Рощевский Михаил Павлович

Рощевский Михаил Павлович
Чужан лун	1933-ӧд вося рака тӧлысь 5-ӧд лун(1933-03-05)
Чужанін	Псков[d], Ленинград обласьт, РСФСР, Сӧветскӧй Социалистическӧй Республикаяслӧн Союз
Кулан лун	2025-ӧд вося сора тӧлысь 5-ӧд лун(2025-07-05) (92 арӧс)
Куланін	Коми Республика, Россия
Страна	Россия
Мыйся уджыс	учёный
Ошканпасъяс да премияяс

Рощевский Михаил Павлович (1933-ӧд вося рака тӧлысь 5-ӧд лун, Псков^[d], Ленинград обласьт — 2025-ӧд вося сора тӧлысь 5-ӧд лун, Коми Республика) — Россияса туялысь-физиолог, биология наукаяс доктор, профессор, Россияса наукаяс академиясь академик (1990), Коми наука шӧринысь Физиология институтса директор (1988—2004), Коми наука шӧринса Президиумӧн веськӧдлысь (1983—2006).

Олантуй

• Чужис 1933 вося рака тӧлысь 5-ӧд лунӧ Псков карын.
• 1955 — Помаліс Уралса канму университетысь (УрКУ) биология факультет.
• 1955—1958 — Уралса канму университет аспирант, ассистент.
• 1958—1960 — Уралса видз-му овмӧс НИИ-ын младшӧй научнӧй сотрудник.
• 1959 — дорйис биология наукаяс кандидат ним вылӧ диссертация.
• 1960—1970 — СССР-са наукаяс академияысь Коми филиаллӧн Биология институтын старшӧй научнӧй сотрудник.
• 1969 — дорйис биология наукаяс доктор ним вылӧ диссертациа.
• 1970—1983 — СССР-са наукаяс академияысь Коми филиаллӧн Президиумӧн веськӧдлысьӧс вежысь.
• 1971—1985 — Биология институтлӧн ӧткодялан кардиология лабораторияӧн веськӧдлысь.
• 1983—2006 — СССР-са наукаяс академияысь Коми филиаллӧн (сэсся — Коми наука шӧринлӧн) Президиумӧн веськӧдлысь.
• 1985—1987 — Биология институтлӧн экологическӧй физиология юкӧдӧн веськӧдлысь.
• 1987 вося ӧшым тӧлысь 23-ӧд лун — Бӧрйисны СССР-са наукаяс академияӧ член-корреспондентӧн.
• 1988-сянь — СССР-ын наукаяс академияысь (ӧні — Россияса наукаяс академия) Урал юкӧнса Президиумӧн веськӧдлысьӧс вежысь.
• 1988—2004 — СССР-ын наукаяс академияысь (ӧні — Россияса наукаяс академия) Урал юкӧнса Коми наука шӧринысь Физиология институтса директор.
• 1990 вося ӧшым тӧлысь 15-ӧд лун — Бӧрйисны СССР-са наукаяс академияӧ збыль пырысьӧн (действительный член).
• 2004 — Коми наука шӧринлӧн Президиум бердса ӧткодялан кардиология лабораторияын сотрудник.
• 2006 — Россияса наукаяс академия сӧветник.
• 2017 воын мунӧма кардиология лабораторияысь да лоӧма Коми туялан шӧринысь Кыв, литература да история институтса айму история секторын главнӧй научнӧй сотрудникӧн
• Кувсис 2025 вося сора тӧлысь 5-ӧд лунӧ Сыктывкарын.

Туялан удж

Туялан уджын медшӧр нырвизьяс — вир бергалан система эволюциялӧн эколого-физиологическӧй аспектъяс, сьӧлӧмлӧн электрофизиология, ӧткодялан электрокардиология.

Шэм чӧжнас гижис 450 сайӧ туялан удж.

Михаил Рощевский — биология наукаяс доктор, 1987 восянь — СССР наукаяса академияын член-корреспондент, 1990 восянь — СССР (сэсся — Россияса) наукаяс академияӧ збыльвывса пырысь. Россия наукаяс академияысь морт да пемӧслӧн физиологияын комплекснӧй мытшӧдъяс туялан комиссияын веськӧдлысьӧс вежысь.

Небӧгъяс

• Сравнительная электрокардиография. М., 1972.
• Копытные животные в условиях Севера. М., 1980.

Общественнӧй удж

Рощевский вӧлӧма Коми АССР-са Вылыс Сӧветын депутатӧн (1985—1990 воясӧ, XI созыв), веськӧдлысьӧс вежысьӧн, республикаса министръяслӧн сӧветӧ пырысьӧн, КПСС-лӧн Коми обкомӧ пырысьӧн.

1989 воын кӧсйӧма лоны СССР-са народнӧй депутатпуӧн, но округса чукӧртчӧм дырйи абу мунӧма водзӧ. Кык во чӧж, 1994-ӧд вося рака тӧлысьӧдз, вӧлӧма «Комибанкын» акция кутысьяслӧн сӧветын веськӧдлысьӧн.

Семья

Гӧтырыс — Руфина Александровна Рощевская, водзынсӧ уджавліс Коми наука шӧринса Физиология институтын. Быдтісны кык нылӧс.

Наградаяс

Коми

• Коми АССР-са наукаын нимӧдана уджалысь (1983);
• Коми Республикаса канму премия (2001);
• «Сыктывкарса почёт олысь» ним (2001 вося лӧддза-номъя тӧлысь 6-ӧд лун).

СССР-са

• Уджвывса Гӧрд Дӧрапас орден;
• «Бур уджысь» медаль;
• «Уджвывса ветеран» медаль.

Россияса

• Войтыръяслӧн Ёрталун орден (1994);
• «Айму водзын заслугаясысь» IV тшупӧда орден (1999);
• Россияса канму премия наука да техника юкӧнын (2003);
• Почёт орден (2024)

Мукӧд

• И.П. Павлов нима Ставсоюзса физиологическӧй котырлӧн медаль (1992);
• Пенсильван университетлӧн казьтылана медаль (АӦШ) (1993);
• Академик Сергей Вонсовский нима зарни медаль (Россияса наукаяс академиялӧҥ Урал юкӧн) (2008).

Ӧшмӧсъяс

• «Комиинформ» юӧр сетан агентство
• Сыктывкар каркытшса Веськӧдланінлӧн сайт
• Академику М.П.Рощевскому 60 лет // Вестник Российской академии наук, 1993. № 9.

Пасйӧдъяс