Мошков Борис Николаевич

Босьтӧма Рувикиысь
Рувикиын эмӧсь мукӧд йӧз йылысь статьяяс, кодъяслӧн овыс Мошков.
Борис Николаевич Мошков
Мошков Борис Николаевич.jpg
Чужан лун 1922 вося лӧддза-номъя тӧлысь 17-ӧд лун
Чужанін  Юрьевец, Иваново-Вознесенскӧй губерния, РСФСР
Кулан лун 1984 вося лӧддза-номъя тӧлысь 24-ӧд лун
Куланін  Юрьевец, Иваново обласьт, РСФСР, СССР
Канму  СССР
Войска сикас авиация
Служитан вояс 1941—1946
Звание Капитан ВВС СССР
Часьт 431-ӧд штурмӧвӧй авиация полк
Чин штурмӧвӧй эскадрильяса командир
Тышъяс/вӧйнаяс Айму вӧсна Ыджыд тыш
Наградаяс да премияяс
Сӧветскӧй Союзса Герой
Ленин орден Гӧрд Дӧрапас орден Гӧрд Дӧрапас орден Гӧрд Дӧрапас орден
Александр Невскӧй орден Гӧрд Кодзув орден Юбилейная медаль «За доблестный труд (За воинскую доблесть). В ознаменование 100-летия со дня рождения Владимира Ильича Ленина» «1941—1945 воясся Айму вӧсна Ыджыд тышын Германияӧс вермӧмысь» медаль
SU Medal Twenty Years of Victory in the Great Patriotic War 1941-1945 ribbon.svg SU Medal Thirty Years of Victory in the Great Patriotic War 1941-1945 ribbon.svg «Берлин босьтӧмысь» медаль SU Medal For the Liberation of Warsaw ribbon.svg
SU Medal 30 Years of the Soviet Army and Navy ribbon.svg SU Medal 50 Years of the Armed Forces of the USSR ribbon.svg SU Medal 60 Years of the Armed Forces of the USSR ribbon.svg
Советская гвардия

Мошков Борис Николаевич (1922 вося лӧддза-номъя тӧлысь 17-ӧд лун, Юрьевец, Иваново-Вознесенскӧй губерния, РСФСР — 1984 вося лӧддза-номъя тӧлысь 24-ӧд лун, Юрьевец, Иваново обласьт, РСФСР) — штурмӧвӧй авиацияса лётчик, Айму вӧсна Ыджыд тышын участвуйтысь, Комиысь Сӧветскӧй Союзса Герой (1944). Гвардияса капитан (1944)[1][2].

Олантуй

Борис Мошков чужис 1922 вося лӧддза-номъя тӧлысь 17-ӧд лунӧ Юрьевец карын (ӧні — Иваново обласьт). Помаліс Юрьевецса 1 №-а шӧр школаысь кӧкъямыс класс 1940 воын. Уджаліс вӧр сортируйтысьӧн Унженскӧй сплавнӧй контораын, уджкӧд ӧттшӧтш 1941 воын помаліс Кинешмаын аэроклуб.

1941 вося косму тӧлысьын Мошковӧс босьтісны служитны Гӧрд Армияӧ. Мӧдӧдӧмаӧсь курсантӧн бомбардировщик пилот Постав карса авиация школаӧ (Белорусскӧй ССР). Айму вӧсна Ыджыд тыш заводитчӧм бӧрын школаысь личнӧй составсӧ вӧлі зэв сьӧкыда эвакуируйтӧма асыввылӧ. Материальнӧй базатӧг кольӧм бӧрын школасӧ вӧлі бырӧдӧма, а велӧдысьясӧс да курсантъясӧс мӧдӧдӧмаӧсь Чкалов карӧ. Сэні 1942 вося сора тӧлысьын Борис Мошков помалӧма К. Е. Ворошилов нима лётчикъяслысь Чкаловскӧй военнӧй авиация школа. Сержант званиеын сійӧс босьтісны лётчикӧн 431-ӧд штурмӧвӧй авиация полкӧ. 1943 вося ода-кора тӧлысьын Мошковлы сетісны младшӧй лейтенант воинскӧй звание. Сійӧ жӧ воас вӧлі примитӧма ВКП (б)-ӧ.

1943 вося тулыс помын полкыс Айму вӧсна Ыджыд тыш фронт вылӧ. Участвуйтіс Курск вӧсна тышын. Воюйтіс Центральнӧй, Белорусскӧй да медводдза Белорусскӧй фронтъяс вылын. Участвуйтіс Орловскӧй, Черниговско-Припятскӧй (Днепр вӧсна тыш), Гомельско-Речицкӧй, Калинковичско-Мозырскӧй, Рогачевско-Жлобинскӧй, Белорусскӧй, Висло-Одерскӧй, Восточно-Померанскӧй, Берлинскӧй наступайтана операцияясын. Моз тӧлысь 5-ӧд лунӧ Орёл районын тыш дырйи сійӧ ранитчис, но регыд бӧр воис фронт вылӧ[3].

1944 вося ода-кора тӧлысь кежлӧ старшӧй лейтенант Борис Мошков вӧлі медводдза Белорусскӧй фронтса 16-ӧд сынӧдса армиялӧн 299-ӧд штурмӧвӧй авиадивизияса 431-ӧд штурмӧвӧй авиаполкса эскадрильяса командирӧс вежысьӧн. Сэк кежлӧ сійӧ вӧчис 106 боевӧй рейс, участвуйтіс 14 сынӧдса тышын, ачыс уськӧдіс 2 вражескӧй самолёт да нӧшта 2 самолёт уськӧдіс сылӧн стрелокыс. Штурмуйтігӧн ачыс бырӧдіс 22 танк, 70 автомашина, полевӧй да зенитнӧй артиллериялысь 34 орудие, боеприпасъяс тыра некымын склад, военнӧй грузъяс тыра пароход, 2 гырысь пос, 700 сайӧ гитлеровецӧс[3].

СССР-са Медвылыс Сӧвет Президиумлӧн 1944 во моз тӧлысь 19-ӧд лунся Индӧдӧн «немецкӧй захватчикъяскӧд тыш нуӧдігӧн командованиелысь боевӧй заданиеяс образцӧвӧя олӧмӧ пӧртӧмысь да та дырйи повтӧмлун да геройство петкӧдлӧмысь» старшӧй лейтенант Борис Николаевич Мошковлы сетӧма Сӧветскӧй Союзса Герой ним Ленин орден да 3071 №-а «Зарни Кодзув» медаль сетӧмӧн[3].

Сійӧ жӧ луннас сылӧн полкыс да дивизияыс пӧлучитісны гвардейскӧй званиеяс да кутісны шусьыны 174-ӧд гвардейскӧй штурмӧвӧй авиация полкӧн да 11-ӧд гвардейскӧй штурмӧвӧй авиация дивизияӧн. Тайӧ полкын гвардияса капитан Б. Н. Мошков воюйтіс Вермӧмӧдз. 1945 вося ода-кора тӧлысь 9-ӧд лун кежлӧ сылӧн вӧлӧма нин 140 боевӧй лэбзьӧм, на лыдысь 82 штурмовикъяслӧн нуӧдысь группаӧн. Ачыс бырӧдіс 27 танк, 107 автомашина, 40 орудие, боеприпасъяс тыра 7 склад, 2 пос, ювывса пароход, прӧтивниклысь уна ловъя вын. Тышкасис 22-ысь сынӧдын, кӧні уськӧдіс прӧтивниклысь 4 самолёт. Тайӧ подвигъясысь 1945 вося ода-кора тӧлысьын сійӧс вӧзйисны нёльӧд Гӧрд Дӧрапас орден вылӧ, но эз сетны[3]

1945 вося ода-кора тӧлысь помын веськалӧма автомобильнӧй аварияӧ да сьӧкыда чегӧма коксӧ. Та вӧсна врачебнӧй комиссия шуис, мый сійӧ лӧсялӧ уджавны сӧмын неыджыд вылнаті лэбалысь да неыджыд ӧдъя авиацияын. 1946 вося рака тӧлысьын гвардияса капитан Б. Н. Мошковӧс уволитӧмаӧсь запасӧ.

Бӧр воис чужан Юрьевец карӧ, уджаліс медводзсӧ лесхозын гаражӧн заведуйтысьӧн, вӧр овмӧсӧн веськӧдлысьӧн. 1948 воын бӧр локтіс гражданскӧй авиацияӧ. 1948 восянь - Гражданскӧй воздушнӧй флотса лётчикъяслӧн Красный Кут карса авиация училищеын лётчик-инструктор.

1949 восянь уджаліс гражданскӧй авиацияса Коми веськӧдланінын: вӧлі Изьва сиктса аэропортса начальникӧн, Сыктывкарса торъя авиаотрядса пилот-инструкторӧн, Ан-2 самолётса командирӧн, Ли-2, Ил-14, Ан-10 самолётса командирӧн.

1955 воын помалӧма гражданскӧй воздушнӧй флотлысь высшӧй лётнӧй подготовка кузя Ульяновск карса школа.

1960 восянь уджаліс Сталинградса гражданскӧй авиация управлениеын. 1961 восянь — С. Орджоникидзе нима Горьков карса авиазаводын самолётса командир. Сылӧн вӧлі «медводдза класса лётчик» квалификация да 9370 час лэбалӧм. 1970 восянь пенсия вылын[4]

Сэсся бара воис чужан Юрьевец карӧ. Кувсис 1984 вося лӧддза-номъя тӧлысь 24-ӧд лунӧ, дзебӧмаӧсь Юрьевец карса важ шойна вылӧ[3].

Наградаяс

• Сӧветскӧй Союзса Герой(1944.08.19);
• «Зарни Кодзув» медаль (1944.08.19);
• Ленин орден (1944.08.19);
• Куим Гӧрд Дӧрапас орден (1943.08.24, 1943.12.20, 1944.04.14);
• Александр Невскӧй орден (1944.11.15);
• Гӧрд Кодзув орден (1943.07.12);
• СССР-са медальяс[3]

Паметь

• мемориалъяс Юрьевецын, Ивановоын да Костромаын;
• Кинешмаса аэроклубын мемориальнӧй пӧв;
• Юрьевецса школаын, кӧні велӧдчылӧма Мошков, сувтӧдӧма мемориальнӧй пӧв[2].

Пасйӧдъяс

  1. ↑ Книга памяти Республики Коми. Мошков Борис Николаевич
  2. ↑ 1 2 Репортаж 28. Наш Герой – капитан авиации Мошков Борис Николаевич
  3. ↑ 1 2 3 4 5 6 Мошков Борис Николаевич (рус.). Сайт «Герои страны».
  4. ↑ Мошков Борис Николаевич на сайте «Красные Соколы» Архивса копия 6 ода-кора тӧлысь 2020 Wayback Machine ресурсын.

Литература

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
• Голубев Е. П. Боевые звёзды. — Кострома, 2009. — С.449-450.
• Подвиг. 3-е издание, испр. и доп. — Ярославль, 1980.
• Книга памяти Республики Коми. Т. 12 / сост., редакторы : А. А. Карпов, О. А. Сергичева, Л. Н. Двинская. — Сыктывкар, 2013.
• Книга Памяти Ивановской области. Т.6. – Иваново, 1995.
• 16-я воздушная / Г. К. Пруссаков, А. А. Васильев, Ф. С. Лучкин. – М., 1973

Ыстӧгъяс

Босьтӧма "https://kv.ruwiki.ru/w/index.php?title=Мошков_Борис_Николаевич&oldid=473894"-ысь