Лыткин Георгий Степанович

Видлалӧм гижӧд

Лыткин Георгий Степанович
Чужан лун	1835-ӧд вося лӧддза-номъя тӧлысь 6-ӧд лун(1835-06-06)
Чужанін	Сыктывкар, Вӧлӧгда губерния, Россияса империя
Кулан лун	1907-ӧд вося косму тӧлысь 4-ӧд лун(1907-04-04) (71 ар)
Куланін	Петыркар, Россияса империя
Мыйся уджыс	поэт, филолог, педагог, вуджӧдчысь, историк, этнограф, монголовед, Finno-Ugrist, педагог, учитель средней школы, гимназии

Лыткин Георгий (Юрий, Егор) Степанович (сідзжӧ Кача Степан пи Ёгуш либӧ Ёгуш, 1835–1907) — нималана коми югдӧдысь, коми кыв сӧвмӧдысь, туялысь, вуджӧдчысь, педагог, коми гижысь, монголовед. Г.С. Лыткин аслас олан кадӧ вӧлі зэв тӧдчана мортӧн. Сійӧс пыдди пуктісны Петыркарын, Вӧлӧгда губерняын, Калмыкияын.

Г.С. Лыткинӧс казьтылан пӧв, 2012 во

Олантуй

Георгий Лыткин чужис 1835 вося лӧддза-номъя тӧлысь 6-ӧд лунӧ (важ стильын — ода-кора тӧлысь 25-ӧд лунӧ) Усть-Сысольск карын гӧльмӧм купеч семьяын. 1848 воын помаліс уезднӧй училище, 1845 воын — Вӧлӧгдаса гимназия, а 1859 воын — Петербургса университетлысь Асыввыв факультет монгол-калмык курс серти. Зэв бура велӧдчӧмысь йӧзӧс велӧдан министерство сетіс сылы 300 шайта стипендия. «Исторический очерк знаменитого в буддийской иерархии ламы Зая-Пандиты, с показанием его влияния на распространение буддизма меду ойротами и ученых его заслуг для калмыцкой литературы» уджысь Петербургса университетса Учёнӧй сӧвет шуис дорйыны магистрлысь диссертация да наградитны зарни медальӧн.
Университет помалӧм бӧрын сійӧс, кыдзи медбур велӧдчысьӧс, ыстісны научнӧй командировкаӧ калмыкъяс дорӧ чукӧртны да туявны налысь важъя гижӧдъяс.
Воӧн-джынйӧн Г.Лыткин вӧлі калмык степьясын, чукӧртіс важ калмык литература паметникъяс.
Экспедицияысь воӧм бӧрын Г.Лыткинлы колӧ вӧлі лоны Петербургса университетын калмык кыв велӧдысьӧн, но 1861-ӧд воын корӧ ыстыны сійӧс Усть-Сысольскӧ уездса училищеяс смотрительӧн. Сылысь корӧмсӧ эз збыльмӧдны, но и университетын сійӧ эз кут уджавны.
Сы бӧрын Лыткин Г.С. оліс Петыркарын, велӧдіс школаясын да гимназияясын история да география, гижис велӧдчан небӧгъяс.
Россияын 1860-ӧд воясся гыалан кадӧ Г.С. Лыткин вӧлі пырӧ «Земля и воля» гуся революционнӧй котырӧ. Тайӧ котырнас веськӧдлісны Н.Г. Чернышевский — ӧтарсянь, мӧдарсяньыс — А.И. Герцен да Н.П. Огарев, кодъяс вӧліны Лондонын. Котырлӧн медшӧр вынъясыс вӧліны Москваын, а Петыркарын «Земля и воля» котырӧ пырисны медъёна том йӧз, на лыдын и Г.С. Лыткин. Сылӧн квартираас вӧлі гуся типография.
1871-ӧд восянь кувтӧдзыс Георгий Лыткин велӧдіс петербургса Ларинск да 6 №-а гимназияын .
Куліс 1907 вося косму тӧлысь 4-ӧд лунӧ (важ стильын — косму тӧлысь 22-ӧд лунӧ) Петыркарын.

Гижан удж

Студенталігӧн сійӧ босьтчыліс гижны кывбуръяс. 1855 воын сылысь вӧлі йӧзӧдӧма кык гижӧд: «Коми бӧрданкыв Николай Мудрый кулӧм вылӧ» да «Коми кыв-вор Александр Николаевич царство пуктысьӧм вылӧ». Сэки жӧ сійӧ гижӧ «Ном» да «Сьӧлӧм пессьӧм» кывбуръяс. Кывбуралысьыс аслас гижӧдъясын петкӧдлӧма мортлысь эбӧссӧ, мукӧддырйи тшӧтш эбӧстӧмлунсӧ, либӧ серпасалӧма шудсӧ да сійӧс воштӧмсӧ. «Ном» кывбур важ коми литература туялысьяс шуӧмаӧсь «психологическӧй этюдӧн». «Оланвылан туйӧй» кывбурын сёрниыс мунӧ сы йылысь, мый чужан мусянь, гортсянь ылын олысь ӧтка мортлы мукӧддырйи овлӧ зэв сьӧкыд, мортыс та кадӧ вермӧ чегсьыны, воштыны асьсӧ.
Водзӧ Г.Лыткин эз нин босьтчыв лӧсьӧдавны поэтическӧй гижӧдъяс, а став сьӧлӧмнас пырӧдчис вуджӧдчӧмӧ да научнӧй уджӧ. Медтӧдчанаторйӧн сылӧн лои «Зырянскӧй край при епископах пермских и зырянский язык» книга.
Георгий Степанович пуктіс ассьыс пай тшӧтш серпаса коми литература лӧсьӧдӧмӧ. Сійӧ петкӧдлӧма ассьыс енбисӧ кыдзи вуджӧдчысь, комиӧдӧма роч кыв вылысь. Пасйылӧм нин «Зырянский край при епископах Пермских и зырянский язык» небӧгын эмӧсь татшӧм юкӧнъяс: «Переводы с русского языка на зырянский», «Переводы с зырянского языка на русский» (тані вайӧдӧма мойдъяс да с.в.). Эм «Молитвы» — «Келмӧмъяс» юкӧн. Вуджӧдӧмӧн йӧзӧдӧма тшӧтш «Жизнеописание св. Стефана, просветителя зырян» - «Коми войтырӧс Кристос нимӧ пыртысь вежа Степанлӧн олӧм-вылӧмысь». Водзӧ нуӧдіс, сӧвмӧдіс Г.С.Лыткин коми войтырлысь уна нэмся нин традиция — вуджӧдіс вичко гижӧдъяс, небӧгъяс торъя нин Петыркарын оліг-ужалігӧн. Г.С. Лыткин вуджӧдіс тшӧтш коми кыв вылӧ К.Д.Ушинскийлысь мойдъяс да сьыланкывъяс. Тайӧн сійӧ петкӧдліс, мый коми кыв вылын позьӧ гижны и мойдъяс, и кывбуръяс, и сьыланкывъяс.
Г.С. Лыткинлӧн видзӧдласъясыс вӧлі топыда йитчӧмаӧсь кристиана культуракӧд. Дерт, эз ӧтдортлы сійӧ тшӧтш мукӧд йӧзлысь культура — шуам, ас кадӧ сійӧ туявлӧма калмыкъяслысь оласногсӧ да важ гижӧдъяссӧ — «асыввывса» войтырлысь (найӧ, кыдзи тӧдса, Буддалы эскысь ламаистъяс). Век жӧ ёнджыкасӧ сійӧ вӧлі коми история да культура туялысь-велӧдысь, кыдзи шулісны войдӧр, «зыряновед», сідзжӧ коми культура сӧвмӧдысь.

Георгий Лыткинӧс ёна кыскылӧма коми фольклор. Та йылысь висьталӧны сылӧн татшӧм пасйӧдъяс: «Луна коми ногӧн Тӧлысь… Мифологияын комияс ловзьӧдӧны Шонді, Тӧлысь — найӧ ставсӧ вӧчӧны тшӧтш йӧз моз. Сідз, Шонділӧн эм пи, Тӧлысьлӧн эм гӧгапи..». Шонді, Тӧлысь паныдасьлӧны Ёгушлӧн некымын кывбурын. Корсюрӧ налы лӧсялӧ аслыспӧлӧс вежӧртас.

Илля Вась унакодь гижліс Г.С. Лыткин йылысь, нимӧдіс сійӧс «коми гижӧдлӧн ыджыдайӧн». 1926-ӧд воӧ Канкарын лэдзӧм «Коми гижысьяс» небӧгын (сійӧс вӧлі сиӧма Ёгушлы) Илля Вась висьталӧма коми туялысь да гижысь йылысь, сылӧн гижан удж да олан туй йывсьыс. Илля Вась пасйӧма да вайӧдӧма Г.С. Лыткинлысь «Олан-вылан туйӧй» кывбур, сэки жӧ нимтӧма сійӧс «сьыланлыддянӧн». В.И. Лыткин пасйӧма тшӧтш: «Тайӧ сьыланлыддяныс (ас киӧн гижӧм) меным сюри Наукаяс Академияысь. Сэні нӧшта на эмӧсь Степан Ёгорлӧн сьыланлыддянъяс» А.К. Микушев «Коми литература да народная поэзия» небӧгын (Сыктывкар, 1961), казьтылӧма Г.С. Лыткинлысь «Ыджыд вӧт», «Вӧйпӧм коми йӧзлы», «Кутш, каля, курӧг» да мукӧд кывбура гижӧд. Г.С. Лыткин кывбуръяссӧ мукӧд дырйи лӧсьӧдлӧма некымын вариантын, абу ӧтчыдысь дасьтылӧма гижӧдсӧ. Дерт, мукӧд вариантсӧ коми поэзия туялысьяс донъявлӧмаӧсь абу ӧткодя кыдзи ХІХ-ӧд нэмӧ, сідз и бӧръяджык кадӧ.
Г.С.Лыткин эскӧма тӧдӧмлунӧ, велӧдчӧмӧ, шыӧдчӧма коми морт дорӧ кывбура визьӧн, висьталӧма татшӧм кӧсйӧм: «...Бур гижӧдӧн сяммӧдсьыны».

Медшӧр литература гижӧдъяс

• Зырянин I. C. Л. Тотьма: путевые замечания в трех письмах // Лучи (СПб.). — 1853. — №3. — С. 162-167; №5. — С. 303-310; №7. — С. 8-11; Зыряне и зырянский край в литературных документах XIX века / сост., вступ. ст. В. А. Лимеровой. — Сыктывкар, 2010. — С. 196–204.
• Зырянин I. C. Л. // Лучи (СПб.). — 1855. — Т. 13, №9. — С. 248-255.
• Ëгуш. Арся ном; Сьöлöм пессьöм // Коми сикт. — 1926. — Май 22 лун.
• Ëгуш. Олан-вылан туйöд // Коми гижысьяс. — Москва, 1926. — 13-14 л. б.; Войвыв кодзув. — 1971. — 5 №. — 61 л. б.
• Ëгуш. Сьöлöм пессьöм // Войвыв кодзув. — 1971. — 5 №. — 61 л. б.
• Ëгуш. Комар; Беспокойство сердца / пер. на рус. яз. А. Смольникова // Антология коми поэзии. — Сыктывкар, 1981. — С. 28-29.
• «Тырмас узьны, Коми йӧзӧй!..» : кывбуръяс // Арт = Лад. — 2015. — №3. — С. 23-26.

Туялан удж

Лыткин Г.С. 1859-1861 воясӧ ветліс экспедицияӧ калмыкияса степъясӧ (Астрахань да Ставрополь губерняясӧ, Донскӧй войска обласьтӧ). Тайӧ ветлігас аддзис важся калмык литературалысь некымын гижӧд, вуджӧдіс да йӧзӧдіс. Туясьӧмъяс бӧрын сійӧс кутісны лыддьыны тӧдчана археограф-калмыковедӧн да монголоведӧн, важся калмык да монгол гижан культура туялысьӧн.

Медшӧр наука уджъяс

• Зырянское слово на восшествие на престол Александра Николаевича = Коми кывворъ Александр Николаевич сарсвö пуксьöм вылö. – СПб., 1855 (Тип. И. И. Глазунова). – [4] с. Авт. указан в конце текста. – На коми-зырян., рус. яз.
• Божественная литургия святого отца нашего Иоанна Златаустаго = Вежа мijaн аjлöн зарнiвома Iоаннлöн Jeнлы кесjaлöм / пер. Г. С. Лыткин. – СПб., 1883 (Синодальная тип.). – [4], 120, IY с. – Загл. обл. : Литургия Иоанна Златоуста. – На церковнославянском, коми яз.
• Русско-вотско-зырянский словарь. – Санкт-Петербург: Синод. Тип., 1884. – 60 с. (Прилож. к : «Зырянский край при епископах Пермских и зырянский язык». СПБ.,1889)
• Коми бöрдъ-кывъ Николай Мудрöй кулöм вылö = Зырянское слёзное слово на кончину Николая Мудрого. – СПб., 1855 (Тип. И. И. Глазунова). – [4] с. Авт. указан в конце рус. текста. – На рус., коми яз.
• Миян господьлöн Иисус Кристослöн вежа буръюöр Матвейсянь / коми кыв вылö выльысь пуктыс Г. С. Лыткин. – Репринт. изд. – Питер : Академия наукалöн Кiстома гижтанпас öктанiнын, 1973. –73 л. б. – Вых. дан. ориг.: Пiтiр: Академijа наукалöн Кiстома гiжтанпас öктанiнын, 1882. – На коми яз. (латиница).
• Псалтирь = Ошкансьылöм / Зырян. пер. составлен Г. С. Лыткиным, преп. С.-Петербург. 6-й гимназии. – Санкт-Петербург, 1885. – 249 с. – На рус., зырян. яз.
• Святое Евангелие от Матфея, Марка, Луки и Ионанна и Деяния святых апостолов = Вежа бурjyöр Матвеjсан, Марксан, Лукасан, Иоаннсан, сесса Вежа апостолjаслöн керöмjасыс / на зырян. яз. пер. Г. С. Лыткин, преп. С.-Петербург. 6-й гимназии. – Санкт-Петербург, 1885. – 558 с.
• Зырянско-вотско-русский букварь и сведения из грамматики церковно-славянского и русского языка. – Санкт-Петербург, 1887. – 31 с. (Прилож. к : «Зырянский край при епископах Пермских и зырянский язык». СПБ.,1889)
• Зырянский край при епископах пермских и зырянский язык: пособие при изучении зырянами русского языка / сост. Г. С. Лыткин, преп. С.-Петербург. шестой гимназии, отдел 1. Зырянский край при епископах Пермских, отдел 2. Зырянский язык. – Санктпетербург : Типография Императорской Академии наук (Вас. Остр., 9 л., №12), 1889. – VIII, 88, IV, 232 с., 2 вкл. л. с. – Часть текста парал. рус., коми.
• Учебник общей географии / Сост. Г. С. Лыткин, преп. Шестой С.-Петерб. гимназии. [1]-. – Санкт-Петербург : тип. Ф. Елеонского и К°, 1888-1890.
• Курс 1-го класса : Сведения из математической, физической и политической географии. – 1888. - VI, 63 с.
• Курс 2-го класса : Африка, Австралия, Азия и Америка. – 1890. – [4], 116 с., 3 л. табл.
• Курс 3-го класса : Европа. – Санкт-Петербург : тип. А. Катанского и К°, 1890. – [2], 127 с., 3 л. табл.
• Учебник общей географии / Сост. Г.С. Лыткин, препод. С.-Петерб. шестой гимназии. - 2-е изд., испр. и доп. черт. [1-3]. – Санкт-Петербург : тип. А. Катанского и К°, 1894-1898. - Содерж.: [1]. Курс 1 класса. Сведения из математической, физической и политической географии. [2]. Курс 2 класса. Африка, Австралия, Азия и Америка. [3]. Курс 3 класса. Европа
• Букварь зырянско-русско-церковнославянский / сост. Г. С. Лыткин. – СПБ., 1900 (Синодальная тип.). – 24 с.
• Зырянскiя народныя произведенiя с переводомъ на русскiй языкъ (перепечатано изъ кн. «Зырянскiй край и Зырянскiй язык») / сост. Г. С. Лыткин. – Санкт-Петербург, 1901 (Синодальняя тип.). ( Первая книга для чтенiя).
• Русско-зырянский словарь = Роча комiа кылчукöр: составлен по рукописному словарю Н. П. Попова. – Ленинград: Изд-во академии наук, 1931. – 366 с.
• Русско-зырянский словарь [Электронный ресурс] / Г. С. Лыткин ; ГБУ РК «Национальная библиотека Республики Коми». – Сыктывкар : Национальная библиотека Республики Коми, 2015. – 1 электрон. опт. диск (DVD-ROM).
• Зырянский край при епископах Пермских и зырянский язык, 1383-1501 : пособие при изучении зырянами русского языка / Г. С. Лыткин ; вступ. ст. В. И. Буганова и Л. Н. Смоленцева. – Репринт. воспроизведение издания 1889 г. – Москва : Русское рекламное изд-во, 1995. – 232, [126] с., [3] л. ил. – На пер. авт. не указан. – Коми, рус. – Загл. корешка : Святитель Стефан Пермский.
• Вежа миян айлöн зарнивома Иоаннлöн енлы кесъялöм = Божественная литургия иже во святых отца нашего Иоанна Златаустаго / пер. Г. С. Лыткин. – Перепеч. с Синодального изд. 1883 г. – Сыктывкар : Эскöм, 1996. – 159, [1] л. б. – На церковнославянском, коми яз.
• Пятисотлетие Зырянского края. – Москва: Книга по требованию, 2011. – 58 с.
• Пятисотлетие Зырянского края // Журнал Министерства народного просвещения. — 1883. — №12.— С. 275-326.
• По вопросу о зырянском языке и зырянской грамоте : (ответ на замечания г. А.П.) // Журнал Министерства народного просвещения. — 1884. — №12.— С. 96-198.

Паметь

1930-ӧд воясӧ Г.С. Лыткинлысь нимсӧ тупкылісны, а сылӧн наука туялӧмъясыс да литература гижӧдъясыс вӧлі шуӧма идеология боксянь вреднӧйӧн да ковтӧмӧн.
1994-ӧд воын «Зырянский край при епископах Пермских и зырянский язык» — сылӧн медшӧр уджыс вӧлі выльысь йӧзӧдӧма. Стӧч тайӧ кадсянь Г.С. Лыткинлысь творчество выльысь заводитісны туявны.
2012-ӧд воын Сыктывкарын восьтісны Георгий Лыткинлы сиӧм казьтылан пӧв «Октябр» кинотеатр стенын.

Литература

• Обрезкова А. П. Новонайденные письма Г. С. Лыткина к Н. И. Ильинскому.– Казань: ДАС, 1998. – 14 с. : ил.
• С любовью к зырянскому краю : к 175-летию со дня рождения одного из основоположников коми национальной культуры, лингвиста, историка, переводчика Г. С. Лыткина : методико-библиографические материалы / Нац. б-ка Респ. Коми, Отд. краевед. и нац. лит. ; сост. Е. П. Березина, В. Н. Казаринова. – Сыктывкар : НБ РК, 2010. – 22 с., [1] л. портр. с.
• Попов Д. Отзыв о книгах Г. С. Лыткина // Вологодские епархиальные ведомости. 1904. №5. С. 126-138. О книгах «Краткая грамматика зырянского языка и зыряно-русские словари», «Зыряне и зырянский край».
• Аралов И. Г. С. Лыткин (Некролог) // Известия по народному образованию. Санкт-Петербург, 1907. Ч. XIII. С. 298-304.
• Георгий Степанович Лыткин : некролог // Русская школа. 1907. №4. С. 76-77.
• Жаков К. Ф. Г. С. Лыткин // Сквозь строй жизни / К. Ф. Жаков. СПб., 1912. Т. 2. С. 36.
• Чеусов А. А. Г. С. Лыткин // Удж. 1921. 8 мая; Югыд туй. 1924. Апр. 1 лун.
• Г. С. Лыткин : [к 15-летию со дня смерти] // Югыд туй. 1922. Апр. 5 лун.
• Лыткин Юрий Степанович // Вологжане-краеведы / Александр и Алексей Веселовские. Вологда, 1923. С. 58-59.
• Георгий Степанович Лыткин : (к 88-годовщине рождения) // Коми му (Усть-Сысольск). 1924. № 4-6. С. 42-43, портр.
• Чеусов А. А. К воспоминаниям о Георгии Степановиче Лыткине // Коми му (Усть-Сысольск). 1924. № 4-6. С. 43-44.
• Лыткин Степан-Егöр // Коми гижысьяс / лӧсьöдiс Илля Вась. Москва, 1926. 9-24 л. б.
• Зоргенфрей Г. Г. Георгий Степанович Лыткин // Коми му (Усть-Сысольск). 1927. № 4-5. С. 47-49
• Старцев А. А. Несколько слов о Г. С. Лыткине // За новый Север. 1936. 10 авг.
• Забоев А. Ученöй, педагог, лингвист // Войвыв кодзув. 1971. 5 №. 58-60 л. б.
• Лыткин В. И. У истоков коми литературного языка (о деятельности Г. С. Лыткина) // Север. 1976. № 5. С. 125-128.
• Бадмаев А. В. Научный вклад Г. С. Лыткина в калмыковедение (Из истории отечественного калмыковедения) // Актуальные проблемы калмыцкой филологии. Элиста, 1979. С. 191-213.
• Лыткин В. И. Г. С. Лыткин // История коми литературы: в 3-х т. Сыктывкар, 1980. Т. 2. С. 75-84.
• Костромина И. Кодi медводз комиöдiс Пушкинöс // Войвыв кодзув. 1983. 11 №. 50 л. б. Пер. загл. : Кто первым перевл А. С. Пушкина на коми.
• Костромина И. О словарях Г. С. Лыткина // Вопросы лексикологии и словообразования коми языка. Сыктывкар, 1984. С. 114-129. (Труды ИЯЛИ КФАН СССР, вып. 31).
• Георгий Степанович Лыткин : биогр. справка // Исследователи Коми края. Сыктывкар,1984. С. 51-52.
• Костромина И. Медводдза коми ученöй-лингвист // Войвыв кодзув. 1985. 6 №. 40-44 л. б. Пер. загл. : Первый коми ученый-лингвист.
• Немшилова З. «Аслыссяма Инсаровлöн волi…» // Югыд туй. 1987. Март 3 лун. Пер. загл. : «Был своего рода Инсаровым…»
• Георгий Степанович Лыткин : биогр. справка // Советский энциклопедический словарь. Москва, 1990. С. 742.
• Лыткин (Георгий Степанович) // Энциклопедический словарь Ф. А. Брокгауз и И. А. Ефрон : [в 82-х т.]. Москва, 1991. Т. 35: Лопарк-Малолетние преступники. С. 133. (Репринт. изд., 1890).
• Александров И. Эз вунöдлы некор // Коми му. 1994. Январ 11 лун. Пер. загл. : Не забывал никогда.
• Дёмин В. Н. Лыткин Георгий Степанович (1835-1907) // Энциклопедически словарь школьника. Коми литература. Сыктывкар, 1995. С. 157-160.
• Дёмин В. Н. Философ коми языка Г. С. Лыткин (1835-1907) // На небе звезда / В. Н. Демин. Сыктывкар, 1995. С. 120-126.
• Туркин А. И. Лыткин Георгий Степанович (06.06. 1835 - 04.04. 1907) // Коми язык: энциклопедия. Москва, 1998. С. 243-246.
• Плосков И. Георгий Лыткинлöн поэзия // Войвыв кодзув. 1999. 6 №. 77-80 л. б. Пер. загл. : Поэзия Георгия Лыткина.
• Георгий Степанович Лыткин : биогр. справка // Всемирный биографический словарь. Москва, 2000. С. 444.
• Мартынов В. И. Георгий Степанович Лыткин // Литераторы земли Коми / В. И. Мартынов. Сыктывкар, 2000. С. 100-102.
• Жеребцов И. «Безукоризненное служение науке» // Связь времен. Сыктывкар, 2000. С. 187.
• Ванеев А. Велöдысь, гижысь, ученöй: очерк // Войвыв кодзув. 2000. 6 №. 55-62 л. б. Пер. загл. : Учитель, писатель, ученый: к 165-летию со дня рождения ученого.
• Ванеев А. Е. Георгий Степанович Лыткин // Коми-зырянское просветительство. Сущность и своеобразие / А. Е. Ванеев. Сыктывкар, 2001. С. 123-145.
• Плосков И. А. Егушлöн серпаса, кывбура гижöдъяс // Коми гижан культура панысъяс / И. А. Плосков, Е. А. Цыпанов. Сыктывкар, 2002. 74-83 л. б. Пер. загл. : Поэтические произведения Г. С. Лыткина.
• Лыткин Георгий (Юрий) Степанович // Российские исследователи коми языка: биобиблиогр. указатель. Сыктывкар, 2007. С. 244-251.
• Лудыкова В. М. Роль Г. С. Лыткина в развитии коми языкознания // Вопросы финно-угорской филологии: межвуз. сб. науч. тр. Сыктывкар, 2010. Вып. 1. (6). С. 5-15.
• Артеев А. С участием однофамильцев: в Сыктывкаре открыли мемориальную доску // Республика. 2012. 16 нояб. С. 3: фот.
• Лыткин Георгий (Юрий) Степанович // Коми язык в литературных переводах: биобиблиогр. указатель. Сыктывкар, 2013. С. 191-195.
• Цыпанов Е. А. Лыткин Георгий (Юрий) Степанович // Исследователи коми языка: биобиблиогр. словарь. Сыктывкар, 2017. С. 164-167.
• Владимиров Е. Георгий Лыткин. «Зырянский патриот» // Регион. 2020. № 4-5 (Апр.-Май). С. 49.

Ыстӧдъяс