Бурдина Любовь Михайловна

Бурдина Любовь Михайловна
Бурдина Любовь Михайловна
Чужан лун	1948-ӧд вося урасьӧм тӧлысь 27-ӧд лун
Чужанін	Сыктывкар, Коми Автономнӧй Сӧветскӧй Социалистическӧй Республика, РСФСР, Сӧветскӧй Социалистическӧй Республикаяслӧн Союз;
Кулан лун	2026-ӧд вося урасьӧм тӧлысь 12-ӧд лун (77 арӧс)
Куланін	Петыркар, Россия;
Страна	Россия;
Мыйся уджыс	сьылысь

Бурдина Любовь Михайловна (1948-ӧд вося урасьӧм тӧлысь 27-ӧд лун, Сыктывкар, Коми Автономнӧй Сӧветскӧй Социалистическӧй Республика — 2026-ӧд вося урасьӧм тӧлысь 12-ӧд лун, Петыркар) — «Зарни Ань» ансамбльын сьылысь-йӧктысь, Коми Республикаса нимйӧза артист (2011 во).

Олантуй

Любовь Бурдина (нывдырся овыс «Надуткина») чужлӧма Сыктывкарын. Сійӧ велӧдчӧма медицинскӧй сестра вылӧ да уджалӧма Сыктывкарса 96 номера детсадйын. Но нэм чӧжыс сійӧ вӧлі артистӧн: медводз «Металлист» культура керкаын «Зыряночка» самодеятельнӧй йӧктан коллективын, а сэсся республикаса медбур ансамбльын.

«Асъя Кыаӧ» Любовь Бурдина веськаліс «Зыряночкаӧн» медводдза веськӧдлысьясысь ӧтиӧн, Коми Республикаса нимйӧза артистка Ирина Прохороваӧн вӧзйӧм серти. 1977 воын сійӧс торъя хореографическӧй тӧдӧмлунъястӧг да профессиональнӧй дасьтысьтӧг босьтісны коллективӧ кыдзи артист-стажерӧс. Кык во мысти сійӧ петкӧдчис нин ӧтнасӧн коллективлӧн ӧти тӧдчана постановкаын — «Алӧй ленточкаын». «Асъя Кыакӧд» ӧтвылысь сійӧ петкӧдліс коми искусство страна пасьтала уна лыда гастрольясӧн, а сідзжӧ Болгарияӧ, Чехословакияӧ, Финляндияӧ, Францияӧ, Англияӧ, Германияӧ, Бельгияӧ, Голландияӧ.

Любовь Бурдина сценическӧй карьера помалӧм бӧрын мыйкӧ дыра велӧдіс ансамбль бердын национальнӧй студияын сценическӧй движение да вӧлі балет репетиторӧн.

1996 восянь сійӧ уджаліс «Зарни Ань» ансамбльын.

2018 восянь оліс Петыркарын. Кувсис 2026 вося урасьӧм тӧлысь 12-ӧд лунӧ^[1]^[2].

Семья

Верӧсыс — Коми Республикаса нимйӧза артист, Россияса культураын нимӧдана уджалысь Бурдин Михаил Николаевич.

Наградаяс

Коми Республикаса нимйӧза артистка (2011 во)^[3].
«За трудовую доблесть» медаль.

Пасйӧдъяс

↑ В Сыктывкаре простятся с заслуженной артисткой Любовью Бурдиной (рус.). БНКоми (16 урасьӧм тӧлысь 2026). Шыӧдчан кадпас: 17 урасьӧм тӧлысь 2026.
↑ Скончалась заслуженная артистка Коми Любовь Бурдина (рус.). Комсомольская правда (16 урасьӧм тӧлысь 2026). Шыӧдчан кадпас: 17 урасьӧм тӧлысь 2026.
↑ Коми Республикаса культура министерство (рочӧн; 20.12.2011

[1] В Сыктывкаре простятся с заслуженной артисткой Любовью Бурдиной (рус.). БНКоми (16 урасьӧм тӧлысь 2026). Шыӧдчан кадпас: 17 урасьӧм тӧлысь 2026.

[2] Скончалась заслуженная артистка Коми Любовь Бурдина (рус.). Комсомольская правда (16 урасьӧм тӧлысь 2026). Шыӧдчан кадпас: 17 урасьӧм тӧлысь 2026.

[3] Коми Республикаса культура министерство (рочӧн; 20.12.2011

[1]

[2]

[3]