Лажанев Олег Амвросиевич
| Олег Амвросиевич Лажанев | |
|---|---|
 | |
| Чужан лун | 1965-ӧд вося моз тӧлысь 19-ӧд лун (61 ар) |
| Чужанін | |
| Страна | |
| Мыйся уджыс | велӧдысь, общественнӧй удж вӧчысь |
Лажанев Олег Амвросиевич (1965-ӧд вося моз тӧлысь 19-ӧд лун, Пожӧг, Коми АССР) — «Коми войтыр» ӧтмунӧмса Исполкомӧн веськӧдлысь. XIII Чукӧртчӧм вылын, 2024 вося сора тӧлысь 4-ӧд лунӧ восьса кипасалӧмӧн вӧлі бӧрйӧма «Коми войтыр» ӧтмунӧмӧн веськӧдлысьӧн[1].
Олантуй
Чужис 1965 вося моз тӧлысь 19-ӧд лунӧ Кулӧмдін районса Пожӧг сиктын.
1987 воын помаліс И. А. Куратов нима Сыктывкарса педагогика колледж «Физическӧй культура» специальносьт серти да лоис физическӧй культура велӧдысьӧн.
2004 воын помаліс Канму службаӧ да веськӧдлыны велӧдан Коми Республикаса академия «Юриспруденция» специальносьт серти.
Уджавны заводитӧма 1983 восянь разнӧй организацияясын да чинъясын.
1999 вося моз тӧлыссянь 2002 вося моз тӧлысьӧдз вӧлӧма Зеленечса шӧр школаын директорӧн.
2002 вося моз тӧлыссянь 2012 вося косму тӧлысьӧдз уджаліс Сыктывдін районса «Зеленеч» СО Администрацияын, Зеленеч сиктса администрацияӧн юралысьӧн[2].
2012 вося косму тӧлыссянь 2018 вося вӧльгым тӧлысьӧдз уджаліс «Сыктывдін» КР МР-са администрацияын районса администрацияӧн юрнуӧдысьӧн[3][4].
2019 вося кӧч тӧлыссянь ӧніӧдз уджалӧ Сыктывдін районса мортӧс ёнмӧдан да спорт сӧвмӧдан шӧринын спорт кузя инструкторӧн.
Общественнӧй удж
• 1999 восянь ӧніӧдз — «Коми войтыр» ӧтмунӧм: Исполкомӧ пырысь, Сыктывдінса представительствоӧн юрнуӧдысь, Исполкомса секретар;
• 2023 вося ӧшым тӧлысь 15-ӧд лунсянь 2024 вося сора тӧлысь 4-ӧд лунӧдз «Коми войтыр» ӧтмунӧмса Исполкомӧн веськӧдлысьлысь удж вӧчысь[5];
• 1999—2003 воясын вӧлі Сыктывдін районса депутатъяслӧн сӧветын, мӧдысь бӧрйӧм депутат;
• 2021 воын вӧлі «Зеленеч» СО депутатъяслӧн сӧветын, витӧдысь бӧрйӧм депутат;
• 2023 вося тӧвшӧр тӧлыссянь пырӧдчӧ Сыктывкарын Кулӧмдінса землячествоӧ да лоӧ землячество Сӧветӧн веськӧдлысьӧс вежысьӧн;
• Зеленеч сиктса культура керкалӧн самодеятельнӧй театрын участвуйтӧм[6][7].
• 2024 восянь — «Коми войтыр» ӧтмунӧмса Исполкомӧн веськӧдлысь[8].
Наградаяс
• «Коми Республикаса медбур муниципальнӧй служащӧй» республиканскӧй конкурсын призёр (2007 во);
• Коми Республикаса Почёт грамота (2010 во);
• Коми Республикаса национальнӧй политика министерстволӧн Почёт грамота (2010 во);
• Зеленеч сиктса почёта гражданин (2012 во);
• Коми Республикаын пытшкӧс делӧяс министерстволӧн Почёт грамота (2012 во);
• «Коми Республика водзын заслугаясысь» морӧсвыв пас (2015);
• Коми Республикаса Каналан Сӧветлӧн Почёт грамота (2016 во);
• Коми Республикаса Бӧрйысян комиссиялӧн Почёт грамота (2017 во);
• Россия Федерацияса Каналан Думасянь аттьӧалана гижӧд (2016 во).
Пасйӧдъяс
- ↑ Избран новый председатель исполкома МОД «Коми войтыр»
- ↑ Лажанев Олег Амвросиевич
- ↑ Коннин, А. На хозяйство Сыктывдина сел Олег Лажанев / Александр Коннин; фото Николая Антоновского // Молодежь Севера. 2012. 22 июня. С. 4
- ↑ Лажанев Олег Амвросиевич
- ↑ Олег Лажанев избран исполняющим обязанности председателя исполкома «Коми войтыр»// «Комиинформ» юӧр сетан агентство (2023.12.15 лун; рочӧн)
- ↑ Перова, Л. Вторая роль Олега Лажанева : глава администрации Сыктывдинского района играет в спектаклях народного театра / Лина Перова // Республика. 2013. 1 февр. С. 4
- ↑ Глава Сыктывдина в роли молодого жениха
- ↑ Веськӧдлысьяс (рус.). Коми войтыр. Шыӧдчан кадпас: 11 вӧльгым тӧлысь 2025.