Херсон обласьт
| Россия Федерацияса субъект | |||||
| Херсон обласьт | |||||
|---|---|---|---|---|---|
 | |||||
|
|||||
| Страна |
 Россия |
||||
| Адм. шӧрин | Херсон[d] | ||||
| Губернатор | Сальдо Владимир Васильевич | ||||
| История да география | |||||
| Артмӧдан кадпас | 1944 вося рака тӧлысь 30-ӧд лун | ||||
| Ыджда | 28 461 км² | ||||
| Джуджда | |||||
| • Максимальнӧй | 102 м | ||||
| • Шӧркост | 46 м | ||||
| Час кытш | MSD, Европа/Москва[d] и UTC+3:00 | ||||
| Медыджыд каръяс | Выль Каховка, Алёшки, Каховка, Геническ | ||||
| Экономика | |||||
| ВРП | |||||
| • места | Места-ӧд места | ||||
| Олысь лыд | |||||
| Олысь лыд | 1 млн. морт (2022) | ||||
| Лыдпаса идентификаторъяс | |||||
| РФ субъектлӧн код | 95 | ||||
| Телефон код | 990 и 860 | ||||
|
|
|||||
| Официальнӧй сайт (рус.) | |||||
 |
|||||
| Наградаяс |
 |
||||
 Медиафайлы на РУВИКИ.Медиа | |||||
.svg)
.jpg)
Херсон область, сёрниын Херсонщина (рочӧн Херсонская область) — Россия Федерацияса субъект, сэтчӧ пырысь обласьт, сулалӧ страна лунвылын, Днепр кывтыд кыкнан берег пӧлӧн.
Обласьтсӧ вӧлі артмӧдӧма 1944 воын, кор немеч оккупацияысь мездӧм бӧрын вӧлі торйӧдӧма Украинаса ССР-лӧн Запорожье обласьт.
2022 вося кӧч тӧлысьӧдз вӧлі Украинаын. 2022 вося кӧч тӧлысь 30-ӧд лунӧ Россия да Херсон обласьт костын кырымалӧма обласьтсӧ РФ-ӧ пыртӧм да Россия Федерацияса выль субъект котыртӧм йылысь сёрнитчӧм[2]. Помшуӧмсӧ вӧлі подулалӧма референдумлӧн кывкӧртӧдъяӧн, мый вӧлі Херсон обласьтын 2022 вося кӧч тӧлысь 27-ӧд лунӧ[3] Украинаса власьт талы сувтӧ паныд, водзӧ лыддьӧ тайӧ обласьтсӧ Украиналӧн мутасӧн.
Рытыввылын сыкӧд орччӧн сулалӧ Украинаса Николаевскӧй обласьт, войвылын – Украинаса Днепропетровскӧй обласьт, асыввылын – Запорожье обласьт, лунвылын – Крым Республика. Меститчӧ Сьӧд да Азов саридзьяс дорын.
Обласьтлӧн ыдждаыс 28,4 сюрс км², 2022 во заводитчигкежлӧ тані оліс 1,0 млн морт. Административнӧй шӧрин да медыджыд кар – Херсон, мукӧд гырысь кар – Новая Каховка, Каховка да Алёшки.
Му веркӧс да пытшкӧс
География боксянь ин
Херсон обласьтлӧн ыджда – 29 500 км², войвывсянь лунвылӧдз кузьтаыс – 180 км, рытыввывсянь асыввылӧдз – 258 км[4].
Обласьтыс меститчӧ степ зонаын, Днепр ю кывтыдын. Обласьтын визувтӧ 19 ю, на пиысь медся гырысьясыс: Днепр – 178 км, Ингулец – 180 км. Днепр ю юкӧ обласьтсӧ кык пельӧ – веськыдладор да шуйгаладор берегъяс вылӧ, кодӧс сідзжӧ шуӧны Войвыв Таврияӧн.
Рытыв-лунвылын сійӧс кытшалӧ Сьӧд саридз, асыв-лунвылын – Азов саридз. Войвылын да рытыввылын регионкӧд орччӧн меститчӧны Украинаса Днепропетровскӧй да Николаевскӧй обласьтъяс, асыввылын – РФ-са Запорожье обласьт, лунвылын – Крым Республика.
География боксянь медшӧр аслыспӧлӧслуныс сыын, мый обласьтлӧн эм Азов-Сьӧд саридз бассейн да Днепрса ва туйяс дорӧ петанін. Тайӧ сетӧ ыджыд позянлун водзӧ сӧвмӧдны саридз да ю кузя тӧвар да йӧзӧс нуӧм-вайӧмсӧ, а сідзжӧ шойччан индустрия.
Ывласям
Херсон обласьтын ывласямыс – шӧр континентальнӧй, кос. Тӧлысся шӧркодь температураыс: сора тӧлысьын +25,4 °C, тӧвшӧр тӧлысьын −2,1 °C. Гожӧмын ӧткымын лунъясӧ температураыс вермӧ воны 40°C-ӧдз, а тӧлын −20°C-ӧдз. Кӧдзыдтӧг кадлӧн кузьтаыс вонас 179 лун. Во гӧгӧр шӧркодя усьӧ 320 мм-сянь 400 мм-ӧдз лым-зэр.
Діяс
Херсон обласьтын эмӧсь татшӧм діяс:
Днепр ю ковтысын да вомын:
- Карантиннӧй
- Потёмкинскӧй (Ыджыд Потёмкин)
- Потемкинскӧй ичӧт
- Круглик
- Белогрудов
- Белогрудов ичӧт
- Красниковскӧй
- Черкесскӧй
- Гапскӧй
- Нестрига
- Козулихскӧй
- Забич
- Домахскӧй
- Великӧй
- Странка
- Васильков
- Прорежанскӧй
- Бакайскӧй
- Толока
- Молодяги
- Створнӧй
- Ковтуновскӧй
- Юмов
- Гадючӧй коса
- Соколин ичӧт
- Соколин ыджыд
- Мартыновскӧй коса
- Борщовӧй
- Касперовскӧй ичӧт (Сомарчук)
Азов саридзын:
- Бирючӧй
: Сиваш куръяын:
- Верблюдка
- Верблюжӧй
- Камыши
- Китай
- Крячинӧй
- Куюк-Тук
- Папанин
- Роч
- Чурюк
Сьӧд саридзын:
- Бабин
- Джарылгач
- Конскӧй
- Орлов
- Смоленӧй
- Тендровскӧй коса
- Егорлыцкӧй діяс
- Каланчакскӧй діяс
- Устричнӧй діяс
Юяс
Херсон обласьтын эмӧсь ташӧм юяс:
- Днепр
- Кошевая
- Казак
- Рвач (Рвач полойті саридзвыв суднояс мунӧны Херсон портӧ)
- Литвинка
- Ольховая
- Домаха
- Свинячка
- Бакай
- Конка
- Чайка (Алёшки)
- Пудовӧй вис (торйӧдӧ Потёмкинскӧй ді)
- Верёвчина (Камышаны да Херсон костын)
- Ингулец
- Каланча (Каланчак)
- Ыджыд Серогоз Балка
Мусин
Херсон обласьт войвылын кызвыннас позьӧ аддзыны вӧра мусинӧн сьӧд му. Лунвылын муыс лоӧ пемыдгӧрд, сола мусин сора. Сьӧд да Азов саридзъяслӧн берегъясын муыс сола.
История
Ӧнія Херсон обласьт мутасын медводдза мортыс овмӧдчывлӧма миян эраӧдз 10-5 сюрсво сайын кымын. Миян эраӧдз 3-ӧд – 2-ӧд сюрсво заводитчигӧн степлӧн ыджыдджык юкӧнас овлісны скӧт видзысьяс. Миян эраӧдз 4-ӧд сюрсво помын – 1 сюрсво заводитчигӧн татчӧ кутісны овмӧдчыны нӧшта на ёнджыка. Миян эраӧдз VI-III нэмъясын киммериечьясӧс вӧтлісны да мыйтакӧ пӧкӧритісны скифъяслысь выль кочуйтысь племяяс, кодъяс лӧсьӧдісны ассьыныс канму – Скифия.
Сивашовка посёлок ним серти, кытысь вӧлі аддзӧма некымын аслыспӧлӧс гу, вӧлі шуӧма VII нэм мӧд джынса – VIII нэм заводитчӧмса Сивашовка сяма памятникъяссӧ.
Сёрӧнджык, IX нэмын, Киев Русь артмӧм бӧрын Днепр лоӧ «варягъясысь грекъясӧ» вузасян туй юкӧнӧн. Воссьӧ Сьӧд саридз дорӧ петан туй.
Раденск сикт мутасысь аддзӧмаӧсь князь Владимир Святославичлысь сребреник. 1084 воын князь Давыд Игоревич, «лунвыв Россия кузя да сылӧн мудоръяс сайті шӧйтігӧн, босьтіс Олешье, Днепр ю вомдорса грек кар да яндысьтӧг грабитіс сэтысь уна купечӧс»[5]. 1159 воын юӧртсьӧ, мый Олешьесӧ босьтӧмаӧсь берладникъяс.
Запорожье сеча лӧсьӧдӧм бӧрын Улыс Поднепровьеӧ кутісны овмӧдчыны казакъяс, кодъяс дорйисны крайсӧ турецко-татарскӧй захватчикъясысь.
Айму вӧсна Ыджыд тыш кад да обласьт лӧсьӧдӧм (1941—1944)
Айму вӧсна Ыджыд тыш заводитчигӧн ӧнія Херсон обласьтсӧ вӧлі оккупируйтӧма нацистскӧй Германиялӧн да Гитлеркӧд ӧтувтчӧм войскаясӧн. Сійӧ пырис «Рейхскомиссариат Украинаӧ» – Ыджыд Германияса рейхлӧн административнӧй единицаӧ.
Оккупация кадӧ «Рейхскомиссариат» мутасын зіля уджалісны сӧветса партизанъяслӧн отрядъяс, кодъяс контролируйтісны оккупируйтӧм мутаслысь тӧдчана юкӧнсӧ да эз сетны позянлун вайны немеч войскалы техника да сёян-юан.
Кыдзи висьталӧма Украинаса 3-ӧд фронтын политвеськӧдланінса начальник генерал-лейтенант Михаил Рудаковлӧн Гӧрд Армияса Медшӧр политика веськӧдланінса начальник генерал-полковник Александр Щербаковлы политдонесениеын, кутшӧмӧс йӧзӧдіс Россия Федерацияса оборона министерство, Херсон обласьтын вӧлі мучитӧма да виӧма уна дас сюрс мирнӧй олысьӧс[6][7][8].
1944 вося рака тӧлысь 13-ӧд лунӧ Березнеговато-Снигирёвскӧй наступательнӧй операция дырйи (1944 вося рака тӧлысь 6-18-ӧд лунъяс) Гӧрд Армияса войска мездісны Херсон кар. Сійӧ жӧ лунӧ СССР-са Гостелерадиоысь Ставсоюзса радио диктор Юрий Левитан лыддис эфирын «Сӧветскӧй информбюролысь» оперативнӧй сводка, кӧні юӧртіс Херсон мездӧм йылысь, шуис карсӧ обласьтса шӧринӧн, мый эз лӧсяв збыльыслы. Иосиф Сталин та йылысь тӧдмалӧм бӧрын шуис татшӧмсяматор: «Висьталанныд, мый Херсон обласьт абу? Сідзкӧ, лоӧ». Медым лыддьӧм сводкаыс эз лыддьысь пӧръясянаӧн, Сталин тшӧктіс лӧсьӧдны Херсон обласьт.
Херсон обласьт вӧлі котыртӧма 1944 вося рака тӧлысь 30-ӧд лунӧ СССР-ын Медвылыс Сӧветса Президиумлӧн «Украинаса ССР-ын Херсон обласьт котыртӧм йылысь» Индӧдӧн. Обласьтӧ пырисны Херсон кар да Белозёрскӧй, Бериславскӧй, Больше-Александровскӧй, Голопристанскӧй, Горностаевскӧй, Каланчакскӧй, Калининдорфскӧй (вежӧма Калининскӧйӧ, бырӧдӧма 1962 воын), Каховскӧй, Ново-Воронцовскӧй, Скадовскӧй, Херсонскӧй (Херсон обласьт пытшкын шусис Херсонсельскӧйӧн, бырӧдӧма 1962 воын), Чаплынскӧй да Цюрупинскӧй районъяс, кодъясӧс торйӧдӧма Николаевскӧй обласьтысь, а сідзжӧ Больше-Лепетихскӧй, Геническӧй, Ивановскӧй, Улыс-Серогозскӧй, Ново-Троицкӧй да Сивашскӧй (бырӧдӧма 1962 воын) районъяс, кодъясӧс торӧдӧма Украинаса ССР-ын Запорожье обласьтысь.
СВО дырйи
2025 вося урасьӧм тӧлысь 20-ӧд лунӧ РФ-са Вооружённӧй вынъяслӧн Генштабса начальникӧс медводдза вежысь генерал-полковник Сергей Рудской юӧртіс, мый Украинаса вооружённӧй формированиеясӧ пырысьясысь мездӧма ДНР-лысь, Херсон да Запорожье обласьтъяслысь 75% гӧгӧр мутассӧ[9].
Йӧз
2020 вося тӧвшӧр тӧлысь 1 лун вылӧ обласьтын оліс 1 027 913 морт, сы лыдын карса олысьяс – 631 317 морт, либӧ 61,4 %, сиктса олысьяс – 396 596 морт, либӧ 38,6 %.
| Пыр олысь йӧзлӧн лыд | |||||||||
|---|---|---|---|---|---|---|---|---|---|
| 1926 | 1939 | 1941 | 1944 | 1959 | 1970 | 1979 | 1989 | ||
| 736 000 | ↗743 000 | ↗780 800 | ↗502 800 | ↗824 167 | ↗1029 988 | ↗1 163 435 | ↗1 236 970 | ||
| 1990 | 1991 | 1992 | 1993 | 1994 | 1995 | 1996 | 1997 | 1998 | 1999 |
| ↗1 244 316 | ↗1 252 444 | ↗1 262 103 | ↗1 271 641 | ↘1 270 956 | ↘1 262 119 | ↘1 250 649 | ↘1 238 034 | ↘1 227 678 | ↘1 215 806 |
| 2000 | 2001 | 2002 | 2003 | 2004 | 2005 | 2006 | 2007 | 2008 | 2009 |
| ↘1 202 837 | ↘1 187 119 | ↘1 172 689 | ↘1 159 940 | ↘1 148 379 | ↘1 136 751 | ↘1 125 026 | ↘1 115 639 | ↘1 106 070 | ↘1 097 768 |
| 2010 | 2011 | 2012 | 2013 | 2014 | 2015 | 2016 | 2017 | 2018 | 2019 |
| ↘1 091 999 | ↘1 086 805 | ↘1 081 935 | ↘1 076 800 | ↘1 071 135 | ↘1 066 444 | ↘1 060 924 | ↘1 054 217 | ↘1 045 549 | ↘1 036 208 |
| 2020 | 2021 | 2022 | |||||||
| ↘1 026 481 | ↘1 015 275 | ↘ 1 000 500 | |||||||
Административно-территориальнӧя юклӧм
Обласьт юксьӧ 22 административно-территориальнӧй единица вылӧ: обласьт тӧдчанлуна 2 кар (Херсон да Выль Каховка) да 20 район вылӧ[10]. Меставывса асвеськӧдлӧмсӧ котыртӧм серти налы лӧсялӧ 22 муниципальнӧй юкӧн, сы лыдын 2 кар кытш да 20 муниципальнӧй кытш[11]:
Херсон обласьтса административнӧй шӧрин – Херсон кар; недыр кад кежлӧ – Геническ кар.
| № | Ним | Административнӧй шӧрин | Олысьяс, морт (2019) | Площадь, км² |
|---|---|---|---|---|
| Обласьт тӧдчанлуна каръяс (кар кытшъяс) | ||||
| 1 | Херсон | Херсон кар | 283 649 | |
| 2 | Выль Каховка | Выль Каховка кар | 45 819 | |
| Районъяс (муниципальнӧй кытшъяс) | ||||
| 3 | Александровскӧй | Александровка сикт | 7 946 | 400 |
| 4 | Алешкинскӧй | Алешки кар | 70 367 | 1759 |
| 5 | Белозерскӧй | Белозёрка ккп | 64 790 | 1700 |
| 6 | Бериславскӧй | Берислав кар | 99 100 | 1 700 |
| 7 | Великоалександровскӧй | Великая Александровка сикт | 24 719 | 1500 |
| 8 | Великолепетихскӧй | Великая Лепетиха сикт | 16 058 | 1100 |
| 9 | Верхнерогачикскӧй | Вылыс Рогачик сикт | 11 336 | 1056 |
| 10 | Высокопольскӧй | Высокополье ккп | 14 268 | 700 |
| 11 | Геническӧй | Геническ кар | 58 624 | 3000 |
| 12 | Голопристанскӧй[12] | Голая Пристань кар | 44 826 | 3411 |
| 13 | Горностаевскӧй | Горностаевка рп | 19 101 | 1018 |
| 14 | Ивановскӧй | Ивановка кар | 13 244 | 1120 |
| 15 | Каланчакскӧй | Каланчак сикт | 21 135 | 916 |
| 16 | Каховскӧй | Каховка кар | 71 935 | 1500 |
| 17 | Нижнесерогозскӧй | Улыс Серогозы сикт | 15 170 | 1209 |
| 18 | Нововоронцовскӧй | Нововоронцовка кар | 20 373 | 1005 |
| 19 | Новотроицкӧй | Новотроицкое посёлок | 34 886 | 2298 |
| 20 | Скадовскӧй | Скадовск кар | 46 043 | 1456 |
| 21 | Снигирёвскӧй | Снигирёвка кар | 39 331 | 1400 |
| 22 | Чаплынскӧй | Чаплынка сикт | 34 314 | 1722 |
Транспорт
- Автомашина транспорт
Херсон обласьт кузя мунӧны[13]:
- Вавыв транспорт
Обласьтын медшӧр вавыв туйяс – Днепр да Ингулец юяс. Сьӧд саридзса портъясӧн лоӧны Херсон да Скадовск.
- Авиация
«Херсон» войтыркостса аэропорт сулалӧ Херсон обласьтса Чернобаевка сиктын М-14 автотрассасянь 3 км ылнаын. Аэропортлӧн лэбзян-пуксян полосаыс 2500 м кузьта. Аэровокзал комплексыс лӧсялӧ ӧнія корӧмъяслы, сійӧ вермӧ могмӧдны часнас 100 пассажирӧдз. «Херсон» аэропортсянь котыртӧма Херсон-Стамбул (Turkish Airlines) да Херсон-Киев (Борисполь) (Украинаын войтыркостса авиалинияяс) пырся рейсъяс. Аэропортын эм таможня да суйӧрбердса контроль пункт. Аэропорт вермӧ примитны пассажиръясӧс да грузъяс нуан Ту-154, Ил-76, Boeing самолётъяс, а сідзжӧ кӧть кутшӧм класса вертолётъяс.
Скадовск карын вӧлі Скадовск аэропорт.
Видз-му овмӧс
Херсон обласьтын видз-му овмӧс производство сӧвмӧдӧм вылӧ ыджыд позянлунъяс. Тані муясыс вынаӧсь (1968,4 сюрс га, сы лыдын 1770 сюрс га гӧрӧм му), поводдяыс бур. Эм став колана условиеыс, медым вӧчны быдмӧг да скӧт видзан уна прӧдукция. Херсон обласьт – тӧдчана регион, кӧні арсянь кӧдзӧны шобді, кукуруза, рис, шондіюр. Регионын уналаын муяс дорӧ нуӧдӧма ва, мый сетӧ позянлун быдтыны градвыв пуктас да бакча, виноград. Наука боксянь видз-мусӧ колана ногӧн вӧдитӧм бӧрся видзӧдӧ НААН-ын нуӧдӧм ваа видз-му вӧдитӧм серти институт.
Обласьтын меститчӧма Аскания-Нова биосфера заповедник.
Пасйӧдъяс
- ↑ Херсон обласьт > Данные не обнаружены. Возможно, страница переименовывалась. Проверьте справочник
- ↑ Договор между Российской Федерацией и Херсонской областью о принятии в Российскую Федерацию Херсонской области и образовании в составе Российской Федерации нового субъекта от 30 сентября 2022 года (ратифицирован Федеральным законом от 4 октября 2022 года № 375-ФЗ, вступил в силу 5 октября 2022 года, письмо МИД России от 05.10.2022 № 19696/дп). Официальный интернет-портал правовой информации (3 йирым тӧлысь 2022).
- ↑ Федеральный Конституционный Закон о принятии в Российскую Федерацию Херсонской области и образовании в составе Российской Федерации нового субъекта - Херсонской области. Официальный интернет-портал правовой информации (4 йирым тӧлысь 2022).
- ↑ О Херсонской области — Губернатор Херсонской области (неопр.). khogov.ru. Шыӧдчан кадпас: 10 сора тӧлысь 2025.
- ↑ Николай Михайлович Карамзин. Том II. Глава V Великий князь Всеволод. Годы 1078—1093, История государства Российского
- ↑ «История, которую нельзя забыть». — Рассекречены уникальные исторические документы из фондов Центрального архива Минобороны России, которые рассказывают о чудовищных злодеяниях, совершённых немецко-фашистскими оккупантами в годы Великой Отечественной войны на территории Херсонской области СССР. Официальный сайт Министерства обороны Российской Федерации // mil.ru (5 мая 2017 года)
- ↑ Минобороны опубликовало документы о зверствах фашистов в годы ВОВ (на территории Херсонской области СССР). «РИА Новости» // ria.ru (5 мая 2017 года)
- ↑ В политдонесении генерал-лейтенанта Михаила Рудакова, в частности, говорилось:
«… Кык во да сизим тӧлысь чӧж Херсон карын ыджыдалiгӧн немечьяс вӧчисны уна лёктор: виисны уна дас сюрс сӧветскӧй гражданаӧс – на лыдын нывбабаясӧс, челядьӧс, олӧма войтырӧс да военнопленнӧйясӧс. Уна сюрс ныв-зонмӧс нуисны Германияӧ. Гитлерӧс ошкысьяс кадысь кадӧ нартитлісны сӧветскӧй йӧзӧс, нӧйтлісны найӧс, тешитчисны на вылын, грабитлісны канмулысь, олысьяслысь эмбурсӧ, жуглісны предприятиеяс, коммунальнӧй сооружениеяс, школаяс да культура учреждениеяс. А мый найӧ вӧчисны карын олысь еврейяскӧд! 1941 вося кӧч тӧлысь 23-ӧд лунӧ 8,5 сюрс еврейӧс пуксьӧдісны тюрмаӧ, а сэсся машинаясӧн нуисны кар сайӧ, кӧні видз-му овмӧс колониялӧн участок вылын найӧс ставнысӧ лыйлісны. Унаӧн висьтавлiсны, мый 12 арӧсӧдз челядьӧс немечьяс виавлiсны яда кизьӧрторъясӧн, мыйӧн мавтлiсны налысь вомдоръяссӧ. Немечьяс шыблалісны гуясӧ да тыртлісны муӧн сідзжӧ и найӧс, кодъяс вӧліны ловъяӧсь на... Татшӧм пом суис и став чигансӧ, кодъяс олісны Херсон кар дорын. Медводз немечьяс юӧртӧмаӧсь чиганъяслы, мый чукӧртӧны найӧс Румынияӧ мӧдӧдӧм могысь. Сэк, кор чукӧрмис матӧ 300 чиган, найӧс вӧлі лыйлӧмаӧсь карса тюрма дорын да шыблалӧмаӧсь Валов районын гуясӧ. Карсянь сизим километр сайын войнаӧдз уджаліс зэв бура оборудуйтӧм психиатрическӧй больнича. Херсон кар босьтӧм бӧрын Гитлерлӧн палачьяс рӧзӧритісны больничалысь эмбурсӧ, а бурдӧдчысь йӧзӧс (1 200 морт) лыйлісны, шыбитiсны найӧс каменоломняӧ. Кор Гӧрд Армия кутіс матыстчыны Днепр дорӧ, Гитлерлӧн террор нӧшта на ёнмис. Уна сюрс мужичӧйӧс да нывбабаӧс вӧлі вӧтлӧма эвакуация вылӧ лагеръясӧ. Сӧветскӧй граждана вӧчисны став позянасӧ, медым найӧс эз нуны. Сiйӧс, кодi дзебсясис немеч катаргаысь, пыр жӧ лыйлісны. Сідзкӧ, Херсон кар оккупируйтігӧн Гитлерлӧн злӧдейяс лыйлісны да мучитісны гестапоын матӧ 17 сюрс мирнӧй сӧветскӧй гражданинӧс…»
— Россия Федерацияса оборона министерство, 2017 вося ода-кора тӧлысь 5-ӧд лун (генерал-лейтенант Михаил Рудаковлӧн 1944 во косму тӧлысь 3-ӧд лунся политдонесениеысь). - ↑ Генштаб: Армия РФ освободила 64% захваченной ВСУ территории Курской области - Российская газета, Российская газета (20 урасьӧм тӧлысь 2025). Шыӧдчан кадпас: 10 сора тӧлысь 2025.
- ↑ Указ временно исполняющего обязанности губернатора Херсонской области № 52/1-у от 27 марта 2023 года «Об административно-территориальном устройстве Херсонской области. Шыӧдчан кадпас: 10 сора тӧлысь 2025. Архивируйтӧма 4 йирым тӧлысь 2023.
- ↑ Указ временно исполняющего обязанности губернатора Херсонской области № 54-у от 29 марта 2023 года «Об образовании городских округов и муниципальных округов на территории Херсонской области». Шыӧдчан кадпас: 10 сора тӧлысь 2025. Архивируйтӧма 4 йирым тӧлысь 2023.
- ↑ сы лыдын куим сиктӧн Кинбурнскӧй коса, кодъяс водзынджык пырлісны Николаевскӧй обласьтса Очаковскӧй районӧ (Указ № 24-у от 10 февраля 2023 года «Об утверждении перечня населённых пунктов, входящих в состав Голопристанского муниципального округа Херсонской области»); статистикасӧ вайӧдӧма найӧс артышттӧг
- ↑ Атлас «Автомобильные дороги» — Россия, страны СНГ, Прибалтика, 2006 г.
Ыстӧгъяс
- Украинаса ССР-ын Херсон обласьтлӧн автомашина номеръяс // avtonomer.net
