Мокчой (Изьва район)

Сикт
Мохча
комиӧн Мокчой
65°00′23″ с. ш. 53°49′53″ в. д.
Страна	Россия
РФ-са субъект	Коми Республика
Муниципальнӧй район	Изьва
Сикт овмӧдчӧмин	Мокчой
Шӧрин вылна	38 м
Йӧз
Олысь лыд	▲1700 чел. (2021)
Лыдпаса идентификаторъяс
Пошта индекс	169462
ОКАТО код	87204870001
ОКТМО код	87604470101
Мохча Москва

Мокчой (рочӧн Мохча) — Коми Республикаса Изьва районын Мокчой сикт овмӧдчӧминса шӧрсикт.

Ним артмӧм

Мокчойлӧн ним артмӧма кык юкӧнысь: мок да чой. Мӧд юкӧныс чой — керӧс, мыльк. Медводдза юкӧн (мок) йӧзыс гӧгӧрвоӧны некымын ног:

1. Мок + чой (Мок — сійӧ Мокей, татчӧс медводдза вӧралысьлӧн ним).
2. Мох + чой (роч «нитш» кывйысь)
3. Мог + чой (изьваса поп гӧтыр пӧ волӧма татчӧ вотчыны да, тадзи и шуӧма местасӧ, асмогӧн ветлӧма сэтчӧ да).

География

Сикт пукалӧ Изьва юлӧн шуйга берегын, Мокчашар полой дорын. Мокчойсянь Изьва юрсиктӧдз 4 км.

Юкӧнъяс

Сиктыс куим юкӧна: Мокчойюр, Мокчой, Тод

Мокчой юкӧныс ачыс юксьӧ, тані эм:

• Турышкар
• Пӧимкар

Местаяс: Больничадор, Вичкодор, Горӧдскӧйчой, Детдомдор, Нардомдор, Поспом, Поштадор, Сельподор, Техникадор, Титпияндор, Школадор, Шорбок, Шорйыв, Шормӧдар, Шорсай, Шыясдор.

Тодыс бара юксьӧ, сэні нёль юкӧн:

• Вылыс Тод
• Улыс Тод
• Тодпом
• Ылыс Тод (ӧні сэтчӧ кыпӧдӧны выль керкаяс)

Тодса местаяс: Калина.

Мокчойюрса местаяс: Сидук.

Татчӧс ландшафтъяс

Изьва юлӧн полой:

• Мокчашар

Мокчашарса ландшафтъяс: Важ Джум, Весьланчой, Вӧрӧтавесьт, Выль Джум, Изъянырд, Кось, Прӧлейвом, Рощадор, Рысьвавом, Шарвом, Шеллявыв, Шелляув, Шорвом.

Шоръяс: Балдашор — Ыджыдшорлӧн юкӧн; Конашор = Усьташор (Мокчой да Тод костын), Кӧрмашор, Левашор, Нӧлыньшор (торйӧдӧ Мокчой Гамысь); Ӧксяшор, Чуйдасяншор (торйӧдӧ Мокчой Букурысь), Ыджыдшор (= Мяндиншор).

Тыяс: Баляты, Больничаты, Вискаты, Ижматы, Сімты, Тальматы, Ыджыдты.

Діяс: Нырд.

Мылькъяс: Ванюкчой, Ванькакерӧс, Весьланчой, Ёлькерӧс, Ляга, Мичамыльк.

Муяс да видзьяс: Аллёму, Афанасейму. Бедамель, Ванькакерӧс, Виссай, Власейму (Кантукму), Выльму, Дякӧнйӧр, Ёлькерӧс, Иванді, Йигакерӧс, Кармыльк, Кожевинкерӧс, Кӧнӧвал / Коневал/, Кыктыкост (Тальматы да Ыджыдты костын), Мокчойвыв, Мӧдпӧв, Морскӧй веретя, Ӧльмыльк, Рассай, Уйт, Фӧнарму.

Туйяс: Бамтуй, Ёльтуй. Мӧгила вылэ каан туй, Шӧртуй.

Посъяс: Дымпос, Мяндинпос, Нӧлыньпос, Пичкалевпос, Ыджыдпос.

Юкмӧсъяс: Левабурня, Митрофанбурня, Пименбурня, Поморямбурня, Рӧдьваньбурня, Сидкобурня, Сидукбурня.

Мукӧдінъяс: Пронь Иван.

История

Мокчой грезд котыртӧма 1737 воын. А.П. Афанасьев датируйтӧ грезд артмӧмсӧ 1763 воын, а А.И. Туркин пасйӧ, мусерпасын пӧ Мокчойыд петкӧдчӧ медводз 1846 воӧ.
1782 воын Мокчой грездас олӧма 363 морт (181 мужичӧй, 182 нывбаба); 1795 воын — 479 морт (235 мужичӧй, 244 нывбаба); 1816 воын — 724 морт (355 мужичӧй, 369 нывбаба). 1835 воын тані вӧлӧма 504 мужикулов олысь (нывбабаяс йылысь юӧръяс абуӧсь).
XIX нэмся 30-40-ӧд воясӧ Мокчойӧ овмӧдчисны И.Л. Рочев, П.Я. Канев Зулӧбысь, Я.Т. Артеев да В.Ф. Прянов Изьваысь да В. Вокуев Кулимысь (ставныс семьяяснаныс). Тайӧ жӧ кадӧ Мокчойысь мунісны Усвавомӧ А. Ануфриев, Шелляюрӧ — Н.В. Ануфриев, К.С. Родионов, А.Ф. Сметанин, А.М. Попов, В.И. Попов, Кельчиюрӧ — Г.А. Рочев, Кыдзкарӧ — П.И. Сметанин, Кедвавомӧ — Ф.А. Сметанин, Діюрӧ — Е.С. Сметанин, В.И. Ануфриев, К.С. Вокуев, Изьваӧ — Я.И. Вокуев, Красноборӧ — К.И. Вокуев, Сизябӧ — А. Артеев, Зулӧбӧ — К.Е. Вокуев.
1850 воын Мокчойын олӧма 1419 морт (682 мужичӧй, 737 нывбаба), 1858 воын — 1682 морт (809 мужичӧй, 873 нывбаба).
1859 воын сиктас вӧлӧма изйысь вичко, 203 овмӧс. 1897 воын сиктас олӧма 2241 морт (1039 мужичӧй, 1202 нывбаба). 1905 воын Мокчойын вӧлӧма 218 овмӧс, 2574 олысь (1256 мужичӧй, 1318 нывбаба), 1920 воын (Мокчаюр грездкӧд тшӧтш) — 344 овмӧс, 1514 олысь (626 мужичӧй,888 нывбаба), 1926 воын — 344 овмӧс, 1742 олысь (835 мужичӧй, 907 нывбаба).
1930 воын сиктас вӧлӧмаӧсь школа, лыддьысян керка, челядь керка, агропункт, ветпункт, йӧзпӧвстса отсӧг сетан крестьяна комитет, милициялӧн участок.
1970 воын Мокчойын олӧма 1601 морт; 1979 воын — 1484 морт; 1989 воын — 1377 морт (685 мужичӧй, 692 нывбаба), коми

Олысь лыд

Олысь лыд

2010	2021
1046	↗1700

500

1000

1500

2000

2010

2021

Медводдза овъяс

• Артеев, Ануфриев, Батманов, Витязев, Вокуев, Канев, Попов, Сметанин, Филиппов.

Овмӧс

Велӧдӧм

Сиктын эм шӧр школа.

Культура

Сиктын эм культура керка.

Нималана йӧз

• Хатанзейский Андрей Гурьевич (1923—1945) — Сӧветскӧй Союзса Герой (1945).
• Сметанина Раиса Петровна (1952) — Сӧвет кадся нималана лызьӧн котралысь, Олимпиада ворсӧмъясын нёльысь вермысь.
• Артеева Агафья Тимофеевна (1918—1996) — нималана коми вӧралысь, Ленин орден новлӧдлысь.
• Тандзе Марья (Рочева Мария Фёдоровна) (1876—1962) — изьваса нималана бурдӧдчысь-веськӧдчысь.

Тӧдчана эмторъяс

Ӧтуввез

Ӧшмӧсъяс

• Жеребцов И.Л. Где ты живешь: Населенные пункты Республики Коми. Историко-демографический справочник. — Сыктывкар, 2000.
• История Коми с древнейших времен до конца XX века: В 2-х т. / Под общей редакцией А.Ф. Сметанина. — Сыктывкар, 2004.
• Республика Коми: Энциклопедия. — Сыктывкар, 1997—2000. — Т. 1—3.
• Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
• Административно-территориальное и муниципальное устройство Республики Коми (на 1 августа 2006 г.). Издание шестое, официальное / ГУ «ТФИ РК». — Сыктывкар, 2006. — 278 с.
• Изьва мулӧн ин нимъяс. Топонимия Ижемского района / Сост. Е.А. Хозяинова. — Изьва: МБУК «Ижемский районный историко-краеведческий музей», 2013. ISBN 978-5-7934-0535-5.

Ыстӧдъяс

Мокчой сиктувса оланінъяс
Ӧнія оланінъяс: Гам • Косъёль • Кулим • Мокчой • Шель •