Печӧра район

Босьтӧма Рувикиысь
Видлалӧм гижӧд
республика тӧдчанлуна кар[1] / муниципальнӧй район[2]
Печора
Печӧра
Дӧрапас Канпас
Дӧрапас Канпас
65°09′00″ с. ш. 57°13′00″ в. д.GЯO
Страна  Россия
Адм. шӧрин Печӧра[5]
Сӧветса председатель Коньков Геннадий Константинович
История да география
Артмӧдан кадпас 1949
Ыджда 28922,82[3] км²
Час кытш MSK (UTC+3:00)
Медыджыд кар Печӧра
Олысь лыд
Олысь лыд

↘44 051[4] морт (2021)

  • (6,11 %)
Олысь лыд (квадратнӧй километр му вылын) 1,52 морт/км²
Войтырсикасъяс рочьяс (74,7 %)
коми (13,2 %)
украинечьяс (5,7 %)
Лыдпаса идентификаторъяс
Телефон код 82142
Пошта индекс 169600, 169700
Официальнӧй сайт
Печора на карте
Печора на карте
Логотип РУВИКИ.Медиа Медиафайлы на РУВИКИ.Медиа

Печӧра район (рочӧн Муниципальный район «Печора») — тайӧ Коми Республикаын муниципальнӧй район.

  • Районлöн административнӧй шӧриныс — Печӧра кар.

География

Аранеч нюр и Саблин гӧра визь

Район меститчӧма Коми Республикалӧн асыв-войвылын. Ывласямыс — шӧркодь континентальнӧй, кузь шӧркодь кӧдзыд тӧв да дженьыдик ыркыд гожӧм. Тӧлысьнас сынӧдлӧн шӧр температураыс тӧвшӧр тӧлысьын −19,3 °C, сора тӧлысьын +15,4 °C. Вогӧгӧрся шӧр температураыс −2,5 °C. Вогӧгӧрся шӧркодь лым-зэр усьӧмыс шыльыдінъясын 780 мм гӧгӧр, гӧраясын — 1000-ысь унджык.

Печора кар да сы улӧ пырысь оланінъяс пырӧны Ылі Войвыв районъяс лыдӧ[6]

Физико-географическӧй боксянь районлӧн мутасыс пырӧ Печӧраса равниннӧй среднетаежнӧй природно-территориальнӧй комплексӧ. Районын дорын эм мусир да биару, а сідзжӧ каменнӧй материалъяслысь куйлӧдъяс (кирпич да биысь видзчысян сёй, стрӧитчан из, лыа да лыаа-гравий материал).

История

1780 воӧдз мутасыс пырис Пустозёрск уездӧ, сэсся — Мезенскӧй уездӧ. 1891 восянь Кардор губерняын вӧлі Печӧра уезд.

1921 вося моз тӧлысь 22-ӧд лунӧ Коми (Зыряна) асвеськӧдлан обласьт артмӧдігӧн Печӧра уездлысь ыджыдджык юкӧнсӧ вӧлі пыртӧма сэтчӧ.

1922 вося ода-кора тӧлысь 27-ӧд лунӧ вӧлі котыртӧма Изьва-Печора уезд, административнӧй шӧриннас вӧлі Изьва сикт. 1929 вося сора тӧлысь 15-ӧд лунӧ вӧлі лӧсьӧдӧма Изьва-Печӧра район (1930 воын сійӧс нимтісны Изьва районӧн).

1936 вося урасьӧм тӧлысь 25-ӧд лунӧ ВЦИК-лӧн шуӧм серти автономия обласьт войвылын вӧлі котыртӧма Печӧра кытш Усва сиктын шӧринӧн (сэтчӧ пырис куим район — Изьва, Усвавом да Чилимдін).

1941 вося рака тӧлысь 11-ӧд лунӧ РСФСР-са Медвылыс Сӧвет Президиумлӧн «Коми АССР-лӧн Печора кытшын Кожва район артмӧдӧм йылысь» Индӧдӧн Коми АССР-лӧн Печора кытшын Усвавом район пытшкысь вӧлі артмӧдӧма Кожва район, административнӧй шӧриннас Кожва посёлокын.

1937 воын заводитісны нюжӧдны «Котлас — Воркута» кӧрт туй, кодлӧн Печора юкӧд вомӧнасянінын 1940—1941 воясӧ вӧлі стрӧитӧма Печора кӧрт туй станция да 1940 вося гожӧмын — Печора ю вылын пристань дорын Канин Нос посёлок (Печора ю вомӧн кӧрт туй пос стрӧитӧм могысь вӧлі разьӧма да вуджӧдӧма Коми АССР-ӧ сэки Москваын стрӧитчысь Сӧветъяслӧн дворечлысь конструкцияяссӧ, а сідзжӧ Москва — Волга канал вомӧн посъясысь ӧтиӧс).

1941 вося йирым тӧлысь 9-ӧд лунӧ вӧлі бырӧдӧма Печӧра кытш, сылысь районъяссӧ сетӧма Коми АССР-лӧн веськыд республиканскӧй подчинение улӧ.

1949 вося тӧвшӧр тӧлысь 18-ӧд лунӧ РСФСР-са Медвылыс Сӧвет Президиумлӧн Индӧдӧн Войвыв-Печӧра кӧрт туйлӧн Печӧра кӧрт туй станцияса посёлоксӧ (ӧнія Печӧра карлӧн кӧрт туй юкӧнса история шӧрин) да речникъяслысь Канин Нос посёлоксӧ (ӧнія Печӧра карлӧн ю юкӧнса история шӧрин) вӧліны ӧтувтӧмаӧсь карӧ да вӧлі сетӧма Печӧра ним (тайӧ кадпасыс лоӧ Печӧра карлы подув пуктан лунӧн да пасйыссьӧ кыдзи Кар лун). Сійӧ лоис Кожва районлӧн административнӧй шӧринӧн.

1959 вося косму тӧлысь 27-ӧд лунӧ «Кожва районлысь ним вежӧм да Коми АССР-са Усвавом район бырӧдӧм йылысь» РСФСР-са Медвылыс Сӧвет Президиумлӧн Индӧдӧн Кожва район да бырӧдӧм Усвавом районлӧн мутасыс вӧлі ӧтувтӧма Печӧра районӧ, административнӧй шӧриннас лоис Печӧра кар.

1974 вося лӧддза-номъя тӧлысь 19-ӧд лунӧ «Коми АССР-ын Ускар район артмӧдӧм йылысь» Коми АССР-са Медвылыс Сӧвет Президиумлӧн Индӧдӧн Печӧра районлысь мутас юкӧнсӧ пыртӧма выльӧн котыртӧм Ускар районӧ (ӧні — Коми Республикаса Ускар муниципальнӧй кытш).

1963 вося урасьӧм тӧлысь 1 лунӧ Печӧра карсӧ пыртӧма Коми АССР-лӧн республикаса тӧдчанлуна каръяс лыдӧ да петкӧдӧма Печӧра район пытшкысь (та дырйи кольӧма сылӧн административнӧй шӧринӧн).

1998 вося кӧч тӧлысь 10-ӧд лунӧ Печӧра карлӧн медводдзаысь бӧрйӧм Сӧветса XX сессиялӧн шуӧм серти Печӧра карса администрация улӧ пырысь мутаслӧн мудоръясын вӧлі котыртӧма «Печӧра кар да сы ув мутас» муниципальнӧй юкӧн.

2006 вося урасьӧм тӧлысь 21-ӧд лунӧ «Печӧра кар да сы ув мутас» муниципальнӧй юкӧнса народнӧй депутатъяс Сӧветлӧн шуӧмӧн вӧлі примитӧма выль Устав, мый серти «Печӧра кар да сы ув мутас» муниципальнӧй юкӧн вӧлі пӧртӧма «Печӧра» муниципальнӧй районӧ[7].

Олысь лыд

Олысь лыд
1959197019792002[8]2009[9]2010[10]2011[11]
34 393↗40 826↗56 409↗66 291↘61 975↘57 364↘57 118
2012[12]2013[13]2014[14]2015[15]2016[16]2017[17]2018[18]
↘56 139↘55 187↘54 288↘53 484↘52 883↘51 884↘50 842
2019[19]2020[20]2021[4]
↘49 744↘48 863↘44 051
10 000
20 000
30 000
40 000
50 000
60 000
70 000
1970
2011
2016
2021

Юклӧм

Печӧра районын 7 муниципальнӧй юкӧн: 3 кар овмӧдчӧмин и 4 сикт овмӧдчӧмин[21].

№Муниципальнӧй
юкӧн		Административнӧй
шӧрин		Оланін лыдОлысь лыд
(чел.)		Ыджда
(км²)
1e-06Кар овмӧдчӧмин
1КӧжваКӧжва посёлок8↘4175[20]1632,88[3]
2ПечӧраПечӧра кар1↘38 229[20]4705,67[3]
3ПутеецПутеец посёлок6↘2323[20]4384,20[3]
3.000002Сикт овмӧдчӧмин
4КӧджарӧмКӧджарӧм посёлок6↘2079[20]6847,55[3]
5ОзёрнӧйОзёрнӧй посёлок6↘1296[20]2102,12[3]
6ПриуральскӧйПриуральскӧй сикт3↘392[20]3234,45[3]
7ЧикшинЧикшин посёлок2→380[20]6015,95[3]

2010 воын Берёзовка сикт овмӧдчӧмин, кӧні вӧлі ӧти посёлок, вӧлі ӧтлаӧдӧма Чикшин сикт овмӧдчӧминкӧд[22].

2011 воын Соколов сикт овмӧдчӧмин да Изъяю кар овмӧдчӧмин ӧтлаасисны Кожва кар овмӧдчӧминкӧд. Зеленоборск сикт овмӧдчӧмин вӧлі ӧтлаӧдӧма Кӧджорӧм сикт овмӧдчӧминкӧд. Сыня да Косью сиктъяс ӧтувтӧмаӧсь Путееч кар овмӧдчӧминӧ. Краснӧй Яг да Кедрӧвӧй Шор сикт овмӧдчӧминъяс вӧлі ӧтлаӧдӧма Озёрнӧй сикт овмӧдчӧминкӧд.

Оланінъяс

Печӧра районын 32 оланін, на лыдын 1 кар (Печӧра).

Коми ним Роч ним Статус Олысь лыд

(2007)

Пошта

индекс

Сикт / Кар

овмӧдчӧмин

Аранеч Аранец грезд 70 169600 Приуральскӧй
Берёзовка Березовка посёлок 449 169651 Чикшин
Бызӧвӧй Бызовая грезд 163 169600 Озёрнӧй
Данилов Даниловка грезд 215 169625 Приуральскӧй
Еджыдъю Белый-Ю посёлок 154 169635 Путеец
Зеленоборск Зеленоборск посёлок 646 169650 Кӧджарӧм
Изъяю Изъяю кар овмӧдчӧмин 1635 169660 Кӧжва
Кӧджарӧм Каджером посёлок 1939 169630 Кӧджарӧм
Кедрӧвӧй Шор Кедровый Шор посёлок 352 169622 Озёрнӧй
Кӧжва Кожва кар овмӧдчӧмин 3300 169663 Кӧжва
Кӧжвавом Усть-Кожва грезд 166 169660 Кӧжва
Конецбор Конецбор грезд 222 169600 Озёрнӧй
Косью Косью посёлок 188 169655 Путеец
Краснӧй Яг Красный Яг посёлок 402 169665 Озёрнӧй
Лугӧвӧй Луговой посёлок 555 169635 Путеец
Медвежскӧй Медвежская грезд 116 169600 Озёрнӧй
Мишаяг Миша-Яг посёлок 391 169600 Путеец
Набережнӧй Набережный посёлок 514 169660 Кӧжва
Озёрнӧй Озерный посёлок 731 169634 Озёрнӧй
Песчанка Песчанка грезд 61 169633 Кӧжва
Печӧра Печӧра кар 46884 169600 Печӧра
Причал Причал посёлок 156 169630 Кӧджарӧм
Путеец Путеец кар овмӧдчӧмин 1255 169635 Путеец
Родионов Родионово грезд 1 169633 Кӧжва
Рыбница Рыбница посёлок 167 169620 Кӧджарӧм
Соколов Соколово сикт 414 169633 Кӧжва
Сыня Сыня посёлок 556 169645 Путеец
Талый Талый посёлок 387 169621 Кӧджарӧм
Трубосьӧдъёль Трубоседъёль посёлок 163 169630 Кӧджарӧм
Уляшев Уляшево грезд 22 169633 Кӧжва
Чикшин Чикшино посёлок 747 169640 Чикшин
Приуральскӧй Приуральское сикт 452 169625 Приуральскӧй

Ӧшмӧсъяс

Ыстӧгъяс

  1. ↑ Коми Республикаса административно-территориальнӧй тэчас серти
  2. ↑ Коми Республикаса муниципальнӧй тэчас серти
  3. ↑ 1 2 3 4 5 6 7 8 (Республика Коми. Общая площадь земель муниципального образования. Шыӧдчан кадпас: 8 тӧвшӧр тӧлысь 2016. Архивируйтӧма 19 косму тӧлысь 2018.
  4. ↑ 1 2 Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более. Итоги Всероссийской переписи населения 2020 года. На 1 октября 2021 года. Том 1. Численность и размещения населения (рус.) (XLSX). Шыӧдчан кадпас: 26 кӧч тӧлысь 2025. Архивируйтӧма 1 кӧч тӧлысь 2022.
  5. ↑ ОКТМО (рус.)
  6. ↑ Перечень районов Крайнего Севера и приравненных к ним местностей. Шыӧдчан кадпас: 2 вӧльгым тӧлысь 2016. Архивируйтӧма 14 вӧльгым тӧлысь 2021.
  7. ↑ Из истории Печорского района, Администрация Печорского района. Шыӧдчан кадпас: 27 урасьӧм тӧлысь 2025.
  8. ↑ Всероссийская перепись населения 2002 года. Том. 1, таблица 4. Численность населения России, федеральных округов, субъектов Российской Федерации, районов, городских поселений, сельских населённых пунктов - райцентров и сельских населённых пунктов с населением 3 тысячи и более (рус.). Архивируйтӧма 3 урасьӧм тӧлысь 2012.
  9. ↑ Численность постоянного населения Российской Федерации по городам, посёлкам городского типа и районам на 1 января 2009 года (рус.). Шыӧдчан кадпас: 2 тӧвшӧр тӧлысь 2014. Архивируйтӧма 18 ода-кора тӧлысь 2015.
  10. ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов (рус.). Шыӧдчан кадпас: 26 кӧч тӧлысь 2025. Архивируйтӧма 4 рака тӧлысь 2016.
  11. ↑ Оценка численности постоянного населения на 1 января
  12. ↑ Численность населения Российской Федерации по муниципальным образованиям. Таблица 35. Оценка численности постоянного населения на 1 января 2012 года (рус.). Шыӧдчан кадпас: 31 ода-кора тӧлысь 2014. Архивируйтӧма 16 ода-кора тӧлысь 2013.
  13. ↑ Численность населения Российской Федерации по муниципальным образованиям на 1 января 2013 года. — М.: Федеральная служба государственной статистики Росстат, 2013. — 528 с. (Табл. 33. Численность населения городских округов, муниципальных районов, городских и сельских поселений, городских населённых пунктов, сельских населённых пунктов) (рус.). Шыӧдчан кадпас: 16 вӧльгым тӧлысь 2013. Архивируйтӧма 12 йирым тӧлысь 2013.
  14. ↑ Оценка численности населения по городским округам, муниципальным районам, поселениям и городским населённым пунктам Республики Коми на 1 января 2014 года (рус.). Шыӧдчан кадпас: 22 рака тӧлысь 2014. Архивируйтӧма 18 тӧвшӧр тӧлысь 2015.
  15. ↑ Численность населения Российской Федерации по муниципальным образованиям на 1 января 2015 года (рус.). Шыӧдчан кадпас: 6 моз тӧлысь 2015. Архивируйтӧма 23 кӧч тӧлысь 2015.
  16. ↑ Численность населения Российской Федерации по муниципальным образованиям на 1 января 2016 года (рус.) (5 йирым тӧлысь 2018). Шыӧдчан кадпас: 26 кӧч тӧлысь 2025. Архивируйтӧма 8 ода-кора тӧлысь 2021.
  17. ↑ Численность населения Российской Федерации по муниципальным образованиям на 1 января 2017 года (рус.) (31 сора тӧлысь 2017). Шыӧдчан кадпас: 26 кӧч тӧлысь 2025. Архивируйтӧма 31 сора тӧлысь 2017.
  18. ↑ Численность населения Российской Федерации по муниципальным образованиям на 1 января 2018 года (рус.). Шыӧдчан кадпас: 26 кӧч тӧлысь 2025. Архивируйтӧма 26 сора тӧлысь 2018.
  19. ↑ Численность населения Российской Федерации по муниципальным образованиям на 1 января 2019 года (рус.). Шыӧдчан кадпас: 26 кӧч тӧлысь 2025. Архивируйтӧма 2 ода-кора тӧлысь 2021.
  20. ↑ 1 2 3 4 5 6 7 8 Численность населения Российской Федерации по муниципальным образованиям на 1 января 2020 года (рус.). Шыӧдчан кадпас: 26 кӧч тӧлысь 2025. Архивируйтӧма 17 йирым тӧлысь 2020.
  21. ↑ Закон Республики Коми от 5 марта 2005 года № 11-РЗ «О территориальной организации местного самоуправления в Республике Коми». Шыӧдчан кадпас: 30 йирым тӧлысь 2018. Архивируйтӧма 13 вӧльгым тӧлысь 2016.
  22. ↑ ИНФОРМАЦИЯ о деятельности Советов муниципальных образований городских округов и муниципальных районов за 2010 год Архивируйтӧма 25 моз тӧлысь 2012 вося.
Коми Республикаса юкӧнъяс Coat of arms of the Komi Republic Flag of the Komi Republic
Юркар: Сыктывкар

Кар кытшъяс: Сыктывкар •

Муниципальнӧй кытшъяс: Вöркута • Вуктыл • Инта • Княжпогост • Уква • Ускар

Муниципальнӧй районъяс: Емдiн • Изьва • Койгорт • Кöрткерöс • Кулöмдiн • Луздор • Мылдiн • Печора • Сосногорск • Сыктыв • Сыктывдiн • Удора • Чилимдiн

Босьтӧма "https://kv.ruwiki.ru/w/index.php?title=Печӧра_район&oldid=424294"-ысь