Вокуев Ермил Михайлович
| Вокуев Ермил Михайлович | |
|---|---|
 | |
| Чужан лун | 1992-ӧд вося рака тӧлысь 29-ӧд лун (34 арӧс) |
| Чужанін | |
| Страна | |
| Мыйся уджыс | лызьӧн котралысь |
 Медиафайлы на РУВИКИ.Медиа | |
Вокуев Ермил Михайлович (1992-ӧд вося рака тӧлысь 29-ӧд лун, Гам, Коми ССР) — лыжиӧн котралысь. Россияса сборнӧйын 2013-ӧд восянь. Кыкысь вӧлӧма Россияса чемпионӧн, юниоръяс пӧвстын ставмирса чемпион, тӧвся Универсиадаын вермысь (Трентино), ставмирса да ставроссияса тшупӧдын призёр, лыжиӧн котралӧмын Россияса спорт мастер. Ордйысьӧмъясын петкӧдлӧ Коми Республика да «Динамо» физкультурно-спортивнӧй котыр.
Олантуй
Ермил Вокуев чужӧма 1992-ӧд вося рака тӧлысь 29-ӧд лунӧ Изьва районса Гам сиктын.
2010-ӧд воын пырӧма велӧдчыны Федеральнӧй служба управлениелӧн право да мыждӧм Академияӧ (Рязань кар)[1].
2011-ӧд восянь Ермил Вокуев уджалӧ спортсмен-инструкторӧн «Центр спортивной подготовки сборных команд» учреждениеын, кӧні дасьтысьӧ Андрей Нутрихин тренер веськӧдлӧм улын.
Спортын туй
Спортын медводдза наставникӧн вӧлӧма Гамса школаысь физкультура велӧдысь Канев Алексей Иванович.
Мокчойса шӧр школаын велӧдчигӧн сыкӧд уджалӧма Изьва районса содтӧд тӧдӧмлун шӧринысь тренер Ануфриев Алексей Алексеевич[2].
11 классын сійӧс бӧрйисны Рытыв-Войвыв федеральнӧй кытшса чемпионат вылӧ, коді муніс Мурманскын. Лои мӧдӧн спринтын, веськаліс дас лыдас дистанционнӧй ордйысьӧмын. Веськалӧма Челябинскӧ велӧдчысьяслӧн спартакиада вылӧ, кӧні лоӧма кӧкъямысӧдӧн да ӧкмысӧдӧн, петкӧдлӧма Коми Республикаса ныв-зон пӧвстын медбур вермӧмъяс.
2010-ӧд воын Ермилӧс босьтісны Коми сборнӧйӧ.
Выльгортын Коми сборнӧйлӧн базаын спортсменӧс босьтіс ас ки улӧ олимпийскӧй чемпион Василий Рочев. Гожӧм джын да ар Ермил тренируйтчис сыкӧд, а сэсся вуджис группаӧ Наганоын Олимпийскӧй ворсӧмъясын участвуйтысь, международнӧй класса спорт мастер Нутрихин Андрей Владимирович дорӧ, сы веськӧдлӧм улын занимайтчис 2013 воӧдз[3].
2017 воын Ермил Вокуев петіс Россия сборнӧйысь и тренируйтчӧ Коми сборнӧйын Анатолий Рочев да Алексей Филиппов группаын.
Вермӧмъяс
2011 воын:
Россияса первенство
• 2 места 4х5 км эстафетаын
• 6 места 10 км свободнӧй стильын
2012 воын:
Юниоръяс пӧвстын ставмирса первенство
• 1 места 4х5 км эстафетаын
• 2 места 10 км классическӧй стильӧн
• 5 места спринтын свободнӧй стильӧн
• 6 места скиатлонын (10+10 км)
Россияса первенство
• 3 места спринтын свободнӧй стильӧн
• 4 места 15 км классическӧй стильӧн
Томуловъяс пӧвстын II тӧвся Спартакиадалӧн финал
• 3 места спринтын классическӧй стильӧн
• 3 места эстафетаын
Универсиада
• Тӧвся Универсиадаын (Трентино) шедӧдӧма кык эзысь медаль — вермӧма масс-стартын 30 км вылӧ (классикаӧн) да эстафетаын (4 × 10 км), а сідзжӧ босьтӧма зарни медаль (командаса спринт, стильыс ас кӧсйӧм серти).
Россияса ордйысьӧмъяс
• 2014-ӧд воын вермӧма Тюменьын спринтын классическӧй стильӧн да пырӧма Россияса национальнӧй сборнӧйӧ, петкӧдчӧма ставмирса Кубокын.
• 2015-ӧд воын ставроссияа первенствоын (Кардор обласьт) Коми Республикаса сборнӧй командаын шедӧдіс эзысь медаль команднӧй спринтса свободнӧй стильӧн да ыргӧн медаль эстафетаны 4 × 10 км вылӧ.
• 2016-ӧд воын Тюменьын первенство дырйи вермис команднӧй спринтын свободнӧй стильӧн, босьтіс эзысь медаль спринтын классическӧй стильӧн да ыргӧн медаль 15 км классикаӧн котӧртӧмын.
• 2024 вося рака тӧлысьын лои классическӧй стильӧн 10 км дистанция вылын Россияса чемпионӧн[4].
• 2025 вося тӧвшӧр тӧлысьын сійӧ панйис Александр Большуновӧс спринтын Россияса кубокын да шедӧдіс эзысь медаль[5].
• 2025 вося косму толысьын Мурманскын Вермӧмсянь 80 во тыригкежлӧ ордйысьӧмъяс дырйи шедӧдіс зарни медаль[6].
Ставмирса ордйысьӧмъяс
• 2021-ӧд вося рака тӧлысь 7-ӧд лунӧ лоӧма ыргӧн призёрӧн Швецияын 99-ӧд классическӧй марафонын (кузьтаыс 90 км), кад — 3 час 29 минут 54 секунда (вермысьыс, Норвегияысь Тора Асле Йердаленысь, кольччӧма 1 минута 1 секунда вылӧ).
• 2019/2020 воясын сійӧ вермис Италияын Ла-Веностаын 34 километра ордйысьӧмын, вермис Асыввыв Европаса кубокын, босьтіс мирса кубоклӧн этапъясын участвуйтӧм вылӧ персональнӧй квота.
• 2022 вося тӧвшӧр тӧлысь 30-ӧд лунӧ Ермил Вокуев, «Русская зима» команда петкӧдлӧмӧн, лоис вермысьӧн 70 км кузьта легендарнӧй «Марчалонга» классическӧй марафонын, коді муніс Италияын Ski Classics серия серти.
Ас олӧм
Гӧтырыс — Ольга Репницына (гӧтрасисны 2018 воын). Гозъя быдтӧ 2 нылӧс: Аглая чужис 2019 воын, а 2025 воын чужис ношта ӧти ныв[7].
Литература
• Колодинова, Н. Ермил обязательно «выстрелит»: лыжнику из маленькой деревни прочат звездное будущее: [о спортсмене Ермиле Вокуеве, Ижем. р-н / Наталья Колодинова // Трибуна. 2014. 18 апр. С. 11.]
• Севрук, Я. «Золотой» Вокуев / Ярослав Севрук; фото автора // Республика. 2016. 30 янв : фот.
• Севрук, Я. Золотой хет-трик : ижемец Ермил Вокуев стал триумфатором чемпионата СЗФО // Республика. 2016. 2 февр : фот.
• Севрук Я. Лыжный путь ижемца Ермила Вокуева // Республика. 2020. 26 марта. С. 10: фот.
• Севрук, Я. Бронза легендарного Васалоппета / Ярослав Севрук; фото из архива «Республики» // Республика. 2021. 11 марта. С. 13 : фот.
• Севрук, Я. Ижемец Ермил Вокуев набирает форму // Республика. 2021. 2 дек. : фот.
Ыстӧдъяс
- ↑ Кто есть кто. Вокуев Ермил Михайлович
- ↑ Лыжный путь ижемца Ермила Вокуева
- ↑ Вокуев Ермил Михайлович
- ↑ Лыжник из Коми Ермил Вокуев победил Александра Большунова на чемпионате России (рус.). БНКоми (19 рака тӧлысь 2024). Шыӧдчан кадпас: 9 йирым тӧлысь 2025.
- ↑ Ермил Вокуев опередил Александра Большунова в спринте на Кубке России (рус.). БНКоми (18 тӧвшӧр тӧлысь 2025). Шыӧдчан кадпас: 9 йирым тӧлысь 2025.
- ↑ Ермил Вокуев выиграл золото на соревнованиях к 80-летию Победы (рус.). БНКоми (18 косму тӧлысь 2025). Шыӧдчан кадпас: 9 йирым тӧлысь 2025.
- ↑ У лыжника из Коми Ермила Вокуева родилась дочь (рус.). БНКоми (28 косму тӧлысь 2025). Шыӧдчан кадпас: 9 йирым тӧлысь 2025.