Кочев Станислав Вадимович
| Станислав Вадимович Кочев | |||||
|---|---|---|---|---|---|
 | |||||
| Чужан лун | 1988 вося ода-кора тӧлысь 28-ӧд лун | ||||
| Чужанін | Сыктывкар | ||||
| Канму |
 Россия |
||||
| Служитан вояс | 2010 восянь | ||||
| Звание |
  лейтенант |
||||
| Тышъяс/вӧйнаяс | Украинаын тыш (2022 восянь) | ||||
| Наградаяс да премияяс |
|
||||
Кочев Станислав Вадимович (1988 вося ода-кора тӧлысь 28-ӧд лун, Сыктывкар) — Россия Федерацияса Оружьеа вынъяслӧн Генеральнӧй штабса Медшӧр веськӧдланінлӧн торъя мога 22-ӧд торъя гвардейскӧй бригадаса торъя мога юкӧдувса командир. Комиысь Россия Федерацияса Герой (2023)[1].
Олантуй
Станислав Вадимович Кочев чужис 1988 вося ода-кора тӧлысь 28-ӧд лунӧ Коми АССР-са Сыктывкарын. 2004 воын помаліс чужан карын 36 №-а шӧр школаысь ӧкмыс класс, 2010 воын — Сыктывкарса 6 №-а профессиональнӧй училище. 2010 воын босьтісны служитны армияӧ. Во чӧж служитіс воздушно-космическӧй войскаса частьясын, а 2011 воын пырис велӧдчыны армияса генерал В. Ф. Маргелов нима Рязаньса вылыс воздушно-десантнӧй команднӧй училищеӧ. 2014 воын помаліс велӧдчӧмсӧ, та бӧрын служитіс Россия Федерацияса Вооружённӧй Вынъяслӧн Генеральнӧй штабса Медшӧр веськӧдланінлӧн управлениелӧн торъя мога 22-ӧд торъя гвардейскӧй бригадаын[1].
2022 восянь участвуйтӧ Украинаын тышъясын. Торйӧн нин петкӧдліс асьсӧ Украинаса оружьеа вынъяслысь гожся контрнаступлениесӧ Запорожье направление вылын бӧрыньтігӧн. Веськӧдліс Запорожье областьса Токмак районса Работино сикт районын торъя мога подразделениеӧн. Кочев да сылӧн боечьясыс паныдалісны наступайтысь танкъяссӧ да пехоталӧн боевӧй машинаяссӧ противотанкӧвӧй ракетнӧй комплексъяс отсӧгӧн, бӧрыньтӧдісны противникӧс. Станислав Кочевлӧн подразделениеыс кутіс сылы сетӧм участоксӧ да торкис Бердянско-Мелитопольскӧй направлениеын прорыв. Тайӧ тышас Кочев вӧлі сьӧкыда ранитчӧма, но сувтӧдӧм могсӧ сійӧ пӧртіс олӧмӧ[2].
Бурдӧдчӧм бӧрас бӧр воис аслас часьтӧ служба вылӧ, служитӧ ӧнӧдз. 2024 воын сылы сетісны гвардияса лейтенантлысь воинскӧй звание[1].
2023 воын Россия Федерацияса Президентлӧн пӧдса Индӧдӧн «воинскӧй мог олӧмӧ пӧртігӧн повтӧмлунысь да героизмысь» гвардияса старшӧй прапорщик Станислав Вадимович Кочевлы сетісны Россия Федерацияса Герой ним «Зарни Кодзув» медаль сетӧмӧн[3].
Сыктывкарса 36 №-а шӧр школалы лоас сетӧма С. В. Кочевлысь ним[4].
Наградаяс
• Россия Федерацияса Герой ним (2023);
• «Зарни Кодзув» медаль (2023);
• Суворов медаль;
• Жуков медаль;
• мукӧд медаль[1].
Пасйӧдъяс
- ↑ 1 2 3 4 Кочев Станислав Вадимович. Сайт «Герои страны».
- ↑ Салмыгин А. Герой России из Рязанского училища ВДВ Станислав Кочев рассказал о бое с ВСУ // Портал «62ИНФО», 09.02.2024.
- ↑ Старший прапорщик из Коми Станислав Кочев удостоен звания Герой России, Аргументы и факты. Коми. Шыӧдчан кадпас: 25 урасьӧм тӧлысь 2025.
- ↑ По поручению Ростислава Гольдштейна сыктывкарской школе №36 будет присвоено имя Героя России Станислава Кочева, Регион. Шыӧдчан кадпас: 25 урасьӧм тӧлысь 2025.