Носов Владимир Николаевич

Владимир Николаевич Носов
Владимир Николаевич Носов
Чужан лун	1988 вося косму тӧлысь 14-ӧд лун
Чужанін	Мӧскашор,; Чилимдін район, Коми АССР
Кулан лун	2022 вося рака тӧлысь 26-ӧд лун
Куланін	Любимовка, Запорожье обласьт
Канму	Россия
Войска сикас	саридзса пехота
Звание	; гвардияса капитан
Чин	ротаса командир
Тышъяс/вӧйнаяс	Сирияын тыш,; Украинаын тыш

Носов Владимир Николаевич (1988 вося косму тӧлысь 14-ӧд лун, Мӧскашор,Чилимдін район, Коми АССР — 2022 вося рака тӧлысь 26-ӧд лун, Любимовка, Запорожье обласьт) — россияса военнослужащӧй, гвардияса капитан. Балтика флотса Суворов да Александр Невскӧй орденъяса 336-ӧд торъя гвардейскӧй Белостокскӧй саридзса пехота бригадаса медводдза десантно-штурмӧвӧй ротаса командир. Комиысь Россияса Герой (кувсьӧм бӧрас, 2022)^[1].

Олантуй

Носов В. чужис 1988 вося косму тӧлысь 14-ӧд лунӧ Коми АССР-са Чилимдін районса Мӧскашор сиктын^[2]. 2006 воын помаліс кадетъяслысь шӧр школа. Школаын велӧдчигӧн занимайтчис спортӧн, вӧлі «Беркут» военно-патриотическӧй клубса командирӧн^[3].

Школа помалӧм бӧрын пырис армияса генерал В. Ф. Маргелов нима Рязаньса медвылыс воздушно-десантнӧй команднӧй училищеӧ. 2011 восянь лейтенант В. Носов служитіс Россия Федерацияса армияын уна сикас воинскӧй часьтын командир чинъясын. Участвуйтіс Сирияын тышын. 2016 вося вӧльгым тӧлыссянь 2017 вося ода-кора тӧлысьӧдз командуйтіс саридзса пехота группаӧн, кодъяс могмӧдісны «Королёв» ыджыд десант корабльлысь безопасносьтсӧ Мушӧр саридзын ылі поход дырйи^[3].

Водзӧ Суворов да Александр Невскӧй орденъяса 336-ӧд торъя гвардейскӧй Белостокскӧй саридзса пехота бригадаса медводдза десантно-штурмӧвӧй ротаса командир Балтика флот составын. Торъя заданиеяс бура олӧмӧ пӧртӧмысь наградитӧма медальясӧн^[3].

2022 вося рака тӧлысь 8-ӧд лунсянь участвуйтіс Украинаын военнӧй действиеясын. Россия Фдерацияса оборона министерстволӧн юӧр серти, Запорожье обласьтса Любимовка грездын капитан Носовлӧн своднӧй рота отсаліс петны кытшысь саридзса пехота роталы. Военнӧй ведомстволӧн мыччӧдъяс серти, морпехъяс петісны кытшысь, но Владимир Носов кувтӧдзыс ранитчис косьын^[3]^[4]^[5].

Россия Федерацияса Президентлӧн 2022 во ода-кора тӧлысь 25-ӧд лунся Индӧдӧн воинскӧй мог олӧмӧ пӧртігӧн повтӧмлунысь да героизмысь гвардияса капитан Владимир Николаевич Носовлы сетӧма Россия Федерацияса Герой ним (кувсьӧм бӧрас). Геройлысь «Зарни Кодзув» медаль сетіс сылӧн семьялы Военно-Морскӧй флотса главнӧй командующӧй адмирал Н. А. Евменов 2022 вося лӧддза-номъя тӧлысь 22-ӧд лунӧ Петыркарын Россия Федерацияса Военно-Морскӧй флотлӧн Главнӧй штабын^[3].

Дзебӧмаӧсь воинскӧй почётӧн 2022 вося косму тӧлысь 9-ӧд лунӧ Чилимдін районса Мӧскашор сиктын^[6].

Владимир Носов вӧлі гӧтыра. Оксана гӧтырыскӧд да Диана нылыскӧд олӧмаӧсь Балтийскын.

Наградаяс

• Россия Федерацияса Герой ним;
• «Зарни Кодзув» медаль;
• медальяс.

Паметь

• Владимир Носовлысь нимсӧ сетӧмаӧсь Балтикаса флотлӧн 21980 проектса «Грачонок» противодиверсионнӧй катерлы. «Владимир Носов» катер базируйтчӧ Балтийскын^[4].
• 2022 вося кӧч тӧлысьын, Мӧскашор сиктын, кадетскӧй школа керка дорын, кӧні велӧдчис Носов, вӧлі восьтӧма памятник. Сійӧ жӧ вося йирым тӧлысьын кадетскӧй школалы сетісны Владимир Носовлысь нимсӧ^[6].
• 2022 вося кӧч тӧлысьын Калининград обласьтын, Балтийск карын 4 №-а шӧр школалы вӧлі сетӧма Владимир Николаевич Носовлысь ним, школаӧ пыранін водзын сувтӧдӧма казьтылан пӧв^[7].

Пасйӧдъяс

↑ Герои страны: Носов Владимир Николаевич
↑ Уроженцы Коми — Герои России: кто они
↑ ¹ ² ³ ⁴ ⁵ Светлана Песоцкая. «Я с ними должен быть»: Командир десантно-штурмовой роты Балтийского флота Владимир Носов в Донбассе спас морпехов ценой своей жизни // Российская газета. — 2022. — 6 сора тӧлысь.
↑ ¹ ² Денис Ивлев. Сорвал нападение ВСУ: погибшему в ходе спецоперации гвардии капитану Носову вручили звание Героя РФ посмертно (неопр.). Красная Звезда (3 вӧльгым тӧлысь 2022). Шыӧдчан кадпас: 2022-17-06.
↑ «Настоящий офицер»: детали подвига Героя России Владимира Носова (неопр.). РенТВ. Шыӧдчан кадпас: 3 вӧльгым тӧлысь 2022.
↑ ¹ ² Кадетской школе в Коми присвоили имя погибшего в Донбассе Героя России Владимира Носова (неопр.). ТАСС (13 йирым тӧлысь 2022). Шыӧдчан кадпас: 3 вӧльгым тӧлысь 2022.
↑ Школе в Балтийске присвоили имя Владимира Носова (неопр.) (3 вӧльгым тӧлысь 2022). Шыӧдчан кадпас: 15 вӧльгым тӧлысь 2022.

Ыстӧгъяс

• Дуденко А. В память о беспримерном мужество офицера. Первым Героем России на Балтийском флоте в ходе специальной военной операции на Украине стал гвардии капитан Владимир Носов. // Красная звезда. — 2022. — 8 июля. — С.3.

[1] Герои страны: Носов Владимир Николаевич

[2] Уроженцы Коми — Герои России: кто они

[РГ-3] ¹ ² ³ ⁴ ⁵ Светлана Песоцкая. «Я с ними должен быть»: Командир десантно-штурмовой роты Балтийского флота Владимир Носов в Донбассе спас морпехов ценой своей жизни // Российская газета. — 2022. — 6 сора тӧлысь.

[Звезда-4] ¹ ² Денис Ивлев. Сорвал нападение ВСУ: погибшему в ходе спецоперации гвардии капитану Носову вручили звание Героя РФ посмертно (неопр.). Красная Звезда (3 вӧльгым тӧлысь 2022). Шыӧдчан кадпас: 2022-17-06.

[5] «Настоящий офицер»: детали подвига Героя России Владимира Носова (неопр.). РенТВ. Шыӧдчан кадпас: 3 вӧльгым тӧлысь 2022.

[ТАСС-6] ¹ ² Кадетской школе в Коми присвоили имя погибшего в Донбассе Героя России Владимира Носова (неопр.). ТАСС (13 йирым тӧлысь 2022). Шыӧдчан кадпас: 3 вӧльгым тӧлысь 2022.

[7] Школе в Балтийске присвоили имя Владимира Носова (неопр.) (3 вӧльгым тӧлысь 2022). Шыӧдчан кадпас: 15 вӧльгым тӧлысь 2022.

[1]

[2]

[3]

[4]

[5]

[6]

[7]