Бочариков Максим Петрович

Босьтӧма Рувикиысь
Бочариков Максим Петрович
Бочариков М.П..jpg
Чужан лун 1908-ӧд вося йирым тӧлысь 10-ӧд лун(1908-10-10)
Чужанін  Лычное сикт, Никольскӧй уезд, Вӧлӧгда губерния, Россия империя
Кулан лун 1986-ӧд вося лӧддза-номъя тӧлысь 3-ӧд лун(1986-06-03) (77 арӧс)
Куланін 
Канму  СССР
Войска сикас пехота[d]
Служитан вояс 1930—1932; 1942—1945
Звание
Старший сержант
Тышъяс/вӧйнаяс
Наградаяс да премияяс

Бочариков Максим Петрович (1908 вося йирым тӧлысь 10-ӧд лун, Киров обласьтса Лычное сикт — 1986 вося лӧддза-номъя тӧлысь 3-ӧд лун, Новокуйбышевск) — Рабоче-крестьянскӧй Гӧрд Армияса старшӧй сержант, Айму вӧсна Ыджыд тышын участвуйтысь, Сӧветскӧй Союзса Герой (1945)[1].

Олантуй

• Максим Бочариков чужис 1908 вося йирым тӧлысь 10-ӧд лунӧ Лычное сиктын[К 1] кресьтянин семьяын. Босьтіс начальнӧй образование.
• 1926 восянь уджалӧма Кострома обласьтса Шарья карын.
• 1930-1932 воясӧ служитӧма Гӧрд Армияын. Демобилизуйтчӧм бӧрас уджалӧма Уралын, Куйбышевын (ӧні - Самара), стрӧитӧма Москва-Волга канал.
• 1940 восянь олӧма Коми АССР-са Ыджыд Инта посёлокын, уджалӧма из шом куйлӧд стрӧитігӧн ӧтув могмӧдан базаса начальникӧн.
• 1942 вося сора тӧлысьын Бочариковӧс выльысь босьтӧма служба вылӧ Коми АССР-са Кожва районса военнӧй комиссариат[5].
• 1942 вося кӧч толыссянь - Айму вӧсна Ыджыд тышлӧн фронтъяс вылын.
• 1944 вося моз тӧлысь кежлӧ гвардияса сержант Максим Бочариков командуйтіс 2-ӧд Украинскӧй фронтса 40-ӧд армиялӧн 42-ӧд гвардейскӧй стрелкӧвӧй дивизияса 132-ӧд гвардейскӧй стрелкӧвӧй полклӧн отделениеӧн. Петкӧдліс асьсӧ геройӧн Румынияын тышъяс дырйи[3]. 1944 вося моз тӧлысь 19-ӧд лунӧ Пашкани карсянь рытыв-лунвылӧ 10 километр ылнаын Сочь посёлок гӧгӧрын немецкӧй оборона писькӧдігӧн аслас отделениекӧд ӧтлаын Бочариков орӧдіс сутуга потшӧсъяс да пырис прӧтивник дорӧ. Гранатаясӧн бырӧдіс дот гарнизон. Сутуга потшӧс кык линия пыр немецкӧй траншеяӧ писькӧдчӧм бӧрын Бочариков автоматнӧй биӧн да ки на ки косясьӧмӧн бырӧдіс вӧрӧглысь взвод гӧгӧр да босьтіс пленӧ 7 салдатӧс. Сулаліс враглӧн некымын контратакалы паныд 18 боечкӧд ӧтлаын, кодъяс колины дзонь батальонсьыс, ранитчис юрас да киас, но эз эновтчы тышысь отсӧг вотӧдз[3].
• СССР-са Верховнӧй Сӧвет Президиумлӧн 1945 во рака тӧлысь 24-ӧд лунся Индӧдӧн «немецко-фашистскӧй захватчикъяскӧд тыш нуӧдан фронт вылын командованиелысь боевӧй заданиеяс образцӧвӧя олӧмӧ пӧртӧмысь да та дырйи мужество да героизм петкӧдлӧмысь» гвардияса сержант Максим Бочариковлы сетӧма Сӧветскӧй Союзса Геройлысь ним Ленин орденӧн да 6658 номера «Зарни Кодзув» медальӧн[3].
• 1945 вося вӧльгым тӧлысьын старшӧй сержант Бочариков демобилизуйтчис.
• 1949 воын вуджис овны Новокуйбышевск карӧ, уджаліс Новокуйбышевскӧй нефтеперерабатывающӧй заводын газоспасательнӧй службаын.
• Кувсис 1986 вося лӧддза-номъя тӧлысь 3-ӧд лунӧ, дзебӧмаӧсь Новокуйбышевскӧй карса шойнаын[3].

Наградаяс

• Сӧветскӧй Союзса Герой ним
• Ленин орден
• «Зарни Кодзув» медаль
• Гӧрд Дӧрапас орден
• 1 тшупӧда Айму вӧсна Ыджыд тышса орден

Паметь

Новокуйбышевск карса Почёта гражданин[3].

Комментарийяс

  1. ↑ Лычное сикт(Лычный[2]) бӧрыннас кутіс пырны Киров обласьтса Шабалинскӧй районӧ [3][4]; бырӧма нин, ӧні — Кострома обласьтса Октябрьскӧй районлӧн мутас.

Пасйӧдъяс

  1. ↑ Книга памяти Республики Коми. Бочариков Максим Петрович
  2. ↑ См. на карте 1989 года
  3. ↑ 1 2 3 4 5 6 Бочариков Максим Петрович (рус.). Сайт «Герои страны».
  4. ↑ См. на карте 1953 года
  5. ↑ Бочариков Максим Петрович

Литература

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• Герои Советского Союза — кировчане. — Выпуск 3. — Киров, 1985.
• Голубев Е. П. Боевые звёзды. — Ярославль: Верх.-Волж. кн. изд-во, 1972.
• Подвиг во имя Родины. — Куйбышев, 1975. — Кн. 3.

Босьтӧма "https://kv.ruwiki.ru/w/index.php?title=Бочариков_Максим_Петрович&oldid=473539"-ысь