Паршукова Екатерина Александровна
| Паршукова Екатерина Александровна | |
|---|---|
 | |
| Чужан лун | 1997-ӧд вося сора тӧлысь 5-ӧд лун (29 арӧс) |
| Чужанін | |
| Страна | |
| Мыйся уджыс | спортын лыйсьысь |
Паршукова Екатерина Александровна (1997-ӧд вося сора тӧлысь 5-ӧд лун, Тымсер, Коми Республика) — винтовкаысь пуляӧн лыйсьӧм кузя войтыркостса класса спортса мастер. Россияса, войтыркостса ордйысьӧмъясын унаысь чемпионка, АИР-50 упражнениеын Европаса чемпионка, мирса кубокын вермысь, мирса куимысь чемпионка. Арбалетысь лыйсьӧм кузя войтыркостса спортса мастер, мирса чемпионка
Олантуй
Екатерина Паршукова чужис Кулӧмдін районса Тымсер посёлокын 1997 вося сора тӧлысь 5-ӧд лунӧ. Ичӧтдырйиыс занимайтчис биатлонӧн. Дзоньвидзалункӧд мытшӧдъяс вӧсна ковмис эновтны биатлон. Но спортсӧ эз эновт. 15 арӧсӧн Екатерина заводитӧма лыйсьыны. Лыжиӧн бура дасьтысьӧм-биатлон отсаліс лыйсьӧмын[1].
Тренерӧн лоис Александр Алексеевич Паршуков, Екатериналӧн батьыс, «Кулӧмдінса ДЮСШ» ДЮСШ МОУ-лӧн Тымсерса филиалын том йӧзлӧн Коми сборнӧйлӧн тренер[1].
2012 вося сора тӧлысьын лоис пневматическӧй ӧружиеысь лыйсьӧм кузя спортса мастерӧн: «Россияса том лыйсьысь» лыйсьӧм кузя ставроссияса ордйысьӧмын Екатерина босьтіс 2 места. 2012 вося вӧльгым тӧлысьын Конь-Колодезь сиктын лыйсьӧм кузя ставроссияса ордйысьӧмъяс вылын босьтіс 1 места, вынсьӧдіс спортса мастерлысь ним, 2013 вося урасьӧмын Ижевск карын ставроссияса ордйысьӧмъяс вылын шедӧдіс 1 места. Ижевскын Екатерина чукӧртіс 400 позянаысь 398 очко[2].
2013 вося тӧвшор тӧлысьын Екатеринаӧс босьтісны юниоръяслӧн Россияса сборнӧйӧ[1].
2015 вося арын Екатерина пырӧ Укваса канму техническӧй университетӧ «физкультура да спорт кузя тренер-преподаватель» специальносьт вылӧ. 2019 воын дорйис дипломнӧй удж «Пуляӧн лыйсьӧм кузя Россияса сборнӧйӧ пырысьяслӧн физическӧя дасьтысьӧм» тема вылӧ[1].
Спортын туй
2013 воын войтыркостса ордйысьӧмъяс дырйи Россияса сборнӧйын Екатерина босьтӧ 4-ӧд места Сербияын, сэсся 3-ӧд места Германияса Зуль карын, 2013 вося лӧддза-номъя толысьын — командалӧн 1 места Чехияса Пльзенын. Сійӧ жӧ вося йирым тӧлысьын вермӧ Европаса том йӧзлӧн лигаын Словенияын, а вӧльгым тӧлысьын лоӧ юниоръяс пӧвстын Европаса чемпионкаӧн Словакияын[1].
2014 вося рака тӧлысьын Екатерина бара вермӧ Германияын (Дортмунд карын) юниоръяс пӧвстын войтыркостса ордйысьӧмын. Косму тӧлысьын босьтӧ медводдза места ставроссияса ордйысьӧмын Краснодар карын. Моз тӧлысьын россияса сборнӧй командаын петкӧдчӧ томъяслӧн Нанкинын (Китай) ІІ Олимпийскӧй ворсӧмъясын. Йирым тӧлысьын вермӧ ӧтпырйӧ кык ордйысьӧмын: том йӧзлӧн Европаса лигаын да Россияса первенствоын. 2014 во помын Екатерина босьтӧ коймӧд места Россияса Кубокын да медводдзаӧс — том йӧз пӧвстын войтыркостса ордйысьӧмъясын[1].
2015 восӧ Екатерина заводитӧ Воронеж карын восьса региональнӧй турнирын вермӧмсянь, сэсся босьтӧ Германияын (Мюнхен карын) войтыркостса ордйысьӧмъясын кык мӧд места. Неыджыд кост бӧрын, 2015 вося урасьӧм тӧлысьын, Екатерина босьтӧ медводдза места ставроссияса ордйысьӧмъясын команднӧй упражнениеын Air 50 (Ижевск кар). А сэсся мартын Нидерландыын (Арнем карын) вермӧ Европаса первенствоын тайӧ жӧ упражнениесьыс[1].
2015 воын Екатериналы сетӧмаӧсь пуляӧн лыйсьӧм кузя войтыркостса класса спортса мастерлысь ним[3].
2015 воын Европаса первенствоын босьтіс зарни (Air-50 командаса упражнение, Москваса Владислав Фетисовкӧд) (2015)[4].
2017 воын арбалетысь лыйсьӧмын Хорватияын шедӧдіс мирса рекордъяс (2017)[5].
2019 воын Австрияса Инсбрук карын арбалет кузя мирса кубоклӧн этап вылын шедӧдіс медводдза места, пуктіс выль мирса рекорд да чукӧртіс 400 позянаысь 397 очко[1].
2019 вося гожӧмын Екатерина Паршукова пуляысь лыйсьӧм кузя ставроссияса ордйысьӧмъясын ВП-60 дисциплинаын босьтіс зарни, а Ульяновскын арбалетысь лыйсьӧм кузя мирса чемпионатын босьтіс куим зарни да ӧти бронза награда[6].
2019 вося вӧльгым тӧлысьын спортсменка лоис мирса Кубокын арбалет матчын вося медбур лыйсьысьӧн да ыджыд хрустальнӧй глобус босьтысьӧн[7][8].
2022 воын пуляысь лыйсьӧм кузя Россияса чемпионатын ВП-180 вӧчӧм упражнениеын Коми Республикаса команда, кытчӧ пырисны Елизавета Сысоева, Екатерина Паршукова да Виталий Булатов, вермис регионса 40 сборнӧй пӧвстын.
Пасйӧдъяс
- ↑ 1 2 3 4 5 6 7 8 Паршукова Екатерина Александровна (рус.). НБРК. Шыӧдчан кадпас: 7 моз тӧлысь 2025.
- ↑ Деркаева, 2013.
- ↑ «Выбор БНК. Это в Коми!»: десятка спортсменов, прославивших республику (рус.). БНКоми (12 косму тӧлысь 2016). Шыӧдчан кадпас: 7 моз тӧлысь 2025.
- ↑ Вячеслав Гайзер поздравил Екатерину Паршукову с успешным выступлением на первенстве Европы по стрельбе из пневматического оружия (рус.). Комиинформ (6 рака тӧлысь 2015). Шыӧдчан кадпас: 7 моз тӧлысь 2025.
- ↑ Севрук, 2017.
- ↑ Екатерина Паршукова из Усть-Куломского района стала двукратной чемпионкой мира по стрельбе из арбалета (рус.). Комиинформ (15 моз тӧлысь 2019). Шыӧдчан кадпас: 7 моз тӧлысь 2025.
- ↑ Спортсменка из Коми стала лучшим стрелком года в матчевом арбалете на Кубке мира (рус.). Комионлайн (17 вӧльгым тӧлысь 2019). Шыӧдчан кадпас: 7 моз тӧлысь 2025.
- ↑ Ведущий стрелок из Коми Екатерина Паршукова победила на Кубке мира (рус.). КомиАиФ (18 вӧльгым тӧлысь 2019). Шыӧдчан кадпас: 7 моз тӧлысь 2025.
Литература
- Деркаева Я. Золото вопреки: Коми рискует потерять юного стрелка // Красное знамя Севера. — Сыктывкар, 2013.02.19. — С. 5.;
- Севрук Я. Амазонка из Тимшера // Регион. — Сыктывкар, 2017. — С. 34-36.;