Саамилӧн войтыркостса лун

Саамилӧн войтыркостса лун
Саамилӧн войтыркостса лун
Сикас	Национальнӧй гаж
Пасйӧны	урасьӧм тӧлысь 6-ӧд лун
Кадпас	урасьӧм тӧлысь 6-ӧд лун
Празднуйтӧм	Норвегияын, Швецияын, Финляндияын и Россияын
	Медиафайлы на РУВИКИ.Медиа

Саамилӧн войтыркостса лун (рочӧн Международный день саамов, войвыв саами Sámi álbmotbeaivi, инари саами Säämi aalmugpeivi, колтта саами Saaʹmi meersažpeiʹvv, луле саами Sáme álmmukbiejvve, лунвыв саами Saemiej åålmegebiejjie; норвегия Samenes nasjonaldag, швед Samernas nationaldag, финн Saamelaisten kansallispäivä) — саамилӧн быдвося национальнӧй гаж, пасйӧны урасьӧм тӧлысь 6-ӧд лунӧ Норвегияын, Швецияын, Финляндияын и Россияын^[1].

История

1917 вося урасьӧм тӧлысь 6-ӧд лунӧ Тронхеймын (Норвегияын) вӧлі саамилӧн медводдза чукӧртчылӧм, кӧні видлалісны войвыв странаясса (Швеция, Норвегия, Финляндиялӧн Великӧй княжество) саамиӧс ӧтувтӧм да канму границаяс вылӧ видзӧдтӧг ӧтув уджалӧм йылысь юалӧмъяс^[2].

1956 воын вӧлі котыртӧма Саами Котыр, кытчӧ пырисны Норвегияса, Швецияса да Финляндияса саами (ставнас 15 морт; 1992 восянь Котырӧ пырисны Россияса саами^[3]). Котырӧ пырысьяс быд во котыртісны ӧтувъя съезд — Саами конференция. 1986 воын сэні вӧлі вынсьӧдӧма саамилысь национальнӧй дӧрапас, кып (войвыв саами Sámi soga lávllaat) да наӧн вӧдитчан правилӧяс.

1992 воын Хельсинкиын 1917 вося медводдза съездлы сиӧм XV-ӧд Саами конференция дырйи урасьӧм тӧлысь 6-ӧд лунӧ вӧлі вынсьӧдӧма саамилӧн национальнӧй лунӧн. Медводдзаысь сійӧс пасйисны 1993 воын Йокмоккын (Норвегия).

Россияса саами

1866 воын, Александр II императорлӧн реформа бӧрын, вӧлі котыртӧма саамилысь торъя (XX нэм заводитчӧмсянь — Кола-Лопар^[4]) вӧлӧсьт, коді пырис Кардор губернияса Кола (Александровскӧй) уездӧ. 1868 восянь вӧлӧсьтын заводитіс уджавны йӧзӧн бӧрйӧм «Коладаг соббарь» орган^[5]^[6].

Татчӧ пырисны старшина (саами вӧлӧсьтӧн веськӧдлысь), заседатель (веськӧдлысьлы отсасьысь), писар (секретар, коді нуӧдіс собраниелысь сёрнигижӧд), императорӧс петкӧдлысь (инспектор либӧ кресьтяна делӧяс кузя чиновник) да быд котырысь (вӧлӧстьын вӧлі некымын котыр) да погостысь (сиййтъясысь) бӧрйӧм петкӧдлысьяс.

«Коладаг соббарь» чукӧртчылӧмыс вӧлі Колаын вонас ӧтчыд — тӧвшӧр тӧлысь 25-ӧд лунӧ. Россияын 1918 воын григорий календар вылӧ вуджӧм бӧрын луныс вежсис урасьӧм тӧлысь 6-ӧд лун вылӧ.

Пасйӧм

Разнӧй странаясын саамилысь войтыркостса лун пасйӧны разнӧй ногӧн. Мэрия либӧ ратуша весьтӧ кыпӧдӧны саамилысь дӧрапас да юргӧ либӧ сьылӧны «Sámi soga lávllaat» кып. Челядьлы да томуловлы нуӧдӧны уна сикас мероприятие, школаясын да детсадъясын висьталӧны саами йылысь, налӧн история, культура йылысь^[7].

Россияын гажлӧн шӧринӧн лоӧ Ловозеро районса Луяввр сикт (рочӧн Ловозеро), сійӧс нимтӧны «роч Лапландиялӧн юркарӧн». Сійӧ Россияса саамилӧн культурнӧй олӧмлӧн шӧрин, и буретш сэні кыпыда кыпӧдӧны «Самь пеййв» гажлысь дӧрапассӧ. Ыджыд культурнӧй программа, интереснӧй мастер-классъяс да посёлоксӧ кытшалысь войвывса аслыспӧлӧс вӧр-ва кыскӧны страна пасьталаысь туристъясӧс. 2023 воын вӧлі «Таввял Иннк» фольклор котырлӧн петкӧдчӧм, челядьлы «Войвывса кӧр» ворсан уджтас, традиционнӧй кипом удж кузя мастер-классъяс да некымын фотовыставка. Чолӧмалӧмӧн волывлӧны регионса веськӧдлысьяс^[1].

Финляндияын тайӧ гажсӧ пасйӧны кыдзи Саамилысь национальнӧй лун.

Пасйӧдъяс

↑ ¹ ² Международный день самых древних жителей европейского Севера
↑ ЦС КМНС — Национальный день единения отметят саами Кольского полуострова
↑ Союз Саамов
↑ Справка по истории административно-территориального деления Мурманской области (1917 - 1991 гг.) (рус.) // Архивохранилище документов новейшей политической истории Государственного архива Мурманской области : Путеводитель. — Федеральная архивная служба России, Институт «Открытое общество», «Звенья», 2002. — ISBN 5-7870-0067-6. Архивировано 13 тӧвшӧр тӧлысь 2014 года.
↑ Саамы: Историческая справка (рус.). Народы. Финно-угорский культурный центр РФ. Шыӧдчан кадпас: 27 тӧвшӧр тӧлысь 2011. Архивируйтӧма 12 сора тӧлысь 2012.
↑ Саамы (рус.). Хронос. Шыӧдчан кадпас: 27 тӧвшӧр тӧлысь 2011. Архивируйтӧма 5 ӧшым тӧлысь 2011.
↑ Международный день саамов отмечается 6 февраля Об этом сообщает ГТРК «Мурман»

[:1-1] ¹ ² Международный день самых древних жителей европейского Севера

[2] ЦС КМНС — Национальный день единения отметят саами Кольского полуострова

[3] Союз Саамов

[4] Справка по истории административно-территориального деления Мурманской области (1917 - 1991 гг.) (рус.) // Архивохранилище документов новейшей политической истории Государственного архива Мурманской области : Путеводитель. — Федеральная архивная служба России, Институт «Открытое общество», «Звенья», 2002. — ISBN 5-7870-0067-6. Архивировано 13 тӧвшӧр тӧлысь 2014 года.

[saahist-5] Саамы: Историческая справка (рус.). Народы. Финно-угорский культурный центр РФ. Шыӧдчан кадпас: 27 тӧвшӧр тӧлысь 2011. Архивируйтӧма 12 сора тӧлысь 2012.

[6] Саамы (рус.). Хронос. Шыӧдчан кадпас: 27 тӧвшӧр тӧлысь 2011. Архивируйтӧма 5 ӧшым тӧлысь 2011.

[7] Международный день саамов отмечается 6 февраля Об этом сообщает ГТРК «Мурман»

[1]

[2]

[3]

[4]

[5]

[6]

[7]