Печӧра увтас
| Печӧра увтас | |
|---|---|
| Характеристики | |
| Юяс | Печӧра, Изьва, Усва |
| Расположение | |
| 67°10′ с. ш. 53°40′ в. д.GЯO | |
| Страна | |
| РФ-са субъектъяс | Яран асвеськӧдлан кытш , Коми Республика |
Печӧра увтас (рочӧн Печорская низменность) — Россиялӧн европейскӧй юкӧнса асыв-войвылын увтас, куйлӧ Печӧра ю ковтысын, Урал да Тиман нӧрыс костын (Коми Республика да Ненеч асвеськӧдлан кытш мутасын).
Печора увтасын вежласьӧны тшӧтшкӧсінъяс, кӧні куйлӧны флювиоглациальнӧй лыаяс да ты сёйяс да найӧ ёна нюрсялӧмаӧсь, а сідзжӧ мылькъяса да мусюра участокъяс, кӧні куйлӧны морена да лыаа-гравий. Уна ты. Медся ыджыд юяс — Печӧра да сылӧн Усва да Изьва вожъяс. Берег пӧлӧн 30 километрӧдз визьӧн мунӧны саридз террасаяс. Ывласямыс шӧркодь континентальнӧй, войвылын субарктическӧй. Войвылын кызвыннас тундра (торйӧдӧны Большеземельскӧ, Малоземельскӧй да Тиманса тундраяс), лунвылын — лыска вӧръяс, ва юкланінъясын — нюръяс. Эмӧсь изшом да мусир куйлӧдъяс.
Печӧраса джумгӧр рытыв-лунвыв юкӧнын Тимано-Печорскӧй плиталысь подувсӧ вӧйтӧма 2-4 км вылӧ, а асыв-войвыв юкӧнын (Большеземельскӧй зона) — 5-9 километрӧдз[1].
Пасйӧдъяс
- ↑ Геологическое строение Тимано-Печорской (Печорской) впадины. Шыӧдчан кадпас: 4 урасьӧм тӧлысь 2015. Архивируйтӧма 4 урасьӧм тӧлысь 2015.
Литература
- Горкин, А. П. (Гл. Ред.). География: Современная иллюстрированная энциклопедия. — Росмэн, 2006. — 624 с. — ISBN 5353024435.
Ыстӧгъяс
- Печӧра увтас — статья из Большой советской энциклопедии. .
- Печӧра увтас — статьяыс Ыджыд Энциклопедическӧй кывкудйысь.