Ткачев, Сергей Алексеевич
| Сергей Алексеевич Ткачев | |
|---|---|
| Чужан лун | 1974 вося йирым тӧлысь 13 лун |
| Чужанін | Коми Республика, Сыктывкар |
| Страна | |
| Мыйся уджыс | велӧдысь, ректор, общественнӧй удж вӧчысь |
Ткачев Сергей Алексеевич (1974-ӧд вося йирым тӧлысь 13-ӧд лун, Сыктывкар, Коми Автономнӧй Сӧветскӧй Социалистическӧй Республика) — экономика наукаяс кандидат, доцент, канму да муниципальнӧй веськӧдлӧм кафедраӧн веськӧдлысь, Канму службаӧ да веськӧдлыны велӧдан Коми Республикаса академиялӧн ректорлысь удж вӧчысь (2021—2024)[1].
Олантуй
Чужис 1974 вося йирым тӧлысь 13-ӧд лунӧ Сыктывкарын. 1991 воын пырис велӧдчыны Сыктывкарса канму университетӧ «Менеджмент» специальносьт вылӧ.
2003 воын прӧйдитіс «Финансъяс да кредит» специальносьт серти федеральнӧй веськӧдлысь кадръяс уджсикасын тӧдӧмлунъяс содтӧм.
2011 воын Петыркарса сервис да экономика канму университетын дорйис «Баллансируйтӧм петкӧдласъяс система подув вылын муниципальнӧй юкӧнъяс социальнӧй да экономика боксянь сӧвмӧдӧмӧн веськӧдлӧм» тема серти кандидатскӧй диссертация.
2017 воын сетӧма «Экономика да йӧзкост овмӧсӧн веськӧдлӧм» специальносьт серти доцентлысь учёнӧй ним.
2021 вося ӧшым тӧлысь 31-ӧд лунсянь[2] 2024 вося урасьӧм тӧлысь 29-ӧд лунӧдз[3] вӧлі Канму службаӧ да веськӧдлыны велӧдан Коми Республикаса академиялӧн ректорлысь удж вӧчысьӧн[4].
85 научнӧй уджлӧн, сы лыдын монографияяслӧн, да 10 учебно-методическӧй уджлӧн автор.
Общественнӧй удж
• «Вестник КРАГСИУ» журналса, «Веськӧдлӧмлӧн теория да практика» серияса научнӧй редактор;
• Коми Республикаын пытшкӧс делӧяс министерство бердын ӧтйӧза сӧветӧ пырысь;
• Коми Республикаын ФВСВ ӧтйӧза сӧветӧ пырысь;
• «Вӧльнӧй экономическӧй котыр» регионса юкӧнӧн юрнуӧдысь;
• «Роч географическӧй котыр» Коми республиканскӧй юкӧнса Учёнӧй сӧветӧ пырысь;
• «Коми Республикаса географическӧй диктант» проектлӧн автор да котыртысь;
• «РУВИКИ»-лӧн ӧтйӧза сӧветӧ пырысь.
Наградаяс
• «Канму службаӧ да веськӧдлыны велӧдан Коми республиканскӧй академия» ВУ КВУ-лӧн почёт грамота (2010 во);
• Коми Республикаса йӧзӧс велӧдан министерстволӧн почёт грамота (2011);
• Коми Республикаса экономика сӧвмӧдан министерстволӧн почёт грамота (2014 во);
• Коми Республикаса Веськӧдлан котырлӧн Почёт грамота (2016 во);
• Коми Республикаса почёт грамота (2021 во)[5];
• Россия Федерацияса велӧдан да наука министерстволӧн Почёт грамота (2023 во)[6].
Пасйӧдъяс
- ↑ Сергей Ткачев: «Миссия академии — служить интересам региона»
- ↑ Исполняющим обязанности ректора Академии назначен Сергей Ткачев
- ↑ Сергей Ткачев, проработавший в качестве руководителя Академии с 31 декабря 2021 года, объявил коллективу вуза о сложении полномочий по собственному желанию.
- ↑ В Академии — новый руководитель
- ↑ Лучшие учителя в Коми удостоились государственных наград
- ↑ Руководителя Академии наградили Почётной грамотой Министерства науки и высшего образования Российской Федерации