
Коми гижӧд лун пасйӧны Коми Республикаын 1992 во сянь ода-кора тӧлысьлӧн быд коймӧд вежалунö.
История
Коми гижӧд лун вӧлі сиӧма Перымса Степанлӧн анбур лӧсьӧдӧмсянь 620 волы да вынсьӧдӧма «Коми Республикаын коми гижӧд лун индӧм йылысь» 1992 во ода-кора тӧлысь 15-ӧд лунся Коми Республикаса Медвылыс Сӧветса Президумлӧн шуӧмӧн.
Коми гижӧд лун пасйигӧн быть казьтылӧны коми йӧзӧс Кристос эскӧмӧ пыртысь Перымса Степанӧс, коді 1372 воын лӧсьӧдіс важ коми анбур да комиӧдіс ен гижӧдъяс.
2023 вося косму тӧлысь 14-ӧд лунӧ Коми Республикаса Юралысь В.В. Уйба вынсьӧдіс "Коми кыв да гижӧд лун йылысь" индӧд[1].
Водзынсӧ, туялысьяс серти, важ комияслӧн вӧлӧма кык сикас гижӧд:
- 1. "Пасъяс" — комияс пукталісны пассӧ ас эмбур вылӧ, чӧс туй вылӧ.
- 2. Шыпасъяса гижӧд.
Коми гижӧд лунлы сиӧм гажъяс нуӧдӧны Коми Республикаса кар-районъясын, Москваын да Петыркарын.