Гам (Изьва район)

Гам
	Сикт
Гам
	64°58′57″ с. ш. 53°48′02″ в. д.GЯO
Страна	Россия
РФ-са субъект	Коми Республика
Муниципальнӧй район	Изьва
Сикт овмӧдчӧмин	Мокчой
История да география
Лӧсьӧдӧма	1745 воын
Воддза нимъяс	Гамская, Злӧба.
Ыджда	1,1 км²
Шӧрин вылна	46 м
Йӧз
Олысь лыд	▼437 чел. (2020);
Лыдпаса идентификаторъяс
Телефон код	+7 82140
Пошта индекс	169462
ОКАТО код	87204870002
ОКТМО код	87604470106
	Гам Москва
	Медиафайлы на РУВИКИ.Медиа

Гам (рочӧн Гам) — Коми Республикаса Изьва районын Мокчой сикт овмӧдчӧминӧ пырысь сикт.

Ним артмӧм

Сиктлӧн нимыс артмӧма кам «(таръяслӧн, дозмӧръяслӧн) койт, койтанін» кывсянь. Гам — «койтанінын меститчӧм сикт»^[2].
Изьва районӧ Гам ойконимсӧ вӧлі вайӧма улыс Эжвасянь. Та вылӧ тшӧтш индӧ Злӧба вайӧм ним^[3].

Фольклор

Гамын паськалӧмаӧсь Аминько, Мича Вань, Тандзе Маръя йылысь преданиеяс. Быд во Иван лунӧ сикт шӧрын нуӧдӧны гаж.

География

Грезд пукалӧ Изьва юлӧн шуйга берегын. Гамсянь Мокчой шӧрсиктӧдз 3 км, Изьва юрсиктӧдз 7 км. Грездыс артмӧма татшӧм юкӧнъясысь: Вылыс Гам, Улыс Гам, Злӧба, Терпиян, Нӧлынь, Косъёль, Пышпиян, Кӧч мыльк, Катш мыльк.

Ывласям[вежны | Вежны кодировкаын]

Ывласямыс шӧркодь кӧдзыд. Шӧркодь t: 0,4°С.
Вогӧгӧрся шӧркодь енэжваыс — 650 мм.^[4]

Ывласям Гамын (видзӧдан кадколастыс 1991—2021).
Петкӧдлас	Тӧвшӧр тӧлысь	Урасьӧм тӧлысь	Рака тӧлысь	Косму тӧлысь	Ода-кора тӧлысь	Лӧддза-номъя тӧлысь	Сора тӧлысь	Моз тӧлысь	Кӧч тӧлысь	Йирым тӧлысь	Вӧльгым тӧлысь	Ӧшым тӧлысь	Во
Шӧркодь максимум, °C	−13,7	−12,2	−5,1	2,3	9,4	15,7	20,2	15,9	10,3	2,5	−5	−9,3
Шӧркодь температура, °C	−16,4	−14,8	−8,3	−1,4	5,3	12	16,4	12,7	7,6	0,6	−7,1	−11,8	0,4
Шӧркодь минимум, °C	−19,4	−17,7	−12,2	−5,9	0,2	7,1	11,6	9,1	4,8	−1,4	−9,6	−14,5
Енэжва норма, мм	36	28	28	33	42	53	64	69	59	58	48	43	650
Шӧркодь васӧд, %	78	79	78	75	66	66	66	75	80	84	86	81
Источник: Климат: Гам

История

• Артмӧма 1745—1763 вояс костын.
• 1782 — «Гамская» грезд, 157 олысь (75 мужичӧй, 82 нывбаба), индӧма медся тшӧкыда паныдасьысь овъяс.
• 1795 — Гам грездын олӧ 167 морт (77 мужичӧй, 90 нывбаба), 1816 — 248 морт (121 мужичӧй, 127 нывбаба).
• 1835—1850-ӧд воясӧ некымын семья мунлӧмаӧсь Гамысь мӧдлаӧ: Т.Г. Рочев — Уквавомӧ, Е.Г. Рочев — Поромӧсьӧ, Ф.В. Рочев да Т.А. Ануфриев — Щелляюрӧ, П.И. Рочев — Красноборӧ, И.С. Семяшкин — Кедвавомӧ. 1837 воӧ Е.А. Рочев мунӧма Соловецкӧй манастырӧ. Мунлӧмаӧсь и ылӧджык: 1856 воӧ Ф.З. Рочев мунӧма овны Тобольск губерняӧ^[5].
• 1859 — Гамын 51 овмӧс, 440 олысь (206 мужичӧй, 234 нывбаба).
• XIX нэм помын, 1897 воын тані олӧма 588 морт, 1905 воын — 865 морт. 1926 воын Гамын вӧлӧма 137 овмӧс, 709 олысь (325 мужичӧй, 384 нывбаба). Сэсся йӧз лыдыс неуна содіс, но 1970—80-ӧд воясӧ кутіс чинны.

Олысь лыд

Олысь лыд
1782	1795	1816	1859	1897	1905
157	↗167	↗248	↗440	↗588	↗865
1926	1970	1979	1989	1995	2000
↘709	↗863	↘791	↘713	↗734	↘677
2002^[6]	2007	2010^[7]	2020^[8]
↘388	↗539	↘514	↘437

100

200

300

400

500

600

700

800

900

1782

1905

1995

2020

Медводдза овъяс

1782 — Рочев, Терентьев, Ануфриев, Дуркин^[9].

Культура

Сиктын эм культура керка^[10] да библиотека.

Велӧдӧм

1890-ӧд воӧ Гамын воссьӧма вичкобердса школа, 1914-ӧд воын — йӧзӧс велӧдан Министерство бердын ӧти класса школа. Школаыс уджалӧма ас керкаясын.
1927-ӧд воӧ лэптӧмаӧсь выль керка, кӧні ӧнӧдз меститчӧ школа. Гам грездын ӧнія кадӧ уджалӧ ӧкмыс класса школа^[11]. Сідзжӧ уджалӧ «Мада» нима челядь сад.

Спорт

Вӧлӧн тӧвся ордйысьӧмъяс

2013 восянь быд во тӧлын нуӧдӧны вӧлӧн ордйысьӧмъяс^[12]^[13].

Нималана йӧз

• Ануфриева Альбина Зиновьевна (1940—1996) — коми гижысь. Сійӧ тӧдмӧдіс коми лыддьысьысьӧс нималана изьваса бурдӧдчысь Тандзе Маръякӧд (Рочева Мария Фёдоровна (1866—1962), гижис сы йылысь «Тандзе Марья» казьтылан висьт.
• Любовь Ануфриева (Баяр Люба) (1987) — том коми поэт.
• Вокуев Ермил Михайлович (1992-ӧд вося рака тӧлысь 29-ӧд лун) — лыжиӧн котралысь. Россияса сборнӧйын 2013-ӧд восянь. Кыкысь вӧлӧма Россияса чемпионӧн, юниоръяс пӧвстын ставмирса чемпион, тӧвся Универсиадаын вермысь (Трентино), ставмирса да ставроссияса тшупӧдын призёр, лыжиӧн котралӧмын Россияса спорт мастер. Ордйысьӧмъясын петкӧдлӧ Коми Республика да «Динамо» физкультурно-спортивнӧй котыр.
• Попов Палладий Иванович (1879-1937) — Гамса Сретенньӧ вичкоын служитысь (1913-1937). 2001-ӧд вося йирым 6-ӧд лунӧ Вежа Синод иерей Палладий Поповӧс индіс вежаӧн да пыртіс XX нэмся Россияса новомученикъяс да исповедникъяс Соборӧ.
• Тандзе Марья (Рочева Мария Фёдоровна (1866—1962) — Печора да Изьва вожын нималана бурдӧдчысь.
• Хозяинова Галина Валерьяновна (1957 во) — коми кыв да литература, роч кыв да литература, история велӧдысь. Медвылыс квалификация категорияа велӧдысь. Методист, коми кывйысь велӧдчан небӧгъяс лӧсьӧдысь.

Тӧдчана эмторъяс

• Грезд шӧрын сулалӧ Сретенньӧ вичко, кодӧс лэптылӧмаӧсь 1903-ӧд воӧ.
• Вичко водзын сулалӧ гражданскӧй война кадӧ усьӧм салдатъяслы сиӧм памятник.
• Гамӧ пыранінын (Злӧбаын) ӧнӧдз сулалӧ перна, кӧні дорын XX нэм шӧрӧдз на нуӧдлісны «скӧт молебенъяс»: од вылӧ лэдзӧм водзын священник киськавліс скӧтсӧ вежа ваӧн.
• Гамын эм Василий Иванович Хозяинов нима парк.

Ӧтуввез

Ӧшмӧсъяс

• Атлас Республики Коми. — Москва, 2000.
• История Коми с древнейших времен до конца XX века: В 2-х т. / Под общей редакцией А.Ф. Сметанина. — Сыктывкар, 2004.
• Жеребцов И.Л. Где ты живешь: Населенные пункты Республики Коми. Историко-демографический справочник. — Сыктывкар, 2000.
• Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
• Республика Коми: Энциклопедия. — Сыктывкар, 1997—2000. — Т. 1—3.
• Административно-территориальное и муниципальное устройство Республики Коми (на 1 августа 2006 г.). Издание шестое, официальное / ГУ «ТФИ РК». — Сыктывкар, 2006. — 278 с.

Ыстӧдъяс

↑ https://rosstat.gov.ru/vpn/2020/Tom1_Chislennost_i_razmeshchenie_naseleniya
↑ А.П. Афанасьев. Топонимия Республики Коми. Словарь-справочник. Сыктывкар: Коми книжное издательство, 1996.
↑ А. И. Туркин. Топонимический словарь Коми АССР. Сыктывкар: Коми книжное издательство, 1986.
↑ Климат: Гам (неопр.). Шыӧдчан кадпас: 3 урасьӧм тӧлысь 2018. Архивируйтӧма 4 урасьӧм тӧлысь 2018.
↑ Жеребцов И.Л. Где ты живёшь: Населенные пункты Республики Коми. Историко-демографический справочник. — Сыктывкар, 2000. — С. 70-71.
↑ http://www.perepis2002.ru/content.html?id=11&docid=10715289081460 (неопр.).
↑ https://rosstat.gov.ru/free_doc/new_site/perepis2010/croc/perepis_itogi1612.htm (неопр.).
↑ https://rosstat.gov.ru/vpn/2020/Tom1_Chislennost_i_razmeshchenie_naseleniya (неопр.).
↑ Жеребцов И. Гам // Республика Коми. Энциклопедия. Том I. — Сыктывкар: Коми книжное издательство, 1997. — С. 352.
↑ Гамский сельский Дом культуры
↑ Муниципальное бюджетное общеобразовательное учреждение "Гамская основная общеобразовательная школа"
↑ Репортаж «В селе Гам прошли традиционные конные скачки» Архивса копия 25 рака тӧлысь 2016 Wayback Machine ресурсын Телеканал «Юрган» 11.03.15.
↑ Статья «И снег летел из-под копыт» Архивса копия 27 косму тӧлысь 2015 Wayback Machine ресурсын на сайте газеты «Новый север», 28.03.14

Мокчой сиктувса оланінъяс

Ӧнія оланінъяс:

Гам • Косъёль • Кулим • Мокчой • Шель •

[_bb269f5efc12a657-1] ttps://rosstat.gov.ru/vpn/2020/Tom1_Chislennost_i_razmeshchenie_naseleniya

[2] А.П. Афанасьев. Топонимия Республики Коми. Словарь-справочник. Сыктывкар: Коми книжное издательство, 1996.

[3] А. И. Туркин. Топонимический словарь Коми АССР. Сыктывкар: Коми книжное издательство, 1986.

[4] Климат: Гам (неопр.). Шыӧдчан кадпас: 3 урасьӧм тӧлысь 2018. Архивируйтӧма 4 урасьӧм тӧлысь 2018.

[5] Жеребцов И.Л. Где ты живёшь: Населенные пункты Республики Коми. Историко-демографический справочник. — Сыктывкар, 2000. — С. 70-71.

[6] ttp://www.perepis2002.ru/content.html?id=11&docid=10715289081460 (неопр.).

[7] ttps://rosstat.gov.ru/free_doc/new_site/perepis2010/croc/perepis_itogi1612.htm (неопр.).

[8] ttps://rosstat.gov.ru/vpn/2020/Tom1_Chislennost_i_razmeshchenie_naseleniya (неопр.).

[9] Жеребцов И. Гам // Республика Коми. Энциклопедия. Том I. — Сыктывкар: Коми книжное издательство, 1997. — С. 352.

[10] Гамский сельский Дом культуры

[11] Муниципальное бюджетное общеобразовательное учреждение "Гамская основная общеобразовательная школа"

[12] Репортаж «В селе Гам прошли традиционные конные скачки» Архивса копия 25 рака тӧлысь 2016 Wayback Machine ресурсын Телеканал «Юрган» 11.03.15.

[13] Статья «И снег летел из-под копыт» Архивса копия 27 косму тӧлысь 2015 Wayback Machine ресурсын на сайте газеты «Новый север», 28.03.14

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]