Новгород обласьт

Босьтӧма Рувикиысь
Россия Федерацияса субъект
Новгород обласьт
Новгородчина
Valdai IverskyMon asv2018 img47.jpg
Дӧрапас[d] Канпас[d]
Дӧрапас[d] Канпас[d]
58°26′00″ с. ш. 32°23′00″ в. д.GЯO
Страна  Россия
Административнӧй шӧрин Ыджыд Новгород
Новгород обласьтса губернатор Дронов Александр Валентинович (и. о.)
Новгород обласьтса думаӧн Веськӧдлысь Бобрышев Юрий Иванович
История да география
Артмӧдан кадпас 1944-ӧд вося сора тӧлысь 5-ӧд лун
Ыджда

54 501 км²

  • (49-ӧд места)
Джуджда
 • Максимальнӧй 296 м
 • Шӧркост 50-сянь 200-ӧдз м
 • Минимальнӧй 18 м
Час кытш МСК
Медыджыд каръяс Ыджыд Новгород, Боровичи, Старая Русса, Пестово, Окуловка
Экономика
ВРП 262,0[2] млрд шайт (2018)
 • места 60-ӧд места
 • морт вылӧ 434,2[5] сюрс шайт
Олысь лыд
Олысь лыд

↘571 447[6] морт (2024)

  • (68-ӧд места)
Олысь лыд (квадратнӧй километр му вылын) 10,49 морт/км²
Войтырсикасъяс рочьяс, украинечьяс, чиганъяс да мукӧд
Конфессияяс Православие, Иудаизм, Католицизм да мукӧд
Лыдпаса идентификаторъяс
ISO 3166-2 код RU-NGR
ОКАТО код 49
РФ субъектлӧн код 53
Телефон код 89331[7]
Преемственносьт
← Ленинград обласьт
← [[Новгород губерния  (рус.) (коми]]
Официальнӧй сайт
Новгород обласьт на карте
Наградаяс Ленин орден — 1967 вося урасьӧм тӧлысь 16-ӧд лун
Логотип РУВИКИ.Медиа Медиафайлы на РУВИКИ.Медиа

Новгород обласьт (рочӧн Новгоро́дская о́бласть) — Россия Федерацияса субъект[8]. Меститчӧ канмулӧн Европаса рытыв-войвыв юкӧнын. Обласьт пырӧ Рытыв-Войвыв федеральнӧй кытшӧ.

Административнӧй шӧрин — Ыджыд Новгород.

Обласьтлӧн площадь — Рытыв-Войвыв федеральнӧй кытшса сизим обласьт пиысь квайтӧд — 54,5 сюрс км². Обласьт мутаслӧн кузьтаыс рытыввывсянь асыввылӧ — 385 км, а войвывсянь лунвылӧ — 278 км[9]. Рытыввылын да рытыв-лунвылын Новгород обласьткӧд орччӧн сулалӧ Псков обласьт, лунвылын да асыв-лунвылын — Тверь обласьт, войвылын да рытыв-войвылын — Ленинград обласьт, асыв-войвылын — Вӧлӧгда обласьт. Олысь лыд — 571 447[6] морт (2024). 2021 вося лыдпасъяс серти Ыджыд Новгородын олӧ 225 сюрс морт.

Артмӧдӧма СССР-са ВС Президиумлӧн 1944 во сора тӧлысь 5-ӧд лунся индӧдӧн. История боксянь обласьт водзын вӧлі Новгород губерния, коді котыртчис 1727 воын.

Новгород обласьтлӧн символ[10]
Новгород обласьтлӧн карта
Обласьтса Мошенскӧй районын Островенское ты
Аньяслӧн Николо-Вяжищскӧй ставропигиальнӧй манастыр

Му веркӧс да пытшкӧс

Вӧр-ва условиеяс

Обласьтыс меститчӧма Роч тшӧтшкӧсінлӧн рытыв-войвылын, босьтӧ Приильменскӧй увтасінлысь да Валдайскӧй вывтасінлӧн войвыв гӧра кокадъяслысь мутассӧ[11][12].

Обласьт рытыввыв юкӧнын меститчӧ ёна нюрсялӧм Приильменскӧй увтасін, кӧні шӧрас позьӧ аддзыны обласьтса тыяс пиысь медся ыджыд тысӧ — Ильмень ты.

Асыввылын увтасіныс кыптӧ да помасьӧ Валдайскӧй тшупӧдӧн, мый сайын меститчӧ Валдайскӧй вывтасін, Асыввыв Европаса тшӧтшкӧсінын медмича местаясысь ӧти[13]. Ильмень тыӧ усьӧ 52 ю, гырысьджыкъясыс на пиысь: Мста, Шелонь да Полистьӧн Ловать, петӧ ӧти ю — Волхов.

Обласьт пасьта визувтӧ сюрс гӧгӧр ю, меститчӧма 800-ысь унджык ты. Новгород обласьтлӧн пӧшти став мутасыс куйлӧ Ильмень-Волховскӧй бассейнын, неыджыд асыв-войвыв юкӧныс пырӧ Мологи бассейнӧ, Волга вожӧ, рытыввыв юкӧнын — Луга ю йыв[11].

Новгород обласьтлӧн ывласямыс — шӧр континентальнӧй циклоническӧй. Сійӧ пырӧ шӧр поясын атлантика-континентвывса обласьтӧ, мыйлы лӧсялӧ кыдзи саридзса, сідзи и континентвывса ывласям.

Обласьт ывласям да поводдя вылӧ медсясӧ тӧдчӧ география боксянь сылӧн иныс — Рытыв-Войвылын 100—400 км ылнаын меститчӧ Балтика саридз. Тані шоныд, ёна зэрӧ-лымъялӧ. Обласьтлы лӧсялӧ абу жар дженьыд гожӧм, кузь шоныд ар, шондӧдӧмъясӧн небыд тӧв да ыркыд кузь тулыс.

Поводдяыс тані пыр вежласьӧ. Циклонъяс вежсьӧны антициклонъясӧн, саридзса сынӧд вежӧ континентвывса сынӧд, та вӧсна тані то кӧдздӧдӧ, то шондӧдӧ, то поводдяыс кос, то усьӧ лым-зэр.

Вогӧгӧрся шӧркодь температураыс вежсьӧ рытыв-лунвывсянь асыв-войвылӧ 4,5 ºС-сянь 2,5 ºС-ӧдз. Медся кӧдзыд тӧвшӧр тӧлысьын шӧркодь температураыс — 8-10,5 ºС, медся шоныд сора тӧлысьын — +16 — +18ºС. Температуралӧн вося амплитудаыс 25-27º.

Во гӧгӧр усьӧ 600-800 мм лым-зэр. Лымйыс куйлӧ 120—150 лун, рытыв-лунвывсянь асыв-войвывлань сійӧ пыр унджык — 25-сянь 50 см-ӧдз2.

Обласьтыс юксьӧ кык подпровинция вылӧ: лунвыв пармаса да сораса вӧръяс вылӧ[14].

2019 вося тӧвшӧр тӧлысь 1 лун вылӧ Новгород обласьтын 129 торйӧн ёна видзан вӧр-ва мутас, найӧ меститчӧны 397 сюрс гектар вылын (регионлӧн ӧтувъя площадьысь 7,3 %). Федеральнӧй тӧдчанлуна ООПТ лыдӧ пырӧны «Рдейскӧй» канму вӧр-ва заповедник, «Валдайскӧй» национальнӧй парк да «Академик Н. И. Железновлӧн рас» вӧр-ва памятник. Регион тӧдчанлуна ООПТ петкӧдлӧма 13 канму вӧр-ва заказникӧн (на пиысь 3 биологическӧй, 10 комплекснӧй) да 112 вӧр-ва памятникӧн. Меставывса тӧдчанлуна ООПТ — 1 вӧр-ва памятник.

Ресурсъяс

Мупытшса озырлунъяс: лыа, изъя-каржаа-лыаа сырьё, торф, сапропель, рудовгӧрд изшом, ыджыд жарысь повтӧм да стрӧитчан сёй, бокситъяс да мукӧд. Обласьт озыр минеральнӧй да радоновӧй ӧшмӧсъясӧн, бурдӧдан няйтъясӧн (ХІХ нэмсянь паськыда тӧдса «Старая Русса» курорт). Мупытшса минеральнӧй юан ва перйӧм серти Новгород обласьт лоӧ Рытыв-Войвыв регионын медводдзаӧн. Бӧръя воясӧ зіля аддзӧны выль куйлӧдъяс. 2019 вося тӧвшӧр тӧлысь 1 лун кежлӧ обласьтын туялӧма да босьтӧма канму баланс вылӧ 196 чорыд мупытшса озырлун куйлӧд.

На пиысь ӧні перйӧны: стрӧитчан лыаяс да изъя-каржаа-лыаа сырьё — 166, ыджыд жарысь повтӧм сёй — 3, кирпич да гырнич вӧчан сёй — 3, стеклӧ вӧчан кварца лыаяс — 2, стрӧитчан из — 4, кориз — 3, вӧр-васа облицовочнӧй из (кориз) — 3, сапропель — 3, бурдӧдан няйтъяс — 1. 641 торф куйлӧдысь перйӧны ӧкмыссӧ.

Уджӧдан куйлӧдъяс кындзи эмӧсь промышленнӧй куйлӧдъяс, кытысь сырьёӧн оз вӧдитчыны экономика помкаяс вӧсна (сотчысь сланечьяс, бокситъяс, рудовгӧрд изшом, сьӧкыда сылысь сёйяс, минеральнӧй краскаяс)[15].

История

Историко-культурнӧй му

Пырджык лыддьыссьӧ, мый VI нэмын тайӧ муясӧ воисны кривич племяяс, а VIII нэмын Асыввыв Европаса тшӧтшкӧсінӧ славяна овмӧдчигӧн воис ильменскӧй словенъяслӧн племя. Тані овлӧмаӧсь и финн-йӧгра племяяс, на йылысь висьталӧны уна лыда ю да ты нимъяс.

• VIII—IX нэмъяссянь (862 восянь) — Новгород му;
• 882—1136 — Киев Русь тэчасын;
• 1136—1478 — Новгород республика тэчасын;
• 1478 воын Новгород му лоӧ Москваса княжество улын, видзӧма сылысь пяттиннӧй (пятина — уезд — погост) юксьӧмсӧ[16];
• 1706 воын Новгородса да Великолуцкӧй митрополит Иова зільӧмӧн Новгородын архиерей керка бердын вӧлі восьтӧма медводдза школа — греко-славянскӧй школа, кӧні уджалісны Лихуда вокъяс;
• 1708 восянь Ингерманландскӧй губерния тэчасын;
• 1727 восянь — обласьтлӧн ӧнія мутасыс вӧлі Новгород губерниялӧн рытыввыв юкӧнӧн, а 1918 восянь и Череповецкӧй губерниялӧн юкӧнӧн, 1921 восянь кыкнан губернияыс пырисны нӧшта и Рытыв-Войвыв обласьтӧ;
• 1927 вося моз тӧлысь 1 лунсянь кыкнан губерниясӧ вӧлі бырӧдӧма, а муыс пырис Новгород, Боровичскӧй кытшъясӧ да Ленинград обласьтын Череповецкӧй кытшлӧн рытыввыв юкӧнӧ, а ӧнія Холмскӧй районлӧн мутасыс — Великолукскӧй кытшӧ;
• 1930 вося сора тӧлыссянь кытш юклӧмсӧ вӧлі бырӧдӧма: районъясыс, кодъяс сэки пырисны обласьтӧ, а сідзжӧ Новгород да Боровичи каръяс лоисны веськыда Леноблисполком кипод улын.

Новгород обласьт

1944 вося сора тӧлысь 5-ӧд лун — СССР-са Медвылыс Сӧвет Президиумлӧн Индӧдӧн вӧлі котыртӧма РСФСР-ын Ленинград обласьтын да Калининскӧй обласьтын артмӧм районъясысь да обласьтувса Новгород, Боровичи да Старая Русса каръясысь Новгород обласьт. Обласьтӧ пырисны обласьтлӧн став ӧнія районъясыс, но 1944 вося моз тӧлысь 22-ӧд лунӧ Холмскӧй район вӧлі вуджӧдӧма Великолукскӧй обласьтӧ, кытчӧ сійӧ пырліс 1958 воӧдз, а Белебёлковскӧй, Дрегельскӧй, Залучскӧй, Лычковскӧй, Мстинскӧй, Опеченскӧй, Полавскӧй, Уторгошскӧй районъяссӧ вӧлі бырӧдӧма ыдждӧдӧм тшӧт весьтӧ ӧнія мутасӧ найӧс пыртӧмӧн, Молвотицкӧй район вӧлі бырӧдӧма да выльысь артмӧдӧма кыдзи Марёвскӧй район. Таысь кындзи, 1956 воын Ленинград обласьтса Бокситогорскӧй районӧ вӧлі сетӧма Дрегельскӧй районысь Дмитровскӧй да Мозолевскӧй сельсӧветъяс.

1967 вося урасьӧм тӧлысь 16-ӧд лунӧ СССР-са Медвылыс Сӧвет Президиумлӧн Индӧдӧн Новгород обласьтлы сетӧма Ленин орден[17].

50-ӧд вояс помын — 60-ӧд вояс заводитчигӧн Новгород обласьтын ӧдйӧ кутіс сӧвмыны электроннӧй промышленносьт. Сӧвет кадӧ Новгород вӧлі радиоэлектроника вӧчан шӧринъясысь ӧтиӧн.

Йӧз

Росстатлӧн лыдпасъяс серти обласьтын олӧ 571 447[6] морт (2024). Йӧз лыд — 10,49 морт/км2 (2024). Карса олысьяс — 74,33[18] % (2022).

2010 воын обласьтын чужис 7203 морт, куліс 12 751 морт. Естественнӧя чинӧма 5548 морт.
• Кулысьяслӧн коэффициент — 1 сюрс морт вылӧ 20,1 кулысь (2009 во — 20,4)
• Чужысьяслӧн коэффициент — 1 сюрс морт вылӧ 11,3 чужысь (2009 во — 11,2)
• Миграция боксянь содӧм — 387 морт (2009 во — 586 морт)

Олысь лыд
1897[19]1926[20]1941[21]1944[22]1945[23]1947[24]1959[25]1970[26]1979[27]1987[28]1989[29]
1 367 022↘1 050 604↘880 000↘391 800↗456 000↗488 000↗736 529↘721 471↗721 790↗752 000↗753 054
1990[30]1991[30]1992[30]1993[30]1994[30]1995[30]1996[30]1997[30]1998[30]1999[30]2000[30]
↗753 369↘751 908↘748 820↘746 950↘742 100↘739 368↘735 557↘731 464↘729 747↘726 027↘718 565
2001[30]2002[31]2003[30]2004[30]2005[30]2006[30]2007[30]2008[30]2009[30]2010[32]2011[30]
↘710 261↘694 355↘692 138↘682 628↘674 071↘665 365↘657 595↘652 437↘645 986↘634 111↘632 799
2012[33]2013[34]2014[35]2015[36]2016[37]2017[38]2018[39]2019[40]2020[41]2021[42]2022[18]
↘629 748↘625 855↘622 430↘618 703↘615 692↘612 522↘606 476↘600 296↘596 508↘583 387↘581 578
2023[43]2024[6]
↘575 926↘571 447
250 000
500 000
750 000
1 000 000
1 250 000
1 500 000
1897
1947
1989
1994
1999
2004
2009
2014
2019
2024

Ставнас обласьтын 1989 восянь 2010 воӧдз йӧзлӧн лыдыс чиніс 15, 7 % вылӧ, но ӧткымын районъясын тайӧ лыдпасыс ёна ыджыдджык (2008 вося тӧвшӧр тӧлысь 1 лун вылӧ): Маловишерскӧй район — 23 %, Демьянскӧй район — 23,5 %, Поддорскӧй район — 28, 4 %.

Войтырсикасъяс

2002 воын да 2010 воын йӧзӧс ставроссияса гижалӧм серти:

Войтырикас 2002
морт		 %
ставнас		 %
войтырсикассӧ
индысьяс
лыдысь		 2010
морт		 %
ставнас		 %
войтырсикассӧ
индысьяс
лыдысь
694 355 100,00 % 634 111 100,00 %
Рочьяс 652 165 93,92 % 94,68 % 560 280 88,36 % 95,06 %
Украинечьяс 10 449 1,50 % 1,52 % 7025 1,11 % 1,19 %
Чиганъяс 3388 0,49 % 0,49 % 3598 0,57 % 0,61 %
Беларусъяс 5294 0,76 % 0,77 % 3438 0,54 % 0,58 %
мукӧд 17 484 2,52 % 2,54 % 15 054 2,37 % 2,55 %
ставнас индісны войтырсикассӧ 688 780 99,20 % 100,00 % 589 395 92,95 % 100,00 %
войтырсикас йылысь юӧрыс абу 5575 0,80 % 0,81 % 44716 7,05 % 7,59 %

Административно-территориальнӧя юклӧм


Обласьтса Подувпуктас да «Новгород обласьтлӧн административно-территориальнӧй тэчасног йылысь» Оланпас серти Россия Федерацияса субъектӧ пырӧны татшӧм административно-территориальнӧй единицаяс[44][45]:
• обласьт тӧдчанлуна 3 кар (Боровичи, Ыджыд Новгород, Старая Русса)
• 21 район, кытчӧ пырӧ:
• район тӧдчанлуна 7 кар (Валдай, Малая Вишера, Окуловка, Пестово, Сольцы, Холм, Чудово)
• 112 овмӧдчӧмин
• сиктса олан пунктъяс. Обласьтлӧн муниципальнӧй тэчасног серти Новгород обласьтса административно-территориальнӧй единицаяс мудоръясын ставнас артмӧдӧма 142 муниципальнӧй юкӧн[46]:
1 кар кытш (Ыджыд Новгород);
• 21 муниципальнӧй район, кытчӧ пырӧны:
• 19 кар овмӧдчӧмин,
• 101 сикт овмӧдчӧмин. 2020 вося рака тӧлысьын муниципальнӧй кытшъясӧн лоисны Волотовскӧй[47], Марёвскӧй[48], Солецкӧй[49] да Хвойнинскӧй[50] муниципальнӧй районъяс.

Сӧвет керка, кӧні меститчӧмаӧсь Новгород обласьтса Веськӧдлан котыр да Новгород обласьтса дума

2023 воын муниципальнӧй кытшъясӧн лоисны Демьянскӧй[51], Крестецкӧй[52], Мошенскӧй[53] да Пестовскӧй[54] муниципальнӧй районъяс.

2024 воын муниципальнӧй кытшъясӧн лоисны Батецкӧй[55] да Холмскӧй[56] муниципальнӧй районъяс.

2024 восянь Новгород обласьтлӧн муниципальнӧй тэчасногыс татшӧм:
• 1 кар кытш (Ыджыд Новгород);
• 10 муниципальнӧй кытш;
• 11 муниципальнӧй район, кытчӧ пырӧны:
• 13 кар овмӧдчӧмин,
• 52 сикт овмӧдчӧмин.

Старая Русса карын ва сетан башня
Кар кытш, муниципальнӧй кытшъяс да районъяс
Ним Олысьяс Административнӧй шӧрин Шӧринын олысьяс
Ыджыд Новгород ↘223 191[43] Ыджыд Новгород кар ↘223 191[43]
Батецкӧй МК ↘4823[42] Батецкӧй посёлок ↘2258[57]
Боровичскӧй район ↘61 555[42] Боровичи кар ↘47 883[42]
Валдайскӧй район ↘22 318[42] Валдай кар ↗14 074[42]
Волотовскӧй МК ↘4284[42] Волот посёлок ↘2236[57]
Демьянскӧй МК ↘9932[42] Демьянск ккп. ↗4501[42]
Крестецкӧй МК ↗11 793[42] Крестцы ккп. ↗8221[42]
Любытинскӧй район ↘7533[42] Любытино ккп. ↗2471[42]
Маловишерскӧй район ↘13 479[42] Малая Вишера кар ↘9996[42]
Марёвскӧй МК ↘3402[42] Марёво сикт ↘2297[57]
Мошенскӧй МК ↗5979[42] Мошенское сикт ↘2065[41]
Новгород район ↗64 037[42] Ыджыд Новгород кар ↘223 191[43]
Окуловскӧй район ↘19 387[42] Окуловка кар ↗9949[42]
Парфинскӧй район ↘11 935[42] Парфино ккп. ↗6481[42]
Пестовскӧй МК ↘18 785[42] Пестово кар ↘14 032[42]
Поддорскӧй район ↘3387[42] Поддорье сикт ↘1860[57]
Солецкӧй МК ↘11 310[42] Сольцы кар ↘8449[42]
Старорусскӧй район ↘38 595[42] Старая Русса кар ↘27 487[42]
Хвойнинскӧй МК ↘13 594[42] Хвойная ккп. ↗6090[42]
Холмскӧй МК ↘4845[42] Холм кар ↘3214[42]
Чудовскӧй район ↘18 887[42] Чудово кар ↗14 302[42]
Шимскӧй район ↘9241[42] Шимск ккп. ↘3349[42]
Олан пунктъяс, кӧні олӧ 5000 унджык морт
Ыджыд Новгород ↘223 191[43]
[Боровичи ↘47 883[42]
Старая Русса ↘27 487[42]
Пестово ↘14 032[42]
Валдай ↗14 074[42]
Чудово ↗14 302[42]
Малая Вишера ↘9996[42]
Панковка ↗10 109[42]
Окуловка ↗9949[42]
Сольцы ↘8449[42]
Крестцы ↗8221[42]
Парфино ↗6481[42]
Хвойная ↗6090[42]

Экономика

География да экономика боксянь районъяс вылӧ юклігӧн обласьтсӧ пыртӧны Рытыв-Войвыв экономика районӧ

Росстатлӧн отчёт мыччӧдъяс серти Новгород обласьтын регионса валӧвӧй прӧдуктыс 2016 воын лоис 244,5 млрд шайт, 2015 во серти содіс ӧтластитан донъясын 1,6 %, ӧнія донъясын — 4,4 % вылӧ. Обласьтын быд морт вылӧ регионса валӧвӧй прӧдуктыс артмис 398,1 сюрс шайт, 2015 во кежлӧ содан ӧдыс ӧнія донъяс серти воис 105,0 %-ӧдз[58].

2017 вося кывкӧртӧдъяс серти Новгород обласьт бурмӧдіс ассьыс местасӧ РФ-са субъектъясын инвестиция климат серти национальнӧй рейтингын 24 позиция вылӧ, босьтіс 29-ӧд места[59].

2018 воын Новгород обласьтын вӧлі лӧсьӧдӧма «Угловка» социальнӧй да экономика боксянь водзын сӧвмысь мутас (ТОСЭР), кӧні резидентъяс инвестиция проектъяс збыльмӧдігӧн кутасны босьтны вот да страхӧвӧй мынтӧмъяс вештӧм серти кокньӧдъяс.

2018 восянь Новгород обласьтын уджалӧны Том йӧзлӧн инновационнӧй творчество шӧрин, асшӧр индустриальнӧй парк, «ГАРО» завод подув вылын бизнес-инкубатор да технопарк.

Новгород обласьтын лӧсьӧдӧма ичӧт да шӧр бизнеслы отсӧг сетан комплекснӧй система, коді ӧтувтӧ уна сикас инфраструктура: Ичӧт предпринимательстволы отсӧг сетан Новгородса фонд (микрокредитнӧй компания) да сы подув вылын уджалысь Кластернӧя сӧвмӧдан шӧрин, Предпринимательстволы отсӧг сетан шӧрин, Экспортлы отсӧг сетан шӧрин; Социальнӧй юкӧнса инновацияяс шӧрин. Став услугаяссӧ позьӧ босьтны «ӧти ӧшинь» пыр, таын отсалӧны Новгород обласьт сӧвмӧдан агентство[60], «Менам бизнес» услугаяс сетан шӧринъяс да бизнеслы уна мога шӧринъяс. Ичӧт предпринимательстволы отсӧг сетан Новгородса инфраструктура сетӧ места вылын МСП корпорациялысь агентскӧй услугаяс, позьӧ мытшӧдтӧг вӧдитчыны «Российский экспортный центр» АК услугаясӧн, восьтӧма МСП Банклысь представительство.

Промышленносьт

1952 воын Новгородын вӧлі восьтӧма войнабӧрса медводдза предприятие — «Волна» завод. Завод лэдзліс бытӧвӧй телевизоръяс да профессиональнӧй студийнӧй аппаратура.

1958 воын Ленинградса Совнархозлӧн шуӧм серти вӧлі котыртӧма Новгородса телевизионнӧй завод, ӧні — «Квант» акционер котыр. Заводын лэдзӧм медводдза модельӧн лоис «КВН-49» телевизор. 1960 воын завод заводитіс лэдзны «Волхов» телевизор.

1958 воын Ленинградса Совнархозлӧн шуӧм серти вӧлі котыртӧма конструктор бюро (КБ), кӧні 1982 воын вӧлі лӧсьӧдӧма «Растр» промышленнӧй телевидениелӧн наука туялан институт, коді дасьті телевизионнӧй комплексъяс. Тайӧ институтлӧн прикладнӧй телевизионнӧй установкаясӧн вӧлі могмӧдӧма Белоярскса да Воронежса атомнӧй электростанцияяс, «Ленин» медводдза атомнӧй ледокол, Нью-Йоркын медводдза сӧветскӧй промышленнӧй выставка.

Ленинскӧй комсомол нима заводын, 1975 во

1959 воын вӧлі восьтӧма Ленинскӧй комсомол нима Новгородса полупроводниковӧй завод, кодӧс тӧдӧны кыдзи 21-ӧд №-а пошта ящик. 1961 воын завод бердын вӧлі котыртӧма конструктор бюро. Талун сійӧ — «Планета» ОКБ.

1961 воын лӧсьӧдӧма электромагнитнӧй компонентъяс лэдзан предприятие (Рытыв-Войвыв регион могмӧдӧм вылӧ) — Радиотехническӧй изделиеяслӧн Новгородса завод, бӧрынджык сійӧс нимтісны «XXIV Партсъезд нима» заводӧн. Предприятие пырис Новгородса «Комплекс» наука-производственнӧй ӧтулӧ. 1996 вося лӧддза-номъя тӧлысь 25-ӧд лунсянь — тайӧ «Трансвит» ВАК.

1966 воын вӧлі котыртӧма «Завод им. 50-летию Октября», коді лэдзліс телевизоръяслы телевизионнӧй канал переключательяс (ӧні «Старт» НПӦ).

1978 воын «Комплекс» НПӦ тэчасын лои нӧшта ӧти предприятие — «Спектр» завод, кодӧс лӧсьӧдӧма, медсясӧ, аймуса «ВМ-12» видеомагнитофон вӧчӧм вылӧ.

Новгород обласьтса промышленносьт

Обласьтын экономика боксянь позянлунлы подувсӧ артмӧдӧ производственно-промышленнӧй сектор. ВРП тэчасын сылӧн пайыс 37,2 %[61]. Производственно-промышленнӧй комплексын 1670 предприятие, сы лыдын 150 гырысь да шӧр предприятие[62]. Регионса валӧвӧй прӧдуктыс содӧ да 2014 воын лоис 209,3 млрд шайт, 2015 воын — 234,1 млрд шайт, 2016 воын — 244,5 млрд шайт[63].

«Обрабатывайтан производствояс» удж сикас серти промышленнӧй производство сӧвмӧдан индекс (кольӧм во серти %) 2015 во 2016 во 2017 во
Россия Федерация 96,6 101,1 102,1
Рытыв-Войвыв федеральнӧй кытш 96,0 102,0 103,5
Новгород обласьт 102,7 103,8 104,5

Промышленносьтыс артмӧдӧ обласьтын став босьтӧм чуктӧслысь 88 прӧчентсӧ, сэні уджалӧ 21,5 гӧгӧр прӧчент уджавны вермысь йӧз. Кызвыннас сійӧ сӧвмӧма Ыджыд Новгородын, Боровичиын, Старая Руссаын да Чудовоын.

Регионса промышленносьт петкӧдчӧ кызвыннас обрабатывайтан производствоясӧн (90 % гӧгӧр), кытчӧ пырӧны экономикаын татшӧм удж сикасъяс:

химическӧй производство:

• «Акрон» ПАК (мувердас вӧчӧм);

сёян-юан вӧчӧм:

• «Лактис» ПАК (йӧлысь прӧдукция вӧчӧм);
• «Великоновгородский мясной двор» ВАК (яя прӧдукция, калбас, полуфабрикатъяс вӧчӧм);
• «Боровичский мясной двор» ПАК (яя прӧдукция, калбас, полуфабрикатъяс вӧчӧм);
• «Новгородхлеб» ВАК (няньысь вӧчӧмторъяс);
• «Дека» АК (юанторъяс, сур вӧчӧм);
• «Мондэлис Русь» ИКК (няклялантор да лампасей вӧчӧм);

вӧр обработайтӧм да пуысь изделиеяс вӧчӧм:

• «ЮПМ-Кюммене Чудово» ИКК (фанера вӧчӧм);
• «Парфинский фанерный комбинат» ИКК (фанера вӧчӧм);
• «ПЛК» ИКК (тьӧс-плака вӧчӧм), «Икеа Индастри Новгород» ИКК (ДСП вӧчӧм);
• «Хасслахерлес» ИКК (тьӧс-плака вӧчӧм);;

целлюлоза да бумага вӧчӧм: • «Амкор Тобакко Пэкеджинг Новгород» ИКК (восьтӧмӧн сигарет гартӧм вылӧ чорыд этикет (картон пачкаяс);

электрооборудование вӧчӧм:

• «ОКБ Планета» АК (микроэлектроника изделиеяс, электротехническӧй прӧдукция, СВЧ-радиотехника изделиеяс вӧчӧм);
• «НПО Квант» АК (противоздушнӧй оборонаса мувыв радиоэлектроннӧй средствояс);
• «Старт» научно-производственное предприятие" акционер котыр (электрооборудование, электроннӧй да оптическӧй оборудование вӧчӧм);;
• «Специальное конструкторское бюро по релейной технике» АК (микроэлектроника изделиеяс, электротехническӧй прӧдукция, СВЧ-радиотехника изделиеяс вӧчӧм);

транспорт средствояс да оборудование вӧчӧм

• «Новтрак» ПАК (прицепъяс, полуприцепъяс вӧчӧм);

мукӧд абу металлическӧй минеральнӧй прӧдукция вӧчӧм:

• «Боровичский комбинат огнеупоров» АК (пропантъяс, ыджыд жарысь повтӧм изделиеяс, неформированнӧй материалъяс);
• «Угловский известковый комбинат» ВАК (кориз, кориз пызь);

металлургия производство да дась металл изделиеяс вӧчӧм:

• «Новгородский металлургический завод» ПАК (ыргӧн катанка, ыргӧн переработайтӧм);

мебель вӧчӧм:

• «Боровичи-Мебель» ПАК;
• «Элегия» ИКК.

Энергетика

2021 во заводитчигкежлӧ Новгород обласьтын уджӧдісны вит шоныд сетан электростанция, налӧн ӧтувъя вынйӧрыс — 440 МВт. 2020 воын найӧ вӧчисны 2003 млн кВт·ч электроэнергия[64].

Видз-му овмӧс

2021 вося тӧвшӧр тӧлысь 1 лун вылӧ сиктса олысьяслӧн лыдыс 167777 морт, Новгород обласьтса став олысьысь 28 %.

Новгород обласьтын ывласямыс сетӧ позянлун вӧдитны татшӧм медшӧр видз-му овмӧс культураяс — нянь, нянь-бобы, кӧрым культураяс, а сідзжӧ картупель, градвыв пуктас да уна вося турунъяс. Сы вӧсна, мый тані шоныдыс этша, угоддьӧясыс ичӧт контуръясаӧсь, муыс мукӧдлаын ёна нюрсялӧма да васӧд, колӧ уна вын да сьӧм, медым нуӧдны видз-му овмӧссӧ. Новгород обласьтын 602,1 сюрс га видз-му овмӧс угоддьӧ, на пиысь 425,4 сюрс га — гӧрӧм муяс. Обласьтын уджалӧны уна сикас котыртан-инӧда формаа 133 видз-му овмӧс организация, 795 крестьянин (фермер) овмӧс, 191 000 ас подсобнӧй овмӧс

Новгород обласьт Рытыв-Войвылын вӧчӧ медся уна картупель, градвыв пуктас[65], кольк да яй[66].

Регионын сӧвмӧма рӧдвыв база да кӧйдыс быдтан система[67]. Уджалӧ 10 рӧдвыв репродуктор, на лыдын 2 — яя скӧт видзӧм серти, 2 — порсь видзӧм серти да 6 — йӧла скӧт видзӧм серти. Уджалӧ кӧйдыс быдтан 7 овмӧс, на пиысь 5-ыс вӧчӧны картупель кӧйдыс, 2-ыс — нянь культура кӧйдыс. Обласьт тырвыйӧ могмӧдӧ асьсӧ бур картупель да нянь кӧйдысъясӧн. Регионлӧн шедӧдӧмторъясысь ӧти — тайӧ вирустӧм картупель быдтан меристемнӧй технология. 2016 воын босьтӧма 62,5 сюрс штука картупель, 2017 воын — 300 сюрсысь унджык штука.

2009 воын Новгород обласьтса делегация участвуйтіс «Зарни ар-2009» агропромышленнӧй выставкаын[68].

Скӧт видзӧм

Видз-му овмӧсын медшӧр юкӧнӧн лоӧ скӧт видзӧм. Медшӧр нырвизьяс — йӧла да яя скӧт видзӧм, порсь видзӧм да чипан видзӧм. Порсь яй гырысь вӧчысьясӧн лоӧны «Новгородский Бекон» ИКК, "Агрохолдинг «Устьволмский» ИКК, «НовСвин» ИКК, чипан яй вӧчысьяс — «Белгранкорм — Великий Новгород» ИКК.

2021 вося рака тӧлысь 1 лун вылӧ став видз-му овмӧсын артавсис 28,4 сюрс гырысь скӧт (-2,1 %), на лыдын 14,2 сюрс мӧс (-2,7 %), 132,4 сюрс порсь (+1,7 %), 17,9 сюрс ыж да кӧза (-2,5 %). Олысьяслӧн овмӧсъясын вӧлі 19,6 % гырысь скӧт, 2,8 % порсь, 64,3 % ыж да кӧза[69].

Быдмӧг вӧдитӧм

2020 воын картупельсӧ босьтӧма 3,7 сюрсысь унджык гектарысь, шӧр урожай дырйи 256,1 ц/га чукӧртӧма 93,6 сюрс тонна картупель. Тайӧ культурасӧ чукӧртан йӧрыш серти регионыс Рытыв-Войвыв федеральнӧй кытшын медводдза.

РВФК-ын восьса муын быдмысь градвыв пуктас чукӧртӧм серти Новгород обласьт водзвылын сӧмын Ленинград обласьт. Тайӧ культураяссӧ регионын идралӧма 1,8 сюрс га площадь вылысь (планӧвӧй петкӧдласысь 77,2 %), чукӧртӧма 48,1 сюрс тонна градвыв пуктас, шӧр урожай дырйи 340,3 ц/га. Во сайын Новгородса аграрийяс 1,3 сюрс гектарысь чукӧртісны 46,8 сюрс тонна восьса муын быдмысь градвыв пуктас, урожайыс сэки вӧлі 347,6 ц/га[70].

2020 воын нянь идралӧма 14303 га площадь вылысь, сы лыдын кӧрым вылӧ — 2554 га, нянь вылӧ — 11749 га, вартӧма 36,3 сюрс тонна (78 % планысь). Ӧктӧма 1477 га площадь вылысь рапс, ставнас чукӧртӧма 2636 тонна[71].

Кӧдзан площадьяс:
во 1959 1990 1995 2000 2005 2010 2015
сюрс гектар 567[72] 484,8[73] 371,8 280,1[73] 180,6[74] 181,4 178,5[74]

Транспорт

Кӧрт туй транспорт

Ӧні Ыджыд Новгород кӧрт туй кузя йитчӧма Улыс Новгородкӧд, Владимиркӧд, Москвакӧд, Тверькӧд, Петыркаркӧд, Петрозаводсккӧд, Витебсккӧд, Вильнюскӧд, Калининградкӧд, Мурмансккӧд, Бресткӧд, Минсккӧд.

2018 воын бурмӧдӧма Чудово-Московское, Батецкая, Окуловка, Парфино, Сольцы станцияяс вылын да на бердын пассажиръяслы кӧрт туй комплекслысь инфраструктура объектъяссӧ.

2017—2018 воясын воссисны «Ыджыд Новгород — Петрозаводск»[75], «Ыджыд Новгород — Калининград» да «Ыджыд Новгород — Улыс Новгород» туйвизьяс[76], мый отсаліс кыпӧдны Новгород обласьтлысь туристическӧй позянлунъяссӧ. 2019 воын восьтӧма «Петрозаводск — Ыджыд Новгород — Псков» выль маршрут.[77].

Автомашина туйяс

• М10 (E 105) магистральнӧй федеральнӧй автомашина туй: Москва — Петыркар («Россия»);
• Р56 (А116) федеральнӧй автомашина туй: Ыджыд Новгород — Сольцы — Порхов — Псков;
• М11 «Москва — Петыркар» ыджыд ӧдӧн ветлӧм вылӧ автомашина туй. Новгород обласьтса автомашина туйяслӧн кузьтаыс лоӧ 14969 км, сы лыдын федеральнӧй тӧдчанлуна 400 км туй, регионса да муниципалитеткостса тӧдчанлуна 8421 км туй, меставывса тӧдчанлуна 6148 км туй.

2017 воын Новгород обласьтын дзоньталӧма регионса да муниципалитеткостса тӧдчанлуна 314 км автомашина туй, на пиысь 270 км дзоньталӧма федеральнӧй сьӧмкуд тшӧт весьтӧ. Сӧмын 2017 воын дзоньталӧма сы мында, кымын 2014, 2015 да 2016 воясӧ ӧтув. Таысь кындзи, федеральнӧй отсӧгӧн дзоньталӧма Ыджыд Новгородын 16,9 км улича-туй вез, Боровичи карын — 2 гӧгӧр км. Сідзжӧ дзоньталӧма 12 пос.

Ставнас Новгород обласьтын бурмӧдӧма 1000 км гӧгӧр автомашина туй.

2018 воын бурмӧдӧма обласьтса 1000 км-ысь унджык автомашина туй. Таысь кындзи, Мошенскӧй да Любытинскӧй муниципальнӧй районъяслӧн эмбурӧ сетӧма 544,5 км автомашина туй, кодъяс оз лӧсявны регион тӧдчанлуна туйяслӧн критерийяслы.

Сынӧдті новлӧдлӧм

Ӧні Новгород обласьтын аэропорт абутӧм вӧсна сынӧді йӧзсӧ оз новлӧдлыны. Гражданскӧй авиациялӧн сынӧдса судноясӧн торъя чартернӧй рейсъяс позьӧ вӧчны Оборона министерствокӧд сёрнитчӧмӧн Сольцы аэродром вылӧ да 123 авиаремонтнӧй заводлӧн администрациякӧд сёрнитчӧмӧн — Старая Русса аэродром вылӧ. 2014 воын «Кречевицы» вӧвлӧм военнӧй аэродромлысь инфраструктурасӧ вуджӧдӧма Новгород обласьтлӧн эмбурӧ. Аэродромлысь объектъяссӧ сетӧма «НовгородТрансАвиа» канму казённӧй обласьтса учреждениелӧн оперативнӧй веськӧдлӧм улӧ.

2016 воын искусственнӧй лэбзян-пуксян полосасӧ, магистральнӧй рулёжнӧй туйлысь юкӧнсӧ, КРД пасйӧма кыдзи IV класса самолётъяслы да вертолётъяслы пуксян площадка, прӧстӧй лунся метеорологическӧй условиеясын кыпӧдчӧм да пуксьӧм вылӧ.

2018 воын «Кречевицы» пуксян площадкалӧн аэронавигационнӧй паспортӧ вӧлі пыртӧма вежсьӧмъяс, кутшӧмъяс серти «Кречевицы» пуксян площадка вермас примитны III класса самолётъяс да став сикас вертолёт. Сідзжӧ «Кречевицы» аэродромсӧ туялӧма сы серти, позьӧ-ӧ сэні лӧсьӧдны Ыджыд Новгородлы аэропорт.

2018 воын «Кречевицы» аэродром пыртӧма 2024 воӧдз Россия Федерацияса магистральнӧй инфраструктура выльмӧдан да паськӧдан планӧ, мый вынсьӧдӧма Россия Федерацияса Веськӧдлан котырлӧн 2018 во кӧч тӧлысь 30-ӧд лунся 2101-р №-а тшӧктӧмӧн.

Новгород обласьтын транспорт
Malaya Vishera station.JPG M10 in Novgorod region.jpg М11 указатель.jpg
Ичӧт Вишера — Россияын медся важ кӧрт туй станцияясысь ӧти Обласьтса медшӧр автомагистраль — М10 федеральнӧй автомашина туй М11 ыджыд ӧдӧн ветлӧм вылӧ автомашина туй

Туризм

2019 воын Новгород обласьтса туристическӧй карта босьтіс «Маршрут года» ставроссияса туристскӧй VI премия вылын «Медбур туристическӧй карта (регион)» нимпасын 2-ӧд места[78].

Велӧдӧм

Новгород обласьтын уджалӧны школаӧдз велӧдан 190 организация, 164 общеобразовательнӧй организация, содтӧд тӧдӧмлун сетан 73 организация, уджсикасӧ велӧдан 23 организация да вылыс тшупӧда тӧдӧмлун сетан 2 организация.

Новгород обласьтын велӧдан юкӧнлӧн история (сӧвет кад)[79]

1919 воын велӧдысьяслӧн семинарияяс подув вылын воссис Новгородын йӧзӧс велӧдан институт. 1922 воын сійӧс нимтісны Йӧзӧс велӧдан практическӧй институтӧн, а 1923 воын — Педагогика техникумӧн[80]. Татшӧм вежсьӧмыс вӧлі йитчӧма сэтшӧмторкӧд, мый ичӧт школалы вӧлі колӧны кадръяс, а сиктын олысьяслысь колӧ вӧлі кыпӧдны культурасӧ. 1945 воын вӧлі примитӧма помшуӧм восьтыны Велӧдысьяслысь тӧдӧмлунсӧ бурмӧдан Новгород обласьтса институт.

1934 восянь 1953 воӧдз Новгородын кадръяссӧ дасьтісны Новгородса велӧдысьяслы канму институтын, а 1953 восянь 1993 воӧдз — Новгородса канму педагогика институтын.

Войнабӧрса кадӧ кутіс сӧвмыны промышленносьт, та вӧсна ёна ковмисны бур уджалысьяс, инженерно-техническӧй уджалысьяс. Тадзи 1961 воын Новгородын воссис В. И. Ленин нима Ленинградса электротехническӧй институтлӧн ӧтувъя техническӧй факультет. 1964 воын факультет лоис Ленинградса электротехническӧй институтлӧн Новгородса филиалӧн, а 1973 воын нин филиал подув вылын вӧлі лӧсьӧдӧма Новгородса политехническӧй институт. НПИ-са уджалысьяс да сылӧн ректор В. В. Сорока водзмӧстчисны, медым Новгородын вӧлі классическӧй университет. Сідз, 1991 воын вӧлі котыртӧма Ярослав Мудрый нима Новгородса канму университет[81].

1944 восянь велӧдан юкӧнын веськӧдлан органӧн вӧлі йӧзӧс велӧдан юкӧн, юкӧнӧн веськӧдліс З. Т. Лобова. 1988 восянь юкӧнсӧ вӧлі вежӧма йӧзӧс велӧдӧмӧн веськӧдланінӧ, коді уджаліс 4 во.

Школаӧдз велӧдӧм[79]

2018 вося моз тӧлысь вылӧ школаӧдз велӧдан системаын уджалӧ 189 муниципальнӧй да канму детсад, 1 ведомствоса детсад. 43 школаын эмӧсь школаӧдз велӧдан группаяс. Сідзжӧ регионын школаӧдз велӧдан юкӧнын велӧдан услугаяссӧ сетӧ абу канму 3 организация. 2012 восянь 2018 воӧдз регионса детсадъясын вӧлі лӧсьӧдӧма челядьлы 3,6 сюрсысь унджык содтӧд места.

Школаӧдз велӧдан юкӧнын зільӧ 3,3 сюрсысь унджык морт. 37,7 % уджалысьыслӧн эм шӧр педагогика тӧдӧмлун, 56,9 % — вылыс тшупӧда педагогика тӧдӧмлун.

Ӧтув велӧдӧм[79]

2018/2019 велӧдчан во заводитчигӧн Новгород обласьтын уджаліс 164 муниципальнӧй (канму) общеобразовательнӧй организация, наын велӧдчӧ 64630 морт. Регионса школаясын велӧдчӧ дзоньвидзалунын дзескӧдӧм позянлуна 5679 морт. 96,8 % школьник велӧдчӧ медводдза сменаын.

Ӧтув велӧдан системаын уджалӧ 7 сюрсысь унджык морт, на лыдын педагогика уджалысьяс — 4663, велӧдысьяс — 4113. Медвылыс квалификация категория эм 1546 мортлӧн, медводдза — 1524 мортлӧн. Общеобразовательнӧй организацияясын педагогика уджалысьяс пӧвстысь 70%-ыс 35 арӧсысь ыджыдджык.

Торъя общеобразовательнӧй организацияяс везйӧ, кӧні велӧдӧны адаптируйтӧм общеобразовательнӧй уджтасъяс серти, пырӧ 9 общеобразовательнӧй организация: 1 — пельтӧм да омӧля кылысь велӧдчысьяслы, сёрниын сьӧкыд торксьӧмъяса велӧдчысьяслы; 1 — велӧдчысьяслы, кодъяс лёка аддзӧны да ветлӧдлӧны; 1 — психика сӧвмӧмын торксьӧмъяса велӧдчысьяслы; 6 — вежӧрын торксьӧмъяса велӧдчысьяслы. Сэні велӧдчӧ дзоньвидзалунын дзескӧдӧм позянлуна 1645 велӧдчысь, 11 вермытӧм, 502 вермытӧм челядь.

Ыджыд Новгородын стрӧитӧма 2 выль общеобразовательнӧй школа.

Содтӧд тӧдӧмлун сетӧм[79]

Новгород обласьтын велӧдан, культура да спорт юкӧнын уджалӧ челядьлы содтӧд тӧдӧмлун сетан 72 организация. Содтӧд тӧдӧмлун сетӧны сідзжӧ школаяс, бать-мамтӧм челядьлы организацияяс да уджсикасӧ велӧдан организацияяс.

Содтӧд тӧдӧмлун босьтӧ 77194 велӧдчысь — обласьтын олысь 5 арӧссянь 18 арӧсӧдз став челядь лыдысь 96,55 %. Школаясын содтӧд тӧдӧмлун босьтӧ 58,7 % (46931 морт), челядьлы содтӧд тӧдӧмлун сетан организацияясын — 37,85 % (30263 морт). Челядьлы содтӧд тӧдӧмлун сетан организацияяс подув вылын уджалӧ уна сикас нырвизя 1598 ӧтув.

Ыджыд Новгородын уджалӧ «Морской центр капитана Варухина Н. Г.» учреждение, кӧні быд во велӧдчӧны саридзвыв уджӧ 700 сайӧ челядь. 1967 восянь шӧринын саридзвыв уджӧ велӧдӧма 10000-ысь унджык том мортӧс, шӧринсӧ 3000-ысь унджык помалысь уджалӧны ювыв да саридзвыв флотлӧн суднояс вылын, служитӧны военнӧй карабъяс вылын.

Техническӧй творчество сӧвмӧдӧм могысь 2017 вося лӧддза-номъя тӧлысьын вӧлі котыртӧма «Новгородса Кванториум». Челядьлӧн эм позянлун пырӧдчыны «IT-квантум», «Энерджиквантум», «Дополненная и виртуальная реальность (VR/AR)», «HI-TECH», «Геоквантум», «Биоквантум-Акрон», «Робоквантум» нырвизьясӧ, а сідзжӧ ветлыны коворкинг, англия кыв серти занятиеяс вылӧ, велӧдчыны шахмат да математика классъясын. 2018 во помын Кванториумын велӧдчис 800-ысь унджык челядь.

Уджсикасын шӧр тӧдӧмлун сетӧм[79]

Новгород обласьтын уджсикасын шӧр тӧдӧмлун сетан системаӧ пырӧ 16 организация[82], велӧдан абу канму 1 организация да Ярослав Мудрый нима Новгородса канму университетын 2 филиал. Сэні велӧдчӧ 13 сюрс гӧгӧр морт, уджалӧ 860-ысь унджык педагог да производство велӧдан мастер.

Регионын содӧ уджсикасӧ велӧдан организацияясӧ босьтӧмаяслӧн пайыс (2013 воын — 49,9 %, 2018 воын — 53 %). Сідзжӧ содӧма уджсикасӧ велӧдан организацияяслӧн лыдыс, кӧні дасьтӧны кадръяссӧ ТОП-50 серти (2017 во — 72 %; 2018 во — 83 %).

2016 восянь Новгород обласьт пырӧдчис Ворлдскиллс Россия ӧтмунӧмӧ. Регионын нуӧдӧма нин 19 компетенция серти «Том профессионалъяс» кык регионса чемпионат. Ворлдскиллс Россия стандартъяс серти демонстрационнӧй экзаменъяс нуӧдӧма 7 компетенция серти. 2018 воын Новгород обласьтса делегацияысь 6 морт пиысь нёльыс пырисны «Том профессионалъяс» национальнӧй VI чемпионатлӧн финалса призёръяс да медаль босьтысьяс лыдӧ.

2017 воын «Абилимпикс» вермытӧмъяс да дзоньвидзалунын дзескӧдӧм позянлуна йӧз пӧвстын уджсикасын кужанлунъяс серти национальнӧй чемпионатлӧн финалын регионса студентъяслӧн сборнӧй шедӧдіс приза куим места, 2018 воын — приза нёль места.

Наука

Новгород обласьт лоӧ 15 регионысь ӧтиӧн, кӧні 2006 вося кӧч тӧлысь 1 лунсянь вӧлі пыртӧма велӧдӧмын регионса компонент пыдди Православнӧй культураын подувъяс предмет[83].

Спорт

Новгород обласьтын 1762 спорт стрӧйба, на лыдын искусственнӧй йиӧн вевта 3 спорт объект, 3 стадион, 33 бассейн, 4 легкоатлетическӧй манеж да 1 биатлон комплекс.

Регионын уджалӧ вынйӧр сӧвмӧдан да спорт 24 организация, на лыдын олимпиада резервӧ дасьтан 5 спортшкола. Новгород обласьтын сӧвмӧма сынӧм серти спорт (академическӧй сынӧм), спортивнӧй вермасьӧм, спортивнӧй гимнастика, спортивнӧй акробатика, лызьӧн котралӧм.

Обласьтын быд во нуӧдӧны регионса да войтыркостса тшупӧда 230-ысь унджык официальнӧй спорт ордйысьӧм, на лыдын «Кубок Золотова» спортивнӧй акробатика серти войтыркостса ордйысьӧмъяс, спортивнӧй ориентирование серти Россияса первенство, фигурнӧя исласьӧм серти Россияса кубоклысь финал, сынӧм серти спорт, спортивнӧй гимнастика, спортивнӧй вермасьӧм, паруснӧй спорт серти ставроссияса ордйысьӧмъяс.

Новгород обласьтын збыльмӧдӧны «Будь в спорте» регионса проект. Проектлӧн формат серти вося быд тӧлысь сиӧма ӧти спорт сикаслы либӧ спортын зільӧмлы, проектӧ пырӧ тема серти 4 блок, нуӧдӧны уна йӧза зарядкаяс, спорт сикасъяс серти восьса урокъяс, вынйӧр сӧвмӧдан да спорт организацияясын восьса лунъяс да ордйысьӧмъяс.

Культура

Ставнас Новгород обласьтын меститчӧма 684 культура учреждение, на лыдын:

• культура да прӧст кад коллялан 300 учреждение (на лыдын 12 кинотеатр);
• 326 библиотека;
• челядьлы 30 шылада школа да искусство школа;
• 11 музей;
• 2 театр. Обласьтса медся гырысь культура учреждениеясӧн лоӧны: • «Новгородский государственный объединённый музей-заповедник» федеральнӧй канму сьӧмкуд культура учреждение;
• «Новгородское областное театрально-концертное агентство» культура да искусство обласьтса асшӧрлуна учреждение, кытчӧ пырӧны А. С. Аренский нима Новгород обласьтса филармония, Новгород обласьтса Киносервис, Новгород обласьтса йӧзкост творчество керка, Ф. М. Достоевский нима Новгородса академическӧй драма театр;
• «Государственный музей художественной культуры Новгородской земли» культура да искусство канму сьӧмкуд учреждение;
• Новгород обласьтлӧн выль история серти канму архив.

«Россия. Регионы» серияысь Новгород обласьтлы сиӧм Россиялӧн 2011 вося пошта марка вылын Православнӧй Софийскӧй соборлӧн медшӧр юрйыв, «Витославлицы» йӧзкостса пу зодчество музей (вылас веськыдвылын) да Ильмень ты (ЦФА [«Марка» АК] № 1465)

Нималанторъяс

Новгород обласьт — Россияса медся важ историко-культурнӧй мутасъясысь ӧти, кӧні кутіс сӧвмыны роч канму. Регионын меститчӧма 5204 культура озырлун объект. На пиысь федеральнӧй тӧдчанлуна — 2165 (41,6 %), регион тӧдчанлуна — 1691 (32,5 %), аддзӧм культура озырлун объектъяс — 1348 (25,9 %). Унджыкыс — 1924 — археология памятникъяс.

Ыджыд Новгородлӧн символъясысь ӧтиӧн, коді меститчӧ Кремль шӧрын, лоӧ «Тысячелетие России» аслыспӧлӧс памятник. Памятникыс юксьӧ куим ярус вылӧ, быдӧнлӧн аслас вежӧртас да тэчас. Фигураяслӧн ӧтувъя лыд — 129. Найӧ петкӧдлӧны странаын став тӧдчана лоӧмторсӧ: Русьын йӧзӧс пыртӧм, тотараӧс вӧтлӧм, империялы подув пуктӧм.

1992 воын ЮНЕСКО-ын Генеральнӧй Ассамблеялӧн XVI сессия дырйи вӧлі шуӧма пыртны Ыджыд Новгородса да сы гӧгӧрса 37 памятниксӧ да ансамбльсӧ Ставмирса культура озырлунъяслӧн лыддьӧгӧ. Медся важсяӧн да донаӧн лоӧны: XII—XIX нэмъясся Антониев манастырлӧн, XI—XIX нэмъясся Кремльлӧн, XII—XIX нэмъясся Юрьев манастырлӧн, XII—XVIII нэмъясся Ярославов Дворищелӧн культура слӧй, архитектура ансамбльяс.

Ыджыд Новгородын, а сідзжӧ Боровичиын, Валдайын, Старая Руссаын уна памятник пырӧны «Новгородса ӧтувтӧм канму музей-заповедник» федеральнӧй канму культура учреждениелӧн оперативнӧй веськӧдлӧм улӧ. На лыдын:

• «Витославлицы» пу зодчество музей;
• Иверскӧй манастыр;
• Шимскӧй районлӧна Коростынь сиктъясын, Валдайскӧй районлӧн Едрово да Яжелбицы грездъясын туйвывса дворечьяс;
• Старая Руссаын Ф. М. Достоевскийлӧн, Чудовоын Н. А. Некрасовлӧн да Г. И. Успенскийлӧн керка-музейяс;
• Боровичскӧй районлӧн Кончанское-Суворовскоеын А. В. Суворовлӧн усадьба;
• Шум-гора;
• Х нэмся Славяна грезд.
2019 воын Новгород обласьтын воссис асшӧр историко-этнографическӧй музей — Изкияслӧн музей. Котыртысьяснас лоӧны Россияса коллекционер Владимир Львовский да историк Елена Михайлова. Сэні 200-ысь унджык экспонат: XV—XIX нэмъясся изкияс, тӧчитан изъяс да мукӧдтор.

Архитектура памятникъяс

• Ыджыд Новгородын нималанатор — «Ансамбль Ярославова дворища и древнего Торга», XII—XVII нэмъяс. Тайӧ архитектура комплекс, кытчӧ пырӧ 15 аслыспӧлӧс памятник;
• Волхов юлӧн шуйга берегын меститчӧма «Ансамбль Антониева монастыря и Новгородской духовной семинарии» федеральнӧй тӧдчанлуна культура озырлун объект, XII—XX нэмъяс. Ансамбльӧ пырӧ 15 архитектура памятник;
• Ыджыд Новгород помын сулалӧны Юрьев манастыр комплекс, Перынскӧй скитлӧн ансамбль да восьса енэж улын «Витославлицы» пу зодчество музей, кытчӧ чукӧртӧма уна сикас пу вичко;
• Ыджыд Новгородсянь 7 км сайын сулалӧ XVI нэмся аслыспӧлӧс архитектура комплекс — Хутынскӧй Варлаамов манастыр;
• Нималӧ XVII нэмся «Ансамбль Вяжищского монастыря», коді сулалӧ карсянь 15 км ылнаын;
• Валдайын медшӧр православнӧй нималантор — Иверскӧй манастыр. Сійӧ сулалӧ Валдай тылӧн Сельвицкӧй ді вылын. Манастырсӧ вӧлі лӧсьӧдӧма XVII нэм шӧрын Афон гӧра вылын мужичӧйяслӧн манастыр ног.

Вӧр-ва объектъяс

Новгород обласьт нималӧ оз сӧмын архитектура памятникъясӧн, но и вӧр-ва объектъясӧн[84]: • «Валдайскӧй» национальнӧй парк. Лӧсьӧдӧма 1990 воын. 159 сюрс гектар вылын меститчӧма 200 гӧгӧр ю-ты. Медыджыдыс — Вельё ты: сылӧн площадьыс 292 км², а пытшкас 200 ді. Паркын быдмӧны пуяс, кодъяслы 200-ысь унджык во. Парк кузя лӧсьӧдӧма экологическӧй ордымъяс. На пиысь медся кузьыс — 59 км, шусьӧ «Ыджыд Валдайскӧй ордымӧн». Сэті мунігӧн позьӧ аддзыны, кыдзи вежсьӧ вӧр-ваыс, а шӧр юкӧныс мунӧ парклӧн торйӧн ёна видзан зона пыр. • Боровичскӧй районын Понеретка ю мыйкӧ мында визувтӧ му увті. Роч платформа шӧр юкӧнын тайӧ медся гырысь рудӧгувса системаясысь ӧти, кӧні эмӧсь галереяяс, муувса розьяс, пыранінъяс, ваа гуяс, сифонъяс да тшупӧдъяс. Рудӧгыс пӧшти ӧти да джын километр кузьта. Сэні, кӧні Понеретка петӧ му улысь, артмӧны тшупӧдӧн усьысь водопадъяс. • «Горки» парк-усадьба. Регион тӧдчанлуна вӧр-ва памятник. Сылӧн медшӧр нималантор — Кельыдлӧз ты: сійӧс артмӧдӧны мупытшса сола ключьяс. Родон вӧсна во чӧж ваыс вежӧ рӧмсӧ бирюзасянь кельыдлӧзӧдз.

Пасйӧдъяс

  1. ↑ Валовой региональный продукт по субъектам Российской Федерации в 1998-2018гг. (рус.) (xls). https://rosstat.gov.ru/. Шыӧдчан кадпас: 31 сора тӧлысь 2025.
  2. ↑ Валовой региональный продукт по субъектам Российской Федерации в 1998-2018гг. (рус.) (xls). https://rosstat.gov.ru/. Шыӧдчан кадпас: 31 сора тӧлысь 2025.
  3. ↑ Валовой региональный продукт по субъектам Российской Федерации в 1998-2018гг. (рус.) (xls). https://rosstat.gov.ru/. Шыӧдчан кадпас: 31 сора тӧлысь 2025.
  4. ↑ Валовый региональный продукт на душу населения по субъектам Российской Федерации в 1998-2018гг. (рус.) (xls). https://rosstat.gov.ru/. Шыӧдчан кадпас: 31 сора тӧлысь 2025.
  5. ↑ Валовый региональный продукт на душу населения по субъектам Российской Федерации в 1998-2018гг. (рус.) (xls). https://rosstat.gov.ru/. Шыӧдчан кадпас: 31 сора тӧлысь 2025.
  6. ↑ 1 2 3 4 Город Севастополь в цифрах 2020 : Краткий статистический сборник. — Крымстат, 2021. — 195 с.
  7. ↑ OpenStreetMap (мн.) — 2004.
  8. ↑ Калуцкова Н.Н., Горячко М.Д. и др. Новгородская область / председ. Ю.С. Осипов и др., отв. ред. С.Л. Кравец. — Большая Российская Энциклопедия (в 35 т.). — Москва: Научное издательство «Большая российская энциклопедия», 2013. — Т. 23. Николай Кузанский - Океан. — С. 142—155. — 766 с. — 26 000 экз. — ISBN 978-5-85270-320-6.
  9. ↑ «География Новгородской области» Серова В. Н. и др. Лениздат 1988 г.
  10. ↑ Символ Новгородской области. Официальный сайт Правительства Новгородской области. Шыӧдчан кадпас: 25 сора тӧлысь 2025.
  11. ↑ 1 2 НовГУ им. Ярослава Мудрого. География и геология Новгородской области: Учеб. пособие. — Великий Новгород, 2002. — С. 4.
  12. ↑ Барышева А.А. Местные климаты и ландшафты Новгородской области. — Великий Новгород: НРЦРО, 2008. — С. 5—7.
  13. ↑ Научно-исследовательский ин-т географии Ленинградского государственного университета им. А.А. Жданова при участии фабрики №5 ГУГК и Новгородского областного Совета народных депутатов;. Атлас Новгородской области / ред. коллегия: Шведчиков Б.Н., Селиверстов Ю.П., Дуров А.Г. и др.; ст. ред. Тимофеева Н.И.; ред. Стулова Л.В.; тех. ред.: Соболева Л.Н.. — Главное управление геодезии и картографии при Совете Министров СССР, 1982. — С. 4.
  14. ↑ Антонова З.Е. Регионально-типологическое ландшафтное районирование Новгородской области // В сб.: Полевой сезон – 2015: Исследования и природоохранные действия на особо охраняемых природных территориях Новгородской области: Материалы 6-й регион. науч.-практ. конф., г. Великий Новгород, 11–12 декабря 2015 г. / Сост. и общ. ред. Е.М. Литвиновой. — ОГБУ «Дирекция по упр. ООПТ», ФГБУ «Национальный парк «Валдайский».. — СПб.: Арт-Экспресс, 2016. — С. 46—55.
  15. ↑ Обзор состояния окружающей природной среды Новгородской области в 2006 году. — Великий Новгород. — 2008. — С.49.
  16. ↑ Новгород обласьт // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  17. ↑ Новгородской области — 65 лет. Шыӧдчан кадпас: 25 сора тӧлысь 2025. Архивируйтӧма 20 сора тӧлысь 2010.
  18. ↑ 1 2 Численность населения по полу по субъектам Российской Федерации на 1 января 2022 года (с учётом итогов Всероссийской переписи населения 2020 г.). Федеральная служба государственной статистики (рус.) (30 ӧшым тӧлысь 2022). Шыӧдчан кадпас: 31 сора тӧлысь 2025.
  19. ↑ Первая Всеобщая перепись населения Российской империи 1897 года (рус.). Шыӧдчан кадпас: 25 сора тӧлысь 2025. Архивируйтӧма 11 лӧддза-номъя тӧлысь 2015.
  20. ↑ Всесоюзная перепись населения 1926 года. М.: Издание ЦСУ Союза ССР, 1928. Том 9. Таблица I. Населённые места. Наличное городское и сельское население (рус.). Шыӧдчан кадпас: 7 урасьӧм тӧлысь 2015. Архивируйтӧма 25 сора тӧлысь 2015.
  21. ↑ Реэвакуация жителей Псковской области (1944–1948 годы)
  22. ↑ Население России 1939-1945 (Вестник РАН, 2020, T. 90, № 9, стр. 845-857)
  23. ↑ Реэвакуация жителей Псковской области (1944–1948 годы)
  24. ↑ Реэвакуация жителей Псковской области (1944–1948 годы)
  25. ↑ Всесоюзная перепись населения 1959 года. Численность наличного населения городов и других поселений, районов, районных центров и крупных сельских населенных мест на 15 января 1959 года по республикам, краям и областям РСФСР (рус.). Шыӧдчан кадпас: 25 сора тӧлысь 2025. Архивируйтӧма 19 йирым тӧлысь 2013.
  26. ↑ Всесоюзная перепись населения 1970 года. Численность наличного населения городов, поселков городского типа, районов и районных центров СССР по данным переписи на 15 января 1970 года по республикам, краям и областям (рус.). Шыӧдчан кадпас: 25 сора тӧлысь 2025. Архивируйтӧма 19 йирым тӧлысь 2013.
  27. ↑ Всесоюзная перепись населения 1979 года. Численность наличного населения РСФСР, автономных республик, автономных областей и округов, краев, областей, районов, городских поселений, сел-райцентров и сельских поселений с населением свыше 5000 человек (рус.). Шыӧдчан кадпас: 31 сора тӧлысь 2025.
  28. ↑ Народное хозяйство СССР за 70 лет : юбилейный статистический ежегодник : [арх. 28 лӧддза-номъя тӧлысь 2016] / Государственный комитет СССР по статистике. — Москва : Финансы и статистика, 1987. — 766 с.
  29. ↑ Всесоюзная перепись населения 1989 года. Численность населения СССР, РСФСР и ее территориальных единиц по полу (рус.). Шыӧдчан кадпас: 31 сора тӧлысь 2025. Архивируйтӧма 10 йирым тӧлысь 2011.
  30. ↑ 1 2 3 4 5 6 7 8 9 10 11 12 13 14 15 16 17 18 19 20 Численность постоянного населения на 1 января (человек) 1990-2013 года
  31. ↑ Всероссийская перепись населения 2002 года. Том. 1, таблица 4. Численность населения России, федеральных округов, субъектов Российской Федерации, районов, городских поселений, сельских населённых пунктов - райцентров и сельских населённых пунктов с населением 3 тысячи и более (рус.). Шыӧдчан кадпас: 31 сора тӧлысь 2025. Архивируйтӧма 3 урасьӧм тӧлысь 2012.
  32. ↑ Перепись населения 2010. Численность населения России, федеральных округов, субъектов Российской Федерации, городских округов, муниципальных районов, городских и сельских поселений (рус.). Федеральная служба государственной статистики. Шыӧдчан кадпас: 31 сора тӧлысь 2025. Архивируйтӧма 6 кӧч тӧлысь 2013.
  33. ↑ Численность населения Российской Федерации по муниципальным образованиям. Таблица 35. Оценка численности постоянного населения на 1 января 2012 года (рус.). Шыӧдчан кадпас: 31 сора тӧлысь 2025. Архивируйтӧма 16 ода-кора тӧлысь 2013.
  34. ↑ Численность населения Российской Федерации по муниципальным образованиям на 1 января 2013 года (рус.). М.: Федеральная служба государственной статистики Росстат (2013). — Табл. 33. Численность населения городских округов, муниципальных районов, городских и сельских поселений, городских населённых пунктов, сельских населённых пунктов. Шыӧдчан кадпас: 31 сора тӧлысь 2025. Архивируйтӧма оригинала 12 йирым тӧлысь 2013 года.
  35. ↑ Таблица 33. Численность населения Российской Федерации по муниципальным образованиям на 1 января 2014 года (рус.). Шыӧдчан кадпас: 31 сора тӧлысь 2025. Архивируйтӧма 10 моз тӧлысь 2014.
  36. ↑ Численность населения Российской Федерации по муниципальным образованиям на 1 января 2015 года (рус.). Шыӧдчан кадпас: 31 сора тӧлысь 2025. Архивируйтӧма 23 кӧч тӧлысь 2015.
  37. ↑ Численность населения Российской Федерации по муниципальным образованиям на 1 января 2016 года (рус.) (5 йирым тӧлысь 2018). Шыӧдчан кадпас: 26 кӧч тӧлысь 2025. Архивируйтӧма 8 ода-кора тӧлысь 2021.
  38. ↑ Численность населения Российской Федерации по муниципальным образованиям на 1 января 2017 года (рус.) (31 сора тӧлысь 2017). Шыӧдчан кадпас: 26 кӧч тӧлысь 2025. Архивируйтӧма 31 сора тӧлысь 2017.
  39. ↑ Численность населения Российской Федерации по муниципальным образованиям на 1 января 2018 года (рус.). Шыӧдчан кадпас: 26 кӧч тӧлысь 2025. Архивируйтӧма 26 сора тӧлысь 2018.
  40. ↑ Численность населения Российской Федерации по муниципальным образованиям на 1 января 2019 года (рус.). Шыӧдчан кадпас: 26 кӧч тӧлысь 2025. Архивируйтӧма 2 ода-кора тӧлысь 2021.
  41. ↑ 1 2 Численность населения Российской Федерации по муниципальным образованиям на 1 января 2020 года (рус.). Шыӧдчан кадпас: 26 кӧч тӧлысь 2025. Архивируйтӧма 17 йирым тӧлысь 2020.
  42. ↑ 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более. Итоги Всероссийской переписи населения 2020 года. На 1 октября 2021 года. Том 1. Численность и размещения населения (рус.) (XLSX). Шыӧдчан кадпас: 26 кӧч тӧлысь 2025. Архивируйтӧма 1 кӧч тӧлысь 2022.
  43. ↑ 1 2 3 4 5 Численность постоянного населения Российской Федерации по муниципальным образованиям на 1 января 2023 года (с учётом итогов Всероссийской переписи населения 2020 г.). Федеральная служба государственной статистики (рус.) (18 моз тӧлысь 2023). Шыӧдчан кадпас: 31 сора тӧлысь 2025.
  44. ↑ Устав Новгородской области. Шыӧдчан кадпас: 25 сора тӧлысь 2025. Архивируйтӧма 9 вӧльгым тӧлысь 2016.
  45. ↑ Закон «Об административно-территориальном устройстве Новгородской области». Шыӧдчан кадпас: 25 сора тӧлысь 2025. Архивируйтӧма 27 косму тӧлысь 2019.
  46. ↑ Росстат. База данных показателей муниципальных образований. Характеристика субъектов Российской Федерации по типам муниципальных образований и видам муниципальных учреждений на 1 января 2010 года. Шыӧдчан кадпас: 25 сора тӧлысь 2025. Архивируйтӧма оригинала 28 лӧддза-номъя тӧлысь 2013 года. (XLS, 69 KБ)
  47. ↑ Областной закон Новгородской области от 27.03.2020 № 531-ОЗ «О преобразовании всех поселений, входящих в состав Солецкого муниципального района, путём их объединения и наделении вновь образованного муниципального образования статусом муниципального округа». Шыӧдчан кадпас: 25 сора тӧлысь 2025. Архивируйтӧма 3 вӧльгым тӧлысь 2020.
  48. ↑ «О преобразовании всех поселений, входящих в состав Марёвского муниципального района, путём их объединения и наделении вновь образованного муниципального образования статусом муниципального округа». Шыӧдчан кадпас: 25 сора тӧлысь 2025. Архивируйтӧма 26 ода-кора тӧлысь 2020.
  49. ↑ Областной закон Новгородской области от 27.03.2020 № 532-ОЗ «О преобразовании всех поселений, входящих в состав Солецкого муниципального района, путём их объединения и наделении вновь образованного муниципального образования статусом муниципального округа». Шыӧдчан кадпас: 25 сора тӧлысь 2025. Архивируйтӧма 27 ода-кора тӧлысь 2020.
  50. ↑ Областной закон Новгородской области от 27.03.2020 № 529-ОЗ «О преобразовании всех поселений, входящих в состав Хвойнинского муниципального района, путём их объединения и наделении вновь образованного муниципального образования статусом муниципального округа». Шыӧдчан кадпас: 25 сора тӧлысь 2025. Архивируйтӧма 5 вӧльгым тӧлысь 2020.
  51. ↑ Областной закон Новгородской области от 30.01.2023 № 263-ОЗ «О преобразовании всех поселений, входящих в состав Демянского муниципального района, путем их объединения и наделении вновь образованного муниципального образования статусом муниципального округа». Шыӧдчан кадпас: 25 сора тӧлысь 2025.
  52. ↑ Областной закон Новгородской области от 05 апреля 2023 года № 314-ОЗ «О преобразовании всех поселений, входящих в состав Крестецкого муниципального района, путем их объединения и наделении вновь образованного муниципального образования статусом муниципального округа». Шыӧдчан кадпас: 25 сора тӧлысь 2025.
  53. ↑ Областной закон Новгородской области от 31.03.2023 № 296-ОЗ «О преобразовании всех поселений, входящих в состав Мошенского муниципального района, путём их объединения и наделении вновь образованного муниципального образования статусом муниципального округа». Шыӧдчан кадпас: 25 сора тӧлысь 2025.
  54. ↑ Областной закон Новгородской области от 31 марта 2023 года № 295-ОЗ «О преобразовании всех поселений, входящих в состав Пестовского муниципального района, путём их объединения и наделении вновь образованного муниципального образования статусом муниципального округа». Шыӧдчан кадпас: 25 сора тӧлысь 2025.
  55. ↑ Областной закон Новгородской области от 29 января 2024 года № 459-ОЗ «О преобразовании всех поселений, входящих в состав Батецкого муниципального района, путем их объединения и наделении вновь образованного муниципального образования статусом муниципального округа». Шыӧдчан кадпас: 25 сора тӧлысь 2025.
  56. ↑ Областной закон Новгородской области от 29 января 2024 года № 460-ОЗ «О преобразовании всех поселений, входящих в состав Холмского муниципального района, путем их объединения и наделении вновь образованного муниципального образования статусом муниципального округа». Шыӧдчан кадпас: 25 сора тӧлысь 2025.
  57. ↑ 1 2 3 4 Всероссийская перепись населения 2010 года. 12. Численность населения муниципальных районов, поселений, городских и сельских населённых пунктов Новгородской области (рус.). Шыӧдчан кадпас: 2 урасьӧм тӧлысь 2014. Архивируйтӧма 30 рака тӧлысь 2014.
  58. ↑ Новгородстат. Валовый региональный продукт Новгородской области (20 вӧльгым тӧлысь 2018). Шыӧдчан кадпас: 25 сора тӧлысь 2025. Архивируйтӧма оригинала 11 сора тӧлысь 2019 года.
  59. ↑ Новгородская область поднялась на 24 позиции в Национальном инвестиционном рейтинге. tass.ru. Шыӧдчан кадпас: 25 сора тӧлысь 2025. Архивируйтӧма 24 тӧвшӧр тӧлысь 2019.
  60. ↑ Инвестиционный портал Новгородской области. novgorodinvest.ru. Шыӧдчан кадпас: 25 сора тӧлысь 2025. Архивируйтӧма 23 тӧвшӧр тӧлысь 2019.
  61. ↑ Промышленность Новгородской области | Министерство промышленности и торговли Новгородской области. minpromtorg.novreg.ru. Шыӧдчан кадпас: 25 сора тӧлысь 2025. Архивируйтӧма 29 кӧч тӧлысь 2020.
  62. ↑ Реестр предприятий области. Шыӧдчан кадпас: 25 сора тӧлысь 2025. Архивируйтӧма оригинала 29 кӧч тӧлысь 2007 года.
  63. ↑ Валовой региональный продукт::Новгородстат. novgorodstat.gks.ru. Шыӧдчан кадпас: 25 сора тӧлысь 2025. Архивируйтӧма оригинала 23 тӧвшӧр тӧлысь 2019 года.
  64. ↑ Схема и программа перспективного развития электроэнергетики Новгородской области на период 2021—2025 годов. Министерство жилищно-коммунального хозяйства и топливно-энергетического комплекса Новгородской области. Шыӧдчан кадпас: 25 сора тӧлысь 2025. Архивируйтӧма 26 косму тӧлысь 2021.
  65. ↑ Министерство сельского хозяйства Новгородской области | Производство продукции. apk.novreg.ru. Шыӧдчан кадпас: 25 сора тӧлысь 2025. Архивируйтӧма 28 урасьӧм тӧлысь 2019.
  66. ↑ Министерство сельского хозяйства Новгородской области | Животноводство. apk.novreg.ru. Шыӧдчан кадпас: 25 сора тӧлысь 2025. Архивируйтӧма 28 урасьӧм тӧлысь 2019.
  67. ↑ Министерство сельского хозяйства Новгородской области | Семеноводство. apk.novreg.ru. Шыӧдчан кадпас: 25 сора тӧлысь 2025. Архивируйтӧма 28 урасьӧм тӧлысь 2019.
  68. ↑ Золотая осень 2009 (рус.). saranskkonserv.ru. Шыӧдчан кадпас: 25 сора тӧлысь 2025.
  69. ↑ Новгородстат. Продукция сельского хозяйства. Шыӧдчан кадпас: 25 сора тӧлысь 2025. Архивируйтӧма 18 косму тӧлысь 2021.
  70. ↑ Новгородская область лидирует в СЗФО по объемам сбора картофеля 26.10.2020. Шыӧдчан кадпас: 25 сора тӧлысь 2025. Архивируйтӧма 29 вӧльгым тӧлысь 2020.
  71. ↑ Ход уборочной кампании 2020 в РФ по областям. Шыӧдчан кадпас: 25 сора тӧлысь 2025. Архивируйтӧма 31 йирым тӧлысь 2020.
  72. ↑ Основные показатели сельского хозяйства по республикам, краям и областям // Сельское хозяйство СССР. Статистический сборник (1960). — Москва: Госстатиздат ЦСУ СССР, 1960. — С. 498. — 667 с. — 10 000 экз.
  73. ↑ 1 2 Госкомстат России. Растениеводство. 14.1 Посевные площади всех культур // Регионы России. Социально экономические показатели. 2002. — Москва, 2002. — С. 490. — 863 с. — 1600 экз. — ISBN 5-89476-108-5. Архивированная копия. Шыӧдчан кадпас: 25 сора тӧлысь 2025. Архивируйтӧма оригинала 19 косму тӧлысь 2019 года.
  74. ↑ 1 2 Федеральная служба государственной статистики. Растениеводство. 14.5 Посевные площади сельскохозяйственных культур // Регионы России. Социально экономические показатели. 2016. — Москва, 2016. — С. 726. — 1326 с. — ISBN 978-5-89476-428-3.
  75. ↑ Новости Великого Новгорода и Новгородской области. www.novreg.ru. Шыӧдчан кадпас: 25 сора тӧлысь 2025. Архивируйтӧма 23 тӧвшӧр тӧлысь 2019.
  76. ↑ Новости Великого Новгорода и Новгородской области. www.novreg.ru. Шыӧдчан кадпас: 25 сора тӧлысь 2025. Архивируйтӧма 8 моз тӧлысь 2020.
  77. ↑ Новости Великого Новгорода и Новгородской области. www.novreg.ru. Шыӧдчан кадпас: 25 сора тӧлысь 2025. Архивируйтӧма 23 тӧвшӧр тӧлысь 2019.
  78. ↑ Всероссийская премия туристических маршрутов. Russian Travel Tour Awards. Объявлены победители Всероссийской туристской премии «Маршрут года» 2019. tourawards.ru. Шыӧдчан кадпас: 25 сора тӧлысь 2025.
  79. ↑ 1 2 3 4 5 Образование Новгородской области. edu53.ru. Шыӧдчан кадпас: 25 сора тӧлысь 2025. Архивируйтӧма 6 рака тӧлысь 2019.
  80. ↑ История образования в Великом Новгороде. museum.novsu.ac.ru. Шыӧдчан кадпас: 25 сора тӧлысь 2025. Архивируйтӧма 1 урасьӧм тӧлысь 2018.
  81. ↑ Новгородский Государственный Университет им. Ярослава Мудрого. www.novsu.ru. Шыӧдчан кадпас: 25 сора тӧлысь 2025. Архивируйтӧма 28 урасьӧм тӧлысь 2019.
  82. ↑ Профессиональные образовательные организации. edu53.ru. Шыӧдчан кадпас: 25 сора тӧлысь 2025. Архивируйтӧма 20 урасьӧм тӧлысь 2019.
  83. ↑ C 1 сентября во многих школах страны добавится ещё один обязательный предмет — основы православия. Newsru (30 моз тӧлысь 2006). Шыӧдчан кадпас: 4 моз тӧлысь 2025. Архивса копия 3 лӧддза-номъя тӧлысь 2020 Wayback Machine ресурсын
  84. ↑ Светлана Гусева. Достопримечательности Новгородской области: где и что посмотреть. Youtravel.me (9 рака тӧлысь 2024). Шыӧдчан кадпас: 25 сора тӧлысь 2025.

Литература

Новгородская область: Атлас / Министерство экономического развития Российской Федерации. Федеральное агентство геодезии и картографии (Роскартография).. — Великий Новгород: Новгородское аэрогеодезическое предприятие, 2008. — 144 с. — (Регионы России). — 200 экз. — ISBN не указан. (обл.)

Ыстӧгъяс

  1. Демография. Новгород обласьтса Веськӧдлан котырлӧн портал. Шыӧдчан кадпас: 4 моз тӧлысь 2025.
  2. Экономика. Новгород обласьтса Веськӧдлан котырлӧн портал. Шыӧдчан кадпас: 4 моз тӧлысь 2025.
  3. Административно-территориальнӧя юклӧм (меставывса асвеськӧдлӧм). Шыӧдчан кадпас: 25 сора тӧлысь 2025. Архивируйтӧма оригинала 25 лӧддза-номъя тӧлысь 2009 года.
Регионъяс Россияын Рочму дöрапас
Республикаяс: Адыгея | Алтай | Башкортостан | Бурятия | Войвыв Осетия | Дагестан | Донецк Народнӧй Республика | Ингушетия | Кабарда-Балкария | Калмыкия | Карачай-Черкесия | Карелия | Коми | Крым | Луганск Народнӧй Республика | Мари Эл | Мордовия | Татарстан | Тува | Удмуртия | Хакасия | Чечня | Чувашия | Якутия
Крайяс: Алтай | Байкалсайса | Камчатка | Краснодар | Красноярск | Перым | Саридздор | Ставрополь | Хабаровск
Обласьтъяс: Амур | Астрахань | Белгород | Брянск | Владимир | Волгоград | Воронеж | Вӧлӧгда | Запорожье | Новгород | Иваново | Иркутск | Калининград | Калуга | Кардор | Кемерово | Киров | Кострома | Курган | Курск | Ленинград | Липецк | Магадан | Макаръя | Москва | Мурманск | Новосибирск | Омск | Оренбург | Орёл | Пенза | Псков | Ростов | Рязань | Самара | Саратов | Сахалин | Свердловск | Смоленск | Тамбов | Тверь | Томск | Тула | Тюмень | Ульяновск | Херсон | Челябинск | Ярославль
Федеральнӧй тӧдчанлуна каръяс: Москва | Петыркар | Севастополь
Асвеськӧдлан обласьт: Еврей
Асвеськӧдлан кытшъяс: Ханты-Манси | Чукотка | Ямал-Яран | Яран
Федеральнӧй кытшъяс:
Волгаберд | Урал | Лунвыв | Рытыв-Войвыв | Сибыр | Шӧр | Ылі Асыввыв | Войвыв Кавказ
Босьтӧма "https://kv.ruwiki.ru/w/index.php?title=Новгород_обласьт&oldid=482299"-ысь