Россия Федерацияса субъектъяс

Россия Федерацияса субъектъяс (рочӧн Субъекты Российской Федерации) — Россияса регионъяс, кытчӧ пырӧны республикаяс, крайяс, обласьтъяс, федеральнӧй тӧдчанлуна каръяс, асвеськӧдлан обласьт, а сідзжӧ асвеськӧдлан кытшъяс, кодъяслӧн инӧдъясыс ӧткодьӧсь.

Россия Федерацияса субъектлӧн инӧд боксянь медшӧр статус

Россия Федерацияса субъектъяслысь инӧда статуссӧ гижӧма Оланподулын.

Россияса Оланподув серти Россия Федерация лоӧ федеративнӧй канмуӧн да сыӧ пырӧ ӧткодь инӧда 89 субъект — республикаяс, крайяс, обласьтъяс, федеральнӧй тӧдчанлуна каръяс, асвеськӧдлан кытшъяс да асвеськӧдлан обласьт.

Россия Федерацияса субъектын медвылыс чина мортӧн лоӧ медыджыд юрнуӧдысь, кодӧс бӧрйӧны Россия Федерацияса субъектлӧн подувпуктас либӧ оланподув серти да коді лоӧ Россия Федерацияса тайӧ субъектын олӧмӧ пӧртысь канму власть медвылыс органӧн юрнуӧдысьӧн – губернаторӧн, мэрӧн, субъектса юралысьӧн либӧ субъектын администрацияса юралысьӧн, но оз «президентӧн», сы вӧсна мый «Россия Федерацияса субъектъясын публичнӧй власть котыртан ӧтувъя принципъяс йылысь» федеральнӧй оланпас серти (20 статья, 5 юкӧн) Россияын регионъясса юралысьяслӧн чин нимъясын веськыда оз позь вӧдитчыны канмуса юралысь чин нимӧ пырысь кывъясӧн да кывтэчасъясӧн, мӧд ногӧ кӧ, «президент» кывйӧн.

Быд регионлӧн эм аслас подувпуктас либӧ оланподув, олӧмӧ пӧртысь власть органъяслӧн система, парламент, а сідзжӧ аслас оланпастэчас, кутшӧмӧс сійӧ примитӧ да мый вына Россия Федерациялӧн тайӧ субъектас. Таысь кындзи, Россия Федерацияса субъектъяс бӧрйӧны делегатӧн Россияса парламентлӧн вылыс палатаӧ – Федерация Сӧветӧ – кык петкӧдлысьӧс.

Россия Федерацияса канму власть федеральнӧй органъяскӧд ӧтувъя уджын став субъектыс ӧта-мӧд костас ӧткодь инӧдаӧсь. Регионъяс асланыс уджмогъясын вермӧны решайтны Россия Федерацияса Оланподулӧн налӧн веськӧдлӧм улӧ пыртӧм юалӧмъяссӧ. Россия Федерацияысь налӧн петӧм вылӧ инӧдыс Оланподулӧн абу урчитӧма.

История

Сӧвет кад

Федерация субъект ӧтувтан терминыс медводдзаысь артмис 1990 воын, тайӧ кадӧдзыс РСФСР-ӧ пырысь ӧтувтӧм мутас единицаяссӧ некыдз эз нимтыны:

1937-ӧд вося РСФСР-са Оланподувлӧн 14-ӧд статьяын вӧлі гижӧма, мый РСФСР-ӧ пырӧны крайяс, обласьтъяс, асвеськӧдлан сӧветскӧй социалистическӧй республикаяс да асвеськӧдлан обласьтъяс найӧс лыддьӧдлӧмӧн, но сійӧ эз вынсьӧд, мый буретш найӧ лоӧны федерация субъектъясӧн. Асвеськӧдлан обласьтъяс, кыдзи и РСФСР-ын республика киподувса каръяс, 1920-ӧд вояс помын лыддьысисы национальнӧй административнӧй единицаясӧн, кодъяс веськавлісны республикаса власьтъяслӧн веськыд веськӧдлӧм улӧ, та дырйи кольлісны гырысьджык мутас единицаяслӧн – крайяслӧн да обласьтъяслӧн – юкӧнӧн (торъялісны национальнӧй кытшъясысь, кодъяс вӧліны тайӧ крайяслӧн да обласьтъяслӧн тырвыйӧ кипод улын).
РСФСР-лӧн 1978 вося Оланподулын пыртӧма выль формулировка: «Россияса Сӧветскӧй Федеративнӧй Социалистическӧй Республикаӧ пырӧны асвеськӧдлан сӧветскӧй социалистическӧй республикаяс» найӧс лыддьӧдлӧмӧн, а водзӧ: «РСФСР-ын эмӧсь крайяс... обласьтъяс... республика киподувса каръяс... асвеськӧдлан обласьтъяс, кодъяс пырӧны крайясӧ... асвеськӧдлан кытшъяс, кодъяс пырӧны крайясӧ да обласьтъясӧ...» (71 статья). Сідзкӧ артмӧ, мый сӧмын АССР-яс лоӧны федерация субъектъясӧн, а мукӧд административнӧй единицаыс веськыда пырӧны федерацияӧ. Таысь кындзи, вӧлі казьтыштӧма РСФСР-ын республика киподувса каръяс йылысь: тайӧ формулировкаыс медводдзаысь индіс сы вылӧ, мый найӧ оз лоны обласьтъяслӧн кипод улын, кӧні найӧ водзті лыддьысьлісны.

Федерация субъект кыввежӧртассӧ вӧлі пыртӧма «ССР Союз да Федерация субъектъяс костын уджмогъяс юклӧм йылысь» 1990 во косму тӧлысь 6-ӧд лунся 1457-I №-а СССР-са Оланпасӧн, коді медводдзаысь шуис СССР-сӧ федеративнӧй канмуӧн, кӧть эськӧ СССР-са Оланподув (70 статья) 1990 во помӧдз шуліс СССР-сӧ эз веськыда федерацияӧн, а социалистическӧй федерализм принцип подув вылын артмӧдӧм уна войтыра ӧтувъя канмуӧн. СССР-са федерация субъектъясӧн вӧлі шуӧма союзса республикаяс да на лыдын асвеськӧдлан республикаяс (асвеськӧдлан юкӧнъяс).

Таысь кындзи, 1990 воын СССР-са Оланподулӧ пыртӧм вежсьӧмъясыс урчитісны СССР-са Президентӧн веськӧдлан СССР-са Федерация Сӧветлысь уджсӧ, кытчӧ пырисны СССР-са вице-президент да союзса республикаясысь юралысьяс. Федерация Сӧветлӧн заседаниеясын сідзжӧ вермисны участвуйтны асвеськӧдлан республикаясса, асвеськӧдлан обласьтъясса да асвеськӧдлан кытшъясса медвылыс чина йӧз.

Россиялӧн 1993 вося Оланподув

Россия Федерациялӧн выль Оланподув, кутшӧмӧс примитісны 1993 воын да коді вежис 1978 вося Оланподувсӧ, вынсьӧдіс (65 статья) федерация субъектлысь ӧнія кыввежӧртассӧ. Сійӧ индіс, мый Россия Федерацияӧ пырысь став регионыс ӧткодьӧсь. Россия Федерацияса Оланподувлӧн 65 статья серти страналӧн регионъяс лыдӧ пырӧны татшӧм субъектъяс: республикаяс, крайяс, обласьтъяс, федеральнӧй тӧдчанлуна каръяс, асвеськӧдлан обласьтъяс да асвеськӧдлан кытшъяс.

Ӧнія Россияын эм ӧти асвеськӧдлан обласьт – Еврей, коді лоӧ Россия Федерациялӧн дзик ӧти татшӧм сикаса субъектӧн, сы вӧсна мый канму котыртчигӧн став асвеськӧдлан обласьтсӧ, сыысь кындзи, вӧлі вежӧма асвеськӧдлан республикаясӧ, а налысь выль нимъяссӧ вӧлі вынсьӧдӧма РСФСР-са Оланподувлӧн 1990 вося редакцияын.

РСФСР-лӧн мутас боксянь тэчас дорысь, кор сійӧс бырӧдісны, асвеськӧдлан кытшъяс сідзжӧ лоисны Россия Федерацияса субъектъясӧн, но найӧ быдӧн ас ног колисны регионъяслӧн вӧля улын, кытчӧ найӧ пырисны. Бӧрынджык Россияса унджык асвеськӧдлан кытшсӧ вӧлі пыртӧма тайӧ регионъяс пытшкӧ. Чукотка, Ханты-Манси, Ямал-Яран да Яран асвеськӧдлан кытшъяс кындзи (АК). Та дырйи Россияса федеральнӧй оланпастэчас сетӧ позянлун асвеськӧдлан кытшлы лоны ӧттшӧтш и Россия Федерацияса субъектӧн, и Россия Федерацияса ыджыдджык субъектӧ пырысь юкӧнӧн, кытчӧ мутас боксянь сійӧ пырӧ бӧръяыслӧн подувпуктас (оланподув) серти. Чукотка АК – дзик ӧти асвеськӧдлан кытш, коді оз пыр Россия Федерацияса кутшӧмкӧ мӧд субъектӧ.

РСФСР-лӧн республика киподувса вӧвлӧм каръяссӧ – Москва да Петыркар – вӧлі вежӧма федеральнӧй тӧдчанлуна каръяс вылӧ, эскӧдӧма налысь статуссӧ кыдзи асшӧр федерация субъектъяс, кутшӧмӧс вынсьӧдӧма РСФСР-лӧн 1978 вося Оланподулӧн, кӧні найӧс вӧлі торйӧдӧма Москва да Ленинград обласьтъясысь.

Водзӧ вылӧ Россия Федерацияса Оланподувлӧн 65 статьяын регионъяс лыддьӧгӧ пыртлісны ӧткымын вежсьӧм, сы лыдын 2000-ӧд воясын Россиякӧд регионъяс ӧтувтчӧмкӧд йитӧдын.

Мутасъяс ӧтувтӧм

2014 воын Крым Россия дорӧ ӧтлаӧдӧмкӧд йитӧдын Россия Федерацияса субъектъяс лыддьӧгӧ вӧлі пыртӧма Крым Республика да федеральнӧй тӧдчанлуна Севастополь кар^[1].

Россия Федерацияса Оланподувлӧн 65 статьяӧ бӧръя вежсьӧмсӧ вӧлі пыртӧма 2022 вося йирым тӧлысь 6-ӧд лунӧ, сэтчӧ Донецк Народнӧй Республика, Луганск Народнӧй Республика, Херсон да Запорожье обласьтъяс йылысь юӧр содтӧм бӧрын^[2].

Россиялӧн ӧнія федеративнӧй тэчас

Россия Федерацияса субъектъяс лыддьӧг

Россиялӧн 1993 вося вына Оланподув серти канмуӧ пырӧ 89 субъект:

24 республика,
9 край,
48 обласьт,
федеральнӧй тӧдчанлуна 3 кар,
1 асвеськӧдлан обласьт,
4 асвеськӧдлан кытш.

№	Россия Федерацияса субъект	Мутас (км²)	Олысьяс 01.01.2024^[8]	Адм. шӧрин/юркар	Адм.-тер. тэчас (ОКАТО серти)	Муниципальнӧй юкӧнъяс (ОКТМО серти)
1e-06	Республикаяс
1	Адыгея Республика	7792	↗500 591	Майкоп	7 район да 2 кар	7 муниципальнӧй район, 2 кар кытш
2	Алтай Республика	92903	↘210 765	Горно-Алтайск	10 район да 1 кар	10 муниципальнӧй район, 1 кар кытш
3	Башкортостан Республика	142947	↘4 064 361	Уфа	54 район да 21 кар	54 муниципальнӧй район, 9 кар кытш
4	Бурятия Республика	351334	↘971 922	Улан-Удэ	21 район да 2 кар	21 муниципальнӧй район, 2 кар кытш
5	Дагестан Республика	50270	↗3 232 224	Махачкала	41 район да 10 кар	42 муниципальнӧй район, 10 кар кытш
6	Донецк Народнӧй Республика	26517 (оланпас серти)		Донецк	18 район да 12 кар	18 муниципальнӧй район да 12 кар кытш
7	Ингушетия Республика	3123	↗527 220	Магас	4 район да 4 кар	4 муниципальнӧй район, 4 кар кытш
8	Кабарда-Балкария Республика	12470	↗905 464	Нальчик	10 район да 3 кар	10 муниципальнӧй район, 3 кар кытш
9	Калмыкия Республика	74731	↗266 770	Элиста	13 район да 1 кар	13 муниципальнӧй район, 1 кар кытш
10	Карачай-Черкесия Республика	14277	↘468 322	Черкесск	10 район да 2 кар	10 муниципальнӧй район, 2 кар кытш
11	Карелия Республика	180520	↘523 856	Петрозаводск	16 район да 13 кар	16 муниципальнӧй район, 2 кар кытш
12	Коми Республика	416774	↘720 610	Сыктывкар	12 район да 8 кар	15 муниципальнӧй район, 5 кар кытш
13	Крым Республика	26081	↘1 909 499	Симферополь	18 район да 16 кар	14 муниципальнӧй район, 11 кар кытш
14	Луганск Народнӧй Республика	26683		Луганск	17 район да 11 кар	17 муниципальнӧй район да 11 кар кытш
15	Мари Эл Республика	23375	↘669 854	Йошкар-Ола	14 район да 4 кар	14 муниципальнӧй район, 3 кар кытш
16	Мордовия Республика	26128	↘765 891	Саранск	22 район да 7 кар	22 муниципальнӧй район, 1 кар кытш
17	Саха (Якутия) Республика	3083523	↗1 001 664	Якутск	33 район да 5 кар	34 муниципальнӧй район, 2 кар кытш
18	Войвыв Осетия – Алания Республика	7987	↘678 879	Владикавказ	8 район да 1 кар	8 муниципальнӧй район, 1 кар кытш
19	Татарстан Республика	67847	↗4 003 016	Казань	43 район да 14 кар	43 муниципальнӧй район, 2 кар кытш
20	Тува Республика	168604	↗337 544	Кызыл	17 район да 2 кар	17 муниципальнӧй район, 2 кар кытш
21	Удмуртия Республика	42061	↘1 434 557	Ижевск	25 район да 5 кар	25 муниципальнӧй район, 5 кар кытш
22	Хакасия Республика	61569	↘528 175	Абакан	8 район да 5 кар	8 муниципальнӧй район, 5 кар кытш
23	Чечня Республика	16171	↗1 552 866	Грозный	17 район да 6 кар	17 муниципальнӧй район, 2 кар кытш
24	Чувашия Республика	18343	↘1 167 061	Чебоксары	21 район да 9 кар	21 муниципальнӧй район, 5 кар кытш
24.000002	Крайяс
25	Алтай край	167996	↘2 115 308	Барнаул	60 район да 11 кар	60 муниципальнӧй район, 11 кар кытш
26	Байкалсайса край	431892	↘984 395	Чита	31 район да 12 кар	31 муниципальнӧй район, 4 кар кытш
27	Камчатка край	464275	↗288 947	Петропавловск-Камчаткаса	11 район да 3 кар	11 муниципальнӧй район, 3 кар кытш
28	Краснодар край	75485	↗5 833 002	Краснодар	37 район да 15 кар	37 муниципальнӧй район, 8 кар кытш
29	Красноярск край	2366797	↗2 846 120	Красноярск	54 район да 19 кар	44 муниципальнӧй район, 17 кар кытш
30	Перым край	160236	↘2 495 266	Перым	33 район да 14 кар	42 муниципальнӧй район, 6 кар кытш
31	Саридздор край	164673	↘1 806 393	Владивосток	22 район да 12 кар	22 муниципальнӧй район, 12 кар кытш
32	Ставрополь край	66160	↘2 886 108	Ставрополь	26 район да 10 кар	26 муниципальнӧй район, 9 кар кытш
33	Хабаровск край	787633	↘1 278 132	Хабаровск	17 район да 6 кар	17 муниципальнӧй район, 2 кар кытш
33.000003	Обласьтъяс
34	Амур обласьт	361908	↘750 083	Благовещенск	20 район да 7 кар	20 муниципальнӧй район, 8 кар кытш
35	Кардор обласьт^[3]	589913	↘998 072	Кардор	20 район да 8 кар	19 муниципальнӧй район, 7 кар кытш
36	Астрахань обласьт	49024	↘946 429	Астрахань	11 район да 3 кар	11 муниципальнӧй район, 2 кар кытш
37	Белгород обласьт	27134	↘1 500 659	Белгород	21 район да 6 кар	19 муниципальнӧй район, 3 кар кытш
38	Брянск обласьт	34857	↘1 142 404	Брянск	27 район да 5 кар	27 муниципальнӧй район, 6 кар кытш
39	Владимир обласьт	29084	↘1 309 942	Владимир	16 район да 10 кар	16 муниципальнӧй район, 5 кар кытш
40	Волгоград обласьт	112877	↘2 453 898	Волгоград	32 район да 6 кар	32 муниципальнӧй район, 6 кар кытш
41	Вӧлӧгда обласьт	144527	↘1 121 343	Вӧлӧгда	26 район да 4 кар	26 муниципальнӧй район, 2 кар кытш
42	Воронеж обласьт	52216	↘2 273 417	Воронеж	32 район да 15 кар	31 муниципальнӧй район, 3 кар кытш
43	Запорожье обласьт	27183 (оланпас серти)		Мелитополь	13 район, 3 кар	13 муниципальнӧй район, 3 кар кытш
44	Иваново обласьт	21437	↘905 900	Иваново	21 район да 6 кар	21 муниципальнӧй район, 6 кар кытш
45	Иркутск обласьт	774846	↘2 330 537	Иркутск	33 район да 14 кар	27 муниципальнӧй район, 9 кар кытш
46	Калининград обласьт	15125	↗1 033 914	Калининград	13 район да 6 кар	15 муниципальнӧй район, 7 кар кытш
47	Калуга обласьт	29777	↘1 068 410	Калуга	24 район да 4 кар	24 муниципальнӧй район, 2 кар кытш
48	Кемерово обласьт — Кузбасс^[4]	95725	↘2 547 684	Кемерово	19 район да 18 кар	18 муниципальнӧй район, 16 кар кытш
49	Киров обласьт	120374	↘1 129 935	Киров	39 район да 5 кар	39 муниципальнӧй район, 6 кар кытш
50	Кострома обласьт	60211	↘566 266	Кострома	24 район да 8 кар	24 муниципальнӧй район, 6 кар кытш
51	Курган обласьт	71488	↘753 002	Курган	24 район да 9 кар	24 муниципальнӧй район, 2 кар кытш
52	Курск обласьт	29997	↘1 060 892	Курск	28 район да 5 кар	28 муниципальнӧй район, 5 кар кытш
53	Ленинград обласьт	83908	↗2 035 762	Гатчина (оланпас серти), Петыркар (збыль вылӧ)	17 район да 20 кар	17 муниципальнӧй район, 1 кар кытш
54	Липецк обласьт	24047	↘1 116 265	Липецк	18 район да 2 кар	18 муниципальнӧй район, 2 кар кытш
55	Магадан обласьт	462464	↘133 387	Магадан	8 район да 2 кар	8 муниципальнӧй район, 1 кар кытш
56	Москва обласьт	44329	↗8 651 260	Москва^[5], правительствоыс Красногорскын	38 район да 56 кар	16 муниципальнӧй район, 51 кар кытш (46 кар и 5 ЗАТО), 2019 восянь 63 кар кытш
57	Мурманск обласьт	144902	↘656 438	Мурманск	5 район да 13 кар	5 муниципальнӧй район, 14 кар кытш
58	Нижегородскӧй обласьт	76624	↘3 060 335	Макаръя	48 район да 12 кар	48 муниципальнӧй район, 4 кар кытш
59	Новгород обласьт	54501	↘571 447	Ыджыд Новгород	21 район да 10 кар	21 муниципальнӧй район, 1 кар кытш
60	Новосибирск обласьт	177756	↘2 789 532	Новосибирск	30 район да 7 кар	30 муниципальнӧй район, 5 кар кытш
61	Омск обласьт	141140	↘1 818 093	Омск	32 район да 6 кар	32 муниципальнӧй район, 1 кар кытш
62	Оренбург обласьт	123702	↘1 828 656	Оренбург	35 район да 12 кар	35 муниципальнӧй район, 9 кар кытш
63	Орёл обласьт	24652	↘692 486	Орёл	24 район да 3 кара	24 муниципальнӧй район, 3 кар кытш
64	Пенза обласьт	43352	↘1 236 113	Пенза	28 район да 5 кар	27 муниципальнӧй район, 3 кар кытш
65	Псков обласьт	55399	↘581 147	Псков	24 район да 2 кар	24 муниципальнӧй район, 2 кар кытш
66	Ростов обласьт	100967	↘4 152 518	Дон вылын Ростов	43 район да 16 кар	43 муниципальнӧй район, 12 кар кытш
67	Рязань обласьт	39605	↘1 082 231	Рязань	25 район да 4 кар	25 муниципальнӧй район, 4 кар кытш
68	Самара обласьт	53565	↘3 127 842	Самара	27 район да 10 кар	27 муниципальнӧй район, 10 кар кытш
69	Саратов обласьт	101240	↘2 385 163	Саратов	38 район да 13 кар	38 муниципальнӧй район, 4 кар кытш
70	Сахалин обласьт	87101	↘457 590	Южно-Сахалинск	17 район да 9 кар	1 муниципальнӧй район, 17 кар кытш
71	Свердловск обласьт	194307	↘4 222 695	Екатеринбург	30 район да 34 кар	5 муниципальнӧй район, 68 кар кытш
72	Смоленск обласьт	49779	↘863 987	Смоленск	25 район да 2 кар	25 муниципальнӧй район, 2 кар кытш
73	Тамбов обласьт	34462	↘956 292	Тамбов	23 район да 7 кар	23 муниципальнӧй район, 7 кар кытш
74	Тверь обласьт	84201	↘1 199 747	Тверь	36 район да 12 кар	36 муниципальнӧй район, 7 кар кытш
75	Томск обласьт	314391	↘1 043 385	Томск	16 район да 6 кар	16 муниципальнӧй район, 4 кар кытш
76	Тула обласьт	25679	↘1 471 140	Тула	23 район да 9 кар	23 муниципальнӧй район, 3 кар кытш
77	Тюмень обласьт^[6]	1464173	↗3 890 800	Тюмень	38 район да 26 кар (ХМАК-кӧд да ЯЯАК-кӧд)	21 муниципальнӧй район, 5 кар кытш (ХМАК-тӧг да ЯЯАК-тӧг)
78	Ульяновск обласьт	37181	↘1 172 782	Ульяновск	21 район да 6 кар	21 муниципальнӧй район, 3 кар кытш
79	Херсон обласьт	28461 (оланпас серти)		Херсон (оланпас серти), Геническ (збыль вылӧ)	18 район, 2 кар	18 муниципальнӧй район, 2 кар кытш
80	Челябинск обласьт	88529	↘3 395 798	Челябинск	24 район да 23 кар	27 муниципальнӧй район, 16 кар кытш
81	Ярославль обласьт	36177	↘1 187 558	Ярославль	17 район да 11 кар	17 муниципальнӧй район, 3 кар кытш
81.000004	Федеральнӧй тӧдчанлуна каръяс
82	Москва	2561	↗13 149 803	Москва	12 административнӧй кытш	146 карпытшса муниципальнӧй юкӧн (125 муниципальнӧй кытш, 2 кар кытш, 19 овмӧдчӧмин)
83	Петыркар	1403	↘5 597 763	Петыркар	18 район	111 карпытшса муниципальнӧй юкӧн (81 муниципальнӧй кытш, 9 кар да 21 посёлок)
84	Севастополь	864	↗561 374	Севастополь	4 район	10 карпытшса муниципальнӧй юкӧн (9 муниципальнӧй кытш, 1 кар)
84.000005	Асвеськӧдлан обласьт
85	Еврей асвеськӧдлан обласьт	36271	↘145 802	Биробиджан	5 район да 1 кар	5 муниципальнӧй район, 1 кар кытш
85.000006	Асвеськӧдлан кытшъяс
86	Яран асвеськӧдлан кытш^[3]	176810	↗42 224	Наръяна-Мар	1 район и 1 кар	1 муниципальнӧй район, 1 кар кытш
87	Ханты-Манси асвеськӧдлан кытш — Йӧграму^[6]	534801	↗1 759 386	Ёмвош	9 район да 14 кар	9 муниципальнӧй район, 13 кар кытш
88	Чукотка АК	721481	↗48 029	Анадырь	8 район да 1 кар	6 муниципальнӧй район, 1 кар кытш
89	Ямал-Яран АК^[6]	769250	↗515 960	Обдор	7 район да 8 кар	7 муниципальнӧй район, 6 кар кытш
89.000007	Россия Федерация^[7]	17233900	↘146 150 789	Москва

Россия Федерацияса субъектъяслӧн сикасъяс

Таблицаын вайӧдӧма Россия Федерацияса быд сикас субъектлӧн оланподув-инӧда статуслысь аслыспӧлӧслунъяссӧ. Скобкаясын индӧма Россия Федерацияса Оланподувлысь статьяяс, кӧні эмӧсь лӧсялана положениеяс.

Республика	петкӧдчӧ Россия Федерацияса Оланподулын кыдзи «канму» (5 статьяса 2 юкӧн): Республикалӧн (канмулӧн) эм аслас оланподув да оланпастэчас. статуссӧ урчитӧны Россия Федерацияса Оланподулӧн да республикаса оланподулӧн (5 статьяса 2 юкӧн, 66 статьяса 1 юкӧн); вермӧ урчитны ассьыс канму кывъяс, кутшӧмъясӧн вӧдитчӧны канму власть органъясын, меставывса асвеськӧдлан органъясын, республикаса канму учреждениеясын роч кывкӧд ӧттшӧтш (68 статьяса 2 юкӧн).
Край, обласьт, федеральнӧй тӧдчанлуна кар	статуссӧ урчитӧны Россия Федерацияса Оланподулӧн да регионса подувпуктасӧн (оланподулӧн), кутшӧмӧс примитӧ Россияса субъектлӧн оланпас пыртысь (бӧрйӧм) орган (5 статьяса 2 юкӧн, 66 статьяса 2 юкӧн).
Асвеськӧдлан обласьт	статуссӧ урчитӧны Россия Федерацияса Оланподулӧн да регионын оланпас пыртысь (бӧрйӧм) органӧн примитӧм асвеськӧдлан обласьтлӧн подувпуктасӧн (5 статьяса 2 юкӧн, 66 статьяса 2 юкӧн); позьӧ примитны асвеськӧдлан обласьт йылысь федеральнӧй оланпас (66 статьяса 3 юкӧн).
Асвеськӧдлан кытш	статуссӧ урчитӧны Россия Федерацияса Оланподулӧн да регионса подувпуктасӧн, кутшӧмӧс примитӧ асвеськӧдлан кытшлӧн оланпас пыртысь (бӧрйӧм) орган (5 статьяса 2 юкӧн, 66 статьяса 2 юкӧн); позьӧ примитны асвеськӧдлан кытш йылысь федеральнӧй оланпас (66 статьяса 3 юкӧн); крайӧ либӧ обласьтӧ пырысь асвеськӧдлан кытшъяслысь йитӧдъяссӧ вермӧны ладмӧдны федеральнӧй оланпасӧн да лӧсялана асвеськӧдлан кытш да край либӧ обласьт костын сёрнитчӧмӧн (66 статьяса 4 юкӧн)^[9].

Субъектъяслӧн инӧдъяс да уджмогъяс

2005-2011 воясӧ Россия Федерацияын субъектъясса юралысьясӧс бӧрйӧмсӧ вӧлі вежӧма уджмогъяс сетан процедураӧн.

Федерация урчитӧ субъектъяслысь инӧдъяс да уджмогъяс олӧмӧ пӧртан ӧтувъя принципъяссӧ (шуам, субъектъясын оланпас пыртысь (бӧрйӧм) да олӧмӧ пӧртысь канму власть органъяс котыртан ӧтувъя принципъяссӧ да с.в.), кутшӧмъяслӧн мог – не лэдзны ас вӧляысь уджмогъяс да инӧдъяс олӧмӧ пӧртӧмсӧ.

Федерация субъектъяслӧн эмӧсь асланыс олӧмӧ пӧртысь да оланпас пыртысь власть органъяс да, мыйтакӧ, ёрд власьт. Мирӧвӧй ёрдысьясӧс индӧны (вынсьӧдӧны) федерация субъектлӧн оланпас пыртысь власть органъяс. Сідзжӧ федерация субъектъяслӧн эмӧсь паськыд уджмогъяс меставывса асвеськӧдлан органъяслысь уджсӧ ладмӧдан юалӧмъяс серти (муниципальнӧй юкӧнса бӧрйӧм власть органъяслысь нимсӧ индӧм, муниципалитетъясын бӧрйысьӧмъяс серти юалӧмъяс, муниципальнӧй юкӧнъяслы торъя уджмогъяс сетӧм серти да с.в.).

Федерация субъектъяслӧн эм асланыс оланподув либӧ подувпуктас, а сідзжӧ асланыс оланпастэчас, кутшӧмӧс примитӧны регионса парламентъяс.

Субъектъяслӧн эм Федерация Сӧветын – Россия Федерацияса Федеральнӧй Собраниелӧн вылыс палатаын оланпас пыртысь да олӧмӧ пӧртысь власть органъяссянь кык петкӧдлысьӧн.

Мукӧдтор

Федерация субъектъяслӧн кодъяс

Эм Россия Федерацияса субъектъяслӧн уна сикас кодировка, кутшӧмъяс серти налы сетӧны уна сикас мог вылӧ лыдпаса либӧ шыпаса пасъяс.

Россиялӧн мутас боксянь тэчасын мукӧд аслыспӧлӧслун

Таысь кындзи, Россия Федерацияса субъектъяс юксьӧны:

8 федеральнӧй кытш вылӧ (2010 воӧдз – 7, 2014-2016 воясын – 9);
12 экономика район вылӧ;
10 географическӧй район вылӧ;
8 вӧр-ва район вылӧ^[10];
4 военнӧй кытш вылӧ (2010 воӧдз – 6);
11 час кытш вылӧ (2010-2014 воясӧ – 9).

Сідзжӧ Россия Федерацияса федеральнӧй оланпасъяс подув вылын вермӧны котыртсьыны федеральнӧй мутасъяс, кодъясӧн веськӧдлӧны федеральнӧй власьтъяс, кутшӧмъяс пырӧны либӧ оз пырны кутшӧмкӧ субъектӧ. Торъя федеральнӧй мутасӧн канмусянь веськӧдлан режимыс индыссьӧ федеральнӧй оланпасӧн, мый подув вылын артмӧдӧма тайӧ мутассӧ. 2020 воын вӧлі артмӧдӧма Сириус федеральнӧй мутас^[11]. Кыдзи пасйӧма РФ-са Оланподув Ёрдлӧн 2020 во рака тӧлысь 16-ӧд лунся кывкӧртӧдын, федеральнӧй мутасъяс артмӧдӧмыс оз сет позянлун сетны налы Россия Федерацияса субъектъяслӧн статускӧд ӧткодь статуссӧ^[12].

Россияса федерализмлӧн история

1992 воын Россияса регионъяс кырымалісны уджмогъяс юклӧм йылысь федеральнӧй сёрнитчӧм, кутшӧмӧс сэки жӧ пыртлісны Россияса 1978 воын примитӧм Оланподулӧ.

1993 воын, кор вӧлі примитӧма ӧнія Оланподув, вӧлі 89 субъект. 2008 вося рака тӧлысь 1 лунсянь регионъяс ӧтувтӧм бӧрын коли Россия Федерацияса 83 субъект, а Крым Россия дорӧ пыртӧмсӧ тӧд вылӧ босьтӧмӧн 2014 вося рака тӧлысь 18-ӧд лунсянь Россия Федерацияын 85 субъект.

СССР бырӧм бӧрын федеративнӧй тэчасын либӧ Россияса субъектъяслӧн мудоръясын вежсьӧмъяс

1990-ӧд вояс

СССР киссьӧм бӧрын муніс асшӧрлун серти парад, мый вӧсна артмис РСФСР-лӧн да сыӧ пырысь республикаяслӧн оланпастэчасъясын лӧсявтӧмлун.
РСФСР-ын став Сӧветскӧй Социалистическӧй Республикаыс (1991 вося ода-кора тӧлысьӧдз – АССР) лои республикаӧн.
Асвеськӧдлан обласьтъяс – Адыгея, Горно-Алтайск, Карачай-Черкесия да Хакасия лоисны республикаясӧн.
Вӧлі вежӧма татшӧм обласьтъяслысь нимъяссӧ: Горьковскӧй лоис Улыс Новгород обласьтӧн, Калинин – Тверь обласьтӧн, Куйбышев – Самара обласьтӧн.
Сы вӧсна мый став асвеськӧдлан кытшлы сетісны позянлун петны обласьтъясысь да крайясысь лӧсялана оланпас примитӧмӧн, Чукотка асвеськӧдлан кытш петіс Магадан обласьтысь.
Чечено-Ингушскӧй АССР юксис 2 республика вылӧ: Чечня да Ингушетия вылӧ.
РСФСР-лӧн республика киподувса каръяс – Москва да Санкт-Петербург (водзті – Ленинград кар) – лоисны федеральнӧй тӧдчанлуна каръясӧн.
1992 вося рака тӧлысь 31-ӧд лунӧ Россия Федерацияса регионъяс (Татарстан да Чечня-Ингушетия («Ичкерия») кындзи) кырымалісны федеративнӧй сёрнитчӧм, коді юкліс федеральнӧй шӧринлысь да регионса власьт органъяслысь уджмогъяссӧ, бӧрынджык федеративнӧй сёрнитчӧмсӧ вӧлі пыртӧма вына оланподулӧ^[13]. 1994 вося урасьӧм тӧлысь 15-ӧд лунӧ Татарстан дыр сёрнитчӧм бӧрын кырымаліс Россия Федерациякӧд федеральнӧй да республикаса власть органъяс костын веськӧдланторъяс юклӧм йылысь кыкладорса сёрнитчӧм^[14].
1993 воын, Россия Федерацияса выль Оланподув примитӧм бӧрын, став республика, край, обласьт, асвеськӧдлан кытш, Москва да Санкт-Петербург каръяс, а сідзжӧ Еврей асвеськӧдлан обласьт (петіс Хабаровск крайысь) лоисны Россия Федерацияса ӧткодь инӧда субъектъясӧн.
1994 воын Иваново обласьтса Сокольскӧй район (2 100 км2) вуджис Улыс Новгород обласьтӧ.

2000-ӧд вояс

2003 вося ӧшым тӧлысь 7-ӧд лунӧ нуӧдӧма Перым обласьт да Коми-Перым АК Перым крайкӧд ӧтувтӧм серти референдум. Ӧтувтчӧм йылысь вӧзйӧмсӧ ошкисны кызвын гӧлӧсӧн. Ӧтувтчӧмыс вынсяліс 2005 вося ӧшым тӧлысь 1 лунӧ^[15].
2005 вося косму тӧлысь 17-ӧд лунӧ нуӧдӧма Таймыр да Эвенкийса АК-яс Красноярск край дорӧ ӧтлаӧдӧм серти референдум. Ӧтувтчӧм йылысь вӧзйӧмсӧ ошкӧма кызвын гӧлӧсӧн. Ӧтувтчӧмыс вынсяліс 2007 вося тӧвшӧр тӧлысь 1 лунӧ.
2005 вося йирым тӧлысь 23-ӧд лунӧ нуӧдӧма Камчатка обласьт да Корякса АК Камчатка крайкӧд ӧтувтӧм серти референдум. Ӧтувтчӧм йылысь вӧзйӧмсӧ ошкӧма кызвын гӧлӧсӧн. Ӧтувтчӧмыс вынсяліс 2007 вося сора тӧлысь 1 лунӧ.
2006 вося косму тӧлысь 16-ӧд лунӧ нуӧдӧма Усть-Ордынскӧй Бурятскӧй АК Иркутск обласьткӧд ӧтлаӧдӧм серти референдум. Ӧтувтчӧм йылысь вӧзйӧмсӧ ошкӧма кызвын гӧлӧсӧн. Ӧтувтчӧмыс вынсяліс 2008 вося тӧвшӧр тӧлысь 1 лунӧ.
2007 вося рака тӧлысь 11-ӧд лунӧ нуӧдӧма Чита обласьт да Агинскӧй Бурятскӧй АК ӧти Байкалсайса крайӧ ӧтувтӧм серти референдум. Ӧтувтчӧм йылысь вӧзйӧмсӧ ошкӧма кызвын гӧлӧсӧн. Ӧтувтчӧмыс вынсяліс 2008 вося рака тӧлысь 1 лунӧ.

2010-ӧд вояс

2012 вося сора тӧлысь 1 лун кежлӧ Москва карлӧн мутасыс содіс Москва обласьтса орчча районъяс тшӧт весьтӧ 2,4 пӧв.
2014 вося рака тӧлысь 18-ӧд лунӧ Крымӧс РФ-кӧд ӧтувтӧм бӧрын кӧдж вылын вӧлі котыртӧма Россия Федерациялысь выль субъектъяс: Крым Республика да федеральнӧй тӧдчанлуна Севастополь кар.
2018 вося кӧч тӧлысь 26-ӧд лунӧ Ингушетия да Чечня республикаяслӧн юралысьяс кырымалісны «Ингушетия да Чечня костын мудор индӧм йылысь артмӧдчӧм». Сы серти вӧлі вынсьӧдӧма Чечня-Ингушетия АССР-ын вӧвлӧм Сунженскӧй районлысь мутассӧ: юклӧма Ингушетияӧ пырысь Сунженскӧй район вылӧ да Чечняӧ пырысь Сунженскӧй район вылӧ (бӧрынджык вӧлі шуӧма Серноводскийӧн).

2020-ӧд вояс

2022 вося кӧч тӧлысь 30-ӧд лунӧ Россияса Президент Владимир Путин, ДНР-са юралысь Денис Пушилин, ЛНР-са юралысь Леонид Пасечник, Запорожье обласьтлӧн администрацияса юралысь Евгений Балицкий да Херсон обласьтлӧн администрацияса юралысь Владимир Сальдо кырымалісны Россияӧ нёль регион пыртӧм йылысь артмӧдчӧм. Лӧсьӧдӧма Федерацияса выль субъектъяс: Донецк Народнӧй Республика, Луганск Народнӧй Республика, Херсон да Запорожье обласьтъяс.

Картаяс

1994 вося урасьӧм тӧлысь 3-ӧд лунсянь 2005 вося ӧшым тӧлысь 1 лунӧдз Россия Федерацияса субъектъяс	2005 вося ӧшым тӧлысь 1 лунсянь 2007 вося тӧвшӧр тӧлысь 1 лунӧдз Россияса Федерацияса субъектъяс
2007 вося тӧвшӧр тӧлысь 1 лунсянь сора тӧлысь 1 лунӧдз Россия Федерацияса субъектъяс	2007 вося сора тӧлысь 1 лунсянь 2008 вося тӧвшӧр тӧлысь 1 лунӧдз Россия Федерацияса субъектъяс
2008 вося тӧвшӧр тӧлысь 1 лунсянь рака тӧлысь 1 лунӧдз Россия Федерацияса субъектъяс	2008 вося рака тӧлысь 1 лунсянь 2012 вося сора тӧлысь 1 лунӧдз Россия Федерацияса субъектъяс
2012 вося сора тӧлысь 1 лунсянь 2014 вося рака тӧлысь 18-ӧд лунӧдз Россия Федерацияса субъектъяс	2014 вося рака тӧлысь 18-ӧд лунсянь 2022 вося кӧч тӧлысь 30-ӧд лунӧдз Россия Федерацияса субъектъяс
2022 вося кӧч тӧлысь 30-ӧд лунсянь Россия Федерацияса субъектъяс

Россияса федеративнӧй тэчаслӧн аскиа лун

Регионъяс ыдждӧдӧмын водзӧ вылӧ могъяс

Нуӧдсис Кардор обласьт да Яран асвеськӧдлан кытш Поморье (Архангельск, Войвыв) крайӧ, Петыркар да Ленинград обласьт Петербург губернияӧ (Неваса, Санкт-Петербург край), Москва да Москва обласьт Москва федеральнӧй кытшӧ либӧ Москва да Тверь обласьтъяс Шӧр (Москваувса) обласьтӧ да с. в. ӧтувтӧм серти удж, но ӧтувтчӧм серти уджъяссӧ вӧлі сувтӧдӧма. Сёрнитісны сідзжӧ Еврей асвеськӧдлан обласьт бырӧдӧм да сылысь мутассӧ орчча Хабаровск крайкӧд либӧ Амур обласьткӧд ӧтлаӧдӧм йылысь.

Россия Федерация паськӧданног

«Россия Федерацияӧ выль субъект примитан да сылӧн тэчасын сійӧс артмӧдан пӧрадок йылысь» 2001 во ӧшым тӧлысь 17-ӧд лунся 6-ФКЗ №-а Федеральнӧй оланподув оланпас серти Россия Федерацияӧс позьӧ паськӧдны сы дорӧ суйӧрсайса канмуяссӧ либӧ налысь юкӧнъяссӧ федерация субъектъясӧн ӧтлаӧдӧмӧн, мый вӧчсьӧ сӧмын Россиялӧн да мӧд колана канмулӧн ӧта-мӧдкӧд сёрнитчӧмӧн.

Колӧ, медым суйӧрсайса канмулӧн мутасын котыртӧм федерацияса выль субъектӧс Россияӧ пыртӧм йылысь водзмӧстчӧмыс муніс РФ-ӧ пырны кӧсйысь мутассянь, да буретш тайӧ канмусяньыс, а оз торйӧдчӧм юкӧнсяньыс. Оланпаслысь тайӧ положениесӧ 2004 воын вынсьӧдіс РФ-са Оланподув ёрд, кор Лунвыв Осетия республика кӧсйис пырны РФ-ӧ^[16]^[17]. Оланпас пыртан тшупӧдын суйӧрсайса канмулысь мутасъяссӧ медшӧр власьтлӧн сӧгласлунтӧг Россияӧ пыртны позянлунсӧ вӧзйылісны вынсьӧдны 2005 да 2014 воясын, но медводдза оланпас баласӧ Каналан Дума ӧтдортіс^[18], а мӧдсӧ (коді лэдзӧ примитны РФ тэчасӧ суйӧрсайса канмулысь юкӧнсӧ, кор тайӧ канмуас «бур асшӧр» власьтыс абу да кор сэтчӧс власьтъясыс оз вермыны могмӧдны гражданскӧй инӧдъяссӧ^[16]) вӧлі бӧр корӧма Каналан Думаысь оланпас баласӧ сетысьясӧн^[19], сы вӧсна мы Россия шуис Крымсӧ асшӧрӧн, буретш та ради и вӧлі вӧзйӧма оланпас баласӧ^[20]^[21].

РФ-са Президент выль мутас Россияӧ субъектӧн (субъектъясӧн) примитӧм йылысь вӧзйӧм воӧм бӧрын юӧртӧ та йылысь Россияса парламентӧ да Веськӧдлан котырлы да коланлун дырйи нуӧдӧ накӧд лӧсялана консультацияяс. Ачыс примитӧмыс мунӧ лӧсялана сёрнитчӧм кырымалӧмӧн, кӧні индыссьӧ выль субъектлӧн (субъектъяслӧн) нимыс да статусыс (республика, край, обласьт либӧ асвеськӧдлӧм), ӧтувтӧм мутасъясын олысьясӧн Россияса гражданство босьтӧм, Россияӧ пырысь суйӧрсайса канму дорӧ правопреемство, выль мутасъясын Россияса оланпастэчаслӧн вын да власть органъяслӧн удж. Сёрнитчӧмӧн сідзжӧ позьӧ урчитны выль мутасъяслысь Россиякӧд ӧтувтчӧм вылӧ вуджан кадколастсӧ.

Сёрнитчӧм кырымалӧм бӧрын президент мӧдӧдӧ сійӧс видлалӧм вылӧ Оланподув Ёрдӧ да, сійӧ кӧ сетӧ бур кывкӧртӧд, пыртӧ Россиякӧд выль мутасъяс ӧтлаӧдӧм йылысь сёрнитчӧмсӧ да федеральнӧй оланподув оланпассӧ вынсьӧдӧм йылысь федеральнӧй оланпас балаяссӧ Россияса парламентӧ. Бӧръя актыс, коді, торйӧн кӧ, пыртӧ Россияса Оланподулӧ выль субъектъяслысь нимъяссӧ, вынсялӧ Россия Федерациялы да суйӧрсайса канмулы Россиякӧд выль мутасъяс ӧтлаӧдӧм йылысь войтыркостса сёрнитчӧм вынсялӧмысь оз водзджык^[22].

Пасйӧдъяс

↑ Robin Geiss. Russia’s annexation of Crimea: The mills of international law grind slowly but they do grind (англ.) // International Law Studies. — 2015. — Vol. 91, iss. 1. — P. 425–449. — ISSN 2375-2831.
↑ Конституция Российской Федерации (неопр.). publication.pravo.gov.ru. Шыӧдчан кадпас: 6 йирым тӧлысь 2022.
↑ ¹ ² В состав Архангельской области входит Ненецкий автономный округ.
↑ Указ президента Российской Федерации Архивса копия 28 ода-кора тӧлысь 2022 Wayback Machine ресурсын О включении нового наименования субъекта Российской Федерации в статью 65 Конституции Российской Федерации
↑ Административный центр — кар Москва не входит в состав Московской области
↑ ¹ ² ³ В состав Тюменской области входит Ханты-Мансийский автономный округ — Югра и Ямало-Ненецкий автономный округ.
↑ Площадь и население указаны включая Республику Крым и кар федерального значения Севастополь. Площадь РФ без Республики Крым и города федерального значения Севастополя составляет 17 206 955 км².
↑ Город Севастополь в цифрах 2020 : Краткий статистический сборник. — Крымстат, 2021. — 195 с.
↑ Конституционный суд Российской Федерации в своём постановлении Архивса копия 9 рака тӧлысь 2017 Wayback Machine ресурсын от 14 июля 1997 года № 12-П «По делу о толковании содержащегося в части 4 статьи 66 Конституции Российской Федерации положения о вхождении автономного округа в состав края, области» установил, что «часть 4 статьи 66 Конституции Российской Федерации о вхождении автономного округа в состав края, области носит констатирующий характер. Употребление термина „входящий“ означает признание Конституцией Российской Федерации существовавшего до её вступления в силу положения, согласно которому автономные округа, не оформившие изменение своего статуса, по-прежнему входят в состав соответствующего края или области». На сегодняшний день таковыми являются все автономные округа, кроме Чукотского автономного округа.
↑ Природные районы России (неопр.). Шыӧдчан кадпас: 15 вӧльгым тӧлысь 2015. Архивируйтӧма 17 вӧльгым тӧлысь 2015.
↑ Федеральный закон (неопр.). Шыӧдчан кадпас: 4 моз тӧлысь 2022. Архивируйтӧма 4 моз тӧлысь 2022.
↑ Васильева Н.В., Праскова С.В., Пятковская Ю.В. КОНСТИТУЦИОННЫЙ СТАТУС ФЕДЕРАЛЬНЫХ ТЕРРИТОРИЙ В РОССИИ: ТЕОРЕТИЧЕСКИЕ ОСНОВЫ ЗАКОНОДАТЕЛЬНОГО РЕГУЛИРОВАНИЯ // Правоприменение. — 2021. — № 1. Архивировано 4 моз тӧлысь 2022 года.
↑ Федеративный договор Архивса копия 19 урасьӧм тӧлысь 2009 Wayback Machine ресурсын 1992 года был утверждён Постановлением Съезда народных депутатов РФ от 10 апреля 1992 года «О Федеративном договоре». Законом РФ от 21 апреля 1992 года № 2708-I «Об изменениях и дополнениях Конституции (Основного Закона) Российской Советской Федеративной Социалистической Республики» положения Федеративного договора были включены в Конституцию РСФСР 1978 года.
↑ Бушуев А.С. История переговоров Российской Федерации и Республики Татарстан в 1991-1994 годах // Федерализм. — 2014. — № 2. — С. 155—162. — ISSN 2073-1051.
↑ Государственный Архив Пермского Края — Хроника событий по объединению двух субъектов РФ (неопр.). Шыӧдчан кадпас: 19 йирым тӧлысь 2009. Архивируйтӧма оригинала 29 ода-кора тӧлысь 2014 года.
↑ ¹ ² Углубление фарватера. Сможет ли Крым отделиться от Украины. Lenta.ru, 07.03.2014. (неопр.) Шыӧдчан кадпас: 9 тӧвшӧр тӧлысь 2016. Архивируйтӧма 7 рака тӧлысь 2014.
↑ Конституционный суд разъяснил Андрею Кокошину, как можно присоединить Южную Осетию к России (неопр.). Грани.ру (5 моз тӧлысь 2004). Шыӧдчан кадпас: 9 тӧвшӧр тӧлысь 2016. Архивируйтӧма 4 рака тӧлысь 2016.
↑ Госдума отказалась включать в состав РФ иностранные государства, Коммерсантъ (12.03.2005). Архивируйтӧма 26 тӧвшӧр тӧлысь 2016 вося. Шыӧдчан кадпас: 9 тӧвшӧр тӧлысь 2016.
↑ Законопроект об упрощённом порядке принятия нового субъекта в состав РФ отозван из Госдумы (неопр.). Шыӧдчан кадпас: 9 тӧвшӧр тӧлысь 2016. Архивируйтӧма 15 косму тӧлысь 2022.
↑ Закон об упрощении принятия в РФ части иного государства могут принять на следующей неделе, ТАСС (6 рака тӧлысь 2014). Архивируйтӧма 26 тӧвшӧр тӧлысь 2016 вося. Шыӧдчан кадпас: 9 тӧвшӧр тӧлысь 2016.
↑ Пояснительная записка к проекту федерального конституционного закона «О внесении изменений в Федеральный конституционный закон „О порядке принятия в Российскую Федерацию и образования в её составе нового субъекта Российской Федерации“» (неопр.). Шыӧдчан кадпас: 9 тӧвшӧр тӧлысь 2016. Архивируйтӧма 4 рака тӧлысь 2016.
↑ Федеральный конституционный закон от 17 декабря 2001 г. N 6-ФКЗ «О порядке принятия в Российскую Федерацию и образования в её составе нового субъекта Российской Федерации» (неопр.). Шыӧдчан кадпас: 9 тӧвшӧр тӧлысь 2016. Архивируйтӧма 16 тӧвшӧр тӧлысь 2016.

Ыстӧгъяс

Конституция Российской Федерации. Статья 65, где перечислены субъекты Российской Федерации
Политико-административные карты России

Регионъяс Россияын

Республикаяс:	Адыгея \| Алтай \| Башкортостан \| Бурятия \| Войвыв Осетия \| Дагестан \| Донецк Народнӧй Республика \| Ингушетия \| Кабарда-Балкария \| Калмыкия \| Карачай-Черкесия \| Карелия \| Коми \| Крым \| Луганск Народнӧй Республика \| Мари Эл \| Мордовия \| Татарстан \| Тува \| Удмуртия \| Хакасия \| Чечня \| Чувашия \| Якутия
Крайяс:	Алтай \| Байкалсайса \| Камчатка \| Краснодар \| Красноярск \| Перым \| Саридздор \| Ставрополь \| Хабаровск
Обласьтъяс:	Амур \| Астрахань \| Белгород \| Брянск \| Владимир \| Волгоград \| Воронеж \| Вӧлӧгда \| Запорожье \| Новгород \| Иваново \| Иркутск \| Калининград \| Калуга \| Кардор \| Кемерово \| Киров \| Кострома \| Курган \| Курск \| Ленинград \| Липецк \| Магадан \| Макаръя \| Москва \| Мурманск \| Новосибирск \| Омск \| Оренбург \| Орёл \| Пенза \| Псков \| Ростов \| Рязань \| Самара \| Саратов \| Сахалин \| Свердловск \| Смоленск \| Тамбов \| Тверь \| Томск \| Тула \| Тюмень \| Ульяновск \| Херсон \| Челябинск \| Ярославль
Федеральнӧй тӧдчанлуна каръяс:	Москва \| Петыркар \| Севастополь
Асвеськӧдлан обласьт:	Еврей
Асвеськӧдлан кытшъяс:	Ханты-Манси \| Чукотка \| Ямал-Яран \| Яран

Федеральнӧй кытшъяс:

[1] Robin Geiss. Russia’s annexation of Crimea: The mills of international law grind slowly but they do grind (англ.) // International Law Studies. — 2015. — Vol. 91, iss. 1. — P. 425–449. — ISSN 2375-2831.

[2] Конституция Российской Федерации (неопр.). publication.pravo.gov.ru. Шыӧдчан кадпас: 6 йирым тӧлысь 2022.

[arh-3] ¹ ² В состав Архангельской области входит Ненецкий автономный округ.

[4] Указ президента Российской Федерации Архивса копия 28 ода-кора тӧлысь 2022 Wayback Machine ресурсын О включении нового наименования субъекта Российской Федерации в статью 65 Конституции Российской Федерации

[5] Административный центр — кар Москва не входит в состав Московской области

[tumen-6] ¹ ² ³ В состав Тюменской области входит Ханты-Мансийский автономный округ — Югра и Ямало-Ненецкий автономный округ.

[7] Площадь и население указаны включая Республику Крым и кар федерального значения Севастополь. Площадь РФ без Республики Крым и города федерального значения Севастополя составляет 17 206 955 км².

[2024AB-8] Город Севастополь в цифрах 2020 : Краткий статистический сборник. — Крымстат, 2021. — 195 с.

[Including-9] Конституционный суд Российской Федерации в своём постановлении Архивса копия 9 рака тӧлысь 2017 Wayback Machine ресурсын от 14 июля 1997 года № 12-П «По делу о толковании содержащегося в части 4 статьи 66 Конституции Российской Федерации положения о вхождении автономного округа в состав края, области» установил, что «часть 4 статьи 66 Конституции Российской Федерации о вхождении автономного округа в состав края, области носит констатирующий характер. Употребление термина „входящий“ означает признание Конституцией Российской Федерации существовавшего до её вступления в силу положения, согласно которому автономные округа, не оформившие изменение своего статуса, по-прежнему входят в состав соответствующего края или области». На сегодняшний день таковыми являются все автономные округа, кроме Чукотского автономного округа.

[10] Природные районы России (неопр.). Шыӧдчан кадпас: 15 вӧльгым тӧлысь 2015. Архивируйтӧма 17 вӧльгым тӧлысь 2015.

[11] Федеральный закон (неопр.). Шыӧдчан кадпас: 4 моз тӧлысь 2022. Архивируйтӧма 4 моз тӧлысь 2022.

[12] Васильева Н.В., Праскова С.В., Пятковская Ю.В. КОНСТИТУЦИОННЫЙ СТАТУС ФЕДЕРАЛЬНЫХ ТЕРРИТОРИЙ В РОССИИ: ТЕОРЕТИЧЕСКИЕ ОСНОВЫ ЗАКОНОДАТЕЛЬНОГО РЕГУЛИРОВАНИЯ // Правоприменение. — 2021. — № 1. Архивировано 4 моз тӧлысь 2022 года.

[13] Федеративный договор Архивса копия 19 урасьӧм тӧлысь 2009 Wayback Machine ресурсын 1992 года был утверждён Постановлением Съезда народных депутатов РФ от 10 апреля 1992 года «О Федеративном договоре». Законом РФ от 21 апреля 1992 года № 2708-I «Об изменениях и дополнениях Конституции (Основного Закона) Российской Советской Федеративной Социалистической Республики» положения Федеративного договора были включены в Конституцию РСФСР 1978 года.

[14] Бушуев А.С. История переговоров Российской Федерации и Республики Татарстан в 1991-1994 годах // Федерализм. — 2014. — № 2. — С. 155—162. — ISSN 2073-1051.

[15] Государственный Архив Пермского Края — Хроника событий по объединению двух субъектов РФ (неопр.). Шыӧдчан кадпас: 19 йирым тӧлысь 2009. Архивируйтӧма оригинала 29 ода-кора тӧлысь 2014 года.

[Фарватер-16] ¹ ² Углубление фарватера. Сможет ли Крым отделиться от Украины. Lenta.ru, 07.03.2014. (неопр.) Шыӧдчан кадпас: 9 тӧвшӧр тӧлысь 2016. Архивируйтӧма 7 рака тӧлысь 2014.

[17] Конституционный суд разъяснил Андрею Кокошину, как можно присоединить Южную Осетию к России (неопр.). Грани.ру (5 моз тӧлысь 2004). Шыӧдчан кадпас: 9 тӧвшӧр тӧлысь 2016. Архивируйтӧма 4 рака тӧлысь 2016.

[18] Госдума отказалась включать в состав РФ иностранные государства, Коммерсантъ (12.03.2005). Архивируйтӧма 26 тӧвшӧр тӧлысь 2016 вося. Шыӧдчан кадпас: 9 тӧвшӧр тӧлысь 2016.

[19] Законопроект об упрощённом порядке принятия нового субъекта в состав РФ отозван из Госдумы (неопр.). Шыӧдчан кадпас: 9 тӧвшӧр тӧлысь 2016. Архивируйтӧма 15 косму тӧлысь 2022.

[20] Закон об упрощении принятия в РФ части иного государства могут принять на следующей неделе, ТАСС (6 рака тӧлысь 2014). Архивируйтӧма 26 тӧвшӧр тӧлысь 2016 вося. Шыӧдчан кадпас: 9 тӧвшӧр тӧлысь 2016.

[21] Пояснительная записка к проекту федерального конституционного закона «О внесении изменений в Федеральный конституционный закон „О порядке принятия в Российскую Федерацию и образования в её составе нового субъекта Российской Федерации“» (неопр.). Шыӧдчан кадпас: 9 тӧвшӧр тӧлысь 2016. Архивируйтӧма 4 рака тӧлысь 2016.

[ФКЗ-22] Федеральный конституционный закон от 17 декабря 2001 г. N 6-ФКЗ «О порядке принятия в Российскую Федерацию и образования в её составе нового субъекта Российской Федерации» (неопр.). Шыӧдчан кадпас: 9 тӧвшӧр тӧлысь 2016. Архивируйтӧма 16 тӧвшӧр тӧлысь 2016.

[1]

[2]

[8]

[3]

[4]

[5]

[6]

[7]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]