Филиппов Дмитрий Тимофеевич

Филиппов Дмитрий Тимофеевич
Филиппов Дмитрий Тимофеевич
Чужан лун	1930-ӧд вося вӧльгым тӧлысь 15-ӧд лун
Чужанін	Лыжавом, Ускар каркытш, Коми (Зыряна) асвеськӧдлан обласьт, РСФСР, Сӧветскӧй Социалистическӧй Республикаяслӧн Союз;
Кулан лун	2017-ӧд вося моз тӧлысь 20-ӧд лун (86 арӧс)
Страна	Сӧветскӧй Социалистическӧй Республикаяслӧн Союз;
Мыйся уджыс	политик
Ошканпасъяс да премияяс	;

Филиппов Дмитрий Тимофеевич (1930—2017) — Социалистическӧй Уджвывса Герой, шахтёр-машинист.

Олан туй

Дмитрий Филиппов чужӧма Коми АССР-ын Печора районса (ӧні — Ускар каркытш) Лыжавом сиктын 1930-ӧд вося вӧльгым тӧлысь 15-ӧд лунӧ. Школаын 7 класс помалӧм бӧрын уджалӧма «Выль олӧм» колхозын.

1949-ӧд воын локтӧма Воркутаӧ. 3-ӧд номера Ремесленнӧй училишӧ (ӧні — Вӧркутса политехническӧй техникум) помалӧм бӧрын 1951—1968-ӧд воясын уджалӧма «Капитальная» 1-дза номера шахтаын (сёрӧнджык кутіс шусьыны «Воркутуголь» комбинатса «Востокуголь» трестысь «Воркутинская» шахта) врубӧвӧй машинаса машинистӧн, сэсся изшом комбайнса машинистӧн. Сьӧкыда доймалӧм бӧрын 1969-ӧд восянь уджалӧма «Воркутинская» шахтаын лэптан установкаса машинистӧн. 1973-ӧд воын 1-дза номера «Капитальная» да 40-ӧд номера шахтаяс подув вылын вӧлі вӧчӧма да восьтӧма «Воркутинская» шахта. Ставнас шахтаын уджалӧма 32 во.

Уджын ыджыд вермӧмъясысь СССР-са Вылыс Сӧветысь Президиум шуӧмӧн 1966-ӧд вося лӧддза-номъя тӧлысь 29-ӧд лунӧ Д.Т. Филипповлы сетісны Социалистическӧй Уджвывса Геройлысь ним, Ленин орден да «Чарла да мӧлӧт» медаль. Сыкӧд ӧти кадӧ тайӧ жӧ нимсӧ сетӧма нӧшта куим вӧркутаса олысьлы.

Олӧма Уква карын. Кулӧма Укваын 2017-ӧд вося моз тӧлысь 20-ӧд лунӧ.^[1]

Депутат

Воркутаса олысьяс бӧрйылӧмаӧсь сійӧс Коми АССР-са Вылыс Сӧветӧ да СССР-са Вылыс Сӧветӧ (6-ӧд созыв) депутатӧн.

Наградаяс

«Шахтёр слава» морӧсвывса пас (куимнан тшупӧд)
СССР-са Почёта шахтёр (1962)
Социалистическӧй Уджвывса Герой (1966)
Ленин орден (350695 №-а)
«Чарла да мӧлӧт» медаль (12209 №-а)
Вӧркута карса Почёта гражданин (1968)
«Уджвывса ветеран» медаль
«Доблестнӧй уджысь (Воинскӧй доблесьтысь). В. И. Ленин чужӧмсянь 100 во тыриг кежлӧ» юбилейнӧй медаль

Ӧшмӧсъяс

Акакиева Т. Филиппов Дмитрий Тимофеевич // Республика Коми: Энциклопедия: в 3-х т. — Сыктывкар, 2000. — Т. 3. — С. 247.
«Герои страны» проект
Музалевский М. В. Герои Социалистического Труда. Биобиблиографический словарь. — М.: РИЦ «Кавалер», 2008. — 200 с.

Ыстӧдъяс

↑ ВОРКУТА-ФОРПОСТ ОСВОЕНИЯ ЗАПОЛЯРЬЯ

[1] ВОРКУТА-ФОРПОСТ ОСВОЕНИЯ ЗАПОЛЯРЬЯ

[1]