Ош рудӧгув (Россия)
| Ош рудӧгув | |
|---|---|
 | |
| Сикасалӧм | |
| Кузьта | 480 м |
| Ин | |
| 62°00′ с. ш. 58°44′ в. д.GЯO | |
| Страна | |
| РФ-са субъект | Республика Коми |
| Район | Мылдін район |
 Медиафайлы на РУВИКИ.Медиа | |
 | Россияса культура озырлун объект федеральнӧй тӧдчанлуна объект № 1100157000 (БД Викигида) |
Ош рудӧгув (рочӧн Медвежья пещера) — Коми Республикаса Мылдін районын вӧр-ва да археология памятник[1].
Ин
Рудӧгулыс меститчӧма Иорданскӧй сён (1926 воын Ичӧт Печӧра веськыд берегын геолог Н. Н. Иорданский восьтіс карста сён, сійӧс бӧрынджык нимтісны сы нимӧн[2]) вомсянь 200 м ылнаын, сылӧн веськыд бокса ӧти скалаын, Печӧра юлӧн ӧнія берегсянь 500 м войвывланьын, Печӧра-Ылыдзса канму заповедник мутасын. Пещераӧ пыранін Печӧра весьтсянь 40 м вылнаын (22-24 м лог пыдӧссянь). Сійӧ ыджыд арка кодь. Пещера пыранінлӧн пасьтаыс — 12 м, джудждаыс — 3 м.
История
Памятниксӧ восьтісны 1960 воын Б. И. Гуслицер да В. И. Канивец. Сёр палеолит кадся сулаланінсӧ вӧлі аддзӧма 2-2,5 м пыднаын. Сулаланінлӧн кадыс — 30 сюрс во сай гӧгӧр. Раскопкаяс дырйи вӧлі аддзӧма 1500 гӧгӧр изйысь да лыысь артефакт. Ош рудогувлӧн изйысь вӧчӧмторъясыс ӧткодьӧсь Уралса вылыс палеолит кадся Талицкий нима сулаланінъяслӧн да Столбӧвӧй гротлӧн материалъяскӧд.
Рудӧгулысь аддзисны уна ископаемӧй пемӧсъяслысь лыяс: руд ошлысь, войвыв кӧрлысь, мамонтлысь, гӧна носороглысь, тигролевлысь, овцебыклысь, зубрлысь, йӧралысь, вӧвлысь, кыньлысь, кӧинлысь, кӧчлысь, гыжъя лемминглысь. Аддзӧма войвыв кӧрлӧн уна шыбитӧм сюр.
Шуӧма вӧр-ва памятникӧн Коми ССР-са Министръяслӧн Сӧвет 1973 вося рака тӧлысь 5-ӧд лунся шуӧмӧн[3].
Пасйӧдъяс
- ↑ Троицко-Печорск. Пещеры бассейна верхней Печоры. Шыӧдчан кадпас: 1 моз тӧлысь 2025.
- ↑ Урочище Медвежья Пещера (рус.). tripplanet.ru. Шыӧдчан кадпас: 1 моз тӧлысь 2025.
- ↑ Павлов П., Гладков В. Медвежья пещера // Республика Коми. Энциклопедия. Том II. — Сыктывкар: Коми книжное издательство, 1999. — С. 260.
Литература
- Уральская историческая энциклопедия. — УрО РАН, Институт истории и археологии. Екатеринбург: Академкнига. Гл. ред. В. В. Алексеев. 2000.
- Гуслицер Б. И., Канивец А. И. Пещеры Печорского Урала. Л.: Наука, 1965. 134 с.
- Гуслицер Б. И., Павлов П. Ю. Верхнепалеолитическая стоянка Медвежья пещера // Памятники эпохи камня и металла Северного Приуралья. Сыктывкар, 1988. Вып.11. С. 5-18.
Ыстӧгъяс
- Медвежья пещера Печоро-Илычского заповедника: путешествие в древность (ru-RU), Vkvideo.ru. Шыӧдчан кадпас: 1 моз тӧлысь 2025.