Сӧветскӧй йӧз серти геноцид

Босьтӧма Рувикиысь
Сӧветскӧй йӧз серти геноцид
Вермахтса военнослужащӧйяслӧн ӧтувъя фотография. Школаса дӧска вылӧ мелӧн гижӧма: «Рочлы колӧ кувны, медым олім ми» (нем. Der Russe muß sterben, damit wir leben). Брянск обласьт, 1941 вося йирым тӧлысь 2-ӧд лун
Вермахтса военнослужащӧйяслӧн ӧтувъя фотография. Школаса дӧска вылӧ мелӧн гижӧма: «Рочлы колӧ кувны, медым олім ми» (нем. Der Russe muß sterben, damit wir leben). Брянск обласьт, 1941 вося йирым тӧлысь 2-ӧд лун
Вооружённӧй конфликт Айму вӧсна Ыджыд тыш
Места
Хронология
Кадколаст 1941 вося лӧддза-номъя тӧлысь 22-ӧд лун – 945 вося ода-кора тӧлысь
Медшӧр лоӧмторъяс РСФСР-ын сӧветскӧй йӧз серти геноцид,
Беларусь ССР-ын сӧветскӧй йӧз серти геноцид,
Украина ССР-ын сӧветскӧй йӧз серти геноцид,
Литва ССР-ын сӧветскӧй йӧз серти геноцид,
Латвия ССР-ын сӧветскӧй йӧз серти геноцид,
Эст ССР-ын сӧветскӧй йӧз серти геноцид,
Молдова ССР-ын сӧветскӧй йӧз серти геноцид,
Карел-Финн ССР-ын сӧветскӧй йӧз серти геноцид
Геноцид улӧ веськалӧм йӧз
Жертваяс славяна, еврейяс, чиганъяс
Жертваяслӧн лыд 13 миллионысь унджык морт
Геноцид збыльмӧданногъяс Уна йӧзӧс виалӧм
Йӧзӧс унаӧн виӧм вылӧ условиеяс нарошнӧ лӧсьӧдӧм
Уна йӧзӧс мырдӧн мӧдлаӧ вуджӧдӧм
Мырдӧналӧм
Социальнӧй инфраструктура да культура озырлун тӧдӧмӧн бырӧдӧм
Геноцидысь кывкутысьяс
Геноцид котыртысьяс Нацистскӧй Германия
Геноцид збыльмӧдысьяс

Айнзацгруппаяс
СС войскаяс
Вермахт
Безопасносьт служба (СД)
Румыния Королевстволӧн армия
Румыния Королевстволӧн жандармерия Королевства

Венгрия Королевстволӧн армия
Италияса королевскӧй армия
Финляндиялӧн оборона вынъяс
Коллаборантъяс
Инӧд боксянь донъялӧм
Геноцид фактъяс туялысь орган Немеч-фашистскӧй захватчикъяслысь да налы отсасьысьяслысь лёк вӧчӧмъяссӧ тӧдмалӧм да туялӧм серти чрезвычайнӧй канму комиссия; Нюрнбергын войтыркостса трибунал; Россия Федерацияса следственнӧй комитет

Сӧветскӧй йӧз серти геноцид (рочӧн Геноци́д сове́тского наро́да) — Айму вӧсна Ыджыд тыш воясӧ сӧветскӧй йӧзлы паныд немецкӧй нацистъясӧн, налӧн союзникъясӧн да налы отсасьысьясӧн вӧчӧм преступлениеяс.

Россия Федерацияса 2025 во косму тӧлысь 21-ӧд лунся 74-ФЗ №-а Федеральнӧй оланпас серти,

сӧветскӧй йӧз серти геноцидӧн лыддьӧны нацистъяслысь да налы отсасьысьяслысь 1941—1945 воясся Айму вӧсна Ыджыд тыш дырйи вӧчӧмторъяссӧ, кутшӧмъясӧс веськӧдӧма СССР мутасын олысь национальнӧй, этническӧй да расовӧй чукӧръяссӧ тырвыйӧ либӧ мыйтакӧ бырӧдӧм вылӧ тайӧ чукӧръясӧ пырысьяссӧ виӧмӧн, налысь дзоньвидзалунсӧ ёна тшыкӧдӧмӧн, челядь чужтӧмысь мырдӧн ӧлӧдӧмӧн, челядьӧс мырдӧн мӧдлы сетӧмӧн, мырдӧн мӧдлаӧ овмӧдӧмӧн либӧ тайӧ чукӧръясӧ пырысьяссӧ физическӧя бырӧдӧм вылӧ веськӧдӧм олан условиеяс лӧсьӧдӧмӧн[1].

Нацистскӧй Германиялӧн да сылӧн отсасьысьяслӧн преступнӧй вӧчӧмторъяс вӧсна пӧгибнитіс 13,6 миллионысь унджык мирнӧй олысь. Война воясӧ вӧлі жугӧдӧма 1700 гӧгӧр сӧветскӧй кар да посёлок, бырӧдӧма 70 сюрс грезд[2][3][4][5].

Чрезвычайнӧй канму комиссия чукӧртіс документӧн подулалӧм зэв уна эскӧдана гижӧд, кутшӧмъяс петкӧдлӧны тайӧ лёкторъяслысь масштабсӧ да котыртан характерсӧ. Коймӧд рейхӧн веськӧдлысьясӧс вӧлі мыждӧма Нюрнбергын войтыркостса трибуналӧн  (рус.) (коми да СССР-ын восьса ёрд процессъяс вылын, а фашистъяслысь преступлениеяссӧ оккупируйтӧм сӧветскӧй муын водзӧ вылӧ вӧлі шуӧма геноцидӧн[6][7][8][9].

Сӧветскӧй граждана серти нацистскӧй Германиялӧн планъяс

Сӧветскӧй Союзлы паныд планируйтан тышын идеология подулӧн вӧлі Адольф Гитлерӧн  (рус.) (коми висьталӧм «бырӧдӧм вылӧ война» концепция. 1941 вося рака тӧлысь 30-ӧд лунӧ вермахтса медвылыс командование водзын гуся сёрниын сійӧ висьталіс, мый Асыввылын лоана конфликтыс принципиальнӧя мӧдас торъявны Рытыввывса тышысь да сійӧс колӧ нуӧдны вывті чорыда[10][11].

Нацистскӧй Германияӧн веськӧдлысьяс кӧсйисны вӧчны Асыввылын оккупируйтӧм муясысь Коймӧд рейхса аграрно-сырьевӧй колонияяс. Татчӧс олысьясӧс юклісны категорияяс вылӧ «раса серти тӧдчанлун» признак да немечьяслы вежавидзӧм серти. «Улыс расаясӧн», кодъясӧс нацистъяс кӧсйисны дзикӧдз бырӧдны, шуисны еврейясӧс да чиганъясӧс; на бӧрся вӧліны асыввыв славяна, кодъясӧс лыддьылісны донтӧм уджалан вынӧн да кодъясӧс колӧ вӧлі мыйтакӧ бырӧдны либӧ немечкодявны. Ӧткымын войтырлы (шуам, Балтикабердса олысьяслы) вӧлі сетӧма Германияӧн ыджыдалан системаын отсасян группаяслысь мог[6].

Ме кӧсъя тӧдын, олӧны-ӧ мукӧд войтыр озыра либӧ тшыгъялӧны кувтӧдзныс, сӧмын сы мында, мыйта найӧ колӧны миянлы кыдзи миян культуралы рабъяс; мӧд ногӧн найӧ менӧ оз интересуйтны[12]. Генрих Гиммлер  (рус.) (коми

"Ост" план серти кӧсйисны вӧтлыны Урал сайӧ СССР-са славяна олысьяслысь унджык юкӧнсӧ да вочасӧн вежны найӧс немеч колонистъясӧн. Еврейясӧс, чиганъясӧс да ВКП(б)-са функционеръясӧс колӧ вӧлі бырӧдны регыдъя кадӧн[13].

Тшыгъялӧм серти план серти, кутшӧмӧс лӧсьӧдіс Герберт Бакке, ӧти-кӧ, кӧсйисны лӧсьӧдны оккупируйтӧм мутасъяс грабитӧмӧн вермахтса салдатъясӧс да офицеръясӧс сёян-юанӧн дугдывтӧг могмӧдӧмсӧ, а сідзжӧ содтыны Европаӧ сёян-юан вайӧмсӧ, а мӧд-кӧ, чинтыны ки улӧ босьтӧм областьясын олысьяслысь лыдсӧ тшыгъялӧм отсӧгӧн, кутшӧмӧс котыртӧма реквизицияясӧн да сёян-юан сетан нормаяссӧ кыдз позьӧ ёна чинтӧмӧн[14].

1941 вося ода-кора тӧлысь 6-ӧд лунӧ Сухопутнӧй вынъяслӧн Медвылыс командованиеса начальник фельдмаршал Вальтер фон Браухич йӧзӧдіс «Комисаръяс йылысь» тшӧктӧд, мый урчитіс Германияса военнослужащӧйяслы да айнзацгруппаяслы бырӧдны сӧветскӧй политуджалысьясӧс[13][15].

  • Протокол совещания Адольфа Гитлера с руководителями вермахта по обсуждению организационной структуры хозяйственного раздела плана «Барбаросса» — «Ольденбург» планлӧн овмӧс юкӧдысь котыртан тэчас видлалӧм серти вермахтса веськӧдлысьяскӧд Адольф Гитлерлӧн совещаниеса сёрнигижӧд, 1941 вося косму тӧлысь 29-ӧд лун

    Протокол совещания Адольфа Гитлера с руководителями вермахта по обсуждению организационной структуры хозяйственного раздела плана «Барбаросса» — «Ольденбург» планлӧн овмӧс юкӧдысь котыртан тэчас видлалӧм серти вермахтса веськӧдлысьяскӧд Адольф Гитлерлӧн совещаниеса сёрнигижӧд, 1941 вося косму тӧлысь 29-ӧд лун

  • Выльысь оккупируйтӧм асыввыв обласьтъясын экономикаӧн веськӧдлӧм серти директиваяс. («Турунвиж папка». 1 №-а юкӧн. 2 №-а издание)

    Выльысь оккупируйтӧм асыввыв обласьтъясын экономикаӧн веськӧдлӧм серти директиваяс. («Турунвиж папка». 1 №-а юкӧн. 2 №-а издание)

  • «Политическӧй комиссаръяскӧд шыасьӧм йылысь директиваяс» дорӧ 1941 во лӧддза-номъя тӧлысь 6-ӧд лунся сопроводительнӧй

    «Политическӧй комиссаръяскӧд шыасьӧм йылысь директиваяс» дорӧ 1941 во лӧддза-номъя тӧлысь 6-ӧд лунся сопроводительнӧй

Вермахтса Медвылыс командованиелӧн штабса начальник генерал-фельдмаршал Вильгельм Кейтель «„Барбаросса“ операция нуӧданінын воинскӧй подсудносьт да войскаяслӧн торъя уджмогъяс йылысь» 1941 вося ода-кора тӧлысь 13-ӧд лунся тшӧктӧдӧн пыртіс СССР-лӧн мутасын, кутшӧмӧс босьтісны немеч войскаяс, урчиттӧм террор режим. Документыс мездіс вермахтса личнӧй составӧс гражданскӧй олысьяслы паныд кӧть кутшӧм преступление вӧчӧмысь кывкутӧмысь. Гиммлер лэдзис татшӧм жӧ директива СС войскалы[16].

Ӧттшӧтш нацистъяслӧн веськӧдлысьяс лӧсьӧдісны Сӧветскӧй Союзлысь вӧр-ва, производство да удж ресурсъяссӧ дзоньнас грабитӧм да уджӧдӧм серти стӧч планъяс. Та могысь 1941 вося рака тӧлысь 19-ӧд лунӧ Гитлерлӧн тшӧктӧд серти вӧлі котыртӧма Геринг веськӧдлӧм улын «Ольденбург»  (рус.) (коми овмӧс штаб[17].

112-ӧд номера бюллетеньын, кутшӧмӧс 1941 вося лӧддза-номъя тӧлысьын лэдзис вермахтлӧн пропаганда юкӧн, пыр жӧ СССР вылӧ уськӧдчӧм бӧрын, тышлысь могъяссӧ вӧлі индӧма тадзи:

Колӧ бырӧдны гӧрд немортъяссӧ кремльса налӧн диктаторъясыскӧд ӧтлаын. Германияса йӧзлы ковмас пӧртны олӧмӧ аслас историяын медся ыджыд мог, да мирыс ещӧ кылас на сы йылысь, мый тайӧ могсӧ лоӧ пӧртӧма олӧмӧ помӧдз[18].

Выль немеч овмӧдчӧминъяслысь проектъяс видлалӧм. Шӧрас: Генрих Гиммлер да Рудольф Гесс

Геноцид политика збыльмӧдӧм

Мирнӧй йӧзӧс унаӧн виалӧм

СССР мутасын нацистъяслӧн политикаын лӧсяланаторйӧн вӧліны татчӧс олысьясӧс зэв унаӧн виалӧм. «Асыввывса мутасъяс» серти уджаліс славяна да «тырмытӧмторъяса» мукӧд йӧз лыдсӧ кардинальнӧя чинтӧм вылӧ индӧд, кутшӧмӧс пӧртлісны олӧмӧ СС-лӧн айнзацгруппаяс, вермахтлӧн соединениеяс да коллаборационистскӧй формированиеяс. Сідз, 1941 вося кӧч тӧлысьын 33 сюрс гӧгӧр еврейӧс вӧлі виӧма Киевын Бабий Ярын, 15 сюрсысь унджык мирнӧй сӧветскӧй граждана пӧгибнитісны Беларусь-Латвия суйӧр бердын «Тӧвся волшебство»  (рус.) (коми карательнӧй операция дырйи, 27 сюрсысь унджык морт бырӧдӧмаӧсь фашистъяс Ростовса Змиевскӧй балкаын. И татшӧмсяма эпизодыс вӧлі уна сё[9][19][20][21].

Карательнӧй операцияясыс, кутшӧмъясӧс формальнӧя вӧлі веськӧдӧма партизанъяслы паныд, збыльвылас тшӧкыда лоисны быдса районъясса мирнӧй олысьясӧс методическӧя бырӧдӧмӧн, найӧ ыстысисны, мый нуӧдсьӧ «бандитизмкӧд» тыш. Сотӧм му тактикаыс тшӧктіс кытшавны олан пунктъясӧ, виавны уна йӧзӧс да дзикӧдз бырӧдны инфраструктурасӧ. Йӧзсӧ эз сӧмын лыйлыны, но и травитлісны угарнӧй газӧн машина-душегубкаясын либӧ биаруӧн стационарнӧй камераясын, сотлісны ловъявывсьысь, тӧвнас вӧтлывлісны кӧдзыдінӧ либӧ виисны тшыглы. Татшӧм политикаыслӧн страшнӧй примеръясысь ӧтиӧн лои 1943 вося рака тӧлысь 22-ӧд лунӧ Хатынь  (рус.) (коми грезд сэні 149 олыськӧд ӧтлаын бырӧдӧм, кодӧс вӧчис «Дирлевангер» СС батальонӧ пырысь карательнӧй отряд да Украинаса коллаборационистъяс. Война кадӧ му веркӧс вылысь вӧлі бырӧдӧма уна сюрс сӧветскӧй сикт да грезд[4][19][20].

Ставсӧ бырӧдан системалӧн шӧр элементӧн вӧліны СССР-ын нацистъясӧн лӧсьӧдӧм концентрационнӧй лагеръяс. Шог нималӧм босьтісны Львов бердса Яновский посёлокын смерть лагер, кӧні вӧлі бырӧдӧма матӧ 200 сюрс морт, а сідзжӧ Минскса гетто сыкӧд орчча Тростенец лагеркӧд (Освенцим, Майданек да Треблинка бӧрын жертваяс лыд серти Европаын лагеръяслӧн нёльӧд комплекс). Таысь кындзи 85 сюрс сайӧ морт кулі тшыгъялӧмысь да висьӧмысь Имперскӧй безопасносьӧн медшӧр веськӧдланінлӧн системаса лагеръясын да военнопленнӧйяслы недыр кадся лагеръясын, сэтшӧмъясын, кыдзи Порховын Дулаг-100[19][20][22].

Оккупантъяслӧн вӧчӧмторъясысь вӧлі воштӧма СССР-са 13,6 млн мортысь абу этшаджык гражданскӧй йӧз[2][3].

  • Немеч полицейскӧй виӧ массовӧй казнь бӧрын ловйӧн кольӧм еврей нывбабаясӧс да челядьӧс

    Немеч полицейскӧй виӧ массовӧй казнь бӧрын ловйӧн кольӧм еврей нывбабаясӧс да челядьӧс

  • Казненные немцами мирные граждане.jpeg

    Немечьясӧн казнитӧм мирнӧй граждана

  • Лугаын нацистъясӧн ӧшӧдӧм сӧветскӧй партизанъяс

    Лугаын нацистъясӧн ӧшӧдӧм сӧветскӧй партизанъяс

Сӧветскӧй каръяс бомбитӧм

Нацистъяслӧн сотӧм му да сӧветскӧй йӧзӧс дзикӧдз бырӧдӧм серти политикаын торйӧн нин тӧдчанаӧн лоины СССР-са Сталинград, Ленинград, Москва, Горький да мукӧд кар бомбитӧм. Сӧмын ӧти лунӧ, 1942 вося моз тӧлысь 23-ӧд лунӧ, Сталинград вылӧ вӧлі шыбитӧма 1000 тонна гӧгӧр бомба, мый вӧсна пӧгибнитіс уна дас сюрс мирнӧй олысь, быри 90 прӧчентысь унджык олан фонд да карсӧ лои кисьтӧма. Ленинградлӧн блокада дырйи сідзжӧ вӧліны пырся авианалётъяс: бомбитісны сёян-юан тыра складъяс да карса олан кварталъяс. Мог — вӧчны гуманитарнӧй катастрофа. Лэбалӧмъяслы паныд уджалісны ПВО-лӧн сӧветскӧй системаяс, но век жӧ кувсис да доймаліс уна гражданскӧй йӧз да жугалісны олан фонд, коммуникацияяс, больничаяс, промышленнӧй объектъяс да культурно-историческӧй памятникъяс[23][24][25][26].

  • Сталинградса кварталъяс, кутшӧмъясӧс жугӧдӧма бомбардируйтӧм дырйи

    Сталинградса кварталъяс, кутшӧмъясӧс жугӧдӧма бомбардируйтӧм дырйи

  • Люфтваффеӧн массӧвӧя бомбитӧм бӧрын Бадаевскӧй складъяс

    Люфтваффеӧн массӧвӧя бомбитӧм бӧрын Бадаевскӧй складъяс

  • Горькийын Ленин нима завод бомбардируйтӧм бӧрын. 1941 вося вӧльгым тӧлысь

    Горькийын Ленин нима завод бомбардируйтӧм бӧрын. 1941 вося вӧльгым тӧлысь

Ленинградлӧн блокада

СССР-ын фашистъяслӧн медся ыджыд лёкторъясысь ӧтиӧн вӧлі Ленинградлӧн блокада  (рус.) (коми, мый кыссис 1941 вося кӧч тӧлысь 8-ӧд лунсянь 1944 вося тӧвшӧр тӧлысь 27-ӧд лунӧдз. Блокадалӧн жертваӧн лои 1,093 миллион сайӧ морт. 2022 воын Санкт-Петербургса ёрд шуис тайӧ лоӧмторъяссӧ геноцид актӧн[27][28].

  • Ленинградын олысьяс эновтӧны бомбитӧмӧн жугӧдӧм ассьыныс керкаяснысӧ, 1942 вося ӧшым тӧлысь 10-ӧд лун

    Ленинградын олысьяс эновтӧны бомбитӧмӧн жугӧдӧм ассьыныс керкаяснысӧ, 1942 вося ӧшым тӧлысь 10-ӧд лун

  • 58 №-а детсадса кагульнича И. К. Лирц челядькӧд бомбитӧмысь дзебсянінын, Ленинград, 1942 во

    58 №-а детсадса кагульнича И. К. Лирц челядькӧд бомбитӧмысь дзебсянінын, Ленинград, 1942 во

Йӧзлы терпитны позьтӧм олан условиеяс лӧсьӧдӧм

Быдлунъя террор

Оккупантъяс дугӧдісны став сӧветскӧй оланпассӧ, СССР-лӧн оккупируйтӧм мутасын паськӧдісны Германияса оланпастэчаслысь вынсӧ, кутшӧмӧс содтісны торъя тшӧктӧмъясӧн. Сэтчӧс олысьясӧс вӧлі ёнджыка мыждӧны смертнӧй казньӧн, сійӧс индывлісны весиг посниторъясысь: комендантскӧй час торкӧмысь, сӧветскӧй листовкаяс видзӧмысь, вермахтса салдатъяслы торйӧдӧм местаысь ва босьтӧмысь, туйяс няйтчӧдӧмысь да с. в. Мукӧд торкӧмысь сӧветскӧй граждана вермисны веськавны концлагерӧ. Мыжаӧн чайтӧм мортлысь мыжсӧ позис не эскӧдны: торъя ёрдъяс индісны приговорсӧ сӧмын чайтӧм серти[6][29].

Йӧзлысь олӧмсӧ урчитіс зэв уна кутӧд, кутшӧмъясӧс зэв сьӧкыд вӧлі не торкны. Кывзысьтӧмлунысь быд пӧрйӧ чорыда мыждісны. Эз кӧ сюр веськыда мыж вӧчысьыс, оккупантъяс лыйлісны заложникъясӧс. Немеч военнослужащӧйяс да налӧн союзникъяс тшӧкыда виавлісны мирнӧй олысьясӧс некутшӧм помкатӧг, гажӧдчӧм ради. Видзсьӧма уна казьтылӧм сы йылысь, кыдзи нацистъяс уськӧдлісны челядь вылӧ понъясӧн, виавлісны нӧбасьысь аньясӧс да кагаясӧс, нӧйтлісны да мырдӧнавлісны нывбабаясӧс, тешитчисны вермытӧмъяс да пӧрысь йӧз вылын[6][30].

1941 вося сора тӧлысь 17-ӧд лунӧ вермахтса командование лэдзис тшӧктӧд, мый тшӧктіс да весиг ышӧдліс военнослужащӧйясӧс мырддьыны мирнӧй йӧзлысь ставсӧ, мый кажитчас. Эмбур кутысьяслысь быд водзсасьӧмсӧ тшӧктылісны чорыда пӧдтыны. Вермахтлӧн наступайтысь часьтъяслӧн олан пунктъясӧ пырӧмыс пӧшти быд пӧрйӧ мунліс лыйлӧмъясӧн, мародёралӧмӧн да грабитӧмъясӧн. Нуисны сідзжӧ культура озырлун[6][31].

Нацистскӧй оккупация воясӧ Донбасса Мариновка сиктын немеч комендантӧс индӧм

Уна йӧзӧс тшыгъявны ызйӧдӧм

Кӧть кутшӧм кар босьтӧм бӧрын гитлеровечьяс пыр жӧ нуӧдлісны складъясысь да магазинъясысь сёян-юан серти ревизия. Йӧзыс эз вермыны ньӧбны сёян-юан. Сы пыдди вӧлі лӧсьӧдӧма сёян юклӧм: ичӧтик нянь паёкъяс вичмылісны сӧмын налы, кодъяс уджалісны предприятиеясын либӧ уджалісны оккупантъяслӧн административнӧй аппаратын чинъясын[32][33].

Карточкаяс серти сеталӧм вылӧ няньсӧ пӧжавлісны нацистскӧй продовольствие министерствоӧн вынсьӧдӧм рецепт серти: 50 % рудзӧг шрот (комбикормлӧн компонент), 20 % свеклӧ жӧм (сакарнӧй свеклӧ обработайтӧмысь колясъяс), 20 % целлюлоза пызь, 10 % вартӧм идзас либӧ кор. Челядь, пӧрысьяс да висьысьяс, кодъяс сёйисны татшӧм суррогатсӧ, кувлісны медводзаӧн[34].

Сиктса олысьяслӧн ас подсобнӧй овмӧсъяслы вӧлі индӧма сьӧма да натуральнӧй вот. Няньсӧ да град выв пуктассӧ колӧ вӧлі сдайтны оккупационнӧй администрациялы зэв ичӧт донъяс серти[14]. «Саботажысь» лыйлісны. Гырысь скӧтӧс гусьӧн начкӧмысь вермисны йӧз водзын ӧшӧдны[35].

Уна йӧзлӧн тшыгъялӧм вӧсна паськаліс быдсяма висьӧм, тшӧтш и вуджан, кутшӧмъяс вӧсна сідзжӧ кувсис уна йӧз[29].

  • Маутхаузен концлагерын сӧветскӧй военнопленнӧйяс

    Маутхаузен концлагерын сӧветскӧй военнопленнӧйяс

  • Дистрофияӧн висьысь блокадник

    Дистрофияӧн висьысь блокадник

Уджӧн нартитӧм

1941 вося моз тӧлысь 5-ӧд лунӧ асыввыв мутасъясса министр Альфред Розенберг лэдзис оккупируйтӧм мутасъясын олысьяслы тӧлысьнас 22 лунысь абу этшаджык быть уджавны тшӧктӧм. Мырдӧн корӧм сьӧкыд уджъяс вылӧ кыскисны татчӧс олысьясӧс, кодъяслы вӧлі 14 арӧссянь 65 арӧсӧдз. Каръясын вӧлі лӧсьӧдӧма удж биржаяс, кутшӧмъяс нуӧдісны стрӧг учёт уджавны вермысь став войтыр серти. Биржа вылын пасйысьӧмысь ӧтдортчӧмыс лыддьыссьывліс саботажӧн, таысь накажитлісны смертнӧй казньӧн[36].

Уджалан лунлӧн кузьтаыс воліс 14—18 часӧдз, уджыс муніс немеч администрациялӧн да сэтчӧс полицейскӧй-коллаборационистъяслӧн пырся дӧзьӧр улын. Уджалысьяслы медшӧр наказанньӧӧн вӧлі сёян-юан мырддьӧм либӧ смертнӧй казнь[36][37].

СССР-са гражданаӧс Германияӧ удж вылӧ нуӧм

Нацистъясӧн «Асыввыв муяс» колонизация нуӧдан методъясысь ӧтиӧн лои мирнӧй олысьясӧс удж вылӧ Германияӧ нуӧм, кӧні асшодтӧм сӧветскӧй уджалысьясӧс повзьӧдлісны да тешитчисны сэтшӧм жӧ методъясӧн, кыдзи и СССР-лӧн оккупируйтӧм мутасъясын. 1942—1944 воясӧ мырдӧн нуӧма 5,2 млн-ысь унджык сӧветскӧй гражданинӧс. Гражданаӧс, кодъясӧс нуисны Германияӧ, могмӧдлісны сӧмын налӧн олӧм вылӧ медся коланаторъясӧн да уджӧдісны зэв ёна, мый вӧсна кувсьыліс уна йӧз[36][38].

  • Угон мирного населения.jpeg

    Мирнӧй сӧветскӧй йӧзӧс нацистскӧй Германияӧ нуӧм

  • «OST» нашивкаа остарбайтер-ныв, кодӧс мездӧмаӧсь Лӧдзь дорса лагерысь

    «OST» нашивкаа остарбайтер-ныв, кодӧс мездӧмаӧсь Лӧдзь дорса лагерысь

Сӧветскӧй военнопленнӧйяслӧн положение

Геноцид политикалӧн ӧти тыдалана петкӧдчӧмӧн лои сійӧ, кыдзи нацистъяс кутісны асьнысӧ сӧветскӧй военнопленнӧйяскӧд. РККА-са салдатъясӧс да офицеръясӧс виалісны лагерьясӧ нуигӧн на, эз сетны налы сёян да ва, вӧдитчисны ӧружиеӧн слабмӧмъяслы паныд, кодъяс эз вермыны ас кежысь мунны водзӧ[39].

Лагеръясын сӧветскӧй военнопленнӧйяс кувсисны медсясӧ тшыгъялӧм да сыкӧд йитчӧм висьӧмъяс вӧсны. Таысь кындзи, заключённӧйяс вылын тшӧкыда тешитчис лагерса администрация[39][40].

Сӧветскӧй военнопленнӧйяслӧн ӧтувъя лыдыс — наукаын вензянатор, медся тшӧкыда чайтӧны, мый вӧлі 4,5—5,75 млн морт. Туялысьяслӧн видзӧдлас серти, пленӧ веськалӧмаяс пиысь джынсьыс абу этшаджыкыс пӧгибнитӧмаӧсь лагеръясын либӧ найӧс нуигӧн[2][41][42].

  • Немечьясӧн сӧветскӧй военнопленнӧйясӧс нуӧм, 1941 во

    Немечьясӧн сӧветскӧй военнопленнӧйясӧс нуӧм, 1941 во

  • Фотографияыс немеч канму архивысь. Сӧветскӧй военнопленнӧйяс лагерын, 1942 вося моз тӧлысь

    Фотографияыс немеч канму архивысь. Сӧветскӧй военнопленнӧйяс лагерын, 1942 вося моз тӧлысь

  • Демблинын концлагерын сӧветскӧй военнопленнӧйяслӧн ӧтувъя гу

    Демблинын концлагерын сӧветскӧй военнопленнӧйяслӧн ӧтувъя гу

Геноцид збыльмӧдысьяс

Сӧветскӧй йӧз серти геноцид политика медшӧр збыльмӧдысьясӧн вӧліны безопасносьт полициялӧн да безопасность службалӧн (СД) айнзацгруппаяс. Ставнас СССР мутасын вӧлі котыртӧма нёль айнзацгруппа (A, B, C да D), кодъяс пиысь быдӧн юксьыліс зондеркомандаяс да айнзацкомандаяс вылӧ, кодъяс уджалісны торъя оккупируйтӧм регионъясын. Группаясӧ пырисны СД-са, гестапоса, криминальнӧй полицияса уджалысьяс, СС войскаса офицеръяс да полиция школаясса кадръяс. Айнзацгруппаяслысь уджсӧ координируйтісны СС-лӧн да полициялӧн медвылыс фюреръяс, кодъясӧс индыліс ачыс Гиммлер: СС-лӧн группенфюрер Ганс-Адольф Прутцман (войвыв), СС-лӧн обергруппенфюрер Эрих Бах-Целевски (шӧр) да СС-лӧн обергруппенфюрер Фридрих Еккельн (лунвыв). Вермахтладорсянь отсасьысь йитан звеноӧн тшӧкыда вӧліны Абверса тыл службаяс да офицеръяс[9][43][44][45].

Немеч солдатъяс фотографируйтӧны партизанъясӧс виӧмсӧ, 1941 во

Сэк жӧ сӧветскӧй мирнӧй гражданалы паныд преступлениеясын участвуйтісны эз сӧмын СС-са да отсасян полицияса военнослужащӧйяс, но и вермахтаса прӧстӧй салдатъяс да офицеръяс, а сідзжӧ оккупационнӧй администрацияса чиновникъяс. Геноцидлӧн уна актӧ сідзжӧ пырӧдчӧмаӧсь нацистскӧй Германиякӧд ёртасьысь странаясса военнослужащӧйяс: Румыния Королевствоса армияяс да жандармерияяс, Венгрияса да Италияса армияяс, — а сідзжӧ сӧветскӧй граждана лыдысь отсасьысьяс[9][44][45][46][47].

Мизочса геттоысь пасьтӧм еврей аньяс да челядь виччысьӧны ӧчередь казнитӧм вылӧ, кодӧс нуӧдӧны немеч Безопасносьт полициялӧн (Зипо) да Безопасносьт службалӧн (СД) уджалысьяс Украинаса отсасян полиция отсӧгӧн

Нацистскӧй преступникъясӧс мыждӧм

1942 вося вӧльгым тӧлысьын вӧлі котыртӧма Чрезвычайнӧй канму комиссия (ЧГК), коді чукӧртіс уна сюрс эскӧдана гижӧд нацистъяслӧн лёк вӧчӧмъяс да наӧн вӧчӧм ущерб йылысь. Тайӧ материалъяс подув вылас, СССР-са Медвылыс Сӧветса Президиумлӧн 1943 во косму тӧлысь 19-ӧд лунся Индӧд серти, вӧлі заводитӧма военнӧй преступникъяс да налы отсасьысьяс вылын ёрдын восьса процессъяс. Медводдза татшӧм процессъясыс вӧліны Краснодарын, Краснодонын да Харьковын[9][48][49][50].

Чрезвычайнӧй комиссияӧн чукӧртӧм материалъясыс пуктісны подув обвинениелӧн позициялы Нюрнбергса процесс вылын, мый дырйи мирса йӧзкотырлы мыждӧм вылӧ вӧлі сетӧма нацизмлӧн уна лыда военнӧй преступлениеяс йылысь тырвыйӧ эскӧданторъяс[7][8][51].

  • Мыжалан йӧз асланыс ложаын. Медводдза рад, шуйгавывсянь веськыдвылӧ: Герман Геринг, Рудольф Гесс, Йоахим фон Риббентроп, Вильгельм Кейтель; мӧд рад, шуйгавывсянь веськыдвылӧ: Карл Дёниц, Эрих Редер, Бальдур фон Ширах, Фриц Заукель

    Мыжалан йӧз асланыс ложаын. Медводдза рад, шуйгавывсянь веськыдвылӧ: Герман Геринг, Рудольф Гесс, Йоахим фон Риббентроп, Вильгельм Кейтель; мӧд рад, шуйгавывсянь веськыдвылӧ: Карл Дёниц, Эрих Редер, Бальдур фон Ширах, Фриц Заукель

  • Тюрьмалӧн пытшкӧсса зал: сутки чӧж охрана видзӧдіс мыжалан йӧз бӧрся камераясын, 1945 вося вӧльгым тӧлысь 24-ӧд лун

    Тюрьмалӧн пытшкӧсса зал: сутки чӧж охрана видзӧдіс мыжалан йӧз бӧрся камераясын, 1945 вося вӧльгым тӧлысь 24-ӧд лун

  • Ригаса процессын мыжалан йӧз

    Ригаса процессын мыжалан йӧз

Паметь

Геноцид улӧ веськалӧм сӧветскӧй йӧзӧс казьтылан лун

Быд во косму тӧлысь 19-ӧд лунӧ Айму вӧсна Ыджыд тыш воясӧ сӧветскӧй йӧз серти вӧчӧм геноцид казьтылӧм могысь Россияын котыртӧны Ӧтувъя удж нуӧдан лун. Казьтылан мероприятиеясыс мунӧны велӧдчанінъясын, наука да культура учреждениеясын. 2022 воын Россия пасьтала акцияясӧ пырӧдчис 6,5 миллион сайӧ морт[49][50][52].

2025 вося ӧшым тӧлысь 29-ӧд лунӧ Россия Федерацияса президент Владимир Путин кырымаліс оланпас, мый урчитіс косму тӧлысь 19-ӧд лунсӧ Россияын казьтылан лунӧн — Геноцид улӧ веськалӧм сӧветскӧй йӧзӧс казьтылан лун[53].

Памятникъяс

Россияын да Беларуссияын уна йӧзӧс казнитӧм местаясӧ сувтӧдӧны мемориал комплексъяс (шуам, Тихвинаын пӧгибнитӧм челядьлы памятник, Лыа логын монумент, «Хатынь» мемориал комплекс, блокаднӧй Ленинградса челядьлы памятникъяс да мукӧд архитектура объект).

Россия Федерацияса 2025 во косму тӧлысь 21-ӧд лунся 74-ФЗ №-а федеральнӧй оланпас серти, «геноцид улӧ веськалӧм сӧветскӧй йӧзлысь шойяс став дзебанінсӧ, а сідзжӧ геноцид улӧ веськалӧм сӧветскӧй йӧзлысь паметьсӧ нэммӧдан памятникъяссӧ да объектъяссӧ видзӧ канму»[1].

«Хатынь» мемориал комплексын «Непокорённый человек» скульптура

Геноцид улӧ веськалӧм йӧзӧс казьтылан музейяс

2024 вося вӧльгым тӧлысьын Ленинград обласьтса веськӧдлысьяс юӧртісны Зайцевоын мемориал комплекслӧн мутасын геноцид улӧ веськалӧм СССР-са мирнӧй олысьясӧс казьтылан музей лӧсьӧдӧм йылысь[54].

2026 вося урасьӧм тӧлысь 20-ӧд лунӧ Москваса веськӧдлан котырын юӧртісны, мый юркарын воссяс Россияын медводдза национальнӧй Паметь музей, кодӧс сиӧма айму вӧсна Ыджыд тыш дырйи нацистъясӧн вӧчӧм преступлениеяс улӧ веськалӧм йӧзлы[55].

Геноцид улӧ веськалӧм сӧветскӧй йӧзлысь паметьсӧ оланпастэчас боксянь дорйӧм

Россияын уголовнӧя кывкутӧны Айму вӧсна Ыджыд тыш воясӧ сӧветскӧй йӧз серти нацистъясӧн геноцид вӧчӧмсӧ соссьӧмысь либӧ сійӧс ошкӧмысь, а сідзжӧ геноцид улӧ веськалӧм йӧзлысь паметьсӧ увтыртӧмысь[56][57].

Пасйӧдъяс

  1. ↑ 1 2 Федеральный закон от 21.04.2025 № 74-ФЗ ∙ Официальное опубликование правовых актов (рус.). publication.pravo.gov.ru. Шыӧдчан кадпас: 26 косму тӧлысь 2026.
  2. ↑ 1 2 3 Россия и СССР в войнах ХХ века. Книга потерь / Г. Ф. Кривошеев, В. М. Андроников, П. Д. Буриков и др.. — М., 2010. — С. 219—235.
  3. ↑ 1 2 Козлов А. В. Имя ему геноцид. Преступления гитлеровской Германии на территории Белоруссии и России. — М.: Вече, 2022. — С. 299.
  4. ↑ 1 2 Кудряшов С. В. Война на уничтожение. Нацистский террор на советских территориях // Вестник РФФИ. Гуманитарные и общественные науки. — 2025. — № 1. — С. 69—75.
  5. ↑ Ковалёв Б. Н. Повседневная жизнь населения России в период нацистской оккупации. — М., 2011. — С. 11.
  6. ↑ 1 2 3 4 5 Без срока давности: преступления нацистов и их пособников против мирного населения на временно оккупированной территории СССР в годы Великой Отечественной войны 1941—1945 гг.: Сборник документов в двух частях. — М.: Фонд «Связь Эпох», 2020.
  7. ↑ 1 2 Полторак А. И. Нюрнбергский эпилог. — М.: Воениздат, 1969.
  8. ↑ 1 2 Савенков А. Н. Нюрнберг: приговор во имя мира. — М.: Проспект, 2021.
  9. ↑ 1 2 3 4 5 Козлов А. В. Имя ему геноцид. Преступления гитлеровской Германии на территории Белоруссии и России. — М.: Вече, 2022. — С. 35—45.
  10. ↑ Козлов А. В. Имя ему геноцид. Преступления гитлеровской Германии на территории Белоруссии и России. — М.: Вече, 2022. — С. 7—34.
  11. ↑ Яковлев Е. Н. Война на уничтожение. Третий рейх и геноцид советского народа. — СПб., 2026. — С. 192.
  12. ↑ Нюрнбергса процесс. Материалъяс сборник. NO-5001 (PS-1919) документ.
  13. ↑ 1 2 Козлов А. В. Имя ему геноцид. Преступления гитлеровской Германии на территории Белоруссии и России. — М.: Вече, 2022. — С. 7—34.
  14. ↑ 1 2 Баринов И. Аграрная политика нацистской Германии, 2013, с. 288.
  15. ↑ Нацизм. Документальные свидетельства преступлений, 2023, Предисловие.
  16. ↑ Яковлев Е. Н. Война на уничтожение, 2024, с. 404.
  17. ↑ Яковлев Е. Н. Война на уничтожение, 2024, с. 203—204.
  18. ↑ Цит. В. Ветте серти: Ветте В. Война на уничтожение: Вермахт и Холокост // Новая и новейшая история. — 1999. — № 3.
  19. ↑ 1 2 3 Без срока давности: преступления нацистов и их пособников против мирного населения на временно оккупированной территории СССР в годы Великой Отечественной войны 1941–1945 гг.: Сборник документов : В 2 ч. Ч. 1. — М.: Фонд «Связь Эпох», 2020. — С. 123—596.
  20. ↑ 1 2 3 Без срока давности: преступления нацистов и их пособников против мирного населения на временно оккупированной территории СССР в годы Великой Отечественной войны 1941–1945 гг.: Сборник документов : В 2 ч. Ч. 2. — М.: Фонд «Связь Эпох», 2020. — С. 9—370.
  21. ↑ Аристов С. В. Система нацистских концентрационных лагерей, 2019, с. 9, 30.
  22. ↑ Аристов С. В. TERRA INCOGNITA: система нацистских концлагерей на оккупированной территории СССР (1941—1944 гг.). — М., 2022.
  23. ↑ Фёдоров А. Г. Авиация в битве под Москвой. — М.: Наука, 1975.
  24. ↑ Дёгтев Д. М. Воздушная битва за Сталинград: операции люфтваффе по поддержке армии Паулюса, 1942—1943. — М.: Центрполиграф, 2021.
  25. ↑ Дёгтев Д. М. Воздушная битва за город на Неве защитники Ленинграда против асов люфтваффе, 1941—1944, к 70-летию снятия блокады. — М.: Центрполиграф, 2014.
  26. ↑ Лашков А. Ю. Противовоздушная оборона Горьковского промышленного района в годы Великой Отечественной войны // Военно-исторический журнал. — 2023. — № 5. — С. 4—15.
  27. ↑ Белозёров Б. П. Ленинград сражающийся. — СПб.: Знание, 2016—2019. — Т. 1—4.
  28. ↑ Суд Петербурга признал блокаду Ленинграда геноцидом, РБК. Шыӧдчан кадпас: 26 косму тӧлысь 2026.
  29. ↑ 1 2 Яковлев Е. Н. Война на уничтожение. Третий рейх и геноцид советского народа. — СПб., 2026.
  30. ↑ Яковлев Е. Н. Война на уничтожение, 2024, с. 414—415.
  31. ↑ Попов А. Ю. Новый экономический порядок на оккупированной советской территории в годы Великой Отечественной войны (рус.). Федеральная Служба Безопасности. Шыӧдчан кадпас: 26 косму тӧлысь 2026.
  32. ↑ Кикнадзе В. Г. и др. Геноцид народов России, 2024, с. 438—439.
  33. ↑ Яковлев Е. Н. Война на уничтожение, 2024, с. 263—264.
  34. ↑ Яковлев Е. Н. Война на уничтожение, 2024, с. 265.
  35. ↑ Баринов И. Аграрная политика нацистской Германии, 2013, с. 289.
  36. ↑ 1 2 3 Принудительный труд 1939—1945. Опыт международного проекта. — Воронеж, 2020.
  37. ↑ Без срока давности: преступления нацистов и их пособников против мирного населения на временно оккупированной территории СССР в годы Великой Отечественной войны 1941–1945 гг.: Сборник документов: В 2 ч. Ч. 1. — М.: Фонд «Связь Эпох», 2020. — С. 222, 338, 511.
  38. ↑ Полян П. М. Жертвы двух диктатур: Остарбайтеры и военнопленные в Третьем рейхе и их репатриация. — М., 1996.
  39. ↑ 1 2 Штрайт К. "Они нам не товарищи": вермахт и советские военнопленные в 1941—1945 гг. — М., 2009.
  40. ↑ Яковлев Е. Н. Война на уничтожение. Третий рейх и геноцид советского народа. — СПб., 2026. — С. 314—325.
  41. ↑ Судьба военнопленных и депортированных граждан СССР. Материалы Комиссии по реабилитации жертв политических репрессий // Новая и новейшая история. — 1996. — № 2. — С. 91—112.
  42. ↑ Яковлев Е. Н. Война на уничтожение. Третий рейх и геноцид советского народа. — СПб., 2026. — С. 477.
  43. ↑ SS im Einsatz. Eine Dokumentation ϋber die Verbrechen der SS. — Berlin: Deutscher Militärverlag, 1967.
  44. ↑ 1 2 Без срока давности: преступления нацистов и их пособников против мирного населения на временно оккупированной территории СССР в годы Великой Отечественной войны 1941—1945 гг. Ч.1. — М.: Фонд «Связь Эпох», 2020. — С. 9—26.
  45. ↑ 1 2 Кудряшов С. В. Война на уничтожение. Нацистский террор на советских территориях // Вестник РФФИ. Гуманитарные и общественные науки. — 2025. — № 1. — С. 66—68.
  46. ↑ Нюрнбергский трибунал развеял миф о "чистом вермахте", заявил историк, РИА Новости (18 вӧльгым тӧлысь 2025). Шыӧдчан кадпас: 26 косму тӧлысь 2026.
  47. ↑ Мюллер Н. Вермахт и оккупация (1941—1945). О роли вермахта и его руководящих органов в осуществлении оккупационного режима на советской территории. — М.: Воениздат, 1974. — С. 158—275.
  48. ↑ Без срока давности: преступления нацистов и их пособников против мирного населения на временно оккупированной территории СССР в годы Великой Отечественной войны 1941–1945 гг.: Сборник документов: В 2 ч. Ч. 2. — М.: Фонд «Связь Эпох», 2020. — С. 371—431.
  49. ↑ 1 2 День единых действий, Без срока давности (12 кӧч тӧлысь 2022). Шыӧдчан кадпас: 26 косму тӧлысь 2026.
  50. ↑ 1 2 День единых действий (рус.). russiancip.ru. Шыӧдчан кадпас: 26 косму тӧлысь 2026.
  51. ↑ Алиева Л. В. Без срока давности: геноцид мирного населения на оккупированных территориях РСФСР в годы Великой Отечественной войны. — Красноярск, 2021. — С. 144.
  52. ↑ Акция «День единых действий в память о жертвах преступлений против советского народа, совершённых нацистами и их пособниками в годы Великой Отечественной войны» объединила школьников и студентов (рус.). Минпросвещения России. Шыӧдчан кадпас: 26 косму тӧлысь 2026.
  53. ↑ Путин подписал закон об установлении Дня памяти жертв геноцида советского народа, TACC (29 ӧшым тӧлысь 2025). Шыӧдчан кадпас: 26 косму тӧлысь 2026.
  54. ↑ Музей памяти жертв геноцида мирных жителей будет создан в Ленобласти, РИА Новости (25 вӧльгым тӧлысь 2024). Шыӧдчан кадпас: 26 косму тӧлысь 2026.
  55. ↑ Первый национальный Музей памяти откроется в Москве, Сайт Москвы (20 урасьӧм тӧлысь 2026). Шыӧдчан кадпас: 24 косму тӧлысь 2026.
  56. ↑ Путин подписал закон о наказании за отрицание геноцида советского народа. tass.ru (9 косму тӧлысь 2026). Шыӧдчан кадпас: 26 косму тӧлысь 2026.
  57. ↑ Федеральный закон от 09.04.2026 № 100-ФЗ∙ Официальное опубликование правовых актов (рус.). publication.pravo.gov.ru. Шыӧдчан кадпас: 26 косму тӧлысь 2026.

Литература

  • Алиева Л. В. Без срока давности: геноцид мирного населения на оккупированных территориях РСФСР в годы Великой Отечественной войны. Красноярск. 2021.
  • Альтман И. Жертвы ненависти. Холокост в СССР. 1941—1945 гг. М. 2002.
  • Арад И. Катастрофа евреев на оккупированных территориях Советского Союза (1941—1945). Днепропетровск. М.: Центр «Холокост». 2007.
  • Аристов С. В. «Империя смерти». Концлагеря Третьего рейха: самая полная иллюстрированная энциклопедия нацистских концлагерей. М.: Яуза. 2022.
  • Аристов С. В. TERRA INCOGNITA: система нацистских концлагерей на оккупированной территории СССР (1941—1944 гг.). М. 2022.
  • Артамошин С. В. Идейные истоки национал-социализма. Брянск. 2002.
  • Багдасарян В. Э., Реснянский С. И. Геноцид советского народа в германской оккупационной политике: цивилизационный ракурс «войны на уничтожение» // Вестник Российского университета дружбы народов. Серия: История России. 2025. Т. 24. № 2. С. 126—147.
  • Баринов И. И. Направление — Украина: опыт изучения нацистской оккупационной политики, 1941—1944. М. 2014.
  • Безыменский Л. А. Особая папка «Барбаросса». М. 1972.
  • Белозёров Б. П. Ленинград сражающийся. Т. 1—4. СПб.: Знание. 2016—2019.
  • Великая Отечественная без грифа секретности. Книга потерь / под общ. ред. Г. Ф. Кривошеева, А. В. Кирилина. М.: Вече. 2010.
  • Великая Отечественная война 1941—1945 годов (в двенадцати томах). М.: Воениздат. 2011—2015.
  • Великая Победа советского народа: социально-политические и демографические аспекты / отв. ред. С. В. Рязанцев, В. Н. Иванов; ИСПИ ФНИСЦ РАН. М.: Экон-Информ. 2020.
  • Великая Победа (в пятнадцати томах) / под общ. ред. С. Е. Нарышкина, А. В. Торкунова. М.: МГИМО-Университет. 2015.
  • Вержбицкий Ю. Ю. «За все эти чудовищные преступления… преступное гитлеровское правительство, командование германской армии и их сообщники несут всю полноту уголовной и материальной ответственности»: организация расследования нацистских преступлений и наказание военных преступников, виновных в геноциде на оккупированной территории РСФСР в годы Великой Отечественной войны // Военно-исторический журнал, № 5, 2025. С. 82—89.
  • Веригин С. Г. Карелия в годы военных испытаний: политическое и социально-экономическое положение Советской Карелии в период Второй мировой войны 1939—1945 гг. Петрозаводск. 2009.
  • Веригин С. Г. Финская оккупация Карелии в 1941—1944 годах: дискуссии между российскими и финляндскими историками // Учёные записки Петрозаводского государственного университета. 2022. Т. 44. № 6. С. 75—82.
  • Ветте В. Образ врага: расистские элементы в немецкой пропаганде против Советского Союза // Почему Третий рейх проиграл войну. Немецкий взгляд. М. 2021.
  • Галкин А. А. Германский фашизм. М.: Наука. 1989.
  • Данченко Е. Л. Батраки поневоле. Принудительный труд «восточных рабочих» в сельском хозяйстве нацистской Германии (1941—1945). Воронеж: Издательство Воронеж. гос. пед. ун-та. 2012.
  • Дюков А. Р. Операция «Зимнее волшебство». Нацистская истребительная политика и латвийский коллаборационизм. М. 2011.
  • Захарина Е. А. Травматический опыт остарбайтеров и способы его преодоления в советской и постсоветской культуре памяти / Е. А. Захарина, Е. Ф. Кринко // Этнографическое обозрение. 2023. № 1. С. 11—29.
  • Звягинцев А. Г. Главный процесс человечества. М. 2012.
  • Истребительная война на Востоке. Преступления вермахта в СССР. 1941—1944. Доклады. // АИРО — научные доклады и дискуссии. Темы для XXI века. Выпуск 18. М. 2005.
  • История Великой Победы (в трёх томах) М.: МГИМО-Университет. 2020.
  • История Второй мировой войны. 1939—1945 (в двенадцати томах). М.: Воениздат. 1973—1982.
  • История Холокоста и геноцидов. ХХ век: Учебное пособие для вузов / Под ред. И. А. Альтмана. М.: МИК. 2022.
  • Кваша А. Я. Демографические потери СССР во Второй мировой войне // Вестник Московского Университета. Серия «Экономика». 1993. № 4.
  • Кикнадзе В. Г. Политико-стратегическое содержание планов Третьего рейха в отношении СССР // Вопросы истории. 2015. № 6. С. 168—175.
  • Кикнадзе В. Г., Романько О. В., Саенко А. С. Геноцид народов России. Преступления против советского мирного населения и военнопленных в годы Великой Отечественной войны. М. 2024.
  • Киселёва О. А., Никулина Т. В. Гражданское население и оккупационный режим // Отечественная история. 2006. № 4. С. 76—81.
  • Ковалёв Б. Н. Нацистская оккупация и коллаборационизм в России 1941—1944. М. 2004.
  • Крысин М. Ю. Прибалтийский фашизм. История и современность. М.: Вече. 2007.
  • Кудряшов С. В. Война на уничтожение. Нацистский террор на советских территориях // Вестник РФФИ. Гуманитарные и общественные науки. 2025. № 1. С. 64—78.
  • Козлов А. В. Имя ему геноцид. Преступления гитлеровской Германии на территории Белоруссии и России. М.: Вече. 2022.
  • Мюллер Н. Вермахт и оккупация (1941—1945). О роли вермахта и его руководящих органов в осуществлении оккупационного режима на советской территории. М.: Воениздат. 1974.
  • Немецко-фашистский оккупационный режим (1941—1944 гг.). М.: Политиздат. 1965.
  • Полторак. А. И. Нюрнбергский эпилог. М.: Воениздат. 1969.
  • Принудительный труд 1939—1945. Опыт международного проекта. Издательско-полиграфический центр. Воронеж. 2020.
  • Россия и СССР в войнах ХХ века. Книга потерь / Г. Ф. Кривошеев, В. М. Андроников, П. Д. Буриков и др. М.: Вече. 2010.
  • Савенков А. Н. Геноцид советского народа: от истории к праву, без срока давности // Государство и право. 2021. № 9. С. 7—30.
  • Савенков А. Н. Нюрнберг: приговор во имя мира. М.: Проспект. 2021.
  • Советские военнопленные во время Второй мировой войны на польских землях / науч. ред. Я. Войтковяк. СПб.: Алетейя. 2018.
  • Солонарь В. А. Очищение нации. Насильственные перемещения населения и этнические чистки в Румынии в период диктатуры Иона Антонеску (1940—1944). СПб. 2020.
  • Холокост на территории СССР. Энциклопедия. М. 2011.
  • Чумаков Г. В. Финские концентрационные лагеря для гражданского населения Петрозаводска в 1941—1944 гг. // Вопросы истории Европейского Севера (Народ и власть: проблемы взаимоотношений, 80-е гг. XVIII—XX в.). Петрозаводск. 2005. С. 142—151.
  • Шевяков А. А. Гитлеровский геноцид на территориях СССР // Социологические исследования. 1991. № 12. С. 3—11.
  • Штрайт К. «Они нам не товарищи»: вермахт и советские военнопленные в 1941—1945 гг. М. 2009.
  • Яковлев Е. Н., Дюков А. Р., Симиндей В. В. Нацизм на оккупированных территориях Советского Союза. СПб. 2024.
  • Barber J., Harrison M. Patriotic War, 1941—1945 // The Cambridge History of Russia. Vol. 3. Cambridge: Cambridge University Press. 2006. P. 217—242.
  • Borejsza J. W. A Ridiculous Hundred Million Slavs: Concerning Adolf Hitler’s World-View. Warsaw. 2017.
  • Connelly J. Nazis and Slavs: From Racial Theory to Racist Practice // Central European History. 1999. Vol. 32, № 1. P. 1—33.
  • Harrisville D. A. The Virtuous Wehrmacht: Crafting the Myth of the German Soldier on the Eastern Front, 1941—1944. Cornell University Press. 2021.
  • Heer Н., Streit С. Vernichtungskrieg im Osten. Judenmord, Kriegsgefangene und Hungerpolitik. Hamburg. 2020
  • Kaul С. F. Nazimordaktion, T. 4. Ein Bericht uber die erste industrimabig durchfuhrte Mordaktion des Naziregimes. Berlin. 1973.
  • Kay A. J. Empire of Destruction: A History of Nazi Mass Killing. Yale University Press. 2021.
  • SS im Einsatz. Eine Dokumentation ϋber die Verbrechen der SS. Berlin: Deutscher Militärverlag. 1967.
  • The Oxford History of the Third Reich. Oxford University Press. 2023.
Босьтӧма "https://kv.ruwiki.ru/w/index.php?title=Сӧветскӧй_йӧз_серти_геноцид&oldid=481874"-ысь