Коротаева Альфия Саитнуровна
| Коротаева Альфия Саитнуровна | |
|---|---|
 | |
| Чужан лун | 1959-ӧд вося лӧддза-номъя тӧлысь 27-ӧд лун (67 арӧс) |
| Чужанін | |
| Мыйся уджыс | операын сьылысь |
Коротаева Альфия Саитнуровна (1959-ӧд вося лӧддза-номъя тӧлысь 27-ӧд лун, Челябинск) — опера сьылысь, Коми Республикаса нимйӧза артистка, Россияса нимӧдана артистка.
Олантуй
Альфия Коротаева чужӧма 1959 вося лӧддза-номъя тӧлысь 27-ӧд лунӧ Челябинскын. Ичӧтсянь мӧвпалӧма лоны сьылысьӧн. Сьыліс школаса хорын, металлургия заводлӧн культура керкаса хорын да квартетын, культура да шойччан паркса вокально-инструментальнӧй ансамбльын.
1976 воын шӧр школа помалӧм бӧрын пырис Челябинскса вурсян училищеӧ да босьтіс «5 разряда вурсьысь-мотористка» специальносьт. ПТУ-ын велӧдчысьяс пӧвстын художественнӧй самодеятельносьтлӧн карса смотр-конкурсӧ пырӧдчӧмысь босьтіс диплом.
1978 воын пырис велӧдчыны Челябинскса музыкальнӧй училищеӧ вокал классӧ. 1980 воын училищелысь мӧд курс помалӧм бӧрын сдайтіс Уралса канму консерваторияӧ вокальнӧй отделение вылӧ профессор Л. Ф. Дроздова классӧ экзаменъяс.
3 курс помалӧм бӧрын медводдзаысь петіс профессиональнӧй сцена вылӧ Ивановскӧй оперетта театрын Ж. Оффенбахлӧн «Путешествие на Луну» опереттаын принцесса Фантазияӧс ворсігӧн. Консерваторияса 5 курсын сьыліс Свердловскса театрын «Искусство быть женщиной» опереттаын шӧр партия. Дипломнӧй спектакльын ворсіс Дж. Пуччинилӧн «Богема» операын Мюзетталысь рольсӧ[1].
Консерватория помалӧм бӧрын 1985 воын Музыкальнӧй театрӧн (ӧні Коми Республикаса опера да балет театр) веськӧдлысьяслӧн корӧм серти локтіс Сыктывкарӧ. Кутіс уджавны труппаын солистка-вокалисткаӧн, ворсіс мӧд планса рольяс мойдъяс да опереттаяс постановкаясын. Уджалӧ Коми Республикаса опера да балет канму театрын сьылысьӧн[2].
Ас олӧм
Верӧс сайын. Эм ныв.
Наградаяс
• Коми Республикаса нимӧдана артист (1994);
• Коми Республикаса нимйӧза артистка (2000);
• Россияса нимӧдана артистка (2005);
• Коми Республикаса Веськӧдлан котырлысь премия босьтысь;
• С. Ермолин нима театр конкурсын вермысь (2011) (Сергей Носковлӧн «Куратов» коми опера пуктысьяскӧд ӧттшӧтш);
• Романъяслӧн Юрьева нима войтыркостса конкурсын вермысь (2001, Таллинн);
• Романсъяс сьылысьяслӧн ставросияса конкурсын вермысь (2001, Владимир).
Пасйӧдъяс
- ↑ Кто есть кто: Коротаева Альфия Саитнуровна (рус.). Комионлайн. Шыӧдчан кадпас: 1 вӧльгым тӧлысь 2025.
- ↑ Альфия Коротаева (рус.). Коми опера. Шыӧдчан кадпас: 1 вӧльгым тӧлысь 2025.