Скрипников Илья Николаевич

Ортсыса серпасъяс
Ортсыса серпасъяс
	Илья Николаевич Скрипников

Илья Николаевич Скрипников
Илья Николаевич Скрипников
Чужан лун	1962 вося моз тӧлысь 2-ӧд лун
Чужанін	Уква, Коми АССР, СССР
Кулан лун	2000 вося урасьӧм тӧлысь 18-ӧд лун
Куланін	Аргун гӧра сёртас, Россия
Канму	СССР → Россия
Войска сикас	ВВС
Служитан вояс	1981 — 2000
Звание	майор
Тышъяс/вӧйнаяс	Афганса война,; Приднестровьеын тыш,; Таджикистанын гражданскӧй война,; Чечняын мӧд война

Скрипников Илья Николаевич (1962 вося моз тӧлысь 2-ӧд лун, Уква, Коми АССР — 2000 вося урасьӧм тӧлысь 18-ӧд лун, Аргун гӧра сёртас) — 16-ӧд сынӧдса армиялӧн 490-ӧд торъя вертолётнӧй полкса вертолётнӧй эскадрильяса командирӧс вежысь, майор. Афганса да Чечняын мӧд войнаясын да Таджикистанын да Приднестровьеын тышъясын участвуйтысь. Комиысь Россия Федерацияса Герой (2000, кувсьӧм бӧрас)^[1].

Олантуй

Скрипников И. чужис 1962 вося моз тӧлысь 2-ӧд лун Уква карын, роч^[2].

1970 воын семьяыс вуджис овны Ногинскӧ. Илья велӧдчис 2-ӧд номера школаын, радейтліс дзюдо. Дасӧд класс помалӧм бӧрын уджаліс электромонтажникӧн.

Ногинскса военкоматсянь муніс служитны армияӧ 1980 воын. 1985 воын помалӧма лётчикъяслысь Саратовса медвылыс военнӧй авиация училище. Служитіс РЭБ-лӧн войска лунвыв группаса торъя вертолётнӧй эскадрильяын (Венгрия) да Балтика бердса военнӧй кытшса торъя вертолётнӧй полкын. 1993 восянь 1998 воӧдз 225 ОБВП-ын (Протасово, Рязань обл.) 1998 восянь — 16-ӧд сынӧдса армияын 490-ӧд торъя вертолётнӧй полкын (дислоцируйтчӧма Тула обласьтса Клоково аэродром вылын).

Тышъясын участвуйтӧм:
• 1986—1987 — Афганистанын война. Вӧчис уна дас боевӧй рейс.
• 1992 — Приднестровьеын тышъяс.
• 1996—1997 — Таджикистанын гражданскӧй война.
• 1999 вося ӧшым тӧлысь — 2000 вося урасьӧм тӧлысь 18-ӧд лун — Чечняын мӧд война.

2000 вося урасьӧм тӧлысь 18-ӧд лунӧ Аргун гӧра сёртасын десант вайӧм кузя операция дырйи майор Скрипников вӧлі Ми-8 вертолётъяс параын нуӧдысьӧн аслас вертолёт вылын Костромаысь 12 десантниккӧд. Рӧштшӧтъясын ӧшыбка вӧсна медводдза экипажыс эз вермы пуксьыны, но нуӧдан машинаса штурман Дмитрий Брыкаевлӧн рӧштшӧтыс вӧлі стӧч. И вертолёт, ӧдсӧ чинтӧмӧн, ӧшйис, корсис пуксянін. Шатойскӧй районса Борзӧй дорын вертолётсӧ атакуйтісны, но воча биӧн вертолёт бырӧдіс 3 боевик тыра автомобиль, пулемётнӧй расчёт да вражескӧй ДОТ. Тыш мунігӧн вӧлі вертолётсӧ уськӧдісны «Игла» ракета отсӧгӧн. Лётчик гӧгӧрвоис, мый сылы быть ковмас пӧгибнитны, да веськӧдіс биӧн кытшалӧм машинасӧ боевикъяс вылӧ. Муӧ зурасигӧн Ми-8 взорвитчис. Та дырйи пӧгибнитіс став экипажыс да став десантникыс^[3]. Сӧмын 11 лун мысти усьӧмаяслысь шойяссӧ удайтчис кыпӧдны гӧра сёртас пыдӧсысь.

Дзебӧмаӧсь Москва обласьтса Раменскӧй районса Загорново сиктын^[2].

Наградаяс

• Россия Федерацияса Герой (2000, кувсьӧм бӧрас) — Войвыв Кавказын терроризмлы паныд операция дырйи повтӧмлунысь да героизмысь^[4].
• «СССР-са Оружьеа Вынъясын Рӧдиналы служитӧмысь» III тшупӧда орден.
• «Тышын заслугаясысь» медаль.

Паметь

• Ногинскын пуктӧма казьтылан пас;
• Ногинскын пуктӧма казьтылан пӧв^[1].

Пасйӧдъяс

↑ ¹ ² Герои страны: Скрипников Илья Николаевич, warheroes.ru. Шыӧдчан кадпас: 24 урасьӧм тӧлысь 2025.
↑ ¹ ² Уроженцы Коми - Герои России: кто они, komiinform. Шыӧдчан кадпас: 24 урасьӧм тӧлысь 2025.
↑ Лобанов В.П. Книга памяти Республики Коми.Они живы в памяти нашей.... — Сыктывкар, 2023.
↑ Указ Президента Российской Федерации № 941 от 25 мая 2000 года.

Ыстӧгъяс

Скрипников Илья Николаевич (рус.). Сайт «Герои страны».

[:2-1] ¹ ² Герои страны: Скрипников Илья Николаевич, warheroes.ru. Шыӧдчан кадпас: 24 урасьӧм тӧлысь 2025.

[:1-2] ¹ ² Уроженцы Коми - Герои России: кто они, komiinform. Шыӧдчан кадпас: 24 урасьӧм тӧлысь 2025.

[3] Лобанов В.П. Книга памяти Республики Коми.Они живы в памяти нашей.... — Сыктывкар, 2023.

[4] Указ Президента Российской Федерации № 941 от 25 мая 2000 года.

[1]

[2]

[3]

[4]