Вӧркута

Босьтӧма Рувикиысь
Тайӧ терминыслӧн эмӧсь мӧд вежӧртасъяс, видзӧд Вӧркута (вежӧртасъяс).
Видлалӧм гижӧд
Кар
Воркута
яран Варкута
Администрация города Воркута и гостиница "Воркута".jpg
Дӧрапас Канпас
Дӧрапас Канпас
67°30′ с. ш. 64°02′ в. д.GЯO
Страна  Россия
РФ-са субъект Коми Республика
Муниципальнӧй кытш Вӧркута
Юралысь Гурьев Игорь Валерьевич
История да география
Лӧсьӧдӧма 1936 во
Воддза нимъяс Рудник
Кар  1943 вося вӧльгым тӧлысь 26-ӧд лун
Ыджда 29,73 км²
Шӧрин вылна 180 м
Час кытш UTC+3:00
Йӧз
Олысь лыд
Олысь лыд км² вылӧ 1916,75 морт/км²
Войтырсикасъяс рочьяс, татара, комияс
Катойконим воркутяне, воркутянин, воркутянка; воркутинцы, воркутинец[1]; вӧркутаса
Лыдпаса идентификаторъяс
Телефон код +7 82151
Пошта индекс 169900
ОКАТО код 87410
ОКТМО код 87510000001
ГКГН-ын номер 0168043
Мукӧдтор
Наградаяс Орден Трудового Красного Знамени
воркута.рф
Вӧркута (Россия)
Точка
Воркута
Red pog.svg
Москва
Логотип РУВИКИ.Медиа Медиафайлы на РУВИКИ.Медиа

Вӧркута (рочӧн Воркута) — тайӧ Россияын кар, Коми Республикаысь Вӧркута муниципальнӧй кытшлӧн веськӧдлан шӧрин[3].

Вӧркута — йӧз лыд серти Войвыв кытш сайын нёльӧд кар да Европаын медся асыввыв кар.

«Монокаръяслысь лыддьӧг вынсьӧдӧм йылысь» Россия Федерацияса Веськӧдлан котырлӧн 2015 во косму тӧлысь 16-ӧд лунся 668-р №-а тшӧктӧмӧн «Вӧркута» кар кытшса муниципальнӧй юкӧн пыртӧма «Россия Федерацияса монопрофильнӧй муниципальнӧй юкӧнъяс (монокаръяс), кӧні эм социальнӧй юкӧнын да экономикаын лёкмӧм рискъяс» категорияӧ[4].

2014 вося ода-кора тӧлысьын Россия Федерацияса президентлӧн Индӧдӧн Вӧркута кар пыртӧма Россия Федерацияса Арктика мувывса зонаӧ.

Вӧркуталы сетӧма Россия Федерацияса Арктикалӧн Вӧркутаса опорнӧй зона статус («Россия Федерацияса Арктика зона социальнӧя да экономика боксянь сӧвмӧдӧм» 2017 во моз тӧлысь 31-ӧд лунся 1064 №-а Россия Федерацияса канму уджтас)[5].

Россия Федерацияса президентлӧн 2021 во кӧч тӧлысь 10-ӧд лунся Индӧдӧн карлы сетӧма «Уджӧн нималана кар» ним[6].

Ним артмӧм

Кар ним артмӧма Вӧркута ю нимсянь, мый вуджӧдчӧ коми вылӧ «ошка, уна ош тані»[7] (варкута) яран варк «ош»[8][9].

Карса олысьясӧс рочӧн шуӧны: воркутя́не, воркутя́нин, воркутя́нка; воркути́нцы, воркути́нец[1][10], воркути́нка[11], комиӧн вӧркутаса, вӧркутасаяс.

Карса фольклор

Карын олысьяс ас кар йылыс шуӧны: Вӧркута — мирлӧн юркар (рочӧн Воркута — столица мира). Вермас лоны, мый татшӧм нимыс подуласьӧма Вӧркуталӧн курыд история вылӧ. Вӧркутаса музейно-выставочнӧй шӧринлӧн юӧр серти, Вӧркутаса лагеръяс пыр мунісны мирса 22 странаысь 136 войтырсикас пуксьӧдӧм йӧз[12]. Весиг Контактын котырыс шусьӧ тадзи Воркута — Столица Мира!.

География

Вӧркута мусерпас вылын

Вӧркута куйлӧ Полярнӧй Предуральеын (сідзкӧ, карыс географическӧя куйлӧ Европаын), Вӧркута ю вылын Войвыв кытшсянь войвылынджык 150 километр гӧгӧр да сӧмын 180 километр Войвыв океан берегсянь[13]. Тані нэмӧвӧйся кынйира ин. Коми Республикалӧн юркарӧдз — Сыктывкарӧдз — автомашина туйясӧд (сӧмын тӧвся туй) ылнаыс 1100 км.

Пырӧ Ылі Войвыв районъясӧ да пырӧ Россия Федерацияса Арктика мувывса зонаӧ.

Кад кытш

Вӧркута, кыдз став Коми Республика, пырӧ МСК (москваса кад) час зонаӧ. UTC серти вӧдитчан кадыслӧн вежсьӧмыс лоӧ +3:00[14].

Ывласям

Ывласямыс торъялӧ атмосфераса личкӧдлӧн ёна вежласьӧмъясӧн, кымӧра поводдяӧн, кӧні кымӧрыс этша да тшӧкыда усьлӧ енэжва, тӧла да турӧба поводдяӧн. Вогӧгӧрся шӧр температураыс Воркутаын — минус 5,5°С. Абсолютнӧй максимумсӧ (+ 33,8) пасйӧма 1990 вося сора тӧлысь 11-ӧд лунӧ, абсолютнӧй минимумсӧ (- 52,4) — 1978 вося ӧшым тӧлысь 31-ӧд лунӧ. Кӧдзыд кадколастыс мунӧ шӧркодя 239 лун — йирым тӧлысь 1 лунсянь ода-кора тӧлысь 28-ӧд лунӧдз. Шоныд кадыс шӧркодя овлӧ 65 лун (кӧть и гожӧмын мукӧддырйи кынмалӧ), а тӧвся поводдяыс овлӧ 8 тӧлысь гӧгӧр.

Ода-кора тӧлысь 7-26 лунъясӧ да сора тӧлысь 15-8 лунъясӧ Вӧркутаын кӧка войяс, а ода-кора тӧлысь 27-ӧд лунсянь сора тӧлысь 14-ӧд лунӧдз — полярнӧй лун, кор шондіыс ньӧти оз пуксьы енэжтас сайӧ. Тӧвнас, ӧшым тӧлысь мӧд джынйын, мӧдарӧ, шондіыс пӧшти оз мыччысьлы горизонт весьтын — полярнӧй вой. Медся дженьыд луныс овлӧ ӧшым тӧлысь 22-ӧд лунӧ — сӧмын 31 минут.

Ывласям Вӧркутаын
Петкӧдлас Тӧвшӧр тӧлысь Урасьӧм тӧлысь Рака тӧлысь Косму тӧлысь Ода-кора тӧлысь Лӧддза-номъя тӧлысь Сора тӧлысь Моз тӧлысь Кӧч тӧлысь Йирым тӧлысь Вӧльгым тӧлысь Ӧшым тӧлысь Во
Абсолютнӧй максимум, °C 1,1 1,2 5,3 12,0 26,5 31,0 33,8 30,0 24,2 15,6 4,8 3,5 33,8
Шӧркодь максимум, °C −15,6 −16,1 −9,7 −5,5 1,7 12,6 18,6 14,2 7,9 −0,8 −9,9 −13,9 −1,4
Шӧркодь температура, °C −19,5 −20 −13,9 −10 −1,9 7,6 13,2 9,7 4,3 −3,4 −13,3 −17,6 −5,4
Шӧркодь минимум, °C −23,5 −23,9 −18,1 −14,3 −5,2 3,3 8,2 5,8 1,2 −6,1 −16,8 −21,6 −9,3
Абсолютный минимум, °C −48 −49,4 −43,1 −38,5 −25,3 −8,4 −1 −4,8 −10,5 −29 −45,1 −52 −52
Енэжва норма, мм 36 32 32 26 34 49 53 60 53 53 39 40 507
Шӧркодь васӧд, % 81 80 81 79 79 72 74 82 85 88 84 82 81
Средняя скорость ветра, м/с 6,0 5,6 5,8 5,6 5,3 5,0 4,4 4,3 4,8 5,4 5,2 5,8 5,3
Ӧшмӧс: Климат Воркуты

История

Вӧркуталӧн историяыс топыда йитчӧма из шом перйӧмкӧд. Из шомсӧ вӧлі аддзӧма Вӧркута юысь. Вӧркута ю видлалӧм могысь вӧлі котыртӧма отряд Чернов Георгий Александрович веськӧдлӧм улын, коді сӧмын помаліс Москваса университет. 1930 вося лӧддза-номъя тӧлысьын Вӧркута ю кузя кайӧм бӧрын Георгий Александрович аддзис ю вомсянь 70 км ылнаысь вылыс тшупӧда из шомлысь 5 пласт. 1931 вося тулысын нин Вӧркута ю воссьӧм бӧрын мӧдӧдчис Уква-Печораса трестысь 43 морта отряд (Ухтпечлаглӧн овмӧс организация). Медводзсӧ сійӧ вӧлі ичӧт, ГУЛАГ серти, — сӧмын 9 сюрс морт 1932 воын, но 1938 во заводитчигӧн Ухтпечлаглӧн лыдыс вӧлі 55 сюрс гӧгӧр нин пуксьӧдӧм йӧз.

1931 воын босьтчисны геология боксянь туявны районсӧ. 1932 воын вӧлі пуктӧма Воркута юлӧн веськыд берегӧ медводдза экспериментально-промышленнӧй 1/2 №-а шахта сійӧ местаын, кӧні бӧрынджык паськаліс Рудник посёлок. 1934 вося кӧч тӧлысьын шахта сетіс медводдза промышленнӧй из шом, мыйсянь заводитчис Вӧркутаса из шом куйлӧд да ставнас Печораса из шом бассейн промышленнӧя освоитӧм[15].

1937 воын Вӧркута юлӧн шуйга берегын заводитісны стрӧитны 1 №-а «Капитальнӧй» шахта. РСФСР-са Медвылыс Сӧвет Президиумлӧн 1940 вося тӧвшӧр тӧлысь 9-ӧд лунся Индӧдӧн «Капитальнӧй» шахта посёлок вӧлі пӧртӧма Кардор обласьтса Яран национальнӧй кытшлӧн Большеземельскӧй районса (шӧриныс вӧлі Хоседо-Хард посёлокын) Вӧркута посёлокӧ.

1940 вося йирым тӧлысьын Вӧркутасӧ вӧлі пыртӧма Коми АССР-са Кожва районӧ[15]

1941 вося ӧшым тӧлысь 28-ӧд лунӧ Вӧркутасянь вӧлі мӧдӧдӧма Войвыв Печора кӧрт туй кузя медводдза поезд.

«Айму вӧсна Ыджыд тыш» дырйи 1943 вося вӧльгым тӧлысь 26-ӧд лунӧ РСФСР-са Медвылыс Сӧвет Президиумлӧн Индӧдӧн Воркута посёлоксӧ вӧлі шуӧма Коми АССР-са Вӧркута карӧн[15].

1930-ӧд вояс помын — 1950-ӧд вояс заводитчигӧн Вӧркутаын вӧлі ГУЛАГ-лӧн медся гырысь лагеръясысь ӧти — «Воркутлаг» (1938 воӧдз — «Ухтпечлаг»). 1951 во заводитчигӧн сэні пукаліс 73 сюрс морт[16].

1953 вося сора тӧлысь 22-ӧд лунсянь моз тӧлысь 1 лунӧдз вӧлі «Речлаг» 6 №-а торъя лагерын пукалысьяслӧн Вӧркутаса восстание — СССР-ын медся гырысьяс пиысь ӧти.

ГУЛАГ реорганизуйтӧм бӧрын Вӧркутаын водзӧ уджалісны МВД-лӧн учреждениеяс. Таысь кындзи, карыс кольліс пукаланінӧн да ыстанінӧн 1980-ӧд воясӧдз.

1950-ӧд вояс шӧрын канмулӧн ГУЛАГ история помасьӧм борын карыс кутіс ӧдйӧ сӧвмыны. Вӧркутаӧ локтіс уна сюрс том йӧз. Кар пытшкын кутісны артмыны выль посёлокъяс[15].

Вӧркута (Рудник) 1950-ӧ вояс помын
Вӧркута (Рудник) 1950-ӧ вояс помын

СССР киссьӧм да перъян промышленносьтын кризис бӧрын уна олысь эновтісны карсӧ, мунісны страналӧн лунвыв районъясӧ. Рудник — ӧнія кар местаын медводдза посёлок да коркӧ ыджыд кар район — ӧні дзикӧдз эновтӧма.

Вӧркута районын вӧлі вӧчӧма мупытшса кык ядернӧй взрыв. Медводдза взрыв вӧлі вӧчӧма 1971 вося сора тӧлысь 2-ӧд лунӧ 542 метр пыднаын Вӧркутасянь 20 км ылнаын, Ханӧвей кӧрт туй станциясянь неылын. Мӧдыс — 1974 вося моз тӧлысь 29-ӧд лунӧ Сейда станциясянь неылын 583 метр пыднаын. Взрывъяссӧ вӧчисны эз военнӧй, а овмӧс могъясӧн: на отсӧгӧн зондируйтісны Мулысь пыді слӧйяссӧ[17].

1970 воын Вӧркута карлы сетісны Уджвывса Гӧрд Дӧрапас орден — «из шом перйӧм содтӧм кузя вит вося план олӧмӧ пӧртӧмын йӧзӧн шедӧдӧм вермӧмъясысь». Олысь лыд серти, социально-экономическӧя сӧвман тшупӧд серти ассьыс медвылыс тшупӧдыс карлӧн вӧлі 1988—1989 воясӧ, кор карын да посёлокъясын оліс 218 сюрс гӧгӧр морт. Тайӧ кадас «Воркутауголь» из шом перъян производственнӧй объединениелӧн (ӧні акционер котырлӧн) вӧліс 13 шахта, некымын сервис предприятие, совхозъяс, социально-культурнӧй тӧдчанлуна да бытӧвӧя могмӧдан предприятиеяс. Ӧтувъя уджалысьяслӧн лыдыс воліс 33 сюрс мортӧдз[15].

Олысь лыд

Олысь лыд
1943[18]1959[19]1962[20]1967[21]1970[22]1973[23]
7000↗55 668↗60 000↗65 000↗89 742↗92 000
1976[24]1979[25]19821986[26]1987[27]1989[28]
↗98 000↗100 210↗104 000↗109 000↗112 000↗115 646
1991[29]1992[30]1993[31]1994[32]1996[33]1998[34]
↗117 000↘116 000↘114 000↘109 000↘100 800↘95 900
2000[35]2001[36]2002[37]2003[38]2005[39]2006[40]
↘89 800↘87 100↘84 917↘84 900↘82 000↘79 200
2007[41]2008[42]2009[43]2010[44]2011[45]2012[46]
↘76 600↘74 300↘71 402↘70 548↘70 500↘67 100
2013[47]2014[48]2015[49]2016[50]2017[51]2018[52]
↘64 353↘61 638↘60 368↘59 231↘58 133↘56 088
2019[53]2020[54]2021[55]
↘54 223↘52 776↗56 985
25 000
50 000
75 000
100 000
125 000
150 000
1967
1982
1992
2000
2006
2011
2016
2021

Транспорт

Карын эм кӧрт туй вокзал да аэропорт.

Нималана йӧз

• Шаренко Василий Петрович — Комиысь Сӧветскӧй Союзса Герой. Служитіс Вӧркутаын 1951—1954 воясӧ[56];
• Бугаев Виталий Анатольевич — милицияса старшӧй сержант, Чечняын медводдза да мӧд вӧйнаын участвуйтысь, Коми Республикаысь Россияса Герой (2000)[57][58];
• Пеймер Михаил Николаевич (1923 вося урасьӧм тӧлысь 25-ӧд лун, Харьков) — Айму вӧсна Ыджыд тышын участвуйтысь, офицер, Вӧркута кар стрӧитысь, Коми Республикаса Почёта гражданин (2024);
• Губер Ирина Геннадьевна — лызьӧн котралысь, войтыркостса тшупӧда спортса мастер (2020), Россияса чемпион, мирса чемпион
• Шпектор Игорь Леонидович (1938 во — 2020 во) — 1998 вося рака тӧлыссянь 2007 вося рака тӧлысьӧдз Вӧркута кар кытшса мэр, Войкытшсайса да Ылі Войвывса каръяслӧн союзса президент, 2009 восянь Россия Федерацияса Общественнӧй палатаӧ пырысь, Россияса естественнӧй наукаяс академияӧ тырвыйӧ пырысь (академик), Коми Республикаса Почёта гражданин (2023);
• Смирнов Вениамин Васильевич (1937 во — 1996 во) — россияса нималана график да скульптор, поэт. СССР-са художникъяс котырӧ пырысь (1968);
• Кулижников Павел Александрович (1994) — Россияса конькиӧн котралысь, Россия спортса мастер, спринтерскӧй многоборьеын мирса куимысь чемпион, торъя дистанцияяс вылын мирса витысь чемпион. Мирса кубок босьтысь.
• Артемьев Анатолий Иванович (1945) — 1997—1999 да 2005—2009 воясӧ Тула обласьтса губернаторӧс вежысь, 2004 восянь 2005 воӧдз Тула обласьтса Думаын депутат, коймӧдысь бӧръян Каналан Думаса депутат.

Тӧдчана эмторъяс

• Вӧркута — 67-ӧд параллель: Воркутаса ӧти улича вылын зэв ыджыд пас, лоӧ карлӧн визитнӧй карточкаӧн.
• Политическӧй репрессияяс улӧ веськалӧмаяслы мемориал карса вадор улича вылын.
• Шахтёръяслӧн культура двореч.
• Вермӧмлы паметник.
• Воин-интернационалистъяслы паметник.
• «Уджӧн нималана кар» стела.
• Вӧркутаса музей-выставка шӧрин.

  • «Уджӧн нималана кар» стела

    «Уджӧн нималана кар» стела

  • Вӧркута — 67-ӧд параллель

    Вӧркута — 67-ӧд параллель

  • Политическӧй репрессияяс улӧ веськалӧмаяслы мемориал

    Политическӧй репрессияяс улӧ веськалӧмаяслы мемориал

  • Шахтёръяслӧн культура двореч

    Шахтёръяслӧн культура двореч

Ӧшмӧсъяс

Ыстӧдъяс

  1. ↑ 1 2 Левашов Е. А. Географические названия. Прилагательные, образованные от них названия жителей. Словарь-справочник. — СПб.: Дмитрий Буланин, 2000. — С. 128.
  2. ↑ https://rosstat.gov.ru/storage/mediabank/tab-5_VPN-2020.xlsx
  3. ↑ Сегаль А. Воркута // Республика Коми. Энциклопедия. Том I. — Сыктывкар: Коми книжное издательство, 1997. — С. 318—320.
  4. ↑ Распоряжение Правительства РФ от 16 апреля 2015 года № 668-р «Об утверждении перечня моногородов». Шыӧдчан кадпас: 4 ода-кора тӧлысь 2017. Архивируйтӧма 5 рака тӧлысь 2021.
  5. ↑ Администрация муниципального округа «Воркута». Официальный сайт
  6. ↑ Указ о присвоении почётного звания «Город трудовой доблести». Шыӧдчан кадпас: 10 кӧч тӧлысь 2021. Архивируйтӧма 10 кӧч тӧлысь 2021.
  7. ↑ А. И. Туркин. Топонимический словарь Коми АССР. Сыктывкар: Коми книжное издательство, 1986.
  8. ↑ Никонов В. А. Краткий топонимический словарь. — М.: Мысль, 1966. — С. 89.
  9. ↑ Поспелов Е. М. Географические названия России: Топонимический словарь. — М.: АСТ; Астрель, 2008. — С. 147.
  10. ↑ Городецкая И. Л., Левашов Е. А. Русские названия жителей: Словарь-справочник. — М.: Русские словари, Астрель, АСТ, 2003. — С. 75.
  11. ↑ Алабугина Ю. В. Орфографический словарь русского языка для школьников с приложениями. — М.: АСТ, 2014. — С. 397.
  12. ↑ К Международному дню родного языка: как Варкута стала Воркутой и «Столицей мира»
  13. ↑ Лист карты Q-41-21,22 г. Воркута. Масштаб: 1 : 100 000. Состояние местности на 1962 год. Издание 1968 г.
  14. ↑ Федеральный закон от 03.06.2011 N 107-ФЗ (ред. от 14.04.2023) "Об исчислении времени", статья 5 (рус.). (3 июня 2011).
  15. ↑ 1 2 3 4 5 История Воркуты
  16. ↑ Система исправительно-трудовых лагерей в СССР. Шыӧдчан кадпас: 2 лӧддза-номъя тӧлысь 2010. Архивируйтӧма 10 ода-кора тӧлысь 2014.
  17. ↑ «Молодёжь Севера» Архивса копия 15 йирым тӧлысь 2011 Wayback Machine ресурсын 5 августа 1999 г.; Н. Оберман, Л. Лобкова, И. Конжин — Фонд геологической информации при Минприроды РК.
  18. ↑ Народная энциклопедия «Мой город». Воркута.
  19. ↑ Всесоюзная перепись населения 1959 года. Численность городского населения РСФСР, её территориальных единиц, городских поселений и городских районов по полу.
  20. ↑ Народная энциклопедия «Мой город». Воркута.
  21. ↑ Народная энциклопедия «Мой город». Воркута.
  22. ↑ Всесоюзная перепись населения 1970 года Численность городского населения РСФСР, ее территориальных единиц, городских поселений и городских районов по полу.
  23. ↑ Народная энциклопедия «Мой город». Воркута.
  24. ↑ Российский статистический ежегодник. 1994.
  25. ↑ Всесоюзная перепись населения 1979 года Численность городского населения РСФСР, ее территориальных единиц, городских поселений и городских районов по полу.
  26. ↑ Российский статистический ежегодник. 1994.
  27. ↑ Народное хозяйство СССР за 70 лет.
  28. ↑ Всесоюзная перепись населения 1989 г. Численность городского населения РСФСР, ее территориальных единиц, городских поселений и городских районов по полу.
  29. ↑ Российский статистический ежегодник. 1994.
  30. ↑ Народная энциклопедия «Мой город». Воркута.
  31. ↑ Российский статистический ежегодник. 1994.
  32. ↑ Российский статистический ежегодник. 1994.
  33. ↑ Российский статистический ежегодник. 1996 год.
  34. ↑ Народная энциклопедия «Мой город». Воркута.
  35. ↑ Народная энциклопедия «Мой город». Воркута.
  36. ↑ Народная энциклопедия «Мой город». Воркута.
  37. ↑ Всероссийская перепись населения 2002 года. Том. 1, таблица 4. Численность населения России, федеральных округов, субъектов Российской Федерации, районов, городских поселений, сельских населённых пунктов - райцентров и сельских населённых пунктов с населением 3 тысячи и более.
  38. ↑ Народная энциклопедия «Мой город». Воркута.
  39. ↑ Народная энциклопедия «Мой город». Воркута.
  40. ↑ Народная энциклопедия «Мой город». Воркута.
  41. ↑ Народная энциклопедия «Мой город». Воркута.
  42. ↑ Города Республики Коми. Оценка численности населения на 1 января 2008 года (тысяч человек).
  43. ↑ Численность постоянного населения Российской Федерации по городам, посёлкам городского типа и районам на 1 января 2009 года.
  44. ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов.
  45. ↑ Народная энциклопедия «Мой город». Воркута.
  46. ↑ Численность населения Российской Федерации по муниципальным образованиям. Таблица 35. Оценка численности постоянного населения на 1 января 2012 года.
  47. ↑ Численность населения Российской Федерации по муниципальным образованиям на 1 января 2013 года. — М.: Федеральная служба государственной статистики Росстат, 2013. — 528 с. (Табл. 33. Численность населения городских округов, муниципальных районов, городских и сельских поселений, городских населённых пунктов, сельских населённых пунктов).
  48. ↑ Оценка численности населения по городским округам, муниципальным районам, поселениям и городским населённым пунктам Республики Коми на 1 января 2014 года.
  49. ↑ Численность населения Российской Федерации по муниципальным образованиям на 1 января 2015 года.
  50. ↑ Численность населения Российской Федерации по муниципальным образованиям на 1 января 2016 года.
  51. ↑ Численность населения Российской Федерации по муниципальным образованиям на 1 января 2017 года.
  52. ↑ Численность населения Российской Федерации по муниципальным образованиям на 1 января 2018 года.
  53. ↑ Численность населения Российской Федерации по муниципальным образованиям на 1 января 2019 года.
  54. ↑ Численность населения Российской Федерации по муниципальным образованиям на 1 января 2020 года.
  55. ↑ Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более.
  56. ↑ Книга памяти Республики Коми. Шаренко Василий Петрович
  57. ↑ Офицеры России. Бугаев Виталий
  58. ↑ Лобанов В. П. Книга памяти Республики Коми. Они живы в памяти нашей… Сыктывкар, 2023.



Коми Республикаса каръяс Coat of arms of the Komi Republic Flag of the Komi Republic
Вӧркута | Вуктыл | Емва | Инта | Микунь | Печӧра | Сосногорск | Сыктывкар | Уква | Ускар
Босьтӧма "https://kv.ruwiki.ru/w/index.php?title=Вӧркута&oldid=481594"-ысь