Вокуева Ольга Ивановна

Рувикиын эмӧсь мукӧд йӧз йылысь статьяяс, кодъяслӧн овыс Вокуев.

Вокуева Ольга Ивановна
Чужан лун	1916-ӧд вося сора тӧлысь 22-ӧд лун(1916-07-22)
Чужанін	Діюр, Печора уезд[d], Кардор губерня, Россияса империя
Кулан лун	1995-ӧд вося рака тӧлысь 21-ӧд лун(1995-03-21) (78 арӧс)
Куланін	Діюр, Изьва район, Коми Республика, Россия
Страна	РСФСР  Сӧветскӧй Социалистическӧй Республикаяслӧн Союз  Россия
Мыйся уджыс	колхозса председатель
Ошканпасъяс да премияяс

Вокуева Ольга Ивановна  (1916 вося сора тӧлысь 22-ӧд лун, Діюр сикт — 1995 вося рака тӧлысь 21-ӧд лун, Діюр сикт) — сӧвет кадся видз-му овмӧсын уджалысь, СССР-лӧн III созывса Верховнӧй Сӧветын депутат (1950-1954).

Олантуй

• Чужлӧма 1916 вося сора тӧлысь 22-ӧд лунын Діюр сиктын (ӧні - Коми Республикаса Изьва район), 1918 воын кольӧма бать-мамтӧг. ВКП-са член(б).
• 1928-1932 воясын велӧдчис Діюрса начальнӧй школаын.
• 1934 воын дядьыскӧд тшӧтш пырис колхозӧ.
• 1936 воын велӧдчис бригадиръяслӧн квайт тӧлысся курсъяс вылын да лоис полеводствоса бригадирӧн. Сэсся сійӧс ыстісны велӧдчыны скӧт видзысь вылӧ да курсъяс бӧрас пуктісны скӧт видзан бригадаын бригадирӧн.
• Вӧйнаӧдз вӧлі комсомольскӧй организацияса секретарӧн.
• 1938 воын кутіс веськӧдлыны «Победа» колхозын фермаӧн.
• 1943-1946 воясын сійӧс бӧрйисны «Победа» колхозса председательӧн.
• 1946 восянь-1967 воӧдз — Коми АССР-са Изьва районса «Победа» колхозлӧн молочно-товарнӧй фермаӧн веськӧдлысь.
• 1950-1954 вояс — СССР-лӧн III созывса Верховнӧй Сӧветын депутат.
• Кувсис 1995 вося рака тӧлысь 21-ӧд лунӧ Коми Республикаын Изьва районса Діюр сиктын.

Наградаяс

• ВДНХ-са эзысь медаль (1955).
• «За доблестный труд в Великой Отечественной войне 1941–1945 гг.» медаль.
• Коми АССР-са Медвылыс Сӧвет Президиумлӧн Почёт грамота.

Ыстӧгъяс