Изьва (ю)
| Ижма | |
|---|---|
 Изьва ю Сосногорск кар дорын | |
| Характеристика | |
| Кузьта | 531 км |
| Ковтыс | 31 000 км² |
| Ва рӧскод | 317 м³/с (79 км ю вомсянь) |
| Ва визлас | |
| Ю йыв | |
| • Ин | Тиман нӧрыс |
| • Джуджда[?] | 197-ысь унджык м |
| • География координатаяс | 62°41′27″ с. ш. 55°00′40″ в. д.GЯO |
| Ю вом | Печӧра |
| • Ин | Изьвавом |
| • География координатаяс | 65°19′24″ с. ш. 52°54′28″ в. д.GЯO |
| Ин | |
| Ва система | Печӧра → Баренц саридз |
|
|
|
| Страна | |
| Регион | Коми Республика |
| Канму ва реестрын код | 03050300112103000075588[1] |
| Географическӧй нимъяслӧн канму каталогын номер | 0171122 |
|
|
|
 — исток,  — устье |
|
 Медиафайлы на РУВИКИ.Медиа | |
Изьва (рочӧн Ижма) — тайӧ Коми Республикаын ю (530 км). Печӧра юлӧн шуйга вож. Кузьтаыс — 531 км, ковтыслӧн ыджда — 31 000 км²[2].
Этимология
Эм видзӧдлас, мый нимыс воӧма кутшӧмкӧ кулӧм кывйысь, кӧні ежма (да ижма) кывъяслӧн вежӧртасыс вӧлі — «ю, вож». «Изьва» кыв формаыс коми кывйын артмӧма сы вӧсна, мый йӧзлы вӧлі гӧгӧрвотӧм Ижма кыв, сійӧс вежисны кыдз орчча Вуква, Колва да мукӧд ю нимъяс, кӧні коми кыв ва — «ю»[3]. Нганасанъяс да яранъяс нимтӧны орччӧн олысь комияссӧ ю ним серти — нгысыма, нгысма. Асьсӧ юсӧ яранъяс нимтӧны Ысма, Усмо. Тайӧ висьталӧ сы йылысь, мый Ижма формаыс важджык Изьва формаысь[4].
География
Изьва заводитчӧ лунвылын, Тиман нӧрыссянь[5], визувтӧ рытыв-войвылӧ. Ю йылын берегъясыс вӧр пытшкын, а кывтыдын берегъяс пӧлӧныс унджык видзьяс да нюръяс. Воргаыс чукыльӧсь, катыд да шӧр визулас эмӧсь изъя косьяс. Медыджыд косьыс — Сьӧлӧм-Кось — Сосногорскысь улынджык. Лач грездысь улынджык сулалӧ кузь да крут кось Лачкось[6]. Уква ю вомсянь Изьваӧдз позьӧ ветлыны судноясӧн. Уліас Изьва ёна паськалӧ, визулыс слабмӧ, юыс заводитӧ артмӧдны висъяс, куръяяс да гырысь діяс. Изьва усьӧ Печӧраӧ Изьваювом грезд дорын.
Медыджыд вожъясыс — Сьӧдъю, Уква, Кедва (шуйгавыв); Айюва, Сэбысь (веськыдвыв). Изьва ю вом дорысь, Поганӧй Нос кар мыльк вылысь аддзӧмаӧсь XI—XII нэмъясса эмторъяс: кӧрт чер паськыд дорӧн, кӧпьё йыв, ньӧв йывъяс, бронза воропа тывкӧрт, эм видзӧдлас, мый аддзӧмторъясыс Новгородса вот чукӧртысьяслӧн[7].
Оланінъяс
Вылыс визулас юыс визувтӧ Верхнеижемскӧй посёлок дорті, шӧр визулас, Изьваӧ Уква юлӧн усьӧминын, сулалӧ Сосногорск кар, 1957 воӧдз сійӧ шусис Ижмаӧн. Уква кар сулалӧ Сосногорсксянь 8 километр вылнаын Уква ю кузя. Аким грезд сулалӧ Сюзью вожын Изьва юлӧн шуйга берегын.
1881 вося «Вологодскӧй губернскӧй ведомостьясын» казьтывсьӧны Изьва ю катыдын Вӧлӧгда губерниялӧн пӧчинокъяс: Чердін пӧчинок, Роздін грезд, Чулкидін пӧчинок, Нямӧд, Лач грездъяс. 1896 воын Усть-Сысольск уездса Помӧсдін вӧлӧстьлӧн олан пунктъяс списокӧ пырисны Кушкодж да Одездін сиктъяс[8].
Том сикт дорын Изьва юлӧн веськыд берегын меститчӧмаӧсь мезолит кадся Очью Катище да Вылыс Том 2 сулаланінъяс[9].
Ва реестрса мыччӧдъяс
Рочмуса канму ва лыддьӧг серти Изьва ю пырӧ Двинско-Печорскӧй ковтыс кытшӧ, юлӧн водохозяйственнӧй юкӧныс — Печӧра Усва ю вомсянь Чилимдінса водомернӧй постӧдз, юлӧн улыс ковтыс — Печӧра Усва ю вомсянь улынджык.
Юыслӧн ю ковтыс — Печӧра[10].
Канму ва реестрын объектлӧн код — 03050300112103000075588[10].
Гидрология
Кынмӧ вӧльгым тӧлысь шӧрын, воссьӧ ода-кора тӧлысь шӧрын. Ваыслӧн шӧркодь визулыс ю вомсяньыс 79 км ылнаын — 317 м³/с. Ва содан ӧшмӧсыс ёнджыкасӧ лымъя.
Пасйӧдъяс
- ↑ Ресурсы поверхностных вод СССР: Гидрологическая изученность. Т. 3. Северный край / под ред. Н. М. Жила. — Л.: Гидрометеоиздат, 1965. — 612 с.
- ↑ Ижма (река в Коми АССР) // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
- ↑ Поспелов Е. М. Географические названия России: топонимический словарь. — Москва: АСТ; Астрель, 2008.. — С. 200. — 523 с. — ISBN 978-5-17-054966-5.
- ↑ Туркин А. И. Топонимический словарь Коми АССР. Сыктывкар: Коми книжное издательство, 1986.
- ↑ Изьва (ю) // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
- ↑ Топонимический словарь Коми АССР. — Сыктывкар: Коми книжное издательство. А. И. Туркин. 1986
- ↑ Макаров М. Русский север. Таинственное средневековье (рус.). www.booksite.ru. Шыӧдчан кадпас: 17 кӧч тӧлысь 2019. Архивируйтӧма 5 лӧддза-номъя тӧлысь 2021.
- ↑ Изваиль (рус.). atlas.ukhta-lib.ru. Шыӧдчан кадпас: 5 лӧддза-номъя тӧлысь 2021. Архивируйтӧма 4 косму тӧлысь 2017.
- ↑ Волокитина Н. А. Новый памятник эпохи мезолита на р. Ижма Очью Катище (рус.). www.archeo.ru (2020). Шыӧдчан кадпас: 5 лӧддза-номъя тӧлысь 2021. Архивируйтӧма 25 урасьӧм тӧлысь 2021.
- ↑ 1 2 Ижма : [рус.] / verum.wiki // Государственный водный реестр : [арх. 15 октября 2013] / Министерство природных ресурсов и экологии Российской Федерации. — 2009. — 29 марта.
- ↑ Izhma At Izhma (англ.). R-ArcticNET. Шыӧдчан кадпас: 22 кӧч тӧлысь 2019. Архивируйтӧма 29 ӧшым тӧлысь 2018.
