Чилимдінса горка

Босьтӧма Рувикиысь
Чилимдінса горка
Горка1.jpg
Сикас Тувсов-гожся обрядӧвӧй важ роч гаж
Вынсьӧдӧма 1970-ӧд воясын (выльысь ловзьӧдӧм)
Кадпас пырджык сора тӧлысь 12-ӧд лунӧ

«Чилимдінса горка» (рочӧн Усть-Цилёмская Горка) — тайӧ тувсов-гожся обрядӧвӧй важ роч гаж, сійӧс нуӧдӧны быд во сора тӧлысь 12-ӧд лунӧ (Петыр лунӧ) Коми Республикаса Чилимдін сиктын.

2004 воын «Чилимдінса горкалы» сетӧма Коми Республикаса гажлысь статус[1].

2022 воын «Чилимдінса горка» гажыс босьтіс «Маршрут стрӧитӧма» национальнӧй туристическӧй премияын «Вося лоӧмтор» нимпасын 1 места[2].

Этимология

Гаж нимлӧн этимология серти эм некымын видзӧдлас. Ӧти-кӧ, сылӧн этимологияыс йитчӧма сійӧ жӧ роч традициякӧд, мый и «пир горой» кывтэчаслӧн — озырлунлӧн да ыджыд гажлӧн символ. Тшӧкыда «горкаӧн» шулісны славяна языческӧй традицияын би ен Перунлы сиӧм бипуръяс. Тайӧ видзӧдласыс коли и Русьӧс пыртӧм да православнӧй вера примитӧм бӧрын. Мӧд-кӧ, сиктса важ олысьяслӧн казьтылӧм серти, сійӧ пыр мунліс медся джуджыд местаын Печӧра юсянь неылын шӧр улича вылын. Коймӧд-кӧ, зэв важся кадсянь сійӧ петкӧдлӧ уджалан волысь тӧдчана кад (йывсӧ). И, медбӧрын, Горка — тайӧ зонпоснилӧн том йӧзӧ пырӧм, невестаясӧс бӧрйӧм, медводдза сьӧлӧмкылӧмъяслӧн кад[3].

История

«Горка» — тайӧ Чилимдін районса уна сикт-грездын вӧвлӧм хоровода-ворсан комплекс. Разнӧй историческӧй кадколастӧ «горкасӧ» ворслісны тувсовъя гаж лунъясӧ Никола лунсянь Петыр лунӧдз восьсаинъясын (ю берег, овмӧдчӧминъяс шӧрын). Кыдзи сьӧкыд хоровода ворсантор, «горканас» пыр коліс стӧча веськӧдлыны традиция видзысьяслы[4].

Тайӧ гажыслӧн вужъясыс локтӧны йӧзлӧн шонділы — Ярила-енлы — юрбитӧмсянь. Йӧзыс чукӧртчылісны сикт сайӧ вывтасінъясӧ да паныдалісны шондісӧ сьылӧмӧн да хороводъясӧн.

Важысянь гаж петкӧдлӧ уджалан волысь медся тӧдчана кадсӧ, зонпоснилысь том йӧзӧн лоӧмсӧ, медся ыджыд гаж. ХІХ нэм шӧрын «Чилимдінса горка», сиктса пӧрысьяслӧн казьтылӧм серти, прӧйдитліс Чилимдінын сиктлӧн шӧр улича вылын, тайӧ вӧлі Печӧра юсянь неылын джуджыд места, кытчӧ сувтлісны тӧвар тыра каюкъяс (суднояс) Чердінысь, Вяткаысь, Мозынысь, Усть-Сысольскысь воӧм купечьяс сувтӧдалісны вузасян палаткаяс, и заводитчыліс ярманга. Векджык татшӧм лоӧмторъяс кежлӧ орчча сиктъясысь йӧз чукӧртчывлісны Чилимдінӧ, ӧд тайӧ вӧлі кӧдзан да турун пуктан кад костын ярманга гажӧдчан кад[1].

Тулыс-гожся цикл системаын «Горка» обряд босьтліс тӧдчана ин, да вӧліс сідз шусяна «заветнӧй гажӧн». Православнӧй календар лунъяскӧд йитчӧм бӧрын «Горка» заводитчыліс Николай Вешньӧйсянь (ода-кора тӧлысь 22-ӧд лун), мунліс Трӧичаӧдз, и быд вежалунӧ, поводдяыс кӧ вӧліс бур, сэсся Иван лунӧ (сора тӧлысь 7-ӧд лун), и помасьлісны став гажъясыс Петыр да Павел лунӧ (сора тӧлысь 12-ӧд лун)[1].

Тувсовъя хороводъяс волісны зэв тӧдчанаӧсь традиционнӧй колысь обрядъясын, кӧні ворсігмоз, а тшӧкыда и збыльысь бӧрйисны жӧникӧс либӧ невестаӧс. Буретш гӧтрасян нырвизьыс и чукӧртліс том йӧзӧс[5].

«Горкасӧ» дугдылісны нуӧдны XX нэмся медводдза джынйын, но 1970 восянь традициясӧ бӧр ловзьӧдісны[6].

Традиция серти, медводдза «Горкаыс» заводитчыліс 10 час асывсянь — сійӧс нуӧдісны том йӧз да томулов. Некымын сьыланкыв-йӧктӧм петкӧдлӧм бӧрын участникъяс разӧдчылісны гортаныс. Ӧбед бӧрын «Горка» вылӧ том йӧзкӧд ӧтлаын чукӧртчылісны верӧс сайӧ петӧм нывбабаяс. Сӧмын рытъя главнӧй «Горка» вылӧ чукӧртчылісны став арлыдаяс, тшӧтш и челядь да пӧрысьяс, кодъяс вӧліны гаж вылын кыдзи видзӧдысьяс. Рытъя «Горка» вылын участникъяс ворсісны став сизимнан обязательнӧй ритуальнӧй фигурасӧ стрӧга сьӧрсьӧн-бӧрсьӧн: «столбъяс», «кытш», «кык бокӧ», «нёль бокӧ», «вӧжжи», «плетень», «долга». Йӧзыс эскисны нимкыв вынӧ да чорыда кутчысисны магическӧй фигураяслысь ритуалӧ. «Горка» дырйи инсценируйтісны сьыланкывъяссӧ, та вӧсна гажыс петкӧдчӧ уна рӧма театрализованнӧй петкӧдчӧмӧн, сьӧкыд хоровода-ворсана действиеӧн, корӧ стӧча веськӧдлӧм, а стӧчджыка кӧ, олӧма йӧзлӧн хороводъясӧ пырӧдчӧмыс вӧлі йитчӧма «Горка» нуӧдӧмӧн веськӧдлӧмкӧд, «велӧдан» функциякӧд да «Горка» репертуар стрӧга видзӧмкӧд. Та вылын «Горка» помасьліс, участникъяс разӧдчылісны гортаныс неыджыд чукӧръясӧн кузь, лирическӧй сьыланкывъясӧн[1].

Талун тайӧ уна йӧза гуляйтӧмыс ёна вежсис. Нуӧдӧны «Горкасӧ» ӧні вонас кыкысь: Иван лунӧ — сора тӧлысь 7-ӧд лунӧ да Петыр лунӧ — сора тӧлысь 12-ӧд лунӧ, чукӧртчывлӧны сӧмын рытъя кадӧ[1].

Талун «Горка» — районсьыс мунӧм чилимдінсаяслӧн сиктӧ кольӧм йӧзкӧд аддзысьланін. Обрядӧ пырӧдчысьяслысь лыдсӧ артавны оз позь: кодкӧ мунӧ, кодкӧ пырӧ хороводӧ, но фигураяслӧн да сьыланкывъяслӧн сьӧрсьӧн-бӧрсьӧн мунӧмыс оз вежсьы. «Горка» хороводӧ петӧм водзвылын лоӧ кыпыд да сьӧлӧм вӧрзьӧданатор — чилимдінса традиционнӧй наряд пасьталӧм. Чилимдінсаяслӧн традиционнӧй паськӧмыс пырӧ нематериальнӧй наследие республикаса паметникъяслӧн реестрӧ. Сійӧс сетӧны кӧленаысь кӧленаӧ, а паськӧм быд юкӧнлӧн эм сакральнӧй вежӧртас[7].

Хороводъяслӧн тэчас

«Горка» артмӧ сизим сикас хороводысь:

1. «Столбъяс» — кыкӧн да куимӧн колонналӧн помсянь колонна водзӧ ветлӧдлӧм «Я спойду, спойду, да младенька…», «Из-за лесу, лесу темного…», «Отлетает душочка да соколик…» сьыланкывъяс сьылӧмӧн, чукӧртчӧм[6].

2. «Кытш» — диаметр паськӧдӧмӧн шонді кузя да шонділы паныд кытшӧн ветлӧм «Я капустоньку полола, приговаривала…», «Вдоль было по речке, вдоль по Казанке…» сьыланкывъяс улӧ[6].

3. «Кык бокӧ» / «Стенмӧн стен вылӧ» — стрӧитчӧны шеренгаясӧн мужичӧйяс да нывбабаяс, кодъяс то ӧтлаасьӧны, то разӧдчӧны. Сьылӧны «Не в саду девки гуляли…», «Вдоль было по травоньке, вдоль по муравке…», «А мы просо сеяли, сеяли…»[6].

4. «Нёль бокӧ» — квадрат формаа хоровод, кӧні вежласьӧ нывбаба кытш джынйӧн да мужичӧйяслӧн чепӧн «Иванов монастырь становился, молодой черенец провострился…» сьыланкыв улӧ[6].

5. «Бояра» / «Вӧжжи» — «Вы, бояра, вы зачем пришли…» сьыланкыв улӧ наборнӧй хоровод[6].

6. «Долга» — «Я по реченьке потеку…» сьыланкыв улӧ змейкаӧн орнаментальнӧй хоровод[6].

7. «Плетень» — спираль моз ветлӧдлӧм «Тут и ходила, гуляла да за собой она водила…» сьыланкыв улӧ гартчӧмӧн[6].

Пасйӧдъяс

  1. ↑ 1 2 3 4 5 Усть-Цилемская Горка, Администрация МР "Усть-Цилемский". Шыӧдчан кадпас: 17 рака тӧлысь 2025.
  2. ↑ «Усть-Цилемская горка»: праздник заполярных хороводов, Arctic.Russia. Шыӧдчан кадпас: 17 урасьӧм тӧлысь 2025.
  3. ↑ Абукаева, Д. Л. Усть-Цилемская горка: событийный брендинг локальной старообрядческой культуры // Культура открытого города: брендинг территории : Материалы IX Всероссийской (с международным участием) научно-практической конференции, Екатеринбург, 07–10 ноября 2023 года.. — Екатеринбург: Екатеринбургская академия современного искусства, 2024. — С. 14—19.
  4. ↑ Праздник «горка» Усть-Цилемского района Республики Коми (Усть-Цилемский район), ЦНТиПК РК. Шыӧдчан кадпас: 17 рака тӧлысь 2025.
  5. ↑ Праздник «горка» в Усть-Цилемском районе Республики Коми, Культура.РФ. Шыӧдчан кадпас: 17 урасьӧм тӧлысь 2025.
  6. ↑ 1 2 3 4 5 6 7 8 Республиканский праздник «Усть-Цилемская горка», calend.ru. Шыӧдчан кадпас: 17 рака тӧлысь 2025.
  7. ↑ Усть-Цилемская Горка, Агентство по туризму РК. Шыӧдчан кадпас: 17 рака тӧлысь 2025.

Литература

  • Канева, Т. С. Фольклорная традиция Усть-Цильмы : Отд. аспекты характеристики локальной традиции : Учеб. пособие по спецкурсу. — Сыктывкар: Сыктывкар. гос. ун-т, 2002. — 120 с. — ISBN 5-87237-321-X.
  • Абукаева, Д. Л. Усть-Цилемская горка: событийный брендинг локальной старообрядческой культуры // Культура открытого города: брендинг территории : Материалы IX Всероссийской (с международным участием) научно-практической конференции, Екатеринбург, 07–10 ноября 2023 года. — Екатеринбург: Екатеринбургская академия современного искусства, 2024. — С. 14—19.
  • Власов, А. Н. «Усть-цилемская горка» как жанровая разновидность архетипической модели «пляска смерти» в народном искусстве (опыт феноменологического анализа) // Народное культурное наследие: традиции и современность : Сборник докладов Международной научно-практической конференции, Москва, 20–21 мая 2021 года. — Москва: Московский государственный институт культуры, 2022. — С. 97—125.
  • Дронова, Т. И. Усть-Цилемская горка: от обряда к республиканскому празднику // Этнографическое обозрение. — 2011, № 4.. — С. 48—56.
  • Дронова, Т. И. Хороводный праздник «горка»: традиции и инновации / Т. И. Дронова // Археология, этнография и антропология Евразии. — 2010. — № 4(44). — С. 103—109.
  • Болотина, В. В. Усть-цилемское горочное гуляние как элемент современной культуры Русского Севера / В. В. Болотина // Культурная среда и культурные практики Санкт-Петербурга: опыт и инновации : Тезисы докладов всероссийской научно-практической конференции молодых исследователей, Санкт-Петербург, 14-16 апреля 2022 года. — Санкт-Петербург: Санкт-Петербургский государственный институт культуры, 2022. — С. 108—109.
  • Канева, Т. С. Песенно-игровой фольклор Усть-Цилемского района Республики Коми : специальность 10.01.09 «Фольклористика» : автореферат диссертации на соискание ученой степени кандидата филологических наук / Канева Татьяна Степановна. — Санкт-Петербург, 1998. — 15 с.
  • Микушева, К. В. Символическое значение фигур и песен праздника Горка в Усть-Цильме / К. В. Микушева // Коммуникации. Общество. духовность — 2024 : Материалы XXIV международной научно-практической конференции, Ухта, 23-24 мая 2024 года. — Ухта: Ухтинский государственный технический университет, 2024. — С. 72-82.
  • А в Усть-Цильме поют. Традиционный песенно-игровой фольклор Усть-Цильмы / Сост. З. Н. Бильчук, А. Н. Власов, Т. С. Канева. Вступит. статья А. Н. Власова, Т. С. Каневой. Нотные расшифровки А. Н. Захарова. Под ред. Ю. И. Марченко. — СПб.: ИнКа, 1992. — Разд.1.
  • Бабикова (Дронова) Т.И. Усть-цилемская «Горка». — Ижма, 1992.
  • Истомин Ф. М. Предварительный отчет о поездке в Печорский край летом 1890 г. // Известия ИРГО. — 1890. — Т.26. — В.6. — С. 434.
  • Канева Т. С. «Не в саду девки гуляли, да в хороводе на лужку…» (усть-цилемская «горка» в контексте местной традиции) // Арт: Республиканский литературно-публицистический, историко-культурологический, художественный журнал. — 2007. — № 2. — С. 119—133.
  • Канева Т. С. Из истории изучения усть-цилемской «горки» и «горочного» фольклора // Вторые Мяндинские чтения: Материалы Всероссийской научно-практической конференции (11-12 июля 2010 г., с. Усть-Цильма). В 2-х т. Т. 1. — Сыктывкар, 2011. — С. 294—308.
  • Канева Т. С. Усть-цилемская «горка» и «горочный» фольклор (песенный репертуар в хороводно-игровом комплексе) // Фольклор: текст и контекст: Сборник статей. — М.: ГРЦРФ, 2010. — С. 90-107.
  • Канева Т. С. Усть-цилемская «горка»: в жизни и на экране (размышления по поводу документального фильма Санкт-Петербургской студии д/ф «А в Усть-Цильме — горка», 1992 г.) // Ориентир. — 1993. — № 6-7. — С. 24-26.
  • Колпакова Н. П. Песни Печоры // Песни Печоры / Изд. подг. Н. П. Колпакова, Ф. В. Соколов, Б. М. Добровольский. — М.; Л., 1963. — С. 13-14.
  • Ляцкий Е. А. Поездка на Печору // Вестник Европы. — 1904. — № 12. — С. 714.
  • Неклюдова Т. Н. Поэтика северной «горки» // Декоративное искусство СССР. — 1984. — № 4. — С. 19-23.
  • Ончуков Н. Е. Былинная поэзия на Печоре // Ончуков Н. Е. Печорские былины. — СПб., 1904. — С. II.
  • Руднева Е. Особенности традиционной хореографии усть-цилемской «горки» // Традиционный фольклор и современность: Всероссийская конференция молодых фольклористов. — М., 1978. — С. 54-55.
  • Скрынник Т. Н. Воспитательный аспект хореографии народного празднества (на примере гулянья в с. Усть-Цильма) // Художественная самодеятельность. Традиции, мастерство, воспитание. — М., 1985. — С. 47-66.
Босьтӧма "https://kv.ruwiki.ru/w/index.php?title=Чилимдінса_горка&oldid=482290"-ысь