Брайко Пётр Евсеевич

Босьтӧма Рувикиысь
Пётр Евсеевич Брайко
Pyotr Brayko.jpg
Чужан лун 1918-ӧд вося кӧч тӧлысь 9-ӧд лун(1918-09-09)
Чужанін 
Кулан лун 2018-ӧд вося косму тӧлысь 7-ӧд лун(2018-04-07) (99 арӧс)
Куланін 
Канму  СССР
Войска сикас Гӧрд Армия[d]
Служитан вояс 1938—1960
Звание
Полковник
Тышъяс/вӧйнаяс Айму вӧсна Ыджыд тыш
Наградаяс да премияяс
Суйӧрсайса наградаяс:
Логотип РУВИКИ.Медиа Медиафайлы на РУВИКИ.Медиа

Брайко Пётр Евсеевич (1918 вося кӧч тӧлысь 9-ӧд лунӧ Митченки сикт, Украина — 2018 вося косму тӧлысь 7-ӧд лун, Москва) — полковник, С. А. Ковпаклӧн партизанъяслӧн отрядса командир, Айму вӧсна Ыджыд тышын участвуйтысь, Комиысь Сӧветскӧй Союзса Герой (1944)[1].

Олантуй

Чужис 1918 вося кӧч тӧлысь 9-ӧд лунӧ Митченки сиктын (ӧні Украинаса Чернигов обласьтлӧн Бахмачскӧй районын). Украинеч.

1937 воын помаліс Конотопса педагогика техникум да уджаліс велӧдысьӧн.

1938 вося моз тӧлыссянь Гӧрд Армияын. 1940 воын помаліс НКВД-лысь Менжинский нима Москваса военно-техническӧй училище. Вӧлі мӧдӧдӧма связь взводса командирӧн Рытыввыв пограничнӧй кытшса 16-ӧд оперативнӧй пограничнӧй полкӧ. Сэсся служитіс Украина ССР-са НКВД-лӧн Пограничнӧй вӧйскаӧн веськӧдланінса СССР-са НКВД вӧйскалӧн 97-ӧд Черновицкӧй пограничнӧй отрядса 13-ӧд пограничнӧй заставаын.

Айму вӧсна Ыджыд тыш вылын медводдза лунъяссянь. Героическӧя тышкасис заставаын, сэсся ловйӧн кольӧм пограничникъяскӧд тӧлысьысь дырджык петіс кытшысь. 500 километрысь унджык мунӧм бӧрын вуджис фронтлысь визьсӧ Киев дорын да 1941 вося моз тӧлысьыын босьтісны НКВД-лӧн 4-ӧд мотострелкӧвӧй полкӧ связь ротаса командирӧн. Но 1941 вося кӧч тӧлысьын Киев дорса тышын пӧшти став полкыс пӧгибнитіс. Лейтенант Брайко вӧлі ранитчӧма, дзебсясис татчӧс олысьяс ордын, унаысь арестуйтлісны да пышйыліс, тшӧтш и Дарница дорын концлагерысь.

1942 вося урасьӧм тӧлысьын бара пышйис и веськаліс С. А. Ковпаклӧн Путивльса партизанъяслӧн отрядӧ. Медводзсӧ сійӧс босьтісны рядӧвӧйӧн, сэсся командуйтіс взводӧн, ротаӧн, вӧлі разведкаса начальникӧн. 1943 воын вӧлі штабса начальникӧн Ковпак соединениеӧ пырысь Кролевецкӧй партизанъяслӧн отрядын, сэсся командуйтіс тайӧ отряднас. 1944 воын сійӧс индісны медводдза Украинаса партизанъяслӧн дивизиялӧн 3-ӧд полкса командирӧн. Веськӧдліс 100 сайӧ боевӧй операцияӧн. Участвуйтіс вӧрӧглӧн тылъясӧ сизим рейдын. Украинаса рытыввыв обласьтъяс да Польшаса асыввыв воеводствояс кузя рейд дырйи полк бырӧдіс уна сё гитлеровецӧс да путкыльтіс 4 вражескӧй эшелон. Мир посёлокын (Гродзенскӧй областьса Кореличскӧй район) полк пасьвартіс прӧтивниклысь 9 маршевӧй батальон.

1944 вося моз тӧлысь 7-ӧд лунӧ сетӧма Сӧветскӧй Союзса Герой ним[2].

1948 вося йирым тӧлысь 18-ӧд лунӧ сійӧс арестуйтӧмаӧсь сӧветъяслы паныд уджысь мыжалӧмӧн да 58-ӧд статья серти мырддьӧмаӧсь воинскӧй наградаяс да мыждӧмаӧсь 10 во кежлӧ. Пукаліс Емдінса исправительно-трудӧвӧй лагерын (Коми АССР)[1] . 1953 вося йирым тӧлысь 24-ӧд лунӧ тырвыйӧ реабилитируйтӧмаӧсь, бӧр сетӧмаӧсь наградаяс (СССР-са Медвылыс Сӧветса Президиумлӧн 1954 во тӧвшӧр тӧлысь 2-ӧд лунся Индӧд).

1954 вося тӧвшӧр тӧлысьын бара пырис велӧдчыны М. В. Фрунзе нима Военнӧй академияӧ, сійӧс помалӧм бӧрын мӧдӧдісны СССР-са МВД-лӧн пытшкӧсса войскаӧ Москваын 7576 №-а войскӧвӧй часьтса командирӧс вежысьӧн. Сэсся 1959 воын индӧмаӧсь Казахскӧй ССР-са МВД-лӧн Пытшкӧсса войскаса начальникӧн.

1960 воын запасӧ мунӧм бӧрын помаліс А. М. Горький нима Литература институт (1968) да гижис история тема вылӧ 20 сайӧ художествоа гижӧд. Пырӧдчис общественнӧй уджӧ[3].

Кувсис Москваын 2018 вося косму тӧлысь 7-ӧд лунӧ, дзебӧмаӧсь воинскӧй почётӧн Троекуровскӧй шойнаын.

Наградаяс

• Сӧветскӧй Союзса Герой (1944.08.07);
• «Зарни Кодзув» медаль (4322 №) (1944.08.07);
• Ленин орден(1944.08.07);
• Айму вӧсна Ыджыд тышса I тшупӧда орден;
• Гӧрд Кодзув орден;
• Гӧрд Дӧрапас орден;
• Путивль да Замосць карса Почёта гражданин (Польша);
• Польша культураын нимӧдана уджалысь [1].

П. Брайколӧн гижӧдъяс

Пётр Брайко гижис Айму вӧсна Ыджыд тыш йылысь 14 документально-художественнӧй небӧг. Сідзжӧ сійӧ гижис «Партизанская война» кык тома монография[4].
• Брайко, П. Е. Партизанский комиссар. – М., 1982.
• Брайко, П. Е. Комиссар нашей жизни. – М., 2011.
• Брайко, П. Е. Люди в зеленых фуражках. – М., 1976.
• Брайко, П. Е. Преступление под грифом “СЕКРЕТНО”. – М., 2014.
• Брайко, П. Е. Женщина и смерть. Партизанские были. – М., 1971.
• Брайко, П., Калиненко, О. Чтобы стать на крыло – М., 2005.
• Брайко, П., Калиненко, О. Внимание, Ковпак! – М., 1971.
• Брайко П., Калиненко О. Знакомый почерк. – М., 2018.
• Всем смертям назло! : вспоминают Герои Советского Союза / [сост. П. Е. Брайко, О. С. Калиненко]. – М., 2000.

Паметь

• Спадщаса вӧрын Путивль кар бердын (Сумы обласьт) Геройяс аллеяын сувтӧдӧма П. Е. Брайколысь бюст.
• Нимсӧ новлӧ Юнармиялӧн отряд[1].

Пасйӧдъяс

  1. ↑ 1 2 3 4 Репортаж 6. Наш Герой – полковник внутренних войск НКВД – МГБ – МВД Брайко Пётр Евсеевич
  2. ↑ Брайко Пётр Евсеевич (рус.). Сайт «Герои страны».
  3. ↑ 64-я годовщина Победы советского народа в Великой Отечественной войне. Шыӧдчан кадпас: 23 кӧч тӧлысь 2011. Архивируйтӧма оригинала 13 кӧч тӧлысь 2011 года.
  4. ↑ Председатель Совета Федерации, лидер партии «СПРАВЕДЛИВАЯ РОССИЯ» Сергей Миронов поздравил Героя Советского Союза, участника партизанского движения в годы Великой Отечественной войны, активного сторонника «СПРАВЕДЛИВОЙ РОССИИ» Петра Брайко с Днем партизан и подпольщиков.

Литература

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• Люди легенд. — Выпуск 1. — М., 1965.
• Пограничная служба России. Энциклопедия. Биографии. — М., 2008.
• Герои Отечества. — М., 2004.
• Всем смертям назло. — М.: Знание, 2000.
• Крысанов А. Три года в рейдах и боях. // «На боевом посту» (журнал ВВ МВД). — 2010. — № 5. — С.11-14.
• Партизанская война на Украине. Дневники командиров партизанских отрядов и соединений. 1941–1944 . – М., 2010.

Ыстӧгъяс

Босьтӧма "https://kv.ruwiki.ru/w/index.php?title=Брайко_Пётр_Евсеевич&oldid=473094"-ысь