Косью (станция)

Станция
Косью
Войвыв кӧрт туй
65°36′52″ с. ш. 58°57′51″ в. д.
Станция	пытшкӧсса
Кӧрт туй юкӧн	Сосногорскса
Оператор	«Россияса кӧрт туйяс» ВАК
Восьтан кад	1940 во
Сикас	пассажиръяс да грузъяс новлӧдлана
Платформа лыд	1
Туй лыд	1
Платформалӧн форма	веськыд
Ин	Косью, Коми Республика
Станция код	288189

Косью — Войвыв кӧрт туйлӧн Сосногорск визьын кӧрт туй станция. Меститчӧ Коми Республикаса Печӧра районын. Сы бокын вӧліс Косью посёлок.

История

Артмис 1930 вояс помын — 1940 вояс заводитчигӧн кыдзи Севжелдорлагса лагер («Печорстрой НКВД»), кодлӧн медшӧр могнас вӧлі Войвыв-Печӧра кӧрт туй стрӧитӧм, а бӧрынджык могмӧдӧм. 1942 воын Печорлагса заключённӧйяслӧн вынъясӧн вӧлі стрӧитӧма Косью ю вомӧн кӧрт туй пос; сы ӧтар-мӧдар бокын юлӧн шуйга берегын кӧнсюрӧ кольӧмаӧсь на сійӧс стрӧитысьяслӧн «зона» лагпунктъяслӧн стрӧйбаяслӧн колясъясыс (ӧні сэні татчӧс чери кыйысьяслӧн сувтлӧны). Косью берегын, ӧнія шойнакӧд орччӧн, кольӧмаӧсь дзескыдінын пукалысьяслӧн важ шойна колясъясыс.

Недыр мысти лагеркӧд орччӧн лоис и Косью посёлок.

1952 воын Косьюлы сетісны кар кодь посёлоклысь статус. 1950-ӧд воясӧ тані вӧлі паровоз депо, кӧні уджаліс 200 морт. Сэки посёлокын вӧлі 3000 сайӧ олысь: бур пу керкаяс, лесничество, школа-семилетка, больнича да роддом, клуб, библиотека, магазинъяс, столӧвӧй, пывсян, пошта да сберкасса, паровознӧй бригадаяслӧн шойччан керка — олысьяс ассьыныс посёлоксӧ шулісны Косьюградӧн. Бӧрынджык железнодорожникъяслы вӧлі стрӧитӧма вит судта кирпичысь кык керка.

Маршрутъяс

Станция пыр ветлалӧ электричкаяс да поездъяс татшӧм маршрутъяс серти: 208Г Улыс Новгород — Вӧркута; 375Я Вӧркута — Москва; 077Я Вӧркута — Петыркар; 376Я Москва — Вӧркута; 6851 Марков — Кожва-1; 6842 Печӧра — Инта-1; 6852 Печӧра — Марков; 6843 Инта-1 — Печӧра; 118Я Петыркар — Лабытнанги; 375Я Вӧркута — Москва; 207Г Вӧркута — Улыс Новгород.

Пасйӧдъяс