Россия да Украина костын сёрнитчӧмъяс (2025)

Босьтӧма Рувикиысь
Россия да Украина костын сёрнитчӧмъяс
Российско-украинские переговоры в Стамбуле 16-05-2025.jpg
Лун 2025.05.16
Ин Стамбул, Долмабахче

Россия да Украина костын сёрнитчӧмъяс (рочӧн Переговоры России и Украины) — Украинаын конфликт ладмӧдӧм кузя веськыд сёрнитчӧмъяс, кодъясӧс Россия Федерацияса президент Владимир Путин вӧзйис панны 2025 вося ода-кора тӧлысь 15-ӧд лунӧ Стамбулын[1]. Роч делегация вӧлі дась сёрнитчыны ода-кора тӧлысь 15-ӧд лунся асылӧ, но украинаса представительяс аддзысьлӧм вылӧ эз локны, и Турциялӧн ӧти кывйӧ воӧмлы отсалӧмӧн сёрнитчӧмъясыс мунісны Долмабахче дворечын мӧд луннас — ода-кора тӧлысь 16-ӧд лунӧ[2]. Кык час чӧжся сёрниыслысь кывкӧртӧдъяссӧ да сы бӧрын Путинлысь да Трамплысь телефон пыр сёрнитӧмсӧ сэні участвуйтысьяс, мукӧд политикъяс да политологъяс донъялісны, кыдзи ладмӧдӧмын неуна водзӧ мунӧм.

2025 вося ода-кора тӧлысь 28-ӧд лунӧ Россия Федерацияса суйӧрсай могъяс кузя министр Сергей Лавров юӧртіс, мый РФ да Украина костын сёрнитчӧмъяслӧн мӧд раундыс мунас лӧддза-номъя тӧлысь 2-ӧд лунӧ Стамбулын[3]. Лӧддза-номъя тӧлысь 1 лунӧ россияса делегация воис Стамбулӧ сёрнитчӧмъяс вылӧ, найӧс нуӧдасны Чираган дворечын[4]. Владимир Зеленский сідзжӧ эскӧдіс аслас делегациялысь воӧмсӧ[5].

История

2025 вося ода-кора тӧлысь 11-ӧд лунӧ РФ-са президент Владимир Путин чукӧртіс журналистъясӧс Ыджыд Кремль дворечлӧн Малахитовӧй фойеӧ, медым вӧчны кывкӧртӧдъяс канмуясса веськӧдлысьяскӧд аддзысьлӧмъяс серти, кодъяс волісны Москваӧ Айму вӧсна Ыджыд тышын Вермӧмсянь 80 во тырӧм пасйӧм вылӧ[6].

Россияса президент казьтыштіс, мый Украина эз кутчысь энергетическӧй объектъяс кузя кучкӧм вылӧ 30 лунся мораторийӧ, мый вӧлі рака тӧлысь 18-ӧд лунсянь косму тӧлысь 17-ӧд лунӧдз. Сідзжӧ Киев матӧ 5 сюрс пӧв торкӧма Ыджыд лунся перемирие. Вермӧм лун кежлӧ Россияӧн вӧзйӧм перемирие вылӧ вочакыв пыдди Украина нуӧдіс гырысь атакаяс. Сэні участвуйтісны 524 БПЛА да 45 беспилотнӧй катер.

Та вылӧ видзӧдтӧг, Россия вӧзйис Украинаса власьтъяслы 2025 вося ода-кора тӧлысь 15-ӧд лунӧ Стамбулын водзӧ нуӧдны веськыд сёрнитчӧмъяс, кодъясӧс найӧ дугӧдісны 2022 во помын, некутшӧм условиеястӧг[7].

2025 вося ода-кора тӧлысь 11-ӧд лунӧ Путинлӧн да Турцияса президент Реджеп Тайип Эрдоганлӧн сёрнитігӧн бӧръяыс тырвыйӧ ошкис Москва да Киев костын веськыд сёрнитчӧмъяс выльысь панӧм йылысь водзмӧстчӧмсӧ, кӧсйысис сетны Стамбулӧ площадка да сетны став позяна отсӧгсӧ[8].

Владимир Зеленский гижис X соцвезйын  (рус.) (коми: «Ме кута виччысьны Путинӧс Турцияын четвергӧ (2025 вося ода-кора тӧлысь 15-ӧд лунӧ)»[9]. Сэк жӧ Турцияса президентлӧн администрацияын шуисны, мый оз тӧдны Зеленскийлӧн мӧвпъяс йылысь волыны Турцияӧ ода-кора тӧлысь 15-ӧд лунӧ[10]. Россияса президентлӧн пресс-секретарь Д. Песковлӧн юӧртӧм серти, Путинлӧн ода-кора тӧлысь 15-ӧд лун кежлӧ вӧлі урчитӧма уджалан аддзысьлӧмъяс Москваын, сійӧ эз и кӧсйы пырӧдчыны Турцияын сёрнитчӧмъясӧ; Россияса президентлӧн видзӧдлас серти, канмуясса юралысьяс тшупӧдын аддзысьлӧмъяс кежло колӧ бура да дыр дасьтысьны[11].

2025 вося ода-кора тӧлысь 13-ӧд лунӧ Дональд Трамп шуис, мый АӦШ-са госсекретар Марко Рубио да мукӧд американскӧй чина йӧз воасны Стамбулӧ планируйтӧм сёрнитчӧмъяс вылӧ[12].

2025 вося ода-кора тӧлысь 14-ӧд лунӧ Путин нуӧдіс Стамбулын Украинакӧд сёрнитчӧмъяс дасьтӧм кузя сӧвещанньӧ. Участвуйтысьяс лыдын, россияса переговорнӧй группаса членъяс кындзи, кодъясӧс индӧма президентлӧн индӧдӧн, вӧліны: иностраннӧй делӧяс кузя министр Сергей Лавров, оборона министр Андрей Белоусов, Росгвардияӧн веськӧдлысь Виктор Золотов, Совбезса секретар Сергей Шойгу, Генштабса начальник Валерий Герасимов, ФБС-са директор Александр Бортников да тайӧ зонаын группировкаясӧн став командуйтысьыс[13].

Ода-кора тӧлысь 15-ӧд лунлы паныда войӧ «Россия» торъя лэбалан отрядлӧн самолёт, коді новлӧдлӧ россияса веськӧдлысьясӧс, лэбис Стамбулӧ. Авиация службаясысь «Интерфакслы» юӧртісны, мый россияса делегация воис Ататюркса аэропортӧ водз асылын[14]. Медводз вӧлі планируйтӧма, мый делегацияяслӧн аддзысьлӧмыс лоас Москваса 10:00 часын Долмабахче дворечын, но украинскӧй делегация абутӧм вӧсна сёрнитчӧмъяссӧ вӧлі вештӧма мӧд лун кежлӧ[15].

Ода-кора тӧлысь 15-ӧд лунӧ Стамбулын РФ-са Генконсульствоын пресса дорӧ шыӧдчигӧн Владимир Мединский висьталіс, мый Россияса делегация лыддьӧ ӧнія сёрнитчӧмъяссӧ 2022 воын дугӧдӧм мирнӧй процесслӧн водзӧ мунӧмӧн, сылӧн эм став колана компетенцияыс да полномочиеыс[16]. Веськыд сёрнитчӧмъяслӧн могыс — петны дыр кадся мир лӧсьӧдӧмӧ, конфликтлысь медшӧр помкаяссӧ бырӧдӧмӧн[17].

Тайӧ жӧ лунӧ Турцияса иностраннӧй делӧяс кузя министр Хакан Фидан аддзысьліс россияса делегациякӧд[18].

Ода-кора тӧлысь 15-ӧд лунӧ рытнас ТАСС-са ӧти источник юӧртіс, мый Стамбулын Россияса да Украинаса делегацияяслӧн сёрнитчӧмъяс заводитчасны ода-кора тӧлысь 16-ӧд лунӧ[2]. Зеленскийлӧн коммуникация кузя сӧветник Дмитрий Литвин юӧртіс, мый украинаса делегация воас Стамбулӧ ода-кора тӧлысь 15-ӧд лунӧ сёр рытын[19].

The Guardian серти, Стамбулса сёрнитчӧмъяс вылын АӦШ-ӧс петкӧдліс Госдеплысь политика планируйтысь директор Майкл Антон[20].

Ода-кора тӧлысь 16-ӧд лунӧ вӧліны уна сикас форматын аддзысьлӧмъяс: Россия, Украина да Турция костын куимладорса сёрнитчӧмъяс, а сідзжӧ АӦШ — Украина — Турция куимладорса аддзысьлӧм[21], кӧні участвуйтісны США-са госсекретарь Рубио да Украинаын спецпосланник Кит Келлог. Украинасянь сэні вӧліны президентлӧн офисӧн веськӧдлысь Андрей Ермак да суйӧрсайса делӧяс кузя министр Андрей Сибига. Переговоръяс вылын Турцияӧс представляйтіс МИД-са глава Фидан[22].

Ода-кора тӧлысь 16-ӧд лунӧ Владимир Мединский  (рус.) (коми аддзысьліс АӦШ-са представительяскӧд Россия-Украина сёрнитчӧмъяс заводитчытӧдз[23].

2025 вося ода-кора тӧлысь 28-ӧд лунӧ иностраннӧй делӧяс кузя министр Сергей Лавров юӧртіс, мый РФ да Украина костын сёрнитчӧмъяслӧн мӧд раундыс мунас лӧддза-номъя тӧлысь 2-ӧд лунӧ Стамбулын[3].

2025 вося ода-кора тӧлысь 29-ӧд лунӧ РФ-са МИД-ӧс официальнӧя петкӧдлысь Мария Захарова юӧртіс, мый лӧддза-номъя тӧлысь 2-ӧд лунся сёрнитчӧмъяс вылын россияса делегация лоӧ сэтшӧм жӧ, кутшӧм и 2025 вося ода-кора тӧлысь 16-ӧд лунӧ[24]. Украинаса делегациялысь составсӧ вӧлі вежӧма. Владимир Зеленскийлӧн индӧд серти сэтысь вежисны ВСУ Генштаблӧн шӧр юридическӧй веськӧдланінысь войтыркостса да операционнӧй право управлениеса начальник Алексей Маловацкийӧс. Таысь кындзи, делегацияӧ пыртӧмаӧсь найӧс, кодъяс эз вӧвны ода-кора тӧлысь 16-ӧд лунся аддзысьлӧмын. Тайӧ безопасносьт да оборона секторса органъяс системаын Верховнӧй радаысь мортлӧн инӧдъяс кузя уполномоченнӧй Юрий Ковбас, ВСУ Генштабса начальникӧс вежысь Евгений Острянский да ВСУ Генштабса шӧр юридическӧй управлениеысь международнӧй да операционнӧй право управлениеса начальникӧс вежысь Андрей Фомин[25].

Сёрнитчӧмъяслӧн мунанног

Переговоръяс заводитчӧм водзвылын — Турцияса иностраннӧй делӧяс кузя министр Хакан Фиданлӧн выступление

2025 вося ода-кора тӧлысь 16-ӧд лунӧ Стамбулын мунісны Россияса, Турцияса да Украинаса делегацияяслӧн сёрнитчӧмъяс. Аддзысьлӧм водзвылын Турцияса иностраннӧй делӧяс кузя министр Хакан Фидан висьталіс[26]:

2022 вося рака тӧлыссянь тайӧ медводдза аддзысьлӧм странаяс костын. Миянлы колӧ видлавны тайӧ позянлунсӧ. Быд лун вайӧ нӧшта ыджыдджык жуглӧмъяс да катастрофаяс. Война мунігкості колӧ помавны бисӧ. Ми индам матысса воськовъяссӧ ставным ӧтлаын. Тайӧ чукӧртчылӧмыс индас странаса лидеръяслысь водзӧ вылӧ паныдасьӧмсӧ[27].

Россиялӧн да Украиналӧн сёрнитчӧмъясыс мунісны кык час гӧгӧр[28], прессасӧ сэтчӧ эз лэдзны[29].

Бӧртас

Сёрнитчӧмъяс помалӧм бӧрын Мединский висьталіс, мый роч делегация дӧвӧлен бӧртасъясӧн да дась водзӧ кутны йитӧдсӧ[30]. Сыысь кындзи:

  • Россия да Украина сёрнитчисны паськыда петкӧдлыны ассьыныс видзӧдлассӧ водзӧ вылӧ би дугӧдӧм йылысь[31];
  • украинаса делегация корис веськыд сёрнитчӧмъяс канмуясса лидеръяс костын, Россия босьтіс тайӧс тӧд вылӧ[32];
  • матысса лунъясӧ Россия да Украина вежласьӧны пленнӧйясӧн 1000 вылӧ 1000 форматын[33].

2025 вося ода-кора тӧлысь 17-ӧд лунӧ АӦШ-са госсекретар Марко Рубиокӧд телефон пыр сёрнитігӧн РФ-са иностраннӧй делӧяс кузя министр Сергей Лавров эскӧдіс, мый Россия дась водзӧ уджавны АӦШ-кӧд украинаса конфликт ладмӧдӧм кузя. Сідзжӧ сійӧ пасйис АӦШ-лысь бур рольсӧ, мый отсалісны вӧчны Стамбулын сёрнитчӧмъяссӧ. Рубио ассяньыс тӧдчӧдіс, мый Вашингтон дась и водзӧ отсавны корсьны украинаса конфликт ладмӧданногсӧ[34]. Бӧрынджык госсекретар юӧртіс Путинлӧн да Трамплӧн телефон пыр сёрни дасьтӧм йылысь ода-кора тӧлысь 19-ӧд лунӧ да Россияса да АӦШ-са лидеръяслысь регыдъя кадӧ аддзысьлӧм йылысь[35].

2025 вося ода-кора тӧлысь 23-ӧд лунӧ РФ-са оборона министерство юӧртіс пленнӧйясӧс вежлалӧм йылысь. Ведомстволӧн юӧртӧм серти, ода-кора тӧлысь 16-ӧд лунӧ Стамбулын сёрнитчӧмъяс серти Киевлӧн веськӧдлӧм улӧ пырысь мутасысь бӧр бергӧдісны 270 россияса военнослужащӧйӧс да 120 гражданскӧй мортӧс, на лыдын ВСУ-ӧн босьтӧмаяс пӧвстын Курск обласьтса мирнӧй олысьяс. Сы пыдди сетӧма ВСУ-лы 270 военнопленнӧйӧс да 120 гражданскӧй мортӧс[36].

2025 вося ода-кора тӧлысь 24-ӧд лунӧ 307 россияса военнослужащӧй воисны гортаныс, сы мында жӧ мортӧс мунісны ВСУ-ӧ[37].

2025 вося ода-кора тӧлысь 25-ӧд лунӧ Россияса оборона министерство юӧртіс, мый Киевлӧн веськӧдлӧм улӧ веськалӧм мутасысь бӧр вайӧдӧма нӧшта 303 россияса военнослужащӧйӧс, на пыдди сетӧма ВСУ-лы 303 военнопленнӧйӧс[38]. Татшӧм ногӧн, вӧлі помалӧма пленнӧйясӧс «сюрс вылӧ сюрс» формула серти вежӧм.

Россияса делегация

Ода-кора тӧлысь 14-ӧд лунӧ рытнас Владимир Путин вынсьӧдіс Стамбулын сёрнитчӧмъяс вылӧ россияса делегациялысь составсӧ. Сійӧн юрнуӧдіс РФ-са президентлӧн отсасьысь Владимир Мединский[39]. Сійӧ жӧ вӧлі 2022 воын россияса переговорщикъяслӧн юралысьӧн[40]. Сідзжӧ делегацияӧ пырисны:

Россияса делегация (сёрнитчӧмъяс 2025 вося ода-кора тӧлысь 16-ӧд лунӧ)
  • РФ-са МИД-ӧн веськӧдлысьӧс вежысь Михаил Галузин,
  • РФ ВС-лӧн Генштабса начальникӧс вежысь Игорь Костюков,
  • оборонаса министрӧс вежысь Александр Фомин[41].

Делегацияын тшӧтш вӧлісны 4 эксперт:

  • Генштаблӧн юӧрӧн веськӧдланінса начальникӧс медводдза вежысь Александр Зорин,
  • РФ-са президентлӧн гуманитарнӧй юкӧнын государственнӧй политикаӧн веськӧдланінса начальникӧс вежысь Елена Подобреевская,
  • Россияса МИД-лӧн СНГ странаясса мӧд департаментса директор Алексей Полищук,
  • РФ-са оборона министерстволӧн войтыркостса военнӧй ёртасьӧм кузя Главнӧй управлениеса начальникӧс вежысь Виктор Шевцов[42].

Украинаса делегация

Ода-кора тӧлысь 15-ӧд лунӧ рытнас Владимир Зеленскийлӧн офисыс йӧзӧдіс Стамбулса сёрнитчӧмъяс вылын Украинаса делегациялӧн состав йылысь индӧд[43]. Сійӧн юрнуӧдіс оборона министр Рустем Умеров.

Украинаса делегация (сёрнитчӧмъяс 2025 вося ода-кора тӧлысь 16-ӧд лунӧ)

Делегацияӧ пырисны:

  • иностраннӧй делӧяс кузя министрӧс медводдза вежысь Сергей Кислица,
  • СБУ-са веськӧдлысьӧс вежысь Александр Поклад,
  • ортсыса разведка службаӧн веськӧдлысьӧс медводдза вежысь Олег Луговский,
  • ВСУ Генеральнӧй штабса начальникӧс вежысь Алексей Шевченко,
  • Главнӧй разведка управлениеса начальникӧс вежысь Вадим Скибицкий,
  • Воздушнӧй вынъяслӧн командованиелӧн штабса начальникӧс вежысь Евгений Шинкарев,
  • Военно-морскӧй вынъяслӧн командование штабса начальникӧс вежысь Александр Дьяков,
  • ВСУ Генштаблӧн Шӧр юридическӧй веськӧдланінын войтыркостса да операционнӧй право управлениеса начальник Алексей Маловацкий,
  • ВСУ Генштаблӧн Главнӧй оперативнӧй веськӧдланінса старшӧй офицер Александр Шерихов,
  • ВСУ-са главкомандующӧйӧс могмӧдан аппаратса протоколса офицер Георгий Кузьмичев,
  • Украинаса президентлӧн офисӧн юрнуӧдысьлӧн сӧветник Александр Бевз[44].

Украинаса делегацияысь кык техническӧй участник пышйӧмаӧсь Стамбулса сёрнитчӧмъяс дырйи. Кыдзи юӧртіс Верховнӧй радысь экс-депутат Спиридон Килинкаров, вуджӧдчысь Головко да секретарлы отсасьысь Самойленко пышйисны да Киевӧ бӧр эз воны[45].

Донъялӧм

2025 вося ода-кора тӧлысь 17-ӧд лунӧ РФ-са президентлӧн пресс-секретар Дмитрий Песков шуис, мый Владимир Путинлысь да Владимир Зеленскийлысь аддзысьлӧмсӧ Кремль лыддьӧ позянаӧн, «но буретш кыдзи уджлӧн бӧртас да кыкнанладорсянь сёрнитчӧмъясӧн торъя бӧртасъяс шедӧдӧм серти»[46].

АӦШ-са президент Дональд Трамп ошкис Владимир Путинлысь Украинакӧд веськыд сёрнитчӧмъяс выльысь панны вӧзйӧмсӧ[47]:

Гашкӧ, тайӧ Россиялы да Украиналы ыджыд лун. Мӧвпыштлӧй уна сё сюрс олӧм йылысь, кодъясӧс лоӧ спаситӧма, кор помасяс тайӧ помасьлытӧм «бойняыс». — Truth Social

Сідзжӧ Трамп корис Украинаӧс «пыр жӧ сӧгласитчыны» Стамбулын сёрнитчӧмъяс вылӧ[48] да висьталіс, мый тшӧктӧ нуӧдны аддзысьлӧм. Сійӧ висьталіс, мый мӧвпалӧ Стамбулӧ аслас ветлӧм йылысь[49].

Ме чайта, сэні колӧ лоны кыкнан юрнуӧдысьыслы (РФ-са да Украинаса — ред.). Ме мӧвпала лэбзьыны сэтчӧ. Ме ог тӧд, кӧні ме лоа четвергӧ, менам сэтшӧм уна аддзысьлӧм, но ме мӧвпала збыльысь лэбзьыны сэтчӧ. Чайта, татшӧм позянлуныс эм[50].

Вӧвлӧм америкаса разведчик да ООН-са инспектор Скотт Риттер шуис Путинлысь вӧзйӧмсӧ «блестящӧй маневрӧн»[51]:

Веськыд сёрнитчӧмъяс йылысь вӧзйӧм вештӧ сёрнитанторйысь 30 лунся перемирие йылысь юалӧмсӧ. Ме ногӧн, тайӧ Владимир Путинлӧн зэв бур маневр. Сійӧ бӧр сетӧ водзмӧстчӧмсӧ Россиялы, сетӧ сылы позянлун диктуйтны условиеяс Украина-Европа-Америка блоклы, коді абу дась да оз вермы вӧчны татшӧм воськовсӧ.

Путинлӧн да Трамплӧн сёрни 2025.05.19

2025 вося ода-кора тӧлысь 19-ӧд лунӧ 17.00 часын вӧлі Владимир Путинлӧн Дональд Трампкӧд телефон пыр сёрни. Сійӧс вӧлі сиӧма 2025 вося ода-кора тӧлысь 16-ӧд лунӧ Стамбулын мирнӧй сёрнитчӧмъяслы[52]. Америкаса президент висьталӧм серти, украинаса конфликт кындзи, вӧлі петкӧдлӧма кык канмулысь экономика боксянь ӧтувъя уджсӧ. Кыдзи гӧгӧрвоӧдіс Трамп, Россия Федерацияса президенткӧд сёрнитӧм бӧрын сійӧ кӧсйӧ звӧнитны Украиналӧн политическӧй веськӧдлысьялы да НАТО-са странаяслӧн лидеръяслы[53]. Кык часысь дырджык мунысь сёрнисӧ Владимир Путин шуис «конструктивнӧйӧн». Россияса президент пасйис, мый Москва да Киев кутасны уджавны меморандум вылын мирнӧй сёрнитчӧм серти[54].

Пасйӧдъяс

  1. ↑ Путин предложил прямые переговоры с Киевом 15 мая в Стамбуле, РБК (11.05.2025). Шыӧдчан кадпас: 11 ода-кора тӧлысь 2025.
  2. ↑ 1 2 ТАСС: переговоры РФ и Украины в Стамбуле стартуют 16 мая, TACC (15 ода-кора тӧлысь 2025). Шыӧдчан кадпас: 15 ода-кора тӧлысь 2025.
  3. ↑ 1 2 Лавров анонсировал второй раунд переговоров между РФ и Украиной в Стамбуле, Известия (28 ода-кора тӧлысь 2025). Шыӧдчан кадпас: 29 ода-кора тӧлысь 2025.
  4. ↑ Российская делегация вылетела в Стамбул на переговоры с Украиной, РБК (1 лӧддза-номъя тӧлысь 2025). Шыӧдчан кадпас: 1 лӧддза-номъя тӧлысь 2025.
  5. ↑ Зеленский подтвердил участие Украины в переговорах в Стамбуле 2 июня, РБК (1 лӧддза-номъя тӧлысь 2025). Шыӧдчан кадпас: 1 лӧддза-номъя тӧлысь 2025.
  6. ↑ Прямые переговоры без промедления и условий в Стамбуле. Главные заявления Путина, TACC (11.05.2025). Шыӧдчан кадпас: 11 ода-кора тӧлысь 2025.
  7. ↑ Заявление Президента России для СМИ, Президент России (11.05.2025). Шыӧдчан кадпас: 11 ода-кора тӧлысь 2025.
  8. ↑ Путин обсудил с Эрдоганом свою инициативу возобновления переговоров с Киевом, TACC (11 ода-кора тӧлысь 2025). Шыӧдчан кадпас: 11 ода-кора тӧлысь 2025.
  9. ↑ Зеленский заявил, что будет ждать Путина в Турции, РИА Новости (11 ода-кора тӧлысь 2025). Шыӧдчан кадпас: 11 ода-кора тӧлысь 2025.
  10. ↑ В Турции заявили, что не знают о планах Зеленского посетить страну, РИА Новости (11 ода-кора тӧлысь 2025). Шыӧдчан кадпас: 11 ода-кора тӧлысь 2025.
  11. ↑ От Владимира Путина ждут участия. Как идет подготовка к встрече РФ и Украины в Стамбуле, Коммерсантъ (17 ода-кора тӧлысь 2025). Шыӧдчан кадпас: 13 ода-кора тӧлысь 2025.
  12. ↑ Трамп: Рубио и другие эмиссары США полетят на встречу по Украине в Стамбуле, TACC. Шыӧдчан кадпас: 13 ода-кора тӧлысь 2025.
  13. ↑ Песков рассказал о совещании у Путина по переговорам с Украиной, РБК (15 ода-кора тӧлысь 2025). Шыӧдчан кадпас: 15 ода-кора тӧлысь 2025.
  14. ↑ Стали известны время и место переговоров России и Украины в Стамбуле, РБК (15 ода-кора тӧлысь 2025). Шыӧдчан кадпас: 15 ода-кора тӧлысь 2025.
  15. ↑ Начало переговоров в Стамбуле запланировано на 10 утра - Российская газета, Российская газета (15 ода-кора тӧлысь 2025). Шыӧдчан кадпас: 15 ода-кора тӧлысь 2025.
  16. ↑ Мединский высказался о делегации России в Стамбуле, РИА Новости (15 ода-кора тӧлысь 2025). Шыӧдчан кадпас: 15 ода-кора тӧлысь 2025.
  17. ↑ Мединский назвал цель прямых контактов с Украиной, TACC (15 ода-кора тӧлысь 2025). Шыӧдчан кадпас: 15 ода-кора тӧлысь 2025.
  18. ↑ ТАСС: в Стамбуле началась встреча главы МИД Турции с российской делегацией, TACC (15 ода-кора тӧлысь 2025). Шыӧдчан кадпас: 15 ода-кора тӧлысь 2025.
  19. ↑ Украинская делегация приедет в четверг вечером, заявил советник Зеленского, РИА Новости (15 ода-кора тӧлысь 2025). Шыӧдчан кадпас: 15 ода-кора тӧлысь 2025.
  20. ↑ The Guardian узнала имя представителя США на переговорах России и Украины, РБК. Шыӧдчан кадпас: 16 ода-кора тӧлысь 2025.
  21. ↑ ТАСС: 16 мая в Стамбуле намечена трехсторонняя встреча Турции, России и Украины, TACC (15 ода-кора тӧлысь 2025). Шыӧдчан кадпас: 15 ода-кора тӧлысь 2025.
  22. ↑ ТАСС: в Стамбуле завершилась встреча представителей Турции, США и Украины, TACC (16 ода-кора тӧлысь 2025). Шыӧдчан кадпас: 16 ода-кора тӧлысь 2025.
  23. ↑ Мединский встретился с представителями США в Стамбуле, Коммерсантъ (16 ода-кора тӧлысь 2025). Шыӧдчан кадпас: 16 ода-кора тӧлысь 2025.
  24. ↑ МИД рассказал о составе российской делегации на переговорах 2 июня, РИА Новости (29.05.2025). Шыӧдчан кадпас: 29 ода-кора тӧлысь 2025.
  25. ↑ Зеленский изменил состав украинской делегации для второй встречи в Турции, РБК. Шыӧдчан кадпас: 2 лӧддза-номъя тӧлысь 2025.
  26. ↑ Встреча представителей России, Украины и Турции началась в Стамбуле. 1tv.ru (16 ода-кора тӧлысь 2025). Шыӧдчан кадпас: 16 ода-кора тӧлысь 2025.
  27. ↑ Полная расшифровка слов главы МИД Турции перед переговорами, РБК (16 ода-кора тӧлысь 2025). Шыӧдчан кадпас: 16 ода-кора тӧлысь 2025.
  28. ↑ Встреча российской и украинской делегаций в Стамбуле завершилась, РИА Новости (16 ода-кора тӧлысь 2025). Шыӧдчан кадпас: 16 ода-кора тӧлысь 2025.
  29. ↑ Переговоры России и Украины проходят без прессы, РИА Новости (16 ода-кора тӧлысь 2025). Шыӧдчан кадпас: 16 ода-кора тӧлысь 2025.
  30. ↑ Мединский: РФ удовлетворена результатом переговоров и готова продолжать контакты, Коммерсантъ (16 ода-кора тӧлысь 2025). Шыӧдчан кадпас: 16 ода-кора тӧлысь 2025.
  31. ↑ Мединский: РФ и Украина представят свое видение возможного прекращения огня, TACC (16 ода-кора тӧлысь 2025). Шыӧдчан кадпас: 16 ода-кора тӧлысь 2025.
  32. ↑ Мединский: Украина запросила прямые переговоры между Зеленским и Путиным, Коммерсантъ (16 ода-кора тӧлысь 2025). Шыӧдчан кадпас: 16 ода-кора тӧлысь 2025.
  33. ↑ Мединский подтвердил подготовку крупнейшего обмена пленными с Украиной, РБК (16 ода-кора тӧлысь 2025). Шыӧдчан кадпас: 16 ода-кора тӧлысь 2025.
  34. ↑ Лавров и Рубио обсудили итоги переговоров в Стамбуле, РИА Новости (17 ода-кора тӧлысь 2025). Шыӧдчан кадпас: 17 ода-кора тӧлысь 2025.
  35. ↑ Рубио заявил о желании Трампа встретиться с Путиным как можно скорее, РБК (17 ода-кора тӧлысь 2025). Шыӧдчан кадпас: 17 ода-кора тӧлысь 2025.
  36. ↑ Россия вернула из плена 270 военных и 120 гражданских, TACC (23 ода-кора тӧлысь 2025). Шыӧдчан кадпас: 23 ода-кора тӧлысь 2025.
  37. ↑ Россия и Украина обменялись пленными по стамбульской договоренности, РБК. Шыӧдчан кадпас: 24 ода-кора тӧлысь 2025.
  38. ↑ Россия и Украина завершили обмен пленными по формуле 1000 на 1000, РИА Новости (25.05.2025). Шыӧдчан кадпас: 25 ода-кора тӧлысь 2025.
  39. ↑ Путин утвердил состав делегации России на переговорах с Украиной, TACC (14..05.2025). Шыӧдчан кадпас: 15 ода-кора тӧлысь 2025.
  40. ↑ Путин утвердил состав российской делегации на переговорах в Стамбуле, РБК (14.05.2025). Шыӧдчан кадпас: 15 ода-кора тӧлысь 2025.
  41. ↑ Путин утвердил состав делегации для переговоров с Украиной в Стамбуле, Известия (14 ода-кора тӧлысь 2025). Шыӧдчан кадпас: 15 ода-кора тӧлысь 2025.
  42. ↑ Кто вошел в переговорную группу России в Стамбуле. Инфографика, РБК (14.05.2025). Шыӧдчан кадпас: 15 ода-кора тӧлысь 2025.
  43. ↑ Зеленский утвердил состав делегации для переговоров с РФ в Стамбуле, Известия (15 ода-кора тӧлысь 2025). Шыӧдчан кадпас: 15 ода-кора тӧлысь 2025.
  44. ↑ Состав делегации Украины для участия в переговорном процессе с РФ в Стамбуле, TACC (15 ода-кора тӧлысь 2025). Шыӧдчан кадпас: 15 ода-кора тӧлысь 2025.
  45. ↑ Килинкаров: члены украинской делегации сбежали в Стамбуле от мобилизации, AiF (19.05.2025). Шыӧдчан кадпас: 20 ода-кора тӧлысь 2025.
  46. ↑ В Кремле назвали условие для встречи Путина и Зеленского, РИА Новости (17 ода-кора тӧлысь 2025). Шыӧдчан кадпас: 17 ода-кора тӧлысь 2025.
  47. ↑ Трамп приветствовал предложение Путина возобновить прямые переговоры с Украиной, TACC (11.05.2025). Шыӧдчан кадпас: 11 ода-кора тӧлысь 2025.
  48. ↑ Трамп потребовал от Украины немедленно согласиться на переговоры с Россией, РИА Новости (11 ода-кора тӧлысь 2025). Шыӧдчан кадпас: 11 ода-кора тӧлысь 2025.
  49. ↑ Трамп допустил свой визит в Стамбул во время встречи делегаций России и Украины - Газета.Ru | Новости, Газета.Ru (12 ода-кора тӧлысь 2025). Шыӧдчан кадпас: 12 ода-кора тӧлысь 2025.
  50. ↑ Трамп допустил поездку в Стамбул в четверг, РИА Новости (12 ода-кора тӧлысь 2025). Шыӧдчан кадпас: 12 ода-кора тӧлысь 2025.
  51. ↑ В США назвали предложенные Путиным прямые переговоры Киеву блестящим маневром, Известия (11 ода-кора тӧлысь 2025). Шыӧдчан кадпас: 11 ода-кора тӧлысь 2025.
  52. ↑ Мир по телефону, Коммерсантъ (18 ода-кора тӧлысь 2025). Шыӧдчан кадпас: 19 ода-кора тӧлысь 2025.
  53. ↑ Песков подтвердил, что телефонный разговор Путина с Трампом готовится, TACC (17.05.2025). Шыӧдчан кадпас: 19 ода-кора тӧлысь 2025.
  54. ↑ Заявление Путина после разговора с Трампом. Текст, РБК. Шыӧдчан кадпас: 19 ода-кора тӧлысь 2025.
Босьтӧма "https://kv.ruwiki.ru/w/index.php?title=Россия_да_Украина_костын_сёрнитчӧмъяс_(2025)&oldid=482320"-ысь