Укваса канму техническӧй университет

Укваса канму техническӧй университет
Укваса канму техническӧй университет
	(УГТУ)
	; Университетлӧн шӧр корпус
Войтыркостса ним	Ukhta State Technical University
Важ ним	Укваса индустриальнӧй институт
Лӧсьӧдан во	1958 воын
Вежӧма	сетісны университет статус
Вежан во	1999
Сикас	канму
Президент	Николай Цхадая
Ректор	Руслан Агиней
Студентъяс	8000 гӧгӧр
Докторъяс	53
Велӧдысьяс	405
Юридическӧй инпас	169300, Первомай ул., 13 к., Уква кар, Коми Республика, Россия.
Сайт	угту.рф
	Медиафайлы на РУВИКИ.Медиа

Укваса канму техническӧй университет (рочӧн Ухтинский государственный технический университет) — Коми Республикаса Уква карын вылыс тшупӧда велӧдчанін. Сійӧ лоӧ мусир да биару компанияяслы инженеръясӧс дасьтӧм кузя подув университетӧн^[1], тыр ним — «Укваса канму техническӧй университет» вылыс тшупӧда велӧдан канму сьӧмкуд учреждение

Сэтчӧ пырӧ куим факультет да комынысь унджык кафедра; индустриальнӧй институт (СПО), начальнӧй школа да кык филиал: Вӧркутаын да Усинскын. Вылыс да шӧр профессиональнӧй тӧдӧмлунъяс сетан уджтасъяс серти университетын велӧдчӧ квайт сюрс гӧгӧр студент. Велӧдӧны 224 велӧдысь, на лыдын 22 профессор, наука доктор да 124 доцент, наука кандидат. На лыдын Россияса естественнӧй наукаяс академияса 5 член-корреспондент, Россияса наукаяс академияса 1 член-корреспондент, Коми Республикаса 6 нимӧдана уджалысь, вылыс тшупӧда уджсикасӧ велӧдан 29 почёта уджалысь да Россия Федерацияса шӧр тшупӧда уджсикасӧ велӧдан 7 почёта уджалысь, Россия Федерацияса вылыс тшупӧда школаын 3 нимӧдана уджалысь, Коми Республикаса наукаын 1 почёта уджалысь^[2].

Университет лоӧ федеральнӧй велӧдчанінӧн.

Университетлысь статус сылы сетісны 1999 воын. Таӧдз шусис индустриальнӧй институтӧн^[3].

1997 восянь университетса ректорӧн вӧлі техническӧй наукаяс доктор, РАЕН-са академик, профессор Николай Денисович Цхадая. 2018 вося вӧльгым тӧлысь 12-ӧд лунсянь университетса ректорлысь могъяс олӧмӧ пӧртысьӧн вӧлі индӧма Дмитрий Анатольевич Беляевӧс^[4]. 2020 вося урасьӧм тӧлысь 11-ӧд лунсянь университетса ректорӧн индӧма Руслан Викторович Агинейӧс^[5], 2025 вося лӧддза-номъя тӧлысь 10-ӧд лунӧ выльысь индӧма ректорӧн 5 во кежлӧ^[6].

История

Университет нуӧдӧ ассьыс историясӧ 1958 восянь, Укваын И. М. Губкин нима Москваса нефтехимическӧй да газопромышленнӧй институтлӧн учебно-консультационнӧй пункт (УКП) восьтӧмсянь. Бӧрынджык УКП-сӧ вӧлі пӧртӧма МИНХиГП-лӧн рытъя заочнӧй факультетӧ. 1967 вося рака тӧлысь 22-ӧд лунӧ факультет подув вылын котыртӧма Укваса индустриальнӧй институт. Университетлысь статус сетӧма 1999 вося косму тӧлысь 14-ӧд лунӧ. 2011 воын университеткӧд ӧтувтісны Укваса горно-нефтянӧй колледж да Укваса промышленно-экономическӧй вӧр колледж, лоис университет комплекс. 2012 воын комплексӧ пырис Укваса индустриальнӧй техникум, 2013 воын — Петыркарса горнӧй университетлӧн Вӧркутаса филиал^[2].

Тэчас

• Вӧркутаса филиал;
• Усинскса филиал;
• Мусир да биару факультет;
• Технология факультет;
• Экономика, веськӧдлӧм да юӧртан системаяс факультет;
• Индустриальнӧй институт (СПО);
• Уджсикасын содтӧд тӧдӧмлун сетан да велӧдан институт (ИДПО);
• «Росток-УГТУ» улыс тшупӧда школа;
• УГТУ-са бизнес-инкубатор;
• 2024 восянь эм военнӧй шӧрин^[2].

Университетын эм дас ӧти учебно-лабораторнӧй корпус, дас общежитие, ыджыд научно-техническӧй небӧгаин, издательско-полиграфическӧй база, асланыс бизнес-инкубатор, ыджыд спорт комплекс, варччанін, учебно-геодезическӧй база, велӧдчан-опытнӧй мусир прӧмысел, велӧдчан-опытнӧй лесхоз. Университетлӧн подув вылын уджалӧ мусир да биару босьтан учебно-практическӧй полигон^[2].

Университет отсалӧ «Арктик-Университет» шайбаа хоккей командалы да «Планета-Университет» баскетбол клублы, «United BIT» йӧктан котырлы, «Наргиз» йӧктан ансамбльлы, «Фрески» театр-студиялы, «Дуэт-УГТУ» спорт бальнӧй йӧктан клублы, «Радость» бальнӧй йӧктан котырлы, сьылан-йӧктан студиялы.

Корпусъяс

Университетса корпусъяс меститчӧмаӧсь карса разнӧй районын:
• «А», «Б», «В» да «Г» корпусъяс — Первомай улича, 13 керка
• «Д» корпус — Первомай улича, 9 керка
• «Е» корпус — Октябрьскӧй улича, 13 керка (020 воӧдз)
• «К» корпус — Сенюков улича, 21 керка
• «Л» корпус — Сенюков улича, 15 керка
• «Н» корпус — Сенюков улича, 15 керка (2019 воӧдз — Мир улича, 4 керка)^[7].

Велӧдӧм

Вуз збыльмӧдӧ уна сикас тшупӧда велӧдан уджтасъяс, тшӧтш и уджсикасӧ велӧдан да тӧдӧмлунъяс кыпӧдан уджтасъяс. Университетын велӧдӧны 28 бакалавриат, 9 специальносьт, 15 магистратура да 12 аспирантура нырвизь серти, а сідзжӧ 22 специальносьт серти. Уджалӧ диссертация сӧвет кык специальносьт кузя^[2].

Ректоръяс

• 1967 во — 1975 во — Панов Григорий Ермолаевич;
• 1975 во — 1980 во — Матусевич Владимир Михайлович;
• 1980 вося кӧч тӧлысь — 1997 вося ода-кора тӧлысь — Рассохин Геннадий Васильевич;
• 1997 вося лӧддза-номъя тӧлысь — 2018.10.31 — Цхадая Николай Денисович;
• 2018.11.01 — 2019.07.12 — Беляев Дмитрий Анатольевич (ректорлысь могъяс олӧмӧ пӧртысь);
• 2020.02.11 — ӧніӧдз Агиней Руслан Викторович (ректорлысь могъяс олӧмӧ пӧртысь 2019.07.15 — 2020.02.11).

Партнёръяс

Укваса университет ёртасьӧ Россияса мусир да биару, геология, горнодобывающӧй, вӧр, стрӧитчан да мукӧд промышленносьт юкӧнса медшӧр корпорацияяскӧд. Бизнескӧд ёртасьӧм лӧсьӧдӧма 20 унджык юкӧнын: уджсикасӧ туйдӧм, велӧдӧм, наука да инновация, проектъяс да опыт, консультируйтӧм да промышленнӧй безопасносьт, спорт да культура, бать-мамтӧм челядьлы отсӧг сетӧм. Университет комплекслӧн медшӧр стратегическӧй уджъёртъяс:
• «Газпром»  (рус.) (коми — «Газпром трансгаз Ухта», «ВНИИГАЗ», «Газпром бурение», «Газпром добыча», «Газпром промгаз», «Газпром нефть», НПЗ «Газпром», Штокман Девелопмент АГ, Гипрогазцентр и нӧшта 19 россияса предприятие;
• «Лукойл»  (рус.) (коми — «Лукойл-Коми», «Лукойл-Инжиниринг», НПЗ «Лукойл-Ухта», «Лукойл-Северо-Западнефтепродукт» да мукӧд;
• «Роснефть»  (рус.) (коми — «РН — Северная нефть», «РН-Бурение», «РН-Сервис»;
• «Транснефть»  (рус.) (коми — АО «Транснефть — Север», АО «Гипротрубопровод» и нӧшта 7 компания;
• «Зарубежнефть»  (рус.) (коми — филиалъяс Вьетнамын, Кубаын да мукӧд регионын;
• Войтыркостса корпорацияяс — Hulliburton, Total, Schlumberger, Baker Huges, Ml-Svaco, Mireco, Gaz de France, Ruhrgas да мукӧд.

Пасйӧдъяс

↑ Сиди и смотри (неопр.). Коммерсантъ (20 косму тӧлысь 2010). Шыӧдчан кадпас: 14 ӧшым тӧлысь 2012. Архивируйтӧма 10 вӧльгым тӧлысь 2012.
↑ ¹ ² ³ ⁴ ⁵ Университет (неопр.). УГТУ. Шыӧдчан кадпас: 11 лӧддза-номъя тӧлысь 2025.
↑ Профсоюзы, Выпуски 1-6 (неопр.) (2004). Шыӧдчан кадпас: 14 ӧшым тӧлысь 2012.
↑ С поста ректора УГТУ ушел Николай Цхадая Архивса копия 22 косму тӧлысь 2019 Wayback Machine ресурсын — progoroduhta.ru
↑ Руслан Агиней приступил к работе в должности врио ректора УГТУ (неопр.). Шыӧдчан кадпас: 19 сора тӧлысь 2019. Архивируйтӧма 20 сора тӧлысь 2019.
↑ Руслан Агиней утвержден в должности ректора УГТУ сроком на пять лет (неопр.). БНКоми (10 лӧддза-номъя тӧлысь 2025). Шыӧдчан кадпас: 11 лӧддза-номъя тӧлысь 2025.
↑ В УГТУ сокращают зарплаты, избавляются от институтов и корпусов (неопр.). Шыӧдчан кадпас: 9 йирым тӧлысь 2019. Архивируйтӧма 26 кӧч тӧлысь 2019.

Литература

• Цхадая, Н. Д. Ухтинский государственный технический университет: пути становления и развития. — Ухта: УГТУ, 2008. — 309 с.

[1] Сиди и смотри (неопр.). Коммерсантъ (20 косму тӧлысь 2010). Шыӧдчан кадпас: 14 ӧшым тӧлысь 2012. Архивируйтӧма 10 вӧльгым тӧлысь 2012.

[у-2] ¹ ² ³ ⁴ ⁵ Университет (неопр.). УГТУ. Шыӧдчан кадпас: 11 лӧддза-номъя тӧлысь 2025.

[3] Профсоюзы, Выпуски 1-6 (неопр.) (2004). Шыӧдчан кадпас: 14 ӧшым тӧлысь 2012.

[4] С поста ректора УГТУ ушел Николай Цхадая Архивса копия 22 косму тӧлысь 2019 Wayback Machine ресурсын — progoroduhta.ru

[5] Руслан Агиней приступил к работе в должности врио ректора УГТУ (неопр.). Шыӧдчан кадпас: 19 сора тӧлысь 2019. Архивируйтӧма 20 сора тӧлысь 2019.

[6] Руслан Агиней утвержден в должности ректора УГТУ сроком на пять лет (неопр.). БНКоми (10 лӧддза-номъя тӧлысь 2025). Шыӧдчан кадпас: 11 лӧддза-номъя тӧлысь 2025.

[7] В УГТУ сокращают зарплаты, избавляются от институтов и корпусов (неопр.). Шыӧдчан кадпас: 9 йирым тӧлысь 2019. Архивируйтӧма 26 кӧч тӧлысь 2019.

[1]

[2]

[3]

[4]

[5]

[6]

[7]