Мартышин Максим Юрьевич
| Максим Юрьевич Мартышин | |
|---|---|
 | |
|
| |
_(2005).png){kind=small} «Сыктывкар» муниципальнӧй юкӧнлӧн юралысь — администрацияӧн веськӧдлысьлысь удж вӧчысь
.png){kind=small} |
|
| 2025 вося моз тӧлысь 28-ӧд лун | |
|
|
|
| Чужис |
1979-ӧд вося рака тӧлысь 29-ӧд лун (47 арӧс) |
| Велӧдчӧм | |
| Учёнӧй степень | юридическӧй наукаяс кандидат[d] |
Мартышин Максим Юрьевич (1979-ӧд вося рака тӧлысь 29-ӧд лун, Инта, Коми АССР) — россияса канморт, «Сыктывкар» муниципальнӧй юкӧнлӧн юралысь — администрацияӧн веськӧдлысьлысь удж вӧчысь (2025 вося моз тӧлысь 28-ӧд лунсянь)[1].
Олантуй
Чужис 1979 вося рака тӧлысь 29-ӧд лунӧ Коми АССР-са Инта карын.
Велӧдчӧм
2001 воын помаліс Сыктывкарса канму университет «история» специальносьт серти. 2005 воын помаліс Канму службаӧ да веськӧдлыны велӧдан Коми Республикаса академия «юриспруденция» специальносьт серти. 2010 воын дорйис юридическӧй наукаяс кандидатлысь степень босьтӧм вылӧ «Государственная тайна как объект конституционно-правового регулирования» диссертация[2].
Удж
Заводитіс уджавны 2001 воын Сыктывкарса администрациялӧн удж видзӧм кузя юкӧнын специалистӧн. 2002 вося сора тӧлысьын индісны Сыктывкарса администрацияӧ нуӧдысь специалистӧн, сэсся шӧр специалистӧн да сы бӧрын мобилизационнӧй да торъя удж кузя отделӧн веськӧдлысьӧс вежысьӧн. 2006 вося косму тӧлыссянь 2009 вося вӧльгым тӧлысьӧдз вӧлі Сыктывкарса администрациялӧн торъя уджтасъясӧн веськӧдланінса начальникӧн. 2009 вося вӧльгым тӧлыссянь 2011 вося кӧч тӧлысьӧдз уджаліс Сыктывкарса администрацияӧн веськӧдлысьӧс вежысьӧн[1].
2012 вося кӧч тӧлыссянь 2013 вося урасьӧм тӧлысьӧдз уджаліс Канму службаӧ да веськӧдлыны велӧдан Коми Республикаса академияын уголовнӧй право да процесс кафедраса доцентӧн.
2013 вося урасьӧм тӧлыссянь кӧч тӧлысьӧдз уджаліс Петыркарса сервис да экономика канму университетса Сыктывкарса филиалын директорӧн.
2013 вося кӧч тӧлыссянь 2015 вося рака тӧлысьӧдз вӧлі Канму службаӧ да веськӧдлыны велӧдан Коми Республикаса академияын кафедраса доцентӧн, государственно-правовӧй дисциплинаяс кафедраӧн веськӧдлысьӧн.
2015 вося рака тӧлыссянь 2015 вося ӧшым тӧлысьӧдз вӧлі Коми Республикаса том йӧзлӧн агентствоӧн юрнуӧдысьӧс вежысьӧн
2016 вося сора тӧлыссянь 2020 вося вӧльгым тӧлысьӧдз — Коми Республикаса вынйӧр сӧвмӧдан да спорт министрӧс вежысь[3].
2020 вося ӧшым тӧлыссянь 2021 вося урасьӧм тӧлысьӧдз уджаліс Коми Республикаса Юралысьлӧн администрацияын йӧзкӧд йитӧдъясӧн веськӧдланінса начальникӧн.
2021 вося рака тӧлыссянь ӧшым тӧлысьӧдз — канму пытшкӧсса политика да гражданскӧй йӧзкотырса институтъяскӧд йитӧд кутӧм кузя веськӧдланінса начальник.
2022 вося лӧддза-номъя тӧлыссянь — Коми Республикаса юстиция министрӧс вежысь[4]. 2023 вося йирым тӧлысьын индісны Коми Республикаса юстицияса министрӧс медводдза вежысьӧн[5].
2025 вося моз тӧлысь 28-ӧд лунӧ индӧма «Сыктывкар» муниципальнӧй юкӧнлӧн юралысь — администрацияӧн веськӧдлысьлысь удж вӧчысьӧн[6][7]. Чин вылӧ бӧрйӧмыс лоас 2025 вося ӧшым тӧлысьын.
Ас олӧм
Гӧтыра, эм кык ныв.
Пасйӧдъяс
- ↑ 1 2 Временно исполняющий полномочия главы МО ГО «Сыктывкар» - руководителя администрации (рус.). МО ГО «Сыктывкар». Шыӧдчан кадпас: 21 йирым тӧлысь 2025.
- ↑ Мартышин М.Ю. Государственная тайна как объект конституционно-правового регулирования (рус.). rusneb.ru. Шыӧдчан кадпас: 21 йирым тӧлысь 2025.
- ↑ Максим Мартышин: «Если мои опыт и знания нужны городу, то все они будут применены» (рус.). БНКоми (27 моз тӧлысь 2025). Шыӧдчан кадпас: 21 йирым тӧлысь 2025.
- ↑ В Минюсте Коми назначен новый замминистра (рус.). Минюст РК. Шыӧдчан кадпас: 21 йирым тӧлысь 2025.
- ↑ Первый заместитель министра юстиции региона Максим Мартышин ответил на вопросы жителей Эжвинского района (рус.). Минюст РК. Шыӧдчан кадпас: 21 йирым тӧлысь 2025.
- ↑ Мэр Сыктывкара Владимир Голдин ушел в отставку (рус.). БНКоми (27 моз тӧлысь 2025). Шыӧдчан кадпас: 17 йирым тӧлысь 2025.
- ↑ Максим Мартышин стал врио мэра Сыктывкара (рус.). БНКоми (27 моз тӧлысь 2025). Шыӧдчан кадпас: 17 йирым тӧлысь 2025.