Бызӧвӧй (важ оланін)
| Нималантор | |
| Бызӧвӧй | |
|---|---|
 Бызӧвӧйын уджалӧны археологъяс, 1997 во | |
| 65°01′27″ с. ш. 57°23′15″ в. д.GЯO | |
| Страна | Россия |
| Ин | Бызӧвӧй (Печӧра район) |
| Статус |
 ОКН № 1110049000 |
 |
|
 Медиафайлы на РУВИКИ.Медиа | |
 | Россияса культура озырлун объект федеральнӧй тӧдчанлуна рег. № 111440111820006 (ЕГРОКН) объект № 1110049000 (БД Викигида) |
Бызӧвӧй (рочӧн Бызовая) — Коми Республикаса Печӧра район мутасын, Бызӧвӧй грезд дорын, шӧр Печӧра вылын, палеолит кадся важ йӧзлӧн оланін[1]. Тайӧ медся войвывса палеолит кадся важ йӧзлӧн оланін Европаын[2].
История
Восьтӧма 1962 воын Е. М. Тимофеевӧн. Мукӧд юӧр серти, аддзис В. И. Чалышев 1957 воын[3]. Туялісны 1963—1968 воясӧ В. И. Канив да Б. М. Гуслицер, 1983—1992 воясӧ П. Ю. Павлов. 1997 воын Бызӧвӧй туялӧмсянь заводитчис Ылі Войвылын мортӧн медводдзаысь овмӧдчӧмлы сиӧм «Печӧра» ыджыд россия-норвегия проект збыльмӧдӧм. 2007 восянь туяліс роч-французскӧй экспедиция.
Туялӧма памятниклысь 550 м² культурнӧй слӧй. Вермас лоны, мый памятниклысь ыджыдджык юкӧнсӧ важӧн нин бырӧдӧма Печӧра юса эрозияӧн[4].
Памятниклӧн изйысь вӧчӧмторъясысь аддзӧма плавкӧс нуклеусъяс, пома скребкаяс, веськыд да конвергентнӧй скреблояс, пуртъяс, чопперъяс, кык боксянь обработайтӧм кор кодь йывъяс. Ставсӧ аддзӧма 313 из артефакт. П. Ю. Павлов йитӧ Чусовая ю кывтыдын Заозерье сулаланінъяс (33-30 сюрс во) да Бызӧвӧй, кӧні торъя культура традицияыс торъялӧ стрелецкӧй культураысь[5].
Фауна: мамонт (97,6 % торъя лыясысь), гӧна носорог, войвыв кӧр, вӧв, овцебык, кӧин, ош, полярнӧй руч, лемминг. Ставыс — нёль сюрс пемӧс лы.
Важ йӧзлысь лыяссӧ абу на аддзӧма.
Памятниклӧн радиоуглерод кадпасыс — 29[6] — 31 сюрс вояс. Минеральнӧй колясъяссӧ люминесцентнӧй анализыс сетӧ 32 сюрс во.
Изйысь вӧчӧм орудиеяссӧ туялысьяс йитісны мустьерскӧй культуракӧд, и тайӧ сетіс налы позянлун чайтны, мый тані овлӧмаӧсь неандерталечьяс[7].
Артефактъяс видзӧм
Бызӧвӧйысь аддзӧм унакодь артефакт видзӧны Печӧра карса краеведческӧй музейын. Сэні эм «Печӧра муын медводдза олысьяс» пырся экспозиция. Экспозиция висьталӧ мамонтъяс да мамонт фауна йылысь, тӧдмӧдӧ Печӧра районын палеолит кадӧ первобытнӧй йӧз овмӧдчӧмлӧн историяӧн, а сідзжӧ Бызовӧй сулаланінса археология кодйӧмъясӧн[8].
Видзӧдӧй тшӧтш
Пасйӧдъяс
- ↑ Стоянка Заозерье Архивса копия 27 сора тӧлысь 2021 Wayback Machine ресурсын // Н. А. Макаров. Археологические открытия. 1991—2004 гг. Европейская Россия, Отв. редактор член-корр. РАН Н А. Макаров. — М.: Институт археологии РАН, 2009. — 476 с. 2009
- ↑ Павлов П. Бызовая // Республика Коми. Энциклопедия. Том I. — Сыктывкар: Коми книжное издательство, 1997. — С. 280.
- ↑ Бызовая Архивса копия 18 ода-кора тӧлысь 2011 Wayback Machine ресурсын
- ↑ Человек на Севере в эпоху палеолита. Шыӧдчан кадпас: 13 ода-кора тӧлысь 2011. Архивируйтӧма оригинала 25 косму тӧлысь 2013 года.
- ↑ Аникович М. В. Пути становления верхнего палеолита Восточной Европы и Горного Алтая Архивса копия 26 кӧч тӧлысь 2015 Wayback Machine ресурсын
- ↑ Павлов П. А. Палеолит северо-востока Европы. Автореф. дисс. … д. и. н. СПб.: ИИМК, 2009, стр. 13
- ↑ The Last Neanderthals? Шыӧдчан кадпас: 1 урасьӧм тӧлысь 2015. Архивируйтӧма 23 ода-кора тӧлысь 2017.
- ↑ Постоянные экспозиции. Печорский краеведческий музей. Шыӧдчан кадпас: 17 лӧддза-номъя тӧлысь 2025.