Сыктыв
| Сыктыв | |
|---|---|
 Сыктыв, 2012 вося гожӧм | |
| Характеристика | |
| Кузьта | 487 км |
| Ковтыс | 17 200 км² |
| Ва рӧскод | 33 м³/с (318 км ю вомсянь) |
| Ва визлас | |
| Ю йыв | |
| • Ин | Войвыв мылькъяс |
| • География координатаяс | 59°55′53″ с. ш. 51°49′42″ в. д.GЯO |
| Ю вом | Эжва |
| • Ин | Сыктывкар |
| • География координатаяс | 61°41′15″ с. ш. 50°50′32″ в. д.GЯO |
| Ин | |
| Ва система | Эжва → Вынва → Войвыв саридз |
|
|
|
| Страна | |
| Регионъяс | Киров обласьт, Коми Республика |
| Районъяс | Верхнекамскӧй район, Койгорт район, Сыктыв район, Сыктывдін район, Сыктывкар |
| Канму ва реестрын код | 03020200112103000018563[1] |
| Географическӧй нимъяслӧн канму каталогын номер | 0171554 |
|
|
|
 Медиафайлы на РУВИКИ.Медиа | |
Сыктыв (рочӧн Сысола) — тайӧ Коми Республикаті да Киров обласьті визувтысь ю (487 км)[2][3]. Шуйга вож Эжва юлӧн (Вынва юлӧн ковтыс)[4].
Ним артмӧм
Коми Сыктыв, Сыктыл ним артмӧма ӧтувъя перымса *suk- «вӧйны, сибдыны» вужйысь да тыл (тыв) «ты» кывлӧн важся коми формаысь. Татшӧм ногӧн, Сыктыв лоӧ «ты кодь нюръясысь петӧм ляпкыд берегъяса ю». Роч кывйын «река» кыв тӧдчӧм улын ним дорӧ содӧма -а помыс: Сыктыл-а. Заводитчан «с» влияние улын шӧрса согласнӧй группа «-кт-» прӧстмӧма: «т» — усьӧма, а «к» вуджӧма «с»-ӧ. Тадзи артмис Сыс-ыла форма. Водзӧ йӧзкостса этимология влияние улын, Сысой, Сысол ас нимкӧд йитчӧмӧн, артмис Сысола форма[2][3][5].
География
Сыктыв заводитчӧ Войвыв Увалъясын, Коми Республика да Киров обласьткостын. Воӧ Коми Республикаӧ 30 км ылнаын ю йывсянь[6]. Визувтӧ рытыввылӧ, сыӧ усьӧ уна вож, кывтыдланьыс кежӧ войвылӧ. Шӧр визулас визувтӧ Койгорт сикт дорті, сы бӧрын дыр визувтӧ, ёна чукльӧдлӧмӧн, Сыктывкар — Визин — Койгорт туйкӧд орччӧн.
Сыктывлӧн Эжваӧ усьӧминын сулалӧ Коми Республикалӧн юркар — Сыктывкар. Юыс сетіс нимсӧ карлы: Сыктыв + кар.
Сыктыв ковтысын да сылӧн вожъясын эм уна оланін, на лыдын Нювчим да Кажым посёлокъяс, Визин, Койгорт да Выльгорт районса шӧринъяс[6].
Гидрология
Кузьтаыс — 487 км, ва чукӧртан бассейныс — 17 200 км²[7]. Ва артмӧмыс сора, ёнджыкасӧ артмӧ лымйысь (60-65 %). Зэрлӧн пайыс 15-20 %, мупытшса валӧн — 20 %[6]. Ытваыс овлӧ косму тӧлысь мӧд джынсянь лӧддза-номъя тӧлысь шӧрӧдз. Вогӧгӧрся шӧркодь ва видзӧмыс 318 км вомсянь — 33 м³/с гӧгӧр, 138 км вомсянь — 105,04 м³/с[8]. Кынмӧ йирым тӧлысь помын — вӧльгым тӧлысьын, воссьӧ косму тӧлысь помын — ода-кора тӧлысь заводитчигӧн. Йиыс сулалӧ вонас 130—190 лун[6].
Уліас судоходнӧй.
Вожъяс
Медыджыд вожъясыс — Воктым, Тыбъю, Ыджыд Визин (шуйгавылын); Ныдыб, Лӧпъю, Пӧинга (веськыдвылын).
Ю вомсяньыс пӧрадок серти:
- (индӧма ю вомсянь ылнасӧ)
- 23 км: Мыртыю
- 30 км: Важъёлью
- 40 км: Кылтымъю
- 47 км: Карнанаёль
- 48 км: нимтӧм ю
- 65 км: Сопь
- 70 км: Нювчим
- 80 км: нимтӧм ю
- 83 км: Варшъёль
- 99 км: Лӧпъю
- 108 км: Ёльшор
- 109 км: Яснӧг
- 116 км: Нур шор
- 118 км: Видзас
- 119 км: нимтӧм ю
- 120 км: Пӧинга
- 135 км: Ичӧт Визин
- 140 км: Ыджыд Визин
- 147 км: Пытшкӧс
- 163 км: Юк
- 176 км: нимтӧм ю
- 180 км: Амидз
- 192 км: Ниашорка
- 196 км: Джуджыс
- 202 км: Куим
- 209 км: Полянка
- 215 км: Чук
- 220 км: Подз
- 232 км: Тыбъю
- 240 км: Гар
- 269 км: Вок
- 276 км: Нюкчим
- 284 км: Лӧпъю
- 292 км: Ӧмидз
- 298 км: Лётма
- 307 км: Вениб
- 317 км: Кой
- 338 км: Ыбань
- 343 км: Воктым
- 360 км: Ыджыд Ульзи
- 375 км: Ыджыд Гуж
- 385 км: Кажым
- 388 км: Ыджыд Наръя
- 397 км: Пеш
- 406 км: Ныдыб
- 414 км: Лез
- 451 км: Овдым
Ва реестрысь мыччӧдъяс
Ва ресурсъяс сепрти федеральнӧй агентствоӧн дасьтӧм Россияса канму ва реестрлӧн да Россия Федерация мутасын ва овмӧс районируйтан геоинформационнӧй системалӧн мыччӧдъяс серти[7]:
• Ковтыс кытш — Двина-Печӧраса;
• Ю ковтыс — Вынва;
• Ю ковтысув — Эжва;
• Ва овмӧс участок — Эжва йывсянь Сыктывкарӧдз.
Пасйӧдъяс
- ↑ Ресурсы поверхностных вод СССР: Гидрологическая изученность. Т. 3. Северный край / под ред. Н. М. Жила. — Л.: Гидрометеоиздат, 1965. — 612 с.
- ↑ 1 2 Поспелов Е. М. Географические названия России: топонимический словарь. — Москва: АСТ; Астрель, 2008.. — С. 562. — 523 с. — ISBN 978-5-17-054966-5.
- ↑ 1 2 Коми Республикаса топонимия (А. П. Афанасьев серти) | Коми кывтӧдӧм (рус.). Шыӧдчан кадпас: 29 сора тӧлысь 2025.
- ↑ Сы́сола // Словарь названий гидрографических объектов России и других стран — членов СНГ / под ред. Г. И. Донидзе. — М.: Картгеоцентр — Геодезиздат, 1999. — С. 357. — ISBN 5-86066-017-0.
- ↑ Туркин А. И. Сысола // Топонимический словарь Коми АССР. — Сыктывкар: Коми книжное издательство, 1986. — 144 с.
- ↑ 1 2 3 4 Евдокимова Т. Сысола // Республика Коми. Энциклопедия. Том III. — Сыктывкар: Коми книжное издательство, 2000. — С. 126—127.
- ↑ 1 2 Река Сысола (рус.). ГВР. Шыӧдчан кадпас: 29 сора тӧлысь 2025.
- ↑ Susola At Pervomaisky (англ.). Статистика на сайте R-ArcticNET. Шыӧдчан кадпас: 29 сора тӧлысь 2025. Архивируйтӧма 15 урасьӧм тӧлысь 2013.
Литература
- Сыктыв // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
- Сысола // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.