Діюр (Изьва район)
| Сикт | |
| Диюр | |
|---|---|
| Діюр | |
 Гостиница | |
| 65°16′31″ с. ш. 53°21′36″ в. д.GЯO | |
| Страна | Россия |
| РФ-са субъект | Коми Республика |
| Муниципальнӧй район | Изьва |
| Сикт овмӧдчӧмин | Краснобор |
| История да география | |
| Шӧрин вылна | 37 м |
| Час кытш | UTC+3:00 |
| Йӧз | |
| Олысь лыд | 623[1] человека (2010) |
| Лыдпаса идентификаторъяс | |
| Пошта индекс | 169471 |
| ОКАТО код | 87204860003 |
| ОКТМО код | 87604460116 |
|
|
|
 Медиафайлы на РУВИКИ.Медиа | |
Діюр (рочӧн Диюр) — Коми Республикаса Изьва районын Краснобор сикт овмӧдчӧминӧ пырысь грезд.
Ним артмӧм
1932 вося карта вылын - Ди-юр (Сафонов): коми діюр "ю визув серти ділӧн вылыс юкӧн". Сиктсӧ тадзи нимтӧмаӧсь сы вӧсна, мый сійӧ сулалӧ ыджыд ді заводитчанінын[2]
География
Сиктыс меститчӧма Коми Республикаса рытыв-войвылын, Печӧра увтасын, Изьва ю вожлӧн веськыд берегын. Изьва районса юрсиктсянь рытыв-войвывлань 37 гӧгӧр километр ылнаын. Джудждаыс саридз веркӧссянь — 37 метр[3].
- Ывласям
Ывласямыс шӧркодь континентальнӧй, тӧлыс — лымъя, кузь да кӧдзыд, гожӧмыс — дженьыд да ыркыд. Медся шоныд тӧлысьӧн лоӧ сора тӧлысь, сынӧдлӧн шӧр температураыс 14,6 °C; медся кӧдзыд тӧлысьын (тӧвшӧр тӧлысь) — −17,4 °C. Вогӧгӧрся шӧркодь енэжваыс — 527 мм[4].
- Кад кытш
Діюр, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[5].
История
Артмӧдӧма 1763-1772 воясын. Грездас медводдза овмӧдчысьясӧн вӧлӧмаӧсь Филиппов Прокопий да Мокей Савельевичьяс да Федор Софронович Канев. 1782 воын Діюрын артавсьӧма 18 олысь (9 мужичӧй, 9 нывбаба). 1795 воын Діюрын олӧма 42 морт (22 мужичӧй, 20 нывбаба), 1816 воын — 64 морт (31 мужичӧй, 33 нывбаба). 1850 во кежлӧ грездас олысьясыслӧн лыдыс содӧма 273 мортӧдз (139 мужичӧй, 134 нывбаба). Олысь лыд содӧм вылӧ тӧдчӧма мукӧд грездысь овмӧдчысьяслӧн воӧм. Шелляюрысь Діюрӧ овмӧдчӧма Н.Т. Ануфриев семьянас (ставнас 19 морт), Сизябысь — А. Чупров, Изьваысь М.И. Семяшкин да М.В. Филиппов семьяяснаныс. 1859 воын Діюрын вӧлӧма 3 овмӧс, 277 олысь, 1887 воын — 549 олысь, 1905 воын — 75 овмӧс, 680 олысь, 1920 воын — 118 овмӧс, 607 олысь, 1926 воын 130 овмӧс, 724 олысь (305 мужичӧй, 419 нывбаба). Сы бӧрын мунысь дас воясӧ олысьясыслӧн лыдыс водзӧ содӧма, но 70-80-ӧд воясӧ сійӧ кутӧма чинны: 888 мортсянь 1970 воын 785 мортӧдз 1979 воын да 688 морт (343 мужичӧй, 345 нывбаба, коми) 1989 воын[6][7].
Олысь лыд
Грездын олӧны комияс
| Вояс да олысь лыд | |||||||||||||||
|---|---|---|---|---|---|---|---|---|---|---|---|---|---|---|---|
| 1782[7] | 1795[7] | 1816[7] | 1850[7] | 1859[7] | 1897[7] | 1905[7] | 1926[7] | 1970[7] | 1979[7] | 1989[7] | |||||
| 18 | 42 | 64 | 273 | 277 | 549 | 680 | 724 | 888 | 785 | 688 | |||||
| 2002[8] | 2010[9] | 2020[10] |
|---|---|---|
| 700 | ↘623 | ↘597 |
Медводдза овъяс
Культура
Сиктын эм культура керка[11]
Велӧдӧм
Сиктын эм ӧкмыс класса школа[12].
Нималана йӧз
• Ануфриева Татьяна Владимировна (1990-2017) — том коми гижысь. Нывдырся овыс — Кирпиченко.
• Артеев Иван Николаевич (1977 вося рака тӧлысь 24-ӧд лун) — россияса спортсмен, войтыркостса тшупӧда спорт мастер, 2006 вося Туринын Олимпиада да 2009 вося Либерецын лызьӧн котралан спорт сикасъяс кузя мирса чемпионат вылын лызьӧн ордйысьӧм кузя Россияса сборнӧй командаӧ пырысь[13].
• Вокуева Ольга Ивановна (1916 вося сора тӧлысь 22-ӧд лун — 1995 вося рака тӧлысь 21-ӧд лун) — сӧвет кадся видз-му овмӧсын уджалысь, СССР-лӧн III созывса Верховнӧй Сӧветын депутат (1950-1954)[14].
Тӧдчана эмторъяс
Ӧтуввез
Ӧшмӧсъяс
• Жеребцов И.Л. Где ты живешь: Населенные пункты Республики Коми. Историко-демографический справочник. — Сыктывкар, 2000.
• История Коми с древнейших времен до конца XX века: В 2-х т. / Под общей редакцией А.Ф. Сметанина. — Сыктывкар, 2004.
• Республика Коми: Энциклопедия. — Сыктывкар, 1997—2000. — Т. 1—3.
• Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
• Административно-территориальное и муниципальное устройство Республики Коми (на 1 августа 2006 г.). Издание шестое, официальное / ГУ «ТФИ РК». — Сыктывкар, 2006. — 278 с.
• Изьва мулӧн ин нимъяс. Топонимия Ижемского района / Сост. Е.А. Хозяинова. — Изьва: МБУК «Ижемский районный историко-краеведческий музей», 2013. ISBN 978-5-7934-0535-5.
Ыстӧдъяс
- ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов. Шыӧдчан кадпас: 29 ӧшым тӧлысь 2014. Архивируйтӧма 4 рака тӧлысь 2016.
- ↑ А. И. Туркин. Топонимический словарь Коми АССР. Сыктывкар: Коми книжное издательство, 1986.
- ↑ Diyur (англ.). GeoNames. Шыӧдчан кадпас: 26 косму тӧлысь 2020. Архивируйтӧма 7 моз тӧлысь 2018.
- ↑ Схема территориального планирования муниципального образования муниципального района "Ижемский". Федеральная государственная информационная система территориального планирования (ФГИС ТП).
- ↑ Федеральный закон от 03.06.2011 № 107-ФЗ «Об исчислении времени», статья 5 (3 лӧддза-номъя тӧлысь 2011).
- ↑ Населённые пункты. Диюр
- ↑ 1 2 3 4 5 6 7 8 9 10 11 12 Жеребцов И. Диюр // Республика Коми. Энциклопедия. Том I. — Сыктывкар: Коми книжное издательство, 1997. — С. 404.
- ↑ http://www.perepis2002.ru/content.html?id=11&docid=10715289081460.
- ↑ http://komi.gks.ru/wps/wcm/connect/rosstat_ts/komi/resources/2d66df004e30e856b59eff3bf8d20d64/2.3.+Численность+населения+городских+округов%2C+муниципальных+районов%2C+поселений+и+населенных+пунктов.doc.
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya.
- ↑ Диюрский сельский Дом культуры
- ↑ МБОУ "Диюрская ООШ"
- ↑ Спортсмены Республики Коми. Артеев Иван Николаевич
- ↑ Твои люди, Ижма.
| Краснобор сиктувса оланінъяс | 
|
|
|---|---|---|
|
||