Планета-Университет
| Планета-Университет | |||
|---|---|---|---|
 | |||
| Рӧмъяс | |||
| Лӧсьӧдӧма | 2002 | ||
| Кар |
 Коми Республика Уква кар,  Россия |
||
| Стадион | «Буревестник» | ||
| Соревнование | Суперлига (баскетбол) | ||
| Сайт | basketball.ugtu.net/inde… | ||
| Форма | |||
|
|||
«Планета-Университет» — Коми Республикаса Уква карысь мужичӧй баскетбол клуб, ворсӧ суперлигаын.
История
Укваса канму техническӧй университетын (водзті — Укваса индустриальнӧй институт, УИИ) баскетболӧн кутісны ворсны 1970-ӧд вояссянь.
Студентъяс медводдзаысь петкӧдчисны 1971 воын Коми канму пединститутын. Командаын вӧліны: В. Мяндин, Г. Рочев, И. Карпов, Ю. Фролов. Тренеръясӧн сэки вӧліны Е. Ф. Крейнин, В. Г. Черников.
Водзӧ УИИ-са баскетболистъяс бура петкӧдчылісны карса да республикаса ордйысьӧмъясын.
Командаын (1974 вося йирым тӧлысь, Инта): В. Людзимин, В. Кузнецов, Ю. Фролов, Эногели, Г. Карпов, В. Мяндин, А. Стромцов, В. Шаганов.
1992 восянь УИИ-лысь сборнӧйсӧ петкӧдліс «Кортас» команда, коді пырӧдчис мужичӧй командаяс пӧвстын Россияса чемпионатлӧн мӧд лигаын ворсӧмъясӧ.
1994 восянь Укваса индустриальнӧй институтсӧ петкӧдліс «Мастер-Имидж» команда. I лигаса Россияса чемпионатын петкӧдчӧмӧн 1996 восянь «Мастер-Имидж» команда пырӧдчис мастеръяслӧн командаяс пӧвстын Россияса чемпионатъясӧ. 1999—2000 воясся сезонын команда босьтіс 8-ӧд места I лигаса Россияса чемпионатын.
2000—2001 воясся сезонын — I лигаса Россияса чемпионатын 14-ӧд места.
2001—2002 воясӧ команда босьтіс I лигаса Россияса чемпионатын 21 места. 2002 воын «Мастер-Имидж» команда подув вылын вӧлі лӧсьӧдӧма «Планета-Университет» баскетбол команда. 2004 воын команда подув вылын вӧлі котыртӧма «Планета-Университет» баскетбол клуб. Командаӧ корӧмаӧсь Россияса нимӧдана тренер Дмитрий Павлович Тумановӧс. Сезонлӧн кывкӧртӧдъяс серти команда босьтіс 12 команда пӧвстысь 6 места «Б» дивизионса Вылыс лигаын мужичӧй командаяс пӧвстын Россияса чемпионатын. 2004—2005 воясын «Планета-Университет» команда, Вылыс лигаса «Б» дивизионса мужичӧй командаяс пӧвстын Россияса чемпионатын петкӧдчигӧн, 11 команда пӧвстын босьтіс 4-ӧд места. 2005—2006 воясся сезонын команда лоис «Б» дивизионса Вылыс лигалӧн мужичӧй командаяс пӧвстын Россияса чемпионатын бронза призёрӧн. 2006—2007 воясын, кор медводдза во петкӧдчис «А» вылыс лигаса мужскӧй командаяс пӧвстын Россияса чемпионатын, «Планета-Университет» команда босьтіс 9-ӧд места. 2007—2008 воясся сезонын команда босьтіс «А» дивизионса Вылыс лигалӧн мужичӧй командаяс пӧвстын Россияса чемпионатын 13-ӧд места. 2008—2009 воясӧ — «А» дивизионса Вылыс лигалӧн мужичӧй командаяс пӧвстын Россияса чемпионатын 10-ӧд места.
2009—2010 воясся сезонын «Планета-Университет» баскетбол клуб петкӧдчӧ «Север» вылыс лигаса мужичӧй командаяс пӧвстын Россияса чемпионатын.
2010—2011 воясся сезонсянь «Планета-Университет» баскетбол клуб петкӧдчӧ мужичӧй командаяс пӧвстын баскетбол кузя Россияса чемпионатын высшӧй лигаын «А» дивизион. 2012 восянь выступайтіс суперлигаын, 2012/2013 вося сезонын командаын ворсіс Александр Зайкин.
2013 вося моз тӧлысьын команда 2013/14 сезон кежлӧ вуджис Высшӧй лигаӧ[1]
19.10.2013 воын «Спорт-Фест» баскетбол гаж дырйи вӧлі официальнӧя юӧртӧма Динамо котыркӧд ёртасьӧм йылысь да командалысь 2014/15 сезонся нимсӧ вежӧм йылысь «Динамо Планета-Университет» вылӧ.
2014 восянь командаыс выступайтіс Лейла Кравчук веськӧдлӧм улын Международнӧй студенческӧй баскетбол лигаын. Сэсся сійӧн веськӧдліс боснийскӧй специалист Златан Прешич, а Лейла Кравчук вӧлі сылӧн ассистентӧн. Студенческӧй баскетболлӧн ассоциация тшупӧдын найӧ шедӧдісны 2015/16 сезонын эзысь медаль да 2016/17 сезонын Студенческӧй лигаын бронза медаль[2].
Инфраструктура
Гортса ворсӧмъяссӧ «Планета-Университет» баскетбол клуб нуӧдӧ «Буревестник» универсальнӧй спорт комплекслӧн арена вылын.
«Буревестник» СК меститчӧма Космонавтъяс шӧртуйсянь неылын — Уква карса шӧр уличаясысь ӧтисянь.
Спорт комплексӧ тӧрӧ 600 видзӧдысь, кодъяслы лӧсьӧдӧма кыдз позьӧ лӧсьыдджык условиеяс: лӧсьыд креслӧяс, лӧсьыд подъездъяс, дон босьттӧг Wi-Fi. Трибуна вылысь любӧй местасянь зэв бура тыдалӧ ворсаніныс. Залын эм кык электроннӧй табло, зэв бур би да акустическӧй система.
Ворсӧмъяс бӧрын шойччӧмсӧ, матч кежлӧ дасьтысьӧмсӧ, а сідзжӧ сезонводзвывса сборъяссӧ «Планета-Университет» баскетбол клуб нуӧдӧ аслас шойччан базаын, мый меститчӧма карсянь 15 км ылнаын Уква юдорса пожӧма вӧрын. Базаын эм став колана условиеыс, медым тырвыйӧ дасьтысьны ворсӧмъяс кежлӧ.
Пасйӧдъяс
- ↑ - Ухтинская «Планета-Университет» осталась без Суперлиги. Шыӧдчан кадпас: 19 моз тӧлысь 2013. Архивируйтӧма 4 рака тӧлысь 2016.
- ↑ «Планета», творившая чудеса - история легендарного клуба из Ухты. Шыӧдчан кадпас: 11 лӧддза-номъя тӧлысь 2025.