Луд (гаж)

Босьтӧма Рувикиысь
Луд
"Луд" гажвывса проходка
"Луд" гажвывса проходка
Вежӧртас йӧзкостса обрядӧвӧй гаж
Вынсьӧдӧма 1997 восянь
Кадпас сора тӧлысьын медводдза шойччан лунъяс
Йитчӧма турун пуктан кад заводитчӧмкӧд

«Луд» - регионъяскостса традиционнӧй йӧзкостса гаж[1][2]. Сійӧ традиция серти мунӧ Изьва районын сора тӧлысьын медводдза шойччан лунъясӧ, турун пуктан кад заводитчан водзвылын: «Видзе пыран лун водзын» — «видзьяс вылӧ петан лун водзын». Тайӧ гаж вылӧ чукӧртчӧны Рочмуын став регионын олысь изьватас. Пырджык гажыс мунӧ 2 лун-вой.

2009 воын «Луд» пырис Коми Республикаса 11 дивӧ лыдӧ.
2006 воын «Луд» гажлы сетӧма республикаса гаж статус.
2013 воын гажсӧ пыртӧма нематериальнӧй культура озырлун объектъяслӧн регионса реестрӧ[3].
2015 воын сійӧс котыртысьяс лоисны «Грани театр масс» профессиональнӧй премияа лауреатъясӧн да «Страналӧн медбур национальнӧй гаж» нимпасын вермысьясӧн.

«Луд» гаж вылӧ быд во локтӧ уна гӧсьт да турист[4][5].

2024 воын «Луд» гаж лоас Изьва сиктын сора тӧлысь 6-7 лунъясӧ[6].

История

Тайӧ обряд гажсӧ изьватас пасйылісны Иван лунсянь Петыр виддзӧдз, турун пуктан кад заводитчан водзвылын. Важся гажсӧ эз нуӧдлыны сӧвет кадӧ, 1930-ӧд вояссянь, но 1990-ӧд воясӧ бӧр ловзьӧдісны.
Медводдзаысь сійӧс нуӧдісны 1997 воын. 2004 восянь сійӧс нуӧдӧны быд во[7].

Нуӧданног

"Луд" гаж вылын проходка кежлӧ дасьтысьӧм
"Луд" гаж вылын вӧрӧта
"Луд" гаж вылын вӧрӧтаӧн мунӧм
"Луд" гаж вылын вӧвъясӧн ордйысьӧмъяс
"Луд" гаж вылын вӧлӧн ордйысьӧмъяс

Гажлӧн медшӧр иныс — Изьва ю да Куръя ю костын дi. Кӧть и гажыс, вузасьӧм да фольклор коллективъяслӧн петкӧдчӧм мунӧ лунчӧж, но гажыслӧн кульминацияыс заводитчӧ рытнас вӧвъясӧн ордйысьӧмъяссянь и помасьӧ сӧмын шонді петігӧн. Стӧч тайӧ вуджан кадыс и иныс петкӧдлӧны гажлысь сакральностьсӧ.
Вӧвъяс - «Луд» гажлӧн медшӧр символъясысь ӧти. Важӧн гаж водзын вӧвъяссӧ лэдзисны луд вылӧ да котрӧдлісны найӧс кругӧн, медым найӧ видзисны омӧль вынъясысь, тшӧтш и талялісны турунсӧ, медым рытъя да асъя лысваыс эз кӧтӧд сарапан бӧжъяссӧ. Ӧнія традиция серти котыртӧны вӧвъясӧн ордйысьӧмъяс. Та дырйи вӧвъяс вылын пукалӧны ӧныртӧг.
Гажлӧн медся мича юкӧн да медшӧр ритуальнӧй действие – вӧрӧтаӧн мунӧм, тані участвуйтӧны Изьва районса быд сиктын, посёлокын да грездын олысь йӧз, а сідзжӧ мукӧд регионысь воӧм изьватас. Сійӧс шуӧны Гӧрд вӧрӧта. Нуӧдӧны сійӧс рытъя кадӧ. Мича национальнӧй паськӧма изьватас мунӧны йӧктӧмӧн да сьылӧмӧн став Изьва сикт кузя да вуджӧны Изьва ю мӧд берегӧ, ді вылас. Тані водзӧ йӧктӧны, гажӧдчӧны.
Том нывъяс пырӧдчӧны «Мича ижемка» конкурсӧ: налы колӧ не сӧмын петкӧдлыны ассьыныс мича традиционнӧй костюм, но и традиционнӧй культура серти тӧдӧмлунъяс. Тані жӧ котыртӧны и невестаяслысь хоровод, кӧні быттьӧн кӧ тӧдмасьӧны разнӧй сиктысь нывъяс да зонъяс, а гармошка вылын ворсысь зонъясӧс пыртӧны гармонистъясӧ.
Ді вылын, кӧні мунӧ гажыс рытнас да войнас, Изьва районса быд сикт, посёлок да грезд вӧчӧ ассьыс сикт (подворье). Найӧ чӧсмӧдлӧны гӧсьтъясӧс ас вӧчӧм пӧжасӧн, сёянӧн, юкваӧн.
«Луд» гажлӧн нӧшта ӧти традиция топыда йитчӧма мӧд муясӧ мунысьяскӧд. Гаж дырйи найӧ босьтӧны ичӧтик пу либӧ вужйӧдӧм быдмӧг Изьва муысь да сюйӧны сійӧс муӧ асланыс гортас Кола кӧджын либӧ Из сайын. Тайӧ быдмӧгыс – изьватас костын йитӧд[8].

Литература

  • Объекты нематериального культурного наследия Республики Коми : в 3 томах. Т. 1. Обрядовые, празднично-игровые и конфессиональные традиции / авторы текстов: А. В. Панюков, А. Н. Рассыхаев, В. Э. Шарапов [и др.] ; редактор: Д. И. Шомысов ; ответственный за выпуск: Л. В. Баева / Министерство культуры, туризма и архивного дела Республики Коми, Государственное автономное учреждение Республики Коми "Центр народного творчества и повышения квалификации". - Сыктывкар : ГАУ РК "ЦНТ и ПК", 2020. - 376 с. : ил., цв. ил., фот., портр. - 978-5-498-00767-0.
  • Изьвалы сьылöм = "Ижма одна на планете..." : фотоальбом / ред. Тимофеев / руков. проекта А. В. Ульянов ; авт. дизайна, лöсьöдысь Г. Ф. Хатанзейский. - Сыктывкар : Кола, 2010. - 115, [5] л. б. : серпас. - 978-5-7934-0362-7. - Логическое продолжение фотовыставки участников II семинара финно-угорских журналистов. - На рус., коми, англ. яз.
  • Луд - души услада / Коми республиканский методический центр культуры, искусства и народного творчества (Сыктывкар) ; отв. за вып.: Попова Т. В.. - Сыктывкар : [б. и.], 2007. - 42 с. : ил., цв.ил. - (Традиции живая нить ; Вып. 2). - На рус., коми яз.
  • Традиционный праздник коми-ижемцев "Луд" : методическое пособие / М-во культуры Рос. Федерации, М-во культуры Респ. Коми, Гос. автоном. учреждение Респ. Коми "Центр народного творчества и повышения квалификации" ; [авт.-сост.: Е. С. Ярцева и др.]. - Сыктывкар : ЦНТиПК, 2013. - 36 с., [2] л. цв. фото : ил. - Загл. обл.: ЛУД.
  • Луд - души услада [Текст : электронный ресурс] / Министерсто культуры и национальной политики Республики Коми, ГУ РК «Коми республиканский методический центр культуры, искусства и народного творчества» ; [ответственный за выпуск Попова Т. В.]. - (Сыктывкар : Национальная библиотека Республики Коми, 2015). - (Национальная электронная библиотека Республики Коми). - Загл. с экрана. - На рус., коми яз. - Текст (визуальный) : электронный.
  • Луд - традиционный праздник коми-ижемцев [Текст : электронный ресурс] : мойдын кодь мичлуныс ылöдз зэв нималö : [фотобуклет] / [МУК «Центр коми культуры г. Сыктывкара» ; составители: М. Низовцева, В. Самарина]. - (Сыктывкар : Национальная библиотека Республики Коми, 2015). - (Национальная электронная библиотека Республики Коми). - Загл. с экрана. - На рус., коми яз.
  • Ижемский праздник "Луд" : [сборник] / М-во культуры, туризма и архивного дела Респ. Коми, ГАУ РК "Центр народного творчества и повышения квалификации", Упр. культуры МР "Ижемский" ; отв. за выпуск Вокуева В. Я.. - Сыктывкар : Коми республиканская типография, 2021. - 99 с. : цв. ил., ил. - 978-5-7934-0973-5.
  • "Ижма одна на планете" [Изоматериал] = Изьвалы сьылöм : фотоальбом / ред. В. Н. Тимофеев ; рук. проекта А. В. Ульянов ; авт. дизайна, сост. Г. Ф. Хатанзейский. - Сыктывкар : Кола, 2010. - 115, [5] с. : цв. фото. - 978-5-7934-0362-7.

Ыстӧгъяс

  1. Национальный праздник «Луд»
  2. «Луд». Древнейший национальный праздник и бренд Коми
  3. Объекты нематериального культурного наследия Республики Коми : в 3 томах. Т. 1. Обрядовые, празднично-игровые и конфессиональные традиции / авторы текстов: А. В. Панюков, А. Н. Рассыхаев, В. Э. Шарапов [и др.] ; редактор: Д. И. Шомысов ; ответственный за выпуск: Л. В. Баева / Министерство культуры, туризма и архивного дела Республики Коми, Государственное автономное учреждение Республики Коми "Центр народного творчества и повышения квалификации". - Сыктывкар : ГАУ РК "ЦНТ и ПК", 2020. - 376 с. : ил., цв. ил., фот., портр. - 978-5-498-00767-0
  4. Народный праздник коми-ижемцев «ЛУД»
  5. Национальный праздник «Луд»
  6. ЛУД - 2024: ВСЕ УВИДЕТЬ, ВЕЗДЕ УСПЕТЬ
  7. Ижма – это ЛУД. А ЛУД – это Ижма
  8. Изьватас. Культура да традицияяс