Чилимдін район

Босьтӧма Рувикиысь
район[1] / муниципальнӧй район[2]
Чилимдін район
«Чилимдін» муниципальнӧй район
Река Пижма (Усть-Цилемский район Коми).jpg
Дӧрапас Канпас
Дӧрапас Канпас
65°26′02″ с. ш. 52°09′03″ в. д.GЯO
Страна  Россия
Адм. шӧрин Чилимдін
Муниципальнӧй районса юралысь — администрацияӧн веськӧдлысь Канев Николай Митрофанович
Сӧветӧн веськӧдлысь Сергей Николаевич Хозяинов[3]
История да география
Артмӧдан кадпас 1929 вося сора тӧлысь 15-ӧд лун
Ыджда 42,5 сюрс км²[4]
Час кытш MSK (UTC+3:00)
Олысь лыд
Олысь лыд

↘10 756[5] морт (2021)

  • (1,49 %)
Олысь лыд (квадратнӧй километр му вылын) 0,25 морт/км²
Войтырсикасъяс рочьяс (93 %), комияс (5 %)
Конфессияяс поморса староверъяс (80%)
Официальнӧй сайт
Чилимдін район «Чилимдін» муниципальнӧй район на карте
Логотип РУВИКИ.Медиа Медиафайлы на РУВИКИ.Медиа

Чилимдін район (рочӧн Усть-Цилемский район) — Россия Федерацияса Коми Республикаын административно-территориальнӧй единица да муниципальнӧй юкӧн (муниципальнӧй район).

Административнӧй шӧрин — Чилимдін сикт.

Чилимдін район пырӧ Ылі Войвыв районъяс лыдӧ[6].

География

Чилимдін район меститчӧма Коми Республикалӧн рытыв-войвылын. Орчча войвывсянь Яран асвеськӧдлан кытшкӧд, лунвывсянь — Удора да Княжпогост районъяскӧд, асыввывсянь — Изьва районкӧд да Ускар муниципальнӧй кытшкӧд, рытыввывсянь — Кардор обласьткӧд[7].

Чилимдінсянь Сыктывкарӧдз 664 км[7].

Районлӧн ыдждаыс — 42,5 сюрс км²[7], унджык мутасыс (45 %) вевттьысьӧма вӧрӧн, но ыджыдджык юкӧнсӧ босьтӧны нюрсялӧм эрдъяс да кустарникъяс. Медсясӧ тайӧ козъя вӧръяс, кӧні быдмӧны пожӧм да кыдз. Паныдасьлӧ сус пу.

Ывласямыс торъялӧ кӧдзыд кузь тӧлӧн да шӧркодя шоныд гожӧмӧн. Тӧвшӧр тӧлысьлӧн шӧркодь температураыс −17,5°С, сора тӧлысьлӧн — +14°С. Вогӧгӧрся шӧркодь зэр-лымйыс 480 мм[7].

Чилимдін районлысь мутассӧ позьӧ условнӧя юкны 3 сикас вылӧ:
• Шыльыд вӧрса тундра — Шапкина, Сосью да Йӧрса юяслӧн улыс да шӧр визув;
• Чильма, Пижма, Тӧбысь да Неридз  (рус.) (коми юяслӧн ковтысыс полугорнӧй.
• Печӧра ю кывтыдын 235 км кузьта ойдлан тыяслӧн, висъяслӧн, діяслӧн озыр система.

Чилимдін районын меститчӧма Коми Республикаын 31,1 км² ыджда медся ыджыд Ямозеро, коді лоӧ тыа-йиа колясӧн. Районлӧн медся рытыв-войвылын куйлӧны чериӧн озыр Ыджыд (12,6 км²) да Ичӧт (7,1 км²) Косминскӧй тыяс. Печӧра юлӧн шуйга берегын куйлӧ ыджда сертиыс (8,8 км²) медыджыд ойдлан тыяс пиысь ӧти — Ыджыд Мыльскӧй. Печӧра ю вомын, Окунев Нос сиктсянь асыввывлань 4 км ылнаын куйлӧ дуб ваа Ларьково  (рус.) (коми ты. Сійӧ пырӧ «Ларьковоса» гидрологическӧй (нюрвывса) заказниклӧн мутасӧ.

Вӧр-ва памятникъяс

Чилимдін районын эм 3366,42 км² ӧтувъя ыдждаа 12 канму вӧр-ва заказник[8]:
• Ыджыд заказник, 767 га (лӧсьӧдӧма турипув быдмӧм да рӧдмӧдӧм вылӧ условиеяс видзӧм да экологияын ӧтувъя ӧтвесьталун кутӧм могысь).
• Вӧр-ва памятник — Медвежӧй ді вылын сус пу (лӧсьӧдӧма торйӧн дона пӧрӧда — сибирса сус пу видзӧм могысь. Памятниклӧн научнӧй тӧдчанлуныс сыын, мый тайӧ медся рытыв-войвыв пу быдманін, кӧні вӧръясын сус пу оз паныдасьлы).
• Ларьковоса заказник, нюрвыв, 14000 га (артмӧдӧма турипув быдмӧм да рӧдмӧдӧм вылӧ условиеяс видзӧм да экологияын ӧтувъя ӧтвесьталун кутӧм могысь);
• Мыльса заказник, ботаническӧй, 2000 га (лӧсьӧдӧма реликтнӧй быдмӧг комплекс видзӧм могысь);
• Нонбургса заказник, ботаническӧй, 2000 га (лӧсьӧдӧма реликтнӧй быдмӧг комплекс видзӧм могысь);
• Океан заказник, нюрвыв, 178975 га (артмӧдӧма сы могысь, медым видзны Эжва йыв пармаын тшӧкыда паныдасьлысь вылыс нюрсӧ);
• Палагинскӧй заказник, ботаническӧй (вӧр), 500 га (лӧсьӧдӧма сы могысь, медым видзны войвыв пармалӧн зонаувса улын быдмысь лыска пу участок. Заказникын видзӧны бонитетлӧн IV класса ниа пуктасъяс);
• Пижмаса заказник, комплекснӧй, 97000 га (лӧсьӧдӧма сы могысь, медым видзны карстовӧй рельефа ландшафтъяс, шоча паныдасьлысь быдмӧг сикаса юбердса козъя да ниа вӧръяс);
• Косминскӧй ты (ихтиологическӧй заказник), сулалӧ Косма ю бассейнын, Нонбург грездсянь 184 км ылнаын. Тыас олӧ уна сикас дона чери;
• Ямозеро — Комиын медыджыд водоём (31,1 км² ыджда);
• Изъя Вальса заповеднӧй ю (сьӧмга кульман ю).

История

Чилимдін район ӧнія мудоръясын Чилимдін сиктын административнӧй шӧринӧн артмӧдӧма да пыртӧма Коми АССР-ӧ 1929 вося сора тӧлысь 15-ӧд лунӧ. Мутас сертиыс тайӧ Коми Республикаса медся ыджыд да этша йӧза районъясысь ӧти[9].

1911 вося тӧвшӧр толысь 1 лунӧ Чилимдін сиктын вӧлі восьтӧма Печӧраса видз-му овмӧс опытнӧй станция, коді лоис Россиялӧн Европейскӧй Войвылын медводдза научно-исследовательскӧй учреждениеӧн. Сылы подулӧн вӧліны 1902—1910 воясӧ Андрей Журавскийӧн мусӧ комплекснӧя экспедиционнӧя туялӧм. Бӧрыннас сійӧ лоис опытнӧй станцияса медводдза директорӧн. Станция уджаліс 1957 воӧдз, сылӧн уджӧн район лои племеннӧй скӧт видзӧм да кӧрым вӧдитӧм сӧвмӧдӧмын передӧвӧй научнӧй мӧвпъяс пропагандируйтан шӧринӧн.

1930 воын заводитісны стрӧитны ыджыд промышленнӧй предприятие — Чилимдінса няр завод. 1932 воын нин завод сетіс медводдза продукция[9].

1932 вося тӧвшӧр тӧлысь 1 лунӧ Чилимдін лои Печӧра ювывса флотлӧн шӧринӧн, тані вӧлі Печӧра пароходстволӧн управление. Тайӧ жӧ воас официальнӧя воссис медводдза сынӧд трасса, Чилимдінӧ пуксис медводдза самолёт, коді лэбис Архангельск-Лешуконскӧй-Чилимдін-Нарьян-Мар маршрут кузя. Карпушевка грездын вӧлі лӧсьӧдӧма Ухтапечтрестса авиация база кыдзи Войвыв мутасъяс освоитан медводдза опорнӧй пункт[9].

Районын тайӧ воясас медшӧр отрасльяс пиысь ӧтиӧн лои вӧр лэдзӧм. 1933 воын котыртісны Чилимдінса леспромхоз. Воысь воӧ содісны леспромхозлӧн производственнӧй заданиеяс. 1940/41 воясся сезонӧ вӧлі заптӧма 95 сюрс кубометр вӧр[9].

1940 воын заводитіс уджавны районса мӧд ыджыд предприятие — Наркомпищепромлӧн вый-сыр завод. Тані вӧчлісны швейцарскӧй, голландскӧй, ярославскӧй сыръяс, нӧк, рысь, мороженӧй, кефир да мукӧд сикас прӧдукция.

Районлӧн эм уна сикас минерально-сырьевӧй позянлун: ломтас-энергетическӧй ресурсъяс, руда минеральнӧй сырьё (боксит рудаяс, благороднӧй металлъяс, алмазъяс), абу руднӧй минеральнӧй сырьёлӧн дзонь комплекс. Гырысь экономическӧй шӧринъяссянь ылысмӧм да пыр ӧткодя ветлан транспортлӧн абутӧмыс падмӧдӧ промышленносьтлысь сӧвмӧмсӧ[9].

1988 воын вӧчисны самолётъяслы пуксян-лэбзян полоса, сэсся сы подув вылын стрӧитісны дзонь аэропорт[7].

Йӧз

Олысь лыд
2002[10]2009[11]2010[12]20112012[13]2013[14]
15 408↘13 913↘13 036↘12 944↘12 656↘12 355
2014[15]2015[16]2016[17]2017[18]2018[19]2019[20]
↘12 122↘11 898↘11 689↘11 552↘11 326↘11 166
2020[21]2021[22]
↘11 056↘10 756
5000
10 000
15 000
20 000
2011
2016
2021

Муниципально-территориальнӧй тэчас

Чилимдін районын 11 сикт овмӧдчӧмин[23]:

№Муниципальнӧй
юкӧн		Административнӧй
шӧрин		Оланін
лыд		Олысь лыд
(2020)
(морт)		Ыджда
(км²)
1e-06Сикт овмӧдчӧмин:
1ЙӧрмидзЙӧрмидз сикт3↘278[24]1980,20
2ЗамежнӧйЗамежнӧй сикт8↘1288[24]8937,31
3МӧскашорМӧскашор сикт5↘1359[24]1171,40
4НеридзНеридз сикт1↘212[24]1070,80
5Новӧй БорНовӧй Бор посёлок2↘693[24]6445,30
6Окунев НосОкунев Нос сикт2↘506[24]4312,90
7БугаевБугаев сикт2↘256[24]1885,10
8ТрусовТрусов сикт5↘1101[24]6508,30
9УегУег сикт2↘137[24]1581,39
10ЧилимдінЧилимдін сикт5↗4880[24]7238,00
11ХабарихаХабариха сикт2↗346[24]1483,75

Оланінъяс

Чилимдін районын 37 оланін: 10 сикт, 5 посёлок да 22 грезд.

Коми ним Роч ним Статус Олысь лыд

(2007)

Пошта

индекс

Сикт

овмӧдчӧмин

Боровскӧй Боровская грезд 102 169483 Замежнӧй
Бугаев Среднее Бугаево сикт 327 169491 Бугаев
Бык Бык грезд 3 169480 Хабариха
Верховскӧй Верховская грезд 3 169483 Замежнӧй
Вылыс Бугаев Верхнее Бугаево грезд 104 169491 Бугаев
Новӧй Бор Новый Бор посёлок 798 169495 Новӧй Бор
Высокӧй Гӧра Высокая Гора грезд 0 169480 Чилимдін
Гарев Гарево грезд 103 169488 Мӧскашор
Журавскӧй Журавский посёлок 86 169488 Мӧскашор
Загривочнӧй Загривочная грезд 329 169483 Замежнӧй
Замежнӧй Замежная сикт 747 169483 Замежнӧй
Йӧрмидз Ермица сикт 296 169496 Йӧрмидз
Карпушев Карпушевка грезд 435 169488 Мӧскашор
Крестовка Крестовка грезд 62 169492 Окунев Нос
Лёвкинскӧй Лёвкинская грезд 14 169483 Замежнӧй
Лёждуг Лёждуг грезд 59 169496 Йӧрмидз
Мӧскашор Коровий Ручей сикт 241 169488 Мӧскашор
Медвежка Медвежка посёлок 253 169494 Новӧй Бор
Мыза Мыза грезд 58 169487 Уег
Мыла Мыла грезд 126 169485 Трусов
Неридз Нерица сикт 267 169482 Неридз
Нонбур Нонбург грезд 99 169485 Трусов
Окунев Нос Окунев Нос сикт 685 169492 Окунев Нос
Рочев Рочево грезд 275 169485 Трусов
Сергеев-Шелля Сергеево-Щелья грезд 197 169480 Чилимдін
Синегорье Синегорье посёлок 378 169484 Чилимдін
Скитскӧй Скитская грезд 187 169483 Замежнӧй
Степановскӧй Степановская грезд 356 169483 Замежнӧй
Трусов Трусово сикт 729 169485 Трусов
Уег Уег сикт 256 169487 Уег
Филиппов Филиппово грезд 415 169485 Трусов
Хабариха Хабариха сикт 490 169490 Хабариха
Харъяга Харъяга посёлок 275 169497 Йӧрмидз
Черногорскӧй Черногорская грезд 94 169483 Замежнӧй
Чилимдін Усть-Цильма сикт 4951 169480 Чилимдін
Чукчин Чукчино грезд 654 169488 Мӧскашор
Бор Бор грезд 17 169480 Чилимдін

Экономика

Печӧраса Пижма ковтысын восьтӧма титан сора му куйлӧдъяс[25][26][27][28].

Пижмаса куйлӧдсӧ лыддьӧны комплекснӧя уджӧдан объектӧн. Предприятиелӧн прӧдуктъясӧн лоӧны титан (илменит да лейкоксен) концентратъяс[29]. Куйлӧдын эм Ичӧтъюса алмазъяслӧн да зарнилӧн девонскӧй россыпь[30].

Нималанторъяс

• А. В. Журавский нима историко-мемориальнӧй музей;
• Чилимдінса горка;
• Чилимдінса рудникъяс.

Пасйӧдъяс

  1. ↑ Коми Республикаса административно-территориальнӧй тэчас серти
  2. ↑ Коми Республикаса муниципальнӧй тэчас серти
  3. ↑ В Усть-Цилемском районе прошло первое заседание вновь избранных депутатов муниципального совета (рус.). Комиинформ (7 йирым тӧлысь 2025). Шыӧдчан кадпас: 7 йирым тӧлысь 2025.
  4. ↑ Муниципальный район «Усть-Цилемский» (рус.). Администрация МР. Шыӧдчан кадпас: 7 йирым тӧлысь 2025.
  5. ↑ Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более. Итоги Всероссийской переписи населения 2020 года. На 1 октября 2021 года. Том 1. Численность и размещения населения (рус.) (XLSX). Шыӧдчан кадпас: 26 кӧч тӧлысь 2025. Архивируйтӧма 1 кӧч тӧлысь 2022.
  6. ↑ Об утверждении перечня районов Крайнего Севера и местностей, приравненных к районам Крайнего Севера, в целях предоставления государственных гарантий и компенсаций для лиц, работающих и проживающих в этих районах и местностях, признании утратившими силу некоторых актов Правительства Российской Федерации и признании не действующими на территории Российской Федерации некоторых актов Совета Министров СССР. Шыӧдчан кадпас: 7 йирым тӧлысь 2025.
  7. ↑ 1 2 3 4 5 Кокошина В. Усть-Цилемский район // Республика Коми. Энциклопедия. Том III. — Сыктывкар: Коми книжное издательство, 2000. — С. 218.
  8. ↑ Природные достопримечательности (рус.). Администрация МР. Шыӧдчан кадпас: 6 йирым тӧлысь 2025.
  9. ↑ 1 2 3 4 5 История (рус.). Администрация МР. Шыӧдчан кадпас: 7 йирым тӧлысь 2025.
  10. ↑ Всероссийская перепись населения 2002 года. Том. 1, таблица 4. Численность населения России, федеральных округов, субъектов Российской Федерации, районов, городских поселений, сельских населённых пунктов - райцентров и сельских населённых пунктов с населением 3 тысячи и более.
  11. ↑ Численность постоянного населения Российской Федерации по городам, посёлкам городского типа и районам на 1 января 2009 года.
  12. ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов.
  13. ↑ Численность населения Российской Федерации по муниципальным образованиям. Таблица 35. Оценка численности постоянного населения на 1 января 2012 года.
  14. ↑ Численность населения Российской Федерации по муниципальным образованиям на 1 января 2013 года. — М.: Федеральная служба государственной статистики Росстат, 2013. — 528 с. (Табл. 33. Численность населения городских округов, муниципальных районов, городских и сельских поселений, городских населённых пунктов, сельских населённых пунктов).
  15. ↑ Оценка численности населения по городским округам, муниципальным районам, поселениям и городским населённым пунктам Республики Коми на 1 января 2014 года.
  16. ↑ Численность населения Российской Федерации по муниципальным образованиям на 1 января 2015 года.
  17. ↑ Численность населения Российской Федерации по муниципальным образованиям на 1 января 2016 года.
  18. ↑ Численность населения Российской Федерации по муниципальным образованиям на 1 января 2017 года.
  19. ↑ Численность населения Российской Федерации по муниципальным образованиям на 1 января 2018 года.
  20. ↑ Численность населения Российской Федерации по муниципальным образованиям на 1 января 2019 года.
  21. ↑ Численность населения Российской Федерации по муниципальным образованиям на 1 января 2020 года.
  22. ↑ Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более.
  23. ↑ Закон Республики Коми от 5 марта 2005 года № 11-РЗ «О территориальной организации местного самоуправления в Республике Коми». Шыӧдчан кадпас: 7 йирым тӧлысь 2025. Архивируйтӧма 13 вӧльгым тӧлысь 2016.
  24. ↑ 1 2 3 4 5 6 7 8 9 10 11 Численность населения Российской Федерации по муниципальным образованиям на 1 января 2020 года (рус.). Шыӧдчан кадпас: 26 кӧч тӧлысь 2025. Архивируйтӧма 17 йирым тӧлысь 2020.
  25. ↑ Титан, титановая руда добыча в Коми. bport.info. Шыӧдчан кадпас: 7 йирым тӧлысь 2025. Архивируйтӧма 17 сора тӧлысь 2019.
  26. ↑ Цаплин А. Е., Тополюк В. В., Бакулина Л. П., Довжикова Е. Г. Строение титаноносной малоручейской свиты Среднего Тимана // Изв. вузов. Геология и разведка. 1988. № 9. С. 57-62.
  27. ↑ Макеев А. Б., Дудар В. А., Макеев Б. А. Возможные источники полезных компонентов месторождения Ичетъю // Сыктывкарский минералогический сборник. 2002. № 31. С. 117—123.
  28. ↑ Макеев А. Б., Макеев Б. А., Филиппов В. Н. Ниобиевые и титановые минералы проявления Ичетъю (Средний Тиман) // Материалы совещания «Новые горизонты в изучении процессов магмо- и рудообразования». — М. : ИГЕМ РАН, 2010. С. 271—272.
  29. ↑ Макеев А. Б., Дудар В. А., Самарова Г. С., Тигунов Л. П., Быховский Л. З. Пижемское титановое месторождение (Средний Тиман): аспекты геологического строения и освоения (рус.). Шыӧдчан кадпас: 7 йирым тӧлысь 2025.
  30. ↑ Исаенко С. И. Спектроскопические характеристики алмазов россыпи Ичетью (Средний Тиман) / Институт геологии КНЦ УРО РАН. — Сыктывкар : Геопринт, 2016. — 102 с. — ISBN 978-5-98491-066-8
Коми Республикаса юкӧнъяс Coat of arms of the Komi Republic Flag of the Komi Republic
Юркар: Сыктывкар

Кар кытшъяс: Сыктывкар •

Муниципальнӧй кытшъяс: Вöркута • Вуктыл • Инта • Княжпогост • Уква • Ускар

Муниципальнӧй районъяс: Емдiн • Изьва • Койгорт • Кöрткерöс • Кулöмдiн • Луздор • Мылдiн • Печора • Сосногорск • Сыктыв • Сыктывдiн • Удора • Чилимдiн

Босьтӧма "https://kv.ruwiki.ru/w/index.php?title=Чилимдін_район&oldid=424299"-ысь