Шаньга

Босьтӧма Рувикиысь
Шаньга
Коми шаньга
Коми шаньга
Национальнӧй сёян-юан

  • Роч сёян
  • Коми сёян
  • Мари сёян
  • Удмурт сёян
Мыйысь вӧчӧма
Медшӧр Пызь
Содтӧдъяс Нырӧм картупель, рысь, рок, кольк, нӧк, вый
Матыс сёян-юан
Матын ватрушка, калитка, перепеч.
Логотип РУВИКИ.Медиа Медиафайлы на РУВИКИ.Медиа

Шаньга — коми, роч, мари да удмурт пӧжас. Тайӧ шоммӧдтӧм кӧтасысь либӧ рудзӧг, шобді, рудзӧг либӧ рудзӧг-шобді рокӧса няньшомысь вӧчӧмтор. Сійӧс пӧжалӧны Карелиясянь Обӧдз, тшӧтш и Роч Войвылын[1].

Этимология

[вежны | Вежны кодировкаын]

В. В. Похлёбкинлӧн видзӧдлас серти, тайӧ кывйыс вуджис роч кывйӧ комиысь[2]. А М. Фасмер чайтӧ, мый мӧдарӧ, комиӧ шаньга кывйыс воис роч сёрнисикасъясысь[3].Лыткин В. И. да Е. С. Гуляев пасйӧны, мый шаньга кывйыс эм удмурт да мари кывъясын, кытчӧ тшӧтш воис роч сёрнисикасъясысь. А роч сёрнисикасъясӧ, вермас лоны, воис балтикабердса финн субстратысь: карел sän'gi «урожай»[4].

Эм и йӧзкостса этимология: «шаньга» кывйыс артмис «шонді» кывйысь[5].

История

[вежны | Вежны кодировкаын]

Пӧжасыс пырис роч сёянӧ роч колонизация дырйи да XVII нэмсянь паськаліс Рытыввыв Сибирӧдз Кардорса да Совдорса колонистъяскӧд.

Ӧнія кадӧ пӧжасыс паськыда тӧдса Россия Европа войвылын Карелиясянь Об юӧдз да Урал гӧгӧр. Этша тӧдса Россия шӧрын да рытыввылын.

Гӧгӧрвоӧдӧм

[вежны | Вежны кодировкаын]

Коми традиция[вежны | Вежны кодировкаын]

Комияс паныдалӧны гӧсьтъясӧс шаньгаӧн

Шаньга — тайӧ традиционнӧй коми сёян, восьса ичӧтик гӧгрӧс формаа пӧжас[6]. Коми йӧзлӧн шаньга вӧлі быдлунъя сёян, но ӧні сійӧс пӧжалӧны и гажлунъяс дырйи. Шаньга — абу сӧмын чӧскыд, но и пӧтӧс сёян. Сійӧ вӧчсьӧ няньшомысь, кытчӧ содтӧны картупель, рысь либӧ мукӧд сьӧмӧс. Медтшӧкыда шаньга вӧчӧны картупельысь либӧ рыськысь, но эмӧсь и мукӧд сикас: йӧла, чӧдъя, пувъя[7]. Коми культураын шаньга вӧлі пыдди пуктана сёян, мый вӧзйылісны дона гӧсьтъяслы.

Коми шаньгалӧн зэв уна сикас няньшом серти (рокӧса либӧ шоммӧдтӧм), сьӧмӧс серти да форма серти.

Рокӧса няньшомысь вӧчӧм шаньгаяссӧ ёнджыкасӧ шуӧны шаньгаясӧн, шуам, шыдӧса шаньгаясӧн. А шоммӧдтӧм кӧтасысь вӧчӧм шаньгаяссӧ тшӧкыдджыка шуӧны вӧсни шаньгаӧн, а перым коми кывйын кулигӧн[8]. Туялысьяс серти, шаньгаяслӧн доръясыс абу серӧдӧмаӧсь либӧ лэптӧмаӧсь, а кулигъясыс кызвыннас лэптӧм либӧ серӧдӧм доръясаӧсь[9]. Пӧжасыслӧн нимыс сідзжӧ юксьӧ локальнӧй традицияяс серти. Сідз, перым комияслӧн Косладорын кулигыс нёль пельӧса формаа, а шаньгаӧн шуӧны быдсяма гӧгрӧс ичӧтик лэптӧм дора пӧжассӧ[9].

Перым комияс сьӧмӧссӧ вӧчӧны рисысь, анькытшысь, нӧкйӧн кӧтӧдӧм шыдӧсысь, нырӧм картупельысь, морковысь, турипувйысь, капустаысь, фисташкиысь, кӧтӧдӧм кос либӧ сола тшакысь, быдсикас вотӧсысь да с.в.[8].

Ӧнія кадӧ шаньгасӧ пӧжалӧны гортаныс вӧчӧны быд гаж кежлӧ[10].

Шаньга пӧжалӧм серти эм уна мастер-класс, шуам, Иващенко Нина Аркадьевналӧн мастер-класс, Изьватас олэм — Чумовая кухня и мукӧд.

Роч традиция[вежны | Вежны кодировкаын]

Шаньгаыс тані ватрушка кодь, но, некор оз вӧвлы юмов (мукӧд регион кындзи, кӧні вермас лоны, шуам мырпома шаньга), сэсся, В. В. Похлёбкин серти, сьӧмӧсыс абу, а сӧмын мавтӧны пӧжассӧ вевдӧрсяньыс. Но бӧръя висьталӧмыс вензяна сы вӧсна, мый позьӧ орччӧдны пельнянькӧд: важӧн войтырлӧн сёяныс пырджык вӧлі тырмымӧн, но пызьыс этша. Та вӧсна зэв вермас лоны мӧдарӧ — вӧсни няньшом да уна сьӧмӧс. Мӧдарсянь кӧ, збыль и сійӧ, мый шаньга пӧжалігӧн гӧгыльтӧм няньшомас оз вӧчсьывны сьӧмӧс вылӧ некутшӧм торъя гуранъяс; мӧдарӧ, сійӧс тэчӧны слӧйӧн няньшом кытш пасьталаыс, кӧть и доръясас кольӧны восьсаин, но сійӧ зэв векни.

Кардорын паныдасьлӧ «наливная шаньга». Няньшомсӧ кисьтӧны «сковородки» нима тасьті ыджда жӧч формаясӧ. Кисьтӧм няньшомсӧ мавтӧны шомйӧлӧн, нӧкйӧн, кольк сора нӧкйӧн, да выліас киськавлісны тэсьлибӧ ид пызьӧн[11]. Сы вӧсна мый татшӧм шаньгаяслы няньшомыс тшӧкыда жӧ вӧлі ид пызьысь, а помӧръяслысь идсӧ шулісны «житоӧн», то тайӧ шаньга сикассӧ нӧшта шулісны «житникиӧн». Няньшомыс кӧ артмыліс нӧшта на кизьӧраджыкӧн, татшӧм кисьтана шаньгаяссӧ шулісны «налистникъясӧн» либӧ «налисникъясӧн». Найӧ эз вӧвны сэтшӧм пышнӧйӧсь, кыдзи шаньгаыс, да вӧліны кыз блин кодьӧсь. Нӧкйӧн либӧ колькйӧн мавтӧм вӧсна вылысладорсяньыс вӧлі жаритӧм корка. Шаньгаяс вермӧны лоны разнӧй ыдждаӧсь: диаметрыс 12-15 сантиметрасянь 30-ӧдз да весиг унджыкӧдз, найӧс кӧ пӧжалӧны пачын. Медся тшӧкыда паныдасьлӧны 18-20 сантиметр диаметра шаньгаяс.

Медводзсӧ сьӧмӧсыс вӧлі нӧкйысь, уна пӧлӧс пызьысь, анькытш рокысь. Талун кежлӧ ёнджыкасӧ вӧдитчӧны нырӧм картупельӧн либӧ рыськӧн, позьӧ вӧдитчыны рокӧн, шуам, пшеничаӧн, но эмӧсь сложнӧй сьӧмӧсъяс, шуам, вундалӧм пуӧм кольк сора греча рок.

Шаньга бура пӧжалӧны кыдзи роч пачын, сідзи и духовкаын. Пӧжасьӧм бӧрын шаньга мавтӧны сывдӧм выйӧн либӧ нӧкйӧн.

Шаньгасӧ сёйӧны пӧсьӧн, выльӧн пӧжалӧмӧн, йӧлӧн, шомйӧлӧн, сола чериӧн, шыдӧн, чайӧн.

Сӧветскӧй Союз кадӧ регионъясын, кӧні паськаліс шаньга, вӧліны уна сідз шусяна «шанежнӧйяс» (тэрыб сёян-юан предприятиеяс, «блиннӧй», «чайнӧй» да мукӧд аналог), кӧні вузавлісны разнӧй сьӧмӧса шаньгаяс[12]. Ӧні шаньгаыс быдлаын паныдасьлӧ Европаса Россия асыв-войвыв юкӧнса пекарняясын.

Коми культураын тӧдчанлун

[вежны | Вежны кодировкаын]
ШаньгаФест вылын шаньга пӧжалӧм, 2024 во
ШаньгаФестлӧн эмблема, 2024 во

• Шаньга — Коми Республикаын гастрономия бренд, ёна паськалӧма туризм индустрияын. Шаньга — комияслӧн медшӧр символъясысь ӧти. Комияс пыр паныдалӧны гӧсьтъясӧс шаньгаӧн да мукӧд сикас пӧжасӧн[13][14].
• «Шанежки-шаньги» сьыланкыв (шылад Я. Перепелицалӧн, кывъясыс В. Кушмановлӧн)[15] пырӧ «Шондібан», «Асъя кыа», «Северная околица» нима сьылан-йӧктан ансамбльяслӧн репертуарӧ.
• Советскӧй Союз дырйи вӧлісны «шанежнӧйяс», кытӧн вузаслісны уна сикас шаньга[16]. Ӧнія кадӧ шаньгаяссӧ вузалӧны вузасянінъясын, сёянінъясын, гажъяс вылын, ярмангаяс дырйи.
• 2019 восянь Кудымкарын гожӧмын шаньгасӧ пӧжалӧны быдлаын, найӧ лоӧны фаст-фуд сёянторӧн[17].
• 2017 восянь Коми Республикаын мунӧ «ШаньгаФест» гастрономия фестиваль[18][19].
• Йӧзкостса вомгора культураын шаньга кывнас вӧдитчӧны кык ногӧн: кор мортсӧ бура донъялӧны и, мӧдарӧ, кор кулитӧны. Шуам, кык бана шаньга — «видзӧдлас вежлалысь, вожа сёрниа морт, кык ногӧн олысь, лицемер», гуга-бана шаньга — «кык бана морт, кык ног сёрнитысь», шаньга льӧб — «паськыд паръя, мисьтӧм льӧбъя морт»[20].

Пасйӧдъяс

[вежны | Вежны кодировкаын]
  1. ↑ В. В. Похлёбкин, 2015.
  2. ↑ Похлёбкин В.В. Шаньги // Кулинарный словарь. — М.: Издательство «Э», 2015. — С. 407. — 456 с.
  3. ↑ Шаньга // Этимологический словарь русского языка = Russisches etymologisches Wörterbuch : в 4 т. / авт.-сост. М.Фасмер ; пер. с нем. и доп. чл.‑кор. АН СССР О.Н.Трубачёва, под ред. и с предисл. проф. Б. А.Ларина [т. I]. — Изд. 2-е, стер. — М. : Прогресс, 1987. — Т. IV : Т — Ящур. — С. 405.
  4. ↑ Лыткин В. И., Е. С. Гуляев Краткий этимологический словарь коми языка. М.: Наука, 1970. С. 317.
  5. ↑ Кто шаньги не ел, тот сил не имел: готовим по коми рецептам, Комсомольская правда. Коми. Шыӧдчан кадпас: 7 рака тӧлысь 2025.
  6. ↑ Чудова, Т. И. Еда и культура коми (зырян) в XX — начале XXI века / Т. И. Чудова. — Сыктывкар : Анбур, 2023. — 318, [2] с. : ил., фот.
  7. ↑ Чудова Татьяна Ивановна Модель питания коми (зырян) и ее локальные традиции // Вестник Удмуртского университета. Серия «История и филология». 2017. № 1.
  8. ↑ 1 2 Коми-пермяцкая кухня [Сб. рецептов / Сост. А. Долдина; Ред.: В. Коколева, Л. Косова]. — Кудымкар : Коми-Пермяц. кн. изд-во, 1998. — С. 320—328. — 508, [3] с. ил.; 21. — ISBN 5-87901-033-3
  9. ↑ 1 2 Голева Татьяна Геннадьевна. Виды традиционной выпечки у коми-пермяков // Гуманитарные исследования. История и филология. — 2021. — № 4. — doi:10.24412/2713-0231-2021-4-17-29.
  10. ↑ Чугаева, С. В. Трапеза в поминальной обрядности коми-пермяков / С. В. Чугаева // Вестник Чувашского университета. — 2009. — № 1. — С. 98-102.
  11. ↑ Черемухина Л.А. Шаньги. Наливашники (пресные шанежки). Шаньги наливные. Шаньги с картофелем // Северная кухня. — Архангельск: Сев.-Зап. кн. изд-во. — С. 222—223, 231. — 319 с.
  12. ↑ Что такое «шанежки» (Подсказка: они съедобные). Мел. Шыӧдчан кадпас: 9 косму тӧлысь 2023.
  13. ↑ Шаньга: традиционные рецепты. Агентство по развитию туризма и продвижению Республики Коми». Шыӧдчан кадпас: 7 рака тӧлысь 2025.
  14. ↑ Шаньги по-коми от бабы Кати. Регион». Шыӧдчан кадпас: 7 рака тӧлысь 2025.
  15. ↑ «Северная околица» — Шаньги. ГАУ РК "Ансамбль народной песни «Северная околица»
  16. ↑ Что такое «шанежки» (Подсказка: они съедобные). Мел. Шыӧдчан кадпас: 9 косму тӧлысь 2023.
  17. ↑ Как в сказке: по улицам Кудымкара разъезжает печь. Вести-Пермь (02.06.2021)
  18. ↑ На одной коми шаньге умещается вся национальная кухня России — это доказали участники фестиваля «Шаньгафест»
  19. ↑ ШаньгаФест. Как это было. 22.08.2024
  20. ↑ Цыпанов Е. А. Коми видчанкывъяс: зэв аслыссикас кывкуд. Сыктывкар: ИЯЛИ КНЦ УрО РАН, 2021., FU-lab. Шыӧдчан кадпас: 7 рака тӧлысь 2025.

Литература

[вежны | Вежны кодировкаын]
  • Ковалёв В. М., Могильный Н. П. Шаньги // Русская кухня: традиции и обычаи. — М.: Советская Россия, 1990. — С. 102. — 256 с. — 150 000 экз. — ISBN 5-268-00916-8.
  • Похлёбкин В. В. Шаньги // Кулинарный словарь. — М.: Издательство «Э», 2015. — С. 407. — 456 с. — ISBN 978-5-699-75127-3.
  • Ратушный А. С. Шаньги // Всё о еде от А до Я: Энциклопедия. — М.: Издательско-торговая корпорация «Дашков и К°», 2016. — С. 422. — 440 с. — 300 экз. — ISBN 978-5-394-02484-9.
  • Чудова Т. И. Еда и культура коми (зырян) в XX — начале XXI века / Т. И. Чудова. — Сыктывкар : Анбур, 2023. — 318, [2] с. : ил., фот.
Босьтӧма "https://kv.ruwiki.ru/w/index.php?title=Шаньга&oldid=313900"-ысь