Чукотка асвеськӧдлан кытш

Босьтӧма Рувикиысь
Россия Федерацияса субъект
Чукотка асвеськӧдлан кытш
чук. Чукоткакэн автономныкэн округ
Золотой хребет, Южная Чукотка.jpg
Дӧрапас[d] Канпас[d]
Дӧрапас[d] Канпас[d]
  • Чукотка асвеськӧдлан кытшлӧн кып
  • 🎵
66°15′10″ с. ш. 172°00′04″ в. д.GЯO
Страна  Россия
Административнӧй шӧрин Анадырь[d]
Чукотка асвеськӧдлан кытшлӧн губернатор Кузнецов Владислав Гариевич [1]
История да география
Артмӧдан кадпас 1930-ӧд вося ӧшым тӧлысь 10-ӧд лун
Ыджда

721 481 км²

  • (7-ӧд места)
Час кытш PETT[d] и Азия/Анадырь[d][2]
Экономика
ВРП 78,1[4] млрд шайт (2018)
 • места 78-ӧд места
 • морт вылӧ 1578,5[7] сюрс шайт
Олысь лыд
Олысь лыд

↗48 029[8] морт (2024)

  • (84-ӧд места)
Олысь лыд (квадратнӧй километр му вылын) 0,07 морт/км²
Войтырсикасъяс рочьяс, чукчаяс да мукӧд.
Лыдпаса идентификаторъяс
ISO 3166-2 код RU-CHU
ОКАТО код 77
РФ субъектлӧн код 87
Официальнӧй сайт (рус.)
Чукотка асвеськӧдлан кытш на карте
Наградаяс Войтыръяслӧн Ёрталун орден  — 29 декабря 1972
Логотип РУВИКИ.Медиа Медиафайлы на РУВИКИ.Медиа


Чукотка асвеськӧдлан кытш (рочӧн Чуко́тский автоно́мный о́круг; Чукотка) — Россия Федерацияса субъект, меститчӧ Ылі Асыввыв федеральнӧй кытшын[9].

Рытыв-войвылын сыкӧд орччӧн сулалӧ Якутия, рытыв-лунвылын — Магадан обласьт да лунвылын — Камчатка край. Асыввылын сылӧн эм АӦШ-кӧд саридзвыв мудор.

Чукотка асвеськӧдлан кытшлӧн физическӧй карта

Чукотка асвеськӧдлан кытшлӧн став мутасыс пырӧ Ылі Войвыв  (рус.) (коми районъяс лыдӧ.

Административнӧй шӧрин — Анадырь кар.

Официальнӧй кывъяс — роч да чукча кыв.

Йӧз — 48 029[8] морт.

Регионлӧн ыдждаыс — 721 481 км² (неуна ичӧтджык Замбияысь да неуна ыджыдджык Мьянмаысь). Татшӧм ногӧн, мутас сертиыс Федерацияса став субъект пӧвстын сійӧ босьтӧ 7-ӧд места да асвеськӧдлан кытшъяс пӧвстын мӧд места.

История

Чукотка национальнӧй кытшсӧ вӧлі котыртӧма РСФСР-са Ылі Асыввыв край  (рус.) (коми тэчасын ВЦИК-лӧн «Войвывса ичӧт войтырӧс овмӧдан районъясын национальнӧй ӧтувъяс котыртӧм йылысь» 1930 во ӧшым тӧлысь 10-ӧд лунся шуӧмӧн. Крайӧ сэки пырлісны татшӧм районъяс: Анадырь (шӧрин — Ново-Мариинск, сійӧ жӧ Анадырь), Асыввыв тундра (шӧрин — Островное), Рытыввыв тундра (шӧрин — Нижнеколымск), Марковскӧй (шӧрин — Марково), Чаунскӧй (шӧриныс — Чаунскӧй лайкола районын) да Чукотка (шӧриныс Чукотка культбазаын — вежа Лаврентий лайкола), кутшӧмъясӧс сетӧма:

  1. Ылі Асыввыв крайысь — Анадырь да Чукотка районъяс ставнас;
  2. Якутия АССР-ысь — Асыввыв тундралӧн мутас Алазей юлӧн веськыд берег пӧлӧн да Рытыввыв тундра мудорӧн, Омолон ю кывтыд да шӧр визув районъяс[10].

1932 вося йирым-вӧльгым тӧлысьясын крайсӧ районъяс вылӧ юклігӧн кольӧма «важ мудоръясын кыдзи асшӧр национальнӧй кытш, коді лоӧ крайлы веськыд кипод улын»[11].

1934 вося сора тӧлысь 22-ӧд лунӧ ВЦИК шуис пыртны Чукотка да Корякскӧй национальнӧй кытшъяссӧ Камчатка обласьтӧ[12], но татшӧм веськӧдлӧмыс вӧлі вель формальнӧй, сы вӧсна мый 1939—1940 вояссянь кытшлӧн мутасыс вӧлі «Дальстрой» киын, коді тырвыйӧ веськӧдліс административнӧя да овмӧс боксянь сылы киув мутасъясын.

1951 вося ода-кора тӧлысь 28-ӧд лунсянь СССР-са МС Президиумлӧн помшуӧмӧн кытшсӧ вӧлі торйӧдӧма Хабаровск крайлы веськыда кипод улӧ.

1953 вося ӧшым тӧлысь 3-ӧд лунсянь вӧлі Магадан обласьтын[13].

1980 воын «РСФСР-са асвеськӧдлан кытшъяс йылысь» РСФСР-са оланпас примитӧм бӧрын СССР-лӧн 1977 вося Оланподув серти Чукотка национальнӧй кытш лои асвеськӧдлан кытшӧн.

1992 вося лӧддза-номъя тӧлысь 17-ӧд лунӧ[14] Чукотка асвеськӧдлан кытш петіс Магадан обласьтысь да босьтіс Россия Федерацияса субъектлысь статус.

Ӧні сійӧ лоӧ нёль асвеськӧдлан кытшысь дзик ӧтиӧн, коді оз пыр Россия Федерацияса мӧд субъектӧ.

Суйӧрбердса режим

Чукотка асвеськӧдлан кытш лоӧ мутасӧн, кӧні уджалӧ суйӧрбердса режим.

Суйӧрсайса гражданалы кытшлӧн саридзбердса ӧткымын мутасӧ да діяс вылӧ пырӧмсӧ регламентируйтӧма, мӧд ногӧн кӧ, колӧ Россия Федерацияса суйӧрбердса служба органъяссянь разрешение либӧ суйӧрбердса зонаын олӧм вылӧ документъяс. 2018 воӧдз тайӧ сідзжӧ инмывліс Россияса гражданалы, налы ӧні урчитӧма сӧмын Врангель, Геральд да Ратманов діяс вылӧ ветлӧмсӧ[15].

Кытшлӧн мутасын суйӧрбердса зоналысь торъя участокъяссӧ индӧма «Чукотка асвеськӧдлан кытшын суйӧрбердса зона пытш йылысь» РФ ФСБ-лӧн 2006 во косму тӧлысь 14-ӧд лунся 155 №-а тшӧктӧдын. Таысь кындзи, «Суйӧрсайса гражданалы урчитӧмӧн ветлӧмӧн Россия Федерацияса му тасъяс лыддьӧг вынсьӧдӧм йылысь» РФ-са Веськӧдлан котырлӧн 1992 во сора тӧлысь 4-ӧд лунся 470 №-а шуӧм серти кытшлӧн став мутас вылӧ урчитӧма суйӧрсайса гражданалысь пырӧмсӧ, мӧд ногӧн кӧ, Чукотка асвеськӧдлан кытшӧ наӧн ветлӧм вылӧ колӧ ФСБ-лӧн разрешение.

Му веркӧс да пытшкӧс

География

Чукотка асвеськӧдлан кытш меститчӧ Россиялӧн медся асыв-войвылын. Босьтӧ став Чукотка кӧджсӧ  (рус.) (коми, материклысь юкӧн да ӧткымын ді (Врангель, Геральд, Айон, Ратманов да мукӧд). Тайӧ Россияын дзик ӧти регион, кодлӧн юкӧныс (Чукотка кӧдж ставнас да Врангель ді асыввыв юкӧныс) меститчӧ Рытыввыв му шар джынйын.

Кытшалӧма Йиа океанлӧн Асыввыв Сибырса да Чукотка саридзьясӧн да Лӧнь океанлӧн Берингов саридзӧн.

Самолётсянь серпас

Кытшлӧн мутасын кык кӧдж — Чукотка да Дауркин, а сідзжӧ Россиялӧн медся бӧръя чутъяс: асыввыв чут — Ратманов ді, асыввыв континентальнӧй чут — Дежнёв мыс. Тані меститчӧны Россияса медся войвыв кар — Певек да медся асыввыв кар — Анадырь, а сідзжӧ медся асыввыв пырся овмӧдчӧмин — Уэлен.

Кытшыс меститчӧма МСК+9 час кытшын. UTC ставмирса координируйтӧм кадлӧн кадысь кежӧм — +12:00 (UTC+12). Москваса кадысь торъялӧмыс — 9 час.

Мутас сертиыс неуна ичӧтджык Чилиысь либӧ Замбияысь, да ыджыдджык Мьянмаысь либӧ Афганистанысь. Тайӧ Россияын дзик ӧти трансполушарнӧй субъект — сылӧн медся ылі асыв-войвыв чутыс меститчӧ Рытыввыв му шар джынйын.

Ывласям

Кытшлӧн ыджыдджык юкӧныс куйлӧ Войвыв кытш сайын. Та вӧсна ывласямыс тані сьӧкыд, субарктическӧй, ва берегдоръясын — саридзса, пытшкӧсса районъясын — континентальнӧй. Пӧшти 10 тӧлысь чӧж тані тӧв.

Тӧвшӧр тӧлысьын шӧркодь температураыс: −15°C-сянь −39°C-ӧдз, сора тӧлысьын: +5°C-сянь +10°C-ӧдз. Медся ичӧт температура, кутшӧмӧс тані пасйӧма, −61 °С, медся ыджыд +34 °С. Лым-зэр — вонас 200—500 мм.

Чукоткаын вӧлі пасйӧма ывласям серти зэв уна рекорд: шондіа медся этша час, татшӧм пасьтӧслы лӧсялана медся ичӧт радиация баланс, тӧвлӧн медся ыджыд ӧд (вося шӧркодь лыдпас); Россияын медся унаысь лоан тӧвныр да бушков (Наварин мыс)[16].

Кытшлӧн лунвыв юкӧнын быдман кадколаст — 80-100 лун. Быдлаын паськалӧма нэмӧвӧйся кын йир.

Рельеф

Чукоткаын ёнджыкасӧ гӧра рельеф, сӧмын саридздор юкӧнас, а сідзжӧ ю ковтысъясын эмӧсь увтасінъясӧн неыджыд мутасъяс, медся ыджыдыс на пиысь — Анадырса.

Континентальнӧй юкӧныс войвылын тӧдчымӧн пӧлыньтчӧма Йиа океанлань, асыввылын — Лӧнь океанлань.

Гӧраяссӧ позьӧ аддзыны шӧр юкӧнас, кӧні меститчӧны Анадырса тшӧтшкӧс ыбвыв да Анюйскӧй вывтас, а сідзжӧ асыввылын, кӧні меститчӧ Чукоткаса вывтас.

Медся джуджыд чут — Исходная гӧра (Чантальскӧй чук) — 1887 м[17][18].

Гидрология

Чукоткаын зэв уна ю-ты. Тані визувтӧ 8000-ысь унджык ю, налӧн кузьтаыс 10 км-ысь унджык, кызвыныс на пиысь гӧравывса. Ёнджыкасӧ юясӧ ваыс воӧ лым-зэрсянь. Найӧ дыр сулалӧны йи улын (7-8 тӧлысь), туӧны ёна, ва визувтан сёртасыс налӧн абу ӧткодь. Уна ю ворга кынмӧ пыдӧсӧдзыс, ваыс ватлалӧ. Юяс кывтыд йиыс сылӧ зэв сёрӧн, та вӧсна артмӧны тыктымъяс. Регионса тшӧтшкӧсінъясын ю воргаясыс пыр вежласьӧны му пытшкын йи сылышталӧм да та бӧрын мусин пуксьӧм вӧсна. Пӧшти быд ю, мый усьӧ океанӧ, заводитӧ туны сэк, кор содӧ ваыс саридзын, торйӧн нин тайӧс позьӧ аддзыны юяс кывтыд[19].

Берингов саридз рытыв-войвыв юкӧнса медшӧр куръяяс: Анадырскӧй, Креста, Мечигменскӧй[20], Канчалан, Омолон, Провидения, Лаврентийлӧн; Чукотка саридз рытыввыв юкӧнын — Колючинскӧй лайкола[21]; Асыввыв-Сибыр саридз асыввыв юкӧнын — Чаунскӧй лайкола. Медшӧр проливъяс — Анадырскӧй, Сенявинскӧй[22], Берингов да Лонглӧн.

Медыджыд юяс — Анадырь (Майн, Белая, Танюрер вожъясӧн), Омолон, Великая, Канчалан, Амгуэма, Ыджыд да Ичӧт Анюи.

Унджык тыыс термокарстӧвӧй, сӧмын ӧткымын ты меститчӧ кытшлӧн гӧравыв юкӧнын. Йиа океан берегдорса тыясыс лагуннӧйӧсь, та вӧсна ваыс сэні сола. Унджык тыыс визувтан, та дырйи увтасінъясса тыясыс тшӧкыда тырӧны нюйтӧн да лоӧны гыбадъясӧн.

Медыджыд тыяс — Красное, Майниц, Пекульнейскӧй, Койныгытгын, Ваамочка, а сідзжӧ Эльгыгытгын нима аслыспӧлӧс ты, кодӧс туялӧм бӧрын позяс гӧгӧрвоны, кутшӧм вӧлі Му вылын ывласямыс сюрс во сайын.

Аддзӧма мупытшса валысь 44 куйланін, на пиысь 19-ӧн вӧдитчӧны овмӧсса могъяс вылӧ.

Чукоткаын меститчӧма 18 термоминеральнӧй ӧшмӧс[23], на пиысь гырысьджыкъяс — Мечигменскӧй, Лоринскӧй, Чаплинскӧй, Сенявинскӧй.

Мупытшса озырлун

Кытышын эмӧсь татшӧм мупытшса озырлун видзасъяс: мусир, природнӧй биару, из шом, зарни, эзысь, озысь, вольфрам, молибден, хром, сурьма, ртуть, ыргӧн, уран, стрӧитчан сырьё. Медся тӧдса куйлӧдъяс: рудаа зарнилӧн — Купол, Майское, Каральвеемскӧй, Двойное, Кекура, Валунистӧй; кисьталан зарнилӧн — Ичувеем, Рывеем, Пильхинкуль; рудаа озысьлӧн — Пыркакайскӧй штокверкъяс, Иультинскӧй, Валькумейскӧй; вольфрамлӧн — Иультинскӧй; из шомлӧн — Анадырскӧй рудовгӧрд из шом перъянін, Угольнӧй Бухтаяс, Дальнее; ыргӧнлӧн — Песчанка; ртутьлӧн — Тамватнейскӧй, Рытыввыв-Палянскӧй. Асыввыв Чукоткалӧн берегдор юкӧнъясын саридз пуктӧгъясысь аддзыштӧмаӧсь алмазъяс[24].

Торйӧн ёна видзан вӧр-ва мутасъяс

Чукотка асвеськӧдлан кытшын эм федеральнӧй тӧдчанлуна кык ООПТ — Врангель ді канму вӧр-ва заповедник да Берингия национальнӧй парк, а сідзжӧ регион тӧдчанлуна 26 ООПТ — 5 заказник да 21 вӧр-ва памятник[25].

Вӧр-ва заказникъяс

Эльгыгытгын ты (140 сюрс га), Лебединӧй (383 сюрс га), Чаунскӧй лайкола[26] (148,2 сюрс га), Усть-Танюрерскӧй (355,3 сюрс га) да Автоткууль (273,3 сюрс га).

Вӧр-ва памятникъяс

Амгуэмскӧй, Айонскӧй, Анюйскӧй вулкан, Тнеквеемскӧй да Телекайскӧй расъяс, Пекульнейскӧй, Паляваамскӧй, Ванкарем да Кожевников кокадъяс, Аччён ты, Ключевӧй (Сенявинскӧй термоминеральнӧй ӧшмӧсъяс), Лоринскӧй (Кукуньскӧй) пӧсь ваа ключьяс, Роутан, Раучуагытгын, Чаплинскӧй, Пинейвеемскӧй, Пегтымельскӧй, Кекурнӧй (останечьяс кар мыльк), Термальнӧй, Асыввыв (Уэленскӧй пӧсь ва ключьяс) да Чегитуньскӧй.

Флора да фауна

Чукоткаын быдмӧ 900-ысь унджык сикас быдмӧг, 400-ысь унджык сикас нитш да 400-ысь унджык сикас рой[27]. Чукоткалӧн континентальнӧй юкӧнын кольӧмаӧсь тайӧ регионлы аслыспӧлӧс важ быдмӧг колясъяс — Телекайскӧй да Тнеквеемскӧй расъяс[28].

Чукоткаын олӧны бурозубокъяс, леммингъяс да мувыв шыръяс, визяорда, черношапочнӧй сурок да берингийскӧй суслик (евражка), ур да ур-паляур, кӧч да пищуха, сан, сьӧдбӧж, ласича, юса вурд да калан, йӧра да войвыв кӧр, еджыд да руд ош, руч да кынь, войкытшса кӧин да вӧркань[27]. Гӧравыв районъясын олӧны корякскӧй да якутскӧй межъяс, а Врангель ді вылын — овцебык, кодӧс татчӧ вайисны водзті тані олысь овцебыкъясӧс реинтродукция серти эксперимент пыдди. Ӧні сылӧн популяцияыс 1000 гӧгӧр[27][29]. Сідзжӧ бура реинтродуцируйтӧма низьӧс, интродуцируйтӧма ондатраӧс да америкаса анчаӧс. Чукотка берегдорса ваясын олӧны 9 сикас кит кодь пемӧс (руд, гренландскӧй да гӧрба китъяс, финвал, ичӧт полосатик, еджыд дельфин, касатка, обыкновеннӧй да еджыд бордъя саридзса порсь)[30] да 6 сикас няр кока (Лӧнь океанса морж, ылі асыввывса лахтак, ларга (чутӧсь тюлень), крылатка (визя тюлень), акиба (кольчаа нерпа) да сивуч (войвыв саридзса лев)[31][32], а сідзжӧ татчӧ пыравлӧ нӧшта 7 сикас саридзса млекопитающӧй (лӧз да лунвыв шыльыд кит, сейвал, нарвал, кашалот, войвывса плавун да войвыв саридзса кӧч)[33][34][35]. Сӧмын Берингов саридзын олӧ 402 сикас чери, на пиысь 50-ысь унджыкыс — кыян чери. Кытшын пытшкӧсса ваясын олӧ 30 гӧгӧр сикас дуб васа чери да му-ваын олысьясӧс дзик ӧти петкӧдлысь — сибырса углозуб. Кытшын олӧ 42 сикас мувыв млекопитающӧй да 220 гӧгӧр сикас лэбач[36][37].

Йӧз

Олысь лыд
1897[38]1926[39]1931[40]19331939[41]1959[42]
12 900↗13 500↗14 983↗19 100↗21 524↗46 689
196219631964196519661968
↗56 000↗66 000↗72 000↗77 600↗84 000↗97 000
1970[43]19711972197319741975
↗101 184↗106 000↗112 000↗116 000↗118 000↗122 000
1976197719781979[44]19821983
↗125 000↗127 000↗129 000↗132 859↗143 000↗146 000
198419851987[45]1989[46]19901991
↗149 000↗152 000↗157 000↗157 528↗162 135↘158 056
199219931994199519961997
↘147 930↘124 351↘111 422↘95 769↘84 451↘77 917
19981999200020012002[47]2003
↘72 245↘67 010↘61 613↘57 534↘53 824↘53 137
200420052007200820092010[48]
↘51 410↘50 707↘50 484↘50 263↘49 520↗50 526
20112012[49]2013[50]2014[51]2015[52]2016[53]
↘50 346↗50 988↘50 780↘50 555↘50 540↘50 150
2017[54]2018[55]2019[56]2020[57]2021[58]2022[59]
↘49 822↘49 348↗49 663↗50 288↘47 490↗47 906
2023[60]2024[61]
↘47 840↗48 029
50 000
100 000
150 000
200 000
1926
1962
1968
1974
1979
1987
1993
1998
2003
2009
2014
2019
2024

Росстатлӧн юӧр серти кытшын олӧ 48 029[8] морт (2024). Йӧз лыд — 0,07 морт/км2 (2024). Карса олысьяс — 68,62[62] % (2022).

Урбанизация

Ставсоюзса да ставроссияса йӧзӧс гижалӧм серти карын олысьяслӧн лыд (пай)[63][64]:

Войтырсикасъяс

1939, 1959, 1970, 1979, 1989, 2002 да 2010 воясын йӧзӧс гижалӧм серти кытшын олысь войтырсикасъяс:

Йӧз 1939 1959 1970 1979 1989[65] 2002[66] 2010[67] 2021
Рочьяс 5183 (24,08 %) 28 318 (60,65 %) 70 500 (69,7 %) 96 400 (68,9 %) 108 297 (66,06 %) 27 918 (51,87 %) 25 068 (49,61 %) 25 503 (53,70 %)
Чукчаяс 12 111 (56,27 %) 9975 (21,36 %) 11 000 (10,9 %) 11 300 (8,1 %) 11 914 (7,27 %) 12 622 (23,45 %) 12 772 (25,28 %) 13 292 (27,99 %)
Украинечьяс 571 (2,65 %) 3543 (7,6 %) 10 400 (10,3 %) 20 100 (14,4 %) 27 600 (16,84 %) 4960 (9,22 %) 2869 (5,68 %) 1526 (3,21 %)
Эскимосъяс … 1064 (2,28 %) 1100 (1,1 %) 1300 (0,9 %) 1452 (0,88 %) 1534 (2,85 %) 1529 (3,03 %) 1460 (3,07 %)
Эвенъяс 817 (3,80 %) 820 (1,76 %) 100 (1,0 %) 1000 (0,7 %) 1336 (0,81 %) 1407 (2,61 %) 1392 (2,76 %) 1285 (2,71 %)
Чуванечьяс … … … … 944 (0,58 %) 951 (1,77 %) 897 (1,78 %) 742 (1,56 %)
Тотара 48 (0,22 %) 504 (1,08 %) 1600 (1,6 %) 2000 (1,4 %) 2272 (1,39 %) 534 (0,99 %) 451 (0,89 %) 345 (0,73 %)
Беларусъяс 60 (0,28 %) 578 (1,24 %) 1700 (1,6 %) 2400 (1,7 %) 3045 (1,86 %) 517 (0,96 %) 364 (0,72 %) 165 (0,35 %)

Административно-территориальнӧя юклӧм

Chukotka ao 2008.svg
Анадырскӧй район
Билибинскӧй район
Эгвекинот кар кытш
Провиденскӧй кар кытш
Чукотка район
Певек кар кытш

Олан пунктъяс

Олан пунктъяс, кӧні олӧ сюрсысь унджык морт
Анадырь ↘12 998[68]
Билибино ↘5409[69]
Певек ↗4230[69]
Угольные Копи ↘3232[70]
Эгвекинот ↘3113[70]
Провидения ↗2212[69]
Лорино ↗1426[70]
Лаврентия ↗1420[70]

Власьт органъяс

Оланпас пыртысь (бӧрйӧм) канму власьт орган — Чукотка асвеськӧдлан кытшса Дума. Сэтчӧ пырӧ 15 депутат, кодъясӧс бӧрйӧны 5 во кежлӧ.

Губернатор — бӧрйыссьӧ ставӧн гуся гӧлӧсуйтӧмӧн 5 во кежлӧ[71][72].

Экономика

Кытшын экономика подувсӧ пуктӧ мупытшса озырлун перъян промышленносьт. Вужвойтыр кыйсьӧ-вӧралӧ.

Ӧти морт вылӧ ВРП петкӧдлас серти регионсӧ пановтӧны сӧмын мусир перйысь Тюмень да Сахалин обласьтъяс. Чукоткаын шӧркодь удждоныс 71 сюрс шайт[73].

2008 воын канму услугаяслӧн пайыс вӧлі ВРП-лӧн нёльӧд юкӧн гӧгӧр. Регионса ВРП — 78 млрд шайт, 1,578 млн шайт морт вылӧ[74].

Промышленносьт

Промышленнӧя Чукотка сӧвмис 1930-ӧд вояс помын, кор заводитісны перйыны рудовгӧрд шом (Угольная шахта) да из шом (Нагорная шахта), кодӧн и ӧні на вӧдитчӧны регионлӧн могъяс вылӧ.

1940-ӧд воясӧ кызвыннас Чукотстройлагын пукалысьяс отсӧгӧн заводитӧмаӧсь стрӧитны озысь перъянінъяс, а сідзжӧ Северный уран перъянін, кӧні уджалісны 1953 воӧдз[75].

Регион промышленнӧя сӧвмӧдан выль тшупӧд заводитчис 1950-ӧд вояс помын зарни чир сора лыаӧн озыр куйлӧдъяс восьтӧмсянь. Найӧс отработайтӧм могысь вӧлі котыртӧма гырысь избурмӧдан комбинатъяс — Билибинскӧй, Полярнинскӧй, Комсомольскӧй; озысь да вольфрам перйӧмсӧ водзӧ нуӧдіс Иультинскӧй ИБК. Дона изъяс перъянін дорын артмисны рабочӧй посёлокъяс, на пиысь медся гырысьяс — Иультин да Полярный, кӧні оліс 5000-ысь унджык морт.

Рывеем куйлӧд, зарни перъян шахтаын бурӧвӧй уджъяс

1970-ӧд воясӧ вӧлі восьтӧма да пыртӧма уджӧ Пламенное ртуть куйлӧд. Му пытшкын уджалысьяслӧн татшӧм жӧ нима посёлокӧн водзӧ вылӧ вӧдитчисны кыдзи кӧр видзан овмӧслӧн перевалбазаӧн[76][77].

Зарни перйӧм

2018 во кежлӧ Чукоткаын перйӧны странаса зарниысь 10 прӧчент гӧгӧр. Зарнисӧ перйисны пыр унджык, медся ыджыд лыдпасыс лоис 1974 воын (36-ысь унджык тонна), кор заводитісны перйыны Рывеем юса куйлӧд. Водзӧ мунысь воясӧ зарни перъян тшупӧдыс кутіс вочасӧн чинны, 1990-ӧд вояс заводитчытӧдз кутчысис 15-19 тонна тшупӧдын.

2014 воын Чукотка АК-ын му пытшкӧсӧн вӧдитчысьяс кутісны перйыны зарнисӧ 32,0 тоннаӧдз, мый 29,8 % вылӧ унджык 2013 во серти. Эзысь перйӧмыс чиніс 16,3 прӧчент вылӧ — 138,45 тоннаӧдз. Рудаа зарнисӧ перйӧма 29,7 тонна, зарни чир сора лыасӧ — 2,3 тонна.

Медшӧр предприятиеяс:

Добыча золота в Чукотском АО с 2004-2014.png

«Чукотская ГГК» ВАК (Канадаса Kinross Gold-лӧн), уджалӧ Купол да Двойное куйлӧдъясын. Котырыс перйӧ Чукоткаса зарниысь 60%-ысь унджыксӧ (2014 воын 29,7-ысь 22,5 т).

«Рудник Каральвеем» ИКК (Лев Леваевлӧн) вӧчӧ 1,5-2,0 тонна гӧгӧр.

«Рудник Валунистый» ИКК (Роман Абрамович Millhouse Group-лӧн) перйӧ 1,0 гӧгӧр тонна зарни да 7 тонна эзысь.

«ЗК Майское» ИКК (Polymetal Int, заводитіс уджавны 2013 вося косму тӧлыссянь) 2014 воын вӧчис 5,8 тонна зарни концентратын.

2014 воын зарни чир сора лыасӧ перйис 15 предприятие, медводдзаяс лыдын — «Шахтёр» А/С ИКК, коді вӧчис 611 кг зарни (2285 кг-ысь)[78].

Сӧвет кадбӧрся экономика кризис ёна тӧдчис Чукоткаын мупытшса озырлун перъян промышленносьт вылӧ. Предприятиеясын ёна чинтісны уджалысьяслысь лыдсӧ, такӧд йитӧдын кызвын олысьыс эновтіс кытшсӧ. Мупытшса озырлун корсян-туялан уджъяссӧ вӧлі пӧшти дугӧдӧма, озысь да вольфрам перйӧмсӧ дзикӧдз дугӧдӧма. Зарни чир сора лыа куйлӧдъясын кольччисны уджавны важ ногӧн зарни перйысь неыджыд артельяс, кодъяс ӧтув перйисны 5 тоннаысь этшаджык зарни. Му пытшкын уджалысьяслысь став посёлоксӧ тупкисны.

2000-ӧд вояс заводитчӧмсянь регионса зарни-эзысьӧн озыр куйлӧдъяс дорӧ интерессӧ петкӧдлісны суйӧрсайса инвесторъяс. Некымын участок вылын пансис ыджыд удж, вӧлі лӧсьӧдӧма вахта посёлокъяс. Зарни чир сора лыасӧ перйисны пыр этшаджык, а рудаа зарнисӧ — мӧдарӧ, пыр ёнджыка. 2008 воын (20 воӧн медводдзаысь) дона металл вӧчан йӧрышыс вевтыртіс 20 тонна.

Чукоткаса куйлӧдъяс промышленнӧя перйигӧн вӧлі босьтӧма 900 тоннаысь унджык зарни, 200 сюрс тонна озысь да 90 сюрс тонна вольфрам. Рӧма мукӧд металл, попутнӧй эзысь да ртуть кындзи, тані водзті эз перйывлыны[79]. Зэв тӧдчана объектӧн лыддьыссьӧ Песчанка ыргӧн куйлӧд. Но сійӧс оз перйыны сы вӧсна мый, сэні абу сӧвмӧдӧма транспорт инфраструктура да медводз колӧ зэв уна сьӧм.

Мупытшса озырлун перъян промышленносьт кындзи регионын мукӧд юкӧныс сӧвмӧма омӧля (эмӧсь чери переработайтан неыджыд предприятиеяс, стрӧитчан материалъяс вӧчан предприятиеяс), но найӧ могмӧдӧны олысьяслысь коланлунсӧ.

Энергетика

2019 во помын Чукотка АК-ын уджаліс шоныд сетан нёль ыджыд электростанция, кык атомнӧй электростанция, ӧти тӧв электростанция, а сідзжӧ 328,71 МВт ӧтувъя вынйӧрӧн 40 сайӧ дизельнӧй электростанция. 2018 воын найӧ вӧчисны 700 млн кВт•ч электроэнергия[80].

Сы вӧсна, мый Чукотка зэв ылын, сылӧн ыджыд площадьыс, а йӧзыс олӧ этша, татчӧс энергосистемасӧ юкӧма куим энергорайон вылӧ, кодъяс торйӧдчӧмаӧсь ӧта-мӧдсьыс да Россияса ӧтувъя энергосистемаысь, а сідзжӧ энергияӧн могмӧдан децентрализуйтӧм зона вылӧ. Регионса энергосистемаын торъялӧны 136 МВт ӧтувъя вынйӧрӧн Чаун-Билибинскӧй энергорайон («Академик Ломоносов» ПАТЭС, Билибинскӧй АЭС, Чаунскӧй ТЭЦ), 68,25 МВт ӧтувъя вынйӧрӧн Анадырскӧй энергорайон (Анадырскӧй ТЭЦ да Анадырскӧй ГМТЭЦ) да 30 МВт ӧтувъя вынйӧрӧн Эгвекинотскӧй энергорайон (Эгвекинотскӧй ГРЭС). Энергияӧн могмӧдан децентрализуйтӧм зона артмӧ некымын посни энергоузелысь, кодъяс могмӧдӧны электроэнергияӧн торъя посёлокъяс да мупытшса озырлун перъян предприятиеяс. Энергияӧн тані могмӧдӧны дизельнӧй электростанцияяс[80].

Транспорт

Чукоткаын транспортӧн могмӧдӧмыс зэв омӧль. Тадзи артмӧ и сы вӧсна, мый тані олӧ этша йӧз, а сідзжӧ кытшын зэв кӧдзыд (тӧлыс Чукоткаын кыссьӧ 10 тӧлысьӧдз), мый вӧсна туйяссӧ стрӧитны зэв дона да сьӧкыд. Чорыд туй веркӧсъясыс эмӧсь сӧмын каръясын да накӧд орчча посёлокъясын; Чукоткалӧн став мукӧд мутасас вӧдитчӧны тӧвся туйясӧн, кыті ветлӧдлыны позьӧ сӧмын лым бура усьӧм бӧрын. Йӧзыс ветлӧдлӧны вездеходъясӧн, снегомобильясӧн да грузӧвикъясӧн.

2012 воын заводитісны стрӧитны «Колыма-Омсукчан-Омолон-Анадырь» федеральнӧй автомашина туй, коді йитас Чукоткасӧ Россияса Ылі Асыввыв туй везкӧд[81]. Ӧні Чукотка АК-ын уджалӧ А384 федеральнӧй туй, сылӧн кузьтаыс 30,5 км. Сійӧ мунӧ Анадырь карса вертолёт площадкасянь Угольные Копи посёлокса аэропортӧдз. Колӧ шуны, мый 8 км туйыс мунӧ веськыда Анадырь лиман йи вывті.

Чу

Лорино посёлокын МТ-ЛБ гусеничаа уялысь бронетранспортёр

коткаын кӧрт туйясыс абуӧсь. Кӧнсюрӧ эмӧсь сӧмын ичӧтик узкоколейкаяс[82].

Ылӧ ветлӧм могысь вӧдитчӧны сынӧдса да саридзвыв транспортӧн.

Уджалӧны Войвыв саридз туйлӧн 5 федеральнӧй порт:

  • Анадырь — Чукоткаын медыджыд порт;
  • Певек — Россияын медся войвыв порт;
  • Провидение — Войвыв саридз туй кузя ветлысь суднояслысь караванъяс котыртан пункт;
  • Беринговскӧй — рейдӧвӧй, медшӧр груз — матігӧгӧрын перъян изшом;
  • Эгвекинот — Берингов саридзлӧн медся войвыв порт.

Чукоткаса медшӧр авиакомпания — «Чукотавиа». Уджалӧ вель уна аэродром.

Видз-му овмӧс

Сьӧкыд климат вылӧ видзӧдтӧг Чукоткаын сӧвмис агропромышленнӧй комплекс. Но тырвыйӧ могмӧдны кытшын олысьяссӧ сёян-юанӧн эз вермы.

2020 воын став категорияа овмӧсъясын видз-му овмӧс прӧдукция — 1694,1 млн шайт, на лыдын быдмӧг вӧдитӧм — 149,1 млн шайт, скӧт видзӧм — 1545,1 млн шайт.

Скӧт видзӧм да вӧралӧм

Регионса видз-му овмӧсын медшӧр нырвизьӧн лоӧ кӧр видзӧм. Чукоткаса кӧр стада — мирын медся гырысьяс лыдын. 1970 воын сэні артавсис 587 сюрс кӧр (тайӧ мирса лыдпасъясысь нёльӧд юкӧныс). 2001 во кежлӧ кӧръяслӧн лыдыс чиніс 100 сюрсысь этшаджыкӧдз[83]. Яй да кучик кындзи заптӧны дона лекарство сырьё — кӧр панты. 2010 вося ӧшым тӧлысь 31-ӧд лун вылӧ кытшын кӧр лыдыс лоис 195426 юр, сы лыдын кытшса видз-му овмӧс предприятиеясын — 190397 юр[84].

Видз-му овмӧсын нӧшта ӧти тӧдчана нырвизь — вӧралӧм. Кыйӧны вӧрса кӧръясӧс, мый сетӧ позянлун могмӧдны олысьясӧс диетическӧй яйӧн. Кыйсьӧны сідзжӧ йӧра, кӧин, сан, руд ош, америкаса анча, низь, кынь, ондатра, кӧч, сьӧдбӧж вылӧ. Пӧткаяс пӧвстын вылӧ донъялӧны еджыд байдӧгӧс.

Саридзса звер да чери кыйӧм — саридзбердса сикт-грездъясын олысьяслӧн традиционнӧй удж. Чукоткаса вужвойтыр квота серти кыйӧны гренландскӧй да руд китъясӧс, еджыд дельфинъясӧс, моржъясӧс да йи формаа тюленьясӧс, а сідзжӧ чими. Сӧмын кык национальнӧй сиктын (Лорино да Инчоун) коли клеточнӧй звер видзӧм. 2010 воын кыйӧма 6026 саридзса млекопитающӧй, кык гренландскӧй кит (квотасӧ збыльмӧдӧма тырвыйӧ)[85].

Быдмӧг вӧдитӧм

Чукоткаса уна посёлокын уджалӧны парник-теплича овмӧсъяс. Кытшлӧн шӧр да рытыввыв юкӧнъясын — Марково да Омолон районын, восьса муын быдтӧны картупель, капуста, редис.

2020 воын овмӧсъясын чукӧртӧма 104,3 тонна картупель, 270,4 тонна градвыв пуктас (ӧгуреч — 142,2 тонна, помидор — 52,4 тонна, капуста — 20,2 тонна, свеклӧ — 3,2 тонна, морков — 3,0 тонна), 23,2 тонна турун[86].

Гырысь скӧтлы турун заптӧм вылӧ вӧдитчисны косьтӧм термокарстӧвӧй тыясысь видзьясӧн. Турунсӧ бурмӧдісны ӧткымын сикас злак сэтчӧ кӧдзӧмӧн, урожайлӧн ыдждаыс вӧлі гектарысь 80-сянь 300 центнерӧдз. Но некымын во мысти сійӧ чинліс, а видзьясыс нюрсялісны. Чукоткаса торъя овмӧсъясын татшӧм видзьясыс вӧліны некымын сюрс гектарӧдз[87]. Татшӧм ногӧн уджалісны 1986 воӧдз[88]. Ӧні гырысь скӧтсӧ пӧшти тырвыйӧ бырӧдӧма, та вӧсна видзьяссӧ оз вӧдитны.

Йӧзлысь дзоньвидзалун видзӧм да социальнӧя сӧвмӧм

Бӧръя воясӧ кытшын йӧзлысь дзоньвидзалун видзӧм вылӧ рӧскодыс ӧти олысь вылӧ арталӧмӧн лоӧ РФ-ын медся ыджыдӧн[89].

1930-ӧд вояссянь Анадырын уджалӧ Чукотка кытшса больнича, кӧні койка фондыс ӧні артавсьӧ 790 единица.

Кытшса больничаӧ пырӧны:

  • 5 филиал — районса больнича;
  • 19 участковӧй больнича, кыдзи филиалъяслӧн тэчас юкӧдувъяс;
  • 6 врачебнӧй амбулатория;
  • 15 ФАП (фельдшер-акушер пункт).

Сьӧкыд климат вӧсна да регионса ӧткымын сикт-грездӧ транспортӧн воӧдчыны позьтӧмлун вӧсна кытшын сӧвмис санитарнӧй авиация. Сы отсӧгӧн висьысьсӧ 2-5 часӧн вермӧны нуны кытшлӧн кӧть кутшӧм грездысь специалистъяс дорӧ районса шӧринъясӧ либӧ Анадырӧ[90].

Чукотка асвеськӧдлан кытшын пасйӧма РФ-ын медся ыджыд лыдпасъяс помӧдз вайӧдӧм суицид серти, ёнджыкасӧ татшӧмторсӧ вӧчӧны вужвойтырӧс петкӧдлысьяс, помкаыс — татчӧс олысьяслӧн юсьӧм[91], а сідзжӧ «ас вӧляысь кувсьӧм» йӧзкостса обычай, кутшӧмӧс пасйӧма XIX нэм помын на учёнӧй-этнограф В. Г. Богораз. Регионса став национальнӧй сиктын пыртӧма спирт вузалӧм вылӧ чорыд дзескӧдӧмъяс, ӧткымынлаын сійӧс дугӧдӧма дзикӧдз. Та дырйи 2016 во кежлӧ Чукоткаын официальнӧя пасйӧма, мый наркоманъясыс тані абуӧсь[92].

Велӧдчӧм

2021 во вылӧ Чукотка асвеськӧдлан кытшын уджалӧ вылыс тшупӧда велӧдчанінлӧн ӧти филиал:

  • Асыв-Войвыв федеральнӧй университетлӧн Чукоткаса филиал[93].

Культура

1935 воын котыртӧма Чукотка кытшын ас му туялан музей, 2002 воын сы подув вылын котыртӧма «Наследие Чукотки» музей шӧрин[94]. 1968 воын татчӧс войтырлысь культурасӧ видзӧм могысь котыртӧма «Эргырон» сьылан да йӧктан чукотка-эскимосса канму ансамбль.

Регионын уджалӧ Роч православнӧй вичколӧн Анадырса да Чукоткаса епархия.

Лориноын йӧктысь аньяс
Чукотка асвеськӧдлан кытшлы сиӧм 2005 вося Россиялӧн пошта марка. Марка вылын петкӧдлӧма Кит аллея, Анадырын саридзса порт, чери кыян судно, Анадырын Николай Чудотворецлысь статуя, Чукоткаын лыысь мичаторъяс вӧчалан искусство (кӧр дадюв), еджыд ош (регионлӧн символ)

2017 восянь регионлӧн юркарын мунӧ «Золотой ворон» войтыркостса арктическӧй кинофестиваль, коді лоис Чукоткалӧн аслыспӧлӧс визитнӧй карточкаӧн[95].

Туризм

Туризм петкӧдлӧма экспедицияясӧн, круизъясӧн, этнотуризмӧн. Саридзвыв круизъяс кыскӧны медся уна ветлысь-мунысьӧс, медсясӧ суйӧрсайса олысьясӧс. Медшӧр нималанторъясыс сулалӧны суйӧрбердса зонаын[96].

Археология озырлун

Чукотка войвылын, Пегтымель ю горув, аддзӧмаӧсь аслыспӧлӧс важся наскальнӧй серпасъяс — Пегтымельскӧй петроглифъяс. Ылі Войвылын татшӧм аддзӧмторйыс дзик ӧти. Серпасъяс вылын петкӧдлӧма важ йӧзлысь кӧръяс вылӧ кыйсьӧмсӧ, саридзса кыйсьӧм да юр весьтын тшак кодь фигураа йӧзӧс.

Чукотка йылысь кино

  • «Романтики» — Марк Донскойлӧн историко-революционнӧй фильм, кодӧс 1941 воын пуктӧма «Союздетфильм» киностудияын Тихон Сёмушкинлӧн «Чукотка» повесьт серти.
  • «Алитет уходит в горы» — режиссёр Марк Донскойлӧн историко-приключенческӧй фильм, кодӧс пуктӧма 1949 воын Горький нима киностудияын Тихон Сёмушкинлӧн татшӧм жӧ нима роман серти.
  • «Начальник Чукотки» — сӧветскӧй художественнӧй фильм-комедия, кодӧс 1966 воын пуктӧма «Ленфильмын» режиссёр Виталий Мельников. СССР-ын фильмлӧн премьераыс вӧлі 1967 вося косму тӧлысь 17-ӧд лунӧ.
  • «Последняя охота» — сӧветскӧй историко-приключенческӧй фильм, кодӧс 1979 воын пуктӧма «Ленфильмын» режиссёр Игорь Шешуков.
  • «Когда уходят киты» — сӧветскӧй шылада телевизионнӧй художественнӧй фильм («Экран» творческӧй ӧтув), кодӧс 1981 воын пуктӧма режиссёр Анатолий Ниточкин Чукоткаын йӧзкостса висьтъяслӧн сюрӧс серти.
  • «Белый шаман» — куим серияа телевизионнӧй художественнӧй фильм («Экран» творческӧй ӧтув), кодӧс 1982 воын пуктіс режиссёр Анатолий Ниточкин Николай Шундиклӧн татшӧм жӧ нима роман серти.
  • «Сон в начале тумана» — Россияса историческӧй художественнӧй фильм, кодӧс снимайтӧма 1994 воын Свердловскса киностудияын режиссёр Барас Халзанов Юрий Рытхэулӧн татшӧм жӧ нима роман серти.
  • «Учёные мира — Крайнему Северу» — «Леннаучфильм» киностудиялӧн научно-популярнӧй фильм, снимайтӧма 1991 воын (режиссёр-оператор В. Петров). Фильмсӧ сиӧма сӧветскӧй Чукоткаын экология, экономика да демография серти мытшӧдъяслы.
  • «Перегон» — Александр Рогожкинлӧн художественнӧй фильм. Висьталӧма 1943 воын Чукотка пыр «Аэрокобра» америкаса самолётъяс ленд-лиз серти мӧдлаӧ вуджӧдӧм йылысь.
  • «Добро пожаловать в Энурмино!» — 2009 воын режиссёр Алексей Вахрушевӧн снимайтӧм документальнӧй фильм. Висьталӧма Россияса медся ылі асыв-войвыв сиктын олӧм йылысь. Фильмсӧ петкӧдлӧма Россияса да войтыркостса кинофестивальясын.
  • «Книга тундры. Повесть о Вуквукае-маленьком камне» — «Золотой орёл» премияа номинант, режиссёр Алексей Вахрушевлӧн документальнӧй фильм (2011).
  • «Чукотское золото» — 2014 воын петӧм документальнӧй фильм. Висьталӧма Чукотка промышленнӧя сӧвмӧдӧм да рудаа зарни перйӧм йылысь.
  • «Жизнь и быт на Чукотке»[97] — документальнӧй фильм, коді висьталӧ тайӧ регионса вужвойтырлӧн олӧм йылысь.
  • «Территория» — художественнӧй фильм, Олег Куваевлӧн татшӧм жӧ нима романлӧн экранизация (1975), пуктӧма режиссёр Александр Мельникӧн 2014 воын.
  • «Чаучу» — чукчаяс олӧм йылысь документальнӧй фильм; ставнас чукот кыв вылын (роч субтитръясӧн).
  • «Как я провёл этим летом» — художественнӧй фильм, кодӧс снимайтлісны Чукоткаын; режиссёр Алексей Попогребский.

Чукотка йылысь литература

Пасйӧдъяс

  1. ↑ Путин сменил дальневосточного губернатора. Шыӧдчан кадпас: 14 сора тӧлысь 2025.
  2. ↑ https://data.iana.org/time-zones/tzdb-2021e/europe
  3. ↑ Валовой региональный продукт по субъектам Российской Федерации в 1998-2018гг. (рус.) (xls). https://rosstat.gov.ru/. Шыӧдчан кадпас: 31 сора тӧлысь 2025.
  4. ↑ Валовой региональный продукт по субъектам Российской Федерации в 1998-2018гг. (рус.) (xls). https://rosstat.gov.ru/. Шыӧдчан кадпас: 31 сора тӧлысь 2025.
  5. ↑ Валовой региональный продукт по субъектам Российской Федерации в 1998-2018гг. (рус.) (xls). https://rosstat.gov.ru/. Шыӧдчан кадпас: 31 сора тӧлысь 2025.
  6. ↑ Валовый региональный продукт на душу населения по субъектам Российской Федерации в 1998-2018гг. (рус.) (xls). https://rosstat.gov.ru/. Шыӧдчан кадпас: 31 сора тӧлысь 2025.
  7. ↑ Валовый региональный продукт на душу населения по субъектам Российской Федерации в 1998-2018гг. (рус.) (xls). https://rosstat.gov.ru/. Шыӧдчан кадпас: 31 сора тӧлысь 2025.
  8. ↑ 1 2 3 Город Севастополь в цифрах 2020 : Краткий статистический сборник. — Крымстат, 2021. — 195 с.
  9. ↑ Самойлова Г.С., Горячко М.Д. и др. Чуко́тский автоно́мный о́круг / председ. Ю. С. Осипов и др.. — Большая Российская Энциклопедия (в 30 т.). — Москва: Научное издательство «Большая российская энциклопедия», 2017. — Т. 34. Хвойка - Шервинский. — С. 643–648. — 797 с. — 35 000 экз. — ISBN 978-5-85270-372-9.
  10. ↑ Постановление ВЦИК от 10.12.1930 «Об организации национальных объединений в районах расселения малых народностей Севера». https://www.consultant.ru. Шыӧдчан кадпас: 27 сора тӧлысь 2025.
  11. ↑ Постановление Президиума Далькрайисполкома «О проведении районирования Дальневосточного края»
  12. ↑ Постановление ВЦИК от 22.07.1934 «О новом административном делении Дальневосточного края». https://www.consultant.ru. Шыӧдчан кадпас: 27 сора тӧлысь 2025.
  13. ↑ Указ Президиума Верховного Совета СССР от 2 декабря 1953 года «Об образовании Магаданской области». Электронная библиотека исторических документов (23 косму тӧлысь 2024). Шыӧдчан кадпас: 4 моз тӧлысь 2025.
  14. ↑ с даты опубликования закона РФ от 17 июня 1992 года № 3056-I «О непосредственном вхождении Чукотского автономного округа в состав Российской Федерации»
  15. ↑ Почти на всей территории Чукотки отменяется пограничный режим. «Известия» (8 лӧддза-номъя тӧлысь 2018). Шыӧдчан кадпас: 27 сора тӧлысь 2025.
  16. ↑ Русское Географическое общество. Отделение в Чукотском автономном округе. https://www.rgo.ru. Шыӧдчан кадпас: 27 сора тӧлысь 2025.
  17. ↑ Лист карты Q-60-V,VI. Масштаб: 1 : 200 000. Издание 1982 г.
  18. ↑ Чукотское нагорье : [арх. 19 йирым тӧлысь 2022] // Хвойка — Шервинский. — М. : Большая российская энциклопедия, 2017. — С. 650. — (Большая российская энциклопедия : [в 35 т.] / гл. ред. Ю. С. Осипов ; 2004—2017, т. 34). — ISBN 978-5-85270-372-9.
  19. ↑ Г. A. Стариков, П. Н. Дьяконов. Леса Чукотки. — Магадан: Магаданское книжное издательство, 1955. — 112 с.
  20. ↑ Мечигменская губа / Том 4 / Водно-болотные угодия России. www.fesk.ru. Шыӧдчан кадпас: 14 сора тӧлысь 2025.
  21. ↑ Колючинская губа (южная часть) / Том 4 / Водно-болотные угодия России. www.fesk.ru. Шыӧдчан кадпас: 14 сора тӧлысь 2025.
  22. ↑ Сенявинские проливы / Том 4 / Водно-болотные угодия России. www.fesk.ru. Шыӧдчан кадпас: 14 сора тӧлысь 2025.
  23. ↑ Е. А. Вакин. Высокотемпературные термы Чукотки. — Петропавловск-Камчатский: Институт вулканической геологии и геохимии ДВО РАН, 2002.
  24. ↑ Рудные минеральные ресурсы российской Арктики. Шыӧдчан кадпас: 14 сора тӧлысь 2025. Архивируйтӧма оригинала 29 косму тӧлысь 2014 года.
  25. ↑ Особо охраняемые природные территории Чукотского автономного округа. Шыӧдчан кадпас: 27 сора тӧлысь 2025.
  26. ↑ Чаунская губа (рус.). — Информация об ООПТ на сайте информационно-аналитической системы «Особо охраняемые природные территории России» (ИАС «ООПТ РФ»): oopt.aari.ru. Шыӧдчан кадпас: 10 сора тӧлысь 2025.
  27. ↑ 1 2 3 Черешнев, И. А. Красная книга чукотского автономного округа. — Izdatelʹskiĭ dom "Dikiĭ Sever", 2008.
  28. ↑ ООПТ Чукотского автономного округа. Шыӧдчан кадпас: 14 сора тӧлысь 2025.
  29. ↑ Животный мир Чукотки». https://www.rgo.ru. Шыӧдчан кадпас: 27 сора тӧлысь 2025.
  30. ↑ Melʹnikov, V. V. (Vladimir Vasilʹevich), Мельников, В. В. (Владимир Васильевич),. Kitoobraznye (Cetacea) tikhookeanskogo sektora arktiki : istorii︠a︡ promysla, sovremennoe raspredelenie, migrat︠s︡ii, chislennostʹ. — Vladivostok. — 394 pages с. — ISBN 9785804414963, 5804414968.
  31. ↑ Arti︠u︡khin, I︠U︡. B. Morskie ptit︠s︡y i mlekopitai︠u︡shchie Dalʹnego Vostoka Rossii : polevoĭ opredelitelʹ. — Moskva: Izd-vo AST, 1999. — 224 pages с. — ISBN 5237044751, 9785237044751.
  32. ↑ Osnovy morskogo zveroboĭnogo promysla : nauchno-metodicheskoe posobie. — Moskva: Sobranie, 2007. — 479 pages с. — ISBN 9785864431429, 5864431427.
  33. ↑ John J. Citta, Lloyd F. Lowry, Lori T. Quakenbush, Brendan P. Kelly, Anthony S. Fischbach. A multi-species synthesis of satellite telemetry data in the Pacific Arctic (1987–2015): Overlap of marine mammal distributions and core use areas // Deep Sea Research Part II: Topical Studies in Oceanography. — 2018-06-01. — Т. 152. — С. 132–153. — doi:10.1016/j.dsr2.2018.02.006.
  34. ↑ Lukin, L. R. (Leonid Romanovich). Морские млекопитающие Российской Арктики : эколого-фаунистический анализ. — Uralʹskoe otd-nie RAN, 2009. — ISBN 5769119624, 9785769119620, 2009467967.
  35. ↑ Burdin, A. (Aleksandr). Morskie mlekopitai︠u︡shchie Rossii : spravochnik-opredelitelʹ. — Kirov: Kirovskai︠a︡ obl. tip, 2009. — 206 pages с. — ISBN 9785881868505, 5881868501.
  36. ↑ Птицы Чукотки. Диалоги о природе Чукотки. Шыӧдчан кадпас: 27 сора тӧлысь 2025.
  37. ↑ Андреев А. В., Докучаев Н. Е., Кречмар А. В., Чернявский Ф. Б. Наземные позвоночные Северо-Востока России: Аннотированный каталог. — 2-е. — Магадан: СВНЦ ДВО РАН, 2006. — 315 с. — ISBN 5-94729-066-9..
  38. ↑ Изменение численности населения Чукотского автономного округа.
  39. ↑ Изменение численности населения Чукотского автономного округа.
  40. ↑ Административно-территориальное деление Союза ССР : [Районы и города СССР на 1931 год].
  41. ↑ Всесоюзная перепись населения 1939 года. Численность наличного населения СССР по районам и городам.
  42. ↑ Всесоюзная перепись населения 1959 года. Численность наличного населения городов и других поселений, районов, районных центров и крупных сельских населенных мест на 15 января 1959 года по республикам, краям и областям РСФСР.
  43. ↑ Всесоюзная перепись населения 1970 года. Численность наличного населения городов, поселков городского типа, районов и районных центров СССР по данным переписи на 15 января 1970 года по республикам, краям и областям.
  44. ↑ Всесоюзная перепись населения 1979 года. Численность наличного населения РСФСР, автономных республик, автономных областей и округов, краев, областей, районов, городских поселений, сел-райцентров и сельских поселений с населением свыше 5000 человек.
  45. ↑ Народное хозяйство СССР за 70 лет.
  46. ↑ Всесоюзная перепись населения 1989 года. Численность населения СССР, РСФСР и ее территориальных единиц по полу.
  47. ↑ Всероссийская перепись населения 2002 года. Том. 1, таблица 4. Численность населения России, федеральных округов, субъектов Российской Федерации, районов, городских поселений, сельских населённых пунктов - райцентров и сельских населённых пунктов с населением 3 тысячи и более.
  48. ↑ Перепись населения 2010. Численность населения России, федеральных округов, субъектов Российской Федерации, городских округов, муниципальных районов, городских и сельских поселений.
  49. ↑ Численность населения Российской Федерации по муниципальным образованиям. Таблица 35. Оценка численности постоянного населения на 1 января 2012 года.
  50. ↑ Численность населения Российской Федерации по муниципальным образованиям на 1 января 2013 года.
  51. ↑ Таблица 33. Численность населения Российской Федерации по муниципальным образованиям на 1 января 2014 года.
  52. ↑ Численность населения Российской Федерации по муниципальным образованиям на 1 января 2015 года.
  53. ↑ http://www.gks.ru/free_doc/new_site/population/demo/Popul2016.xls.
  54. ↑ Численность населения Российской Федерации по муниципальным образованиям на 1 января 2017 года.
  55. ↑ Численность населения Российской Федерации по муниципальным образованиям на 1 января 2018 года.
  56. ↑ Численность населения Российской Федерации по муниципальным образованиям на 1 января 2019 года.
  57. ↑ Численность населения Российской Федерации по муниципальным образованиям на 1 января 2020 года.
  58. ↑ Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более.
  59. ↑ Численность населения по полу по субъектам Российской Федерации на 1 января 2022 года (с учётом итогов Всероссийской переписи населения 2020 г.).
  60. ↑ Численность постоянного населения Российской Федерации по муниципальным образованиям на 1 января 2023 года (с учётом итогов Всероссийской переписи населения 2020 г.).
  61. ↑ Оценка численности постоянного населения на 1 января 2024 г. и в среднем за 2023 г. и компоненты её изменения.
  62. ↑ Численность населения по полу по субъектам Российской Федерации на 1 января 2022 года (с учётом итогов Всероссийской переписи населения 2020 г.). Федеральная служба государственной статистики (рус.) (30 ӧшым тӧлысь 2022). Шыӧдчан кадпас: 31 сора тӧлысь 2025.
  63. ↑ Переписи населения Российской империи, СССР, 15 новых независимых государств. Шыӧдчан кадпас: 27 сора тӧлысь 2025.
  64. ↑ Тома официальной публикации итогов Всероссийской переписи населения 2010 года. Шыӧдчан кадпас: 27 сора тӧлысь 2025.
  65. ↑ Всесоюзная перепись населения 1989 года. Всесоюзная перепись населения 1989 года.. Шыӧдчан кадпас: 27 сора тӧлысь 2025.
  66. ↑ Всероссийская перепись населения 2002 года. Шыӧдчан кадпас: 27 сора тӧлысь 2025.
  67. ↑ Информационные материалы об окончательных итогах Всероссийской переписи населения 2010 года. Шыӧдчан кадпас: 27 сора тӧлысь 2025.
  68. ↑ Численность постоянного населения Российской Федерации по муниципальным образованиям на 1 января 2023 года (с учётом итогов Всероссийской переписи населения 2020 г.). Федеральная служба государственной статистики (рус.) (18 моз тӧлысь 2023). Шыӧдчан кадпас: 31 сора тӧлысь 2025.
  69. ↑ 1 2 3 Численность населения Чукотского автономного округа по городским округам и муниципальным районам на 1 января 2023 года и в среднем за 2022 год (с учётом итогов ВПН-2020)
  70. ↑ 1 2 3 4 Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более. Итоги Всероссийской переписи населения 2020 года. На 1 октября 2021 года. Том 1. Численность и размещения населения (рус.) (XLSX). Шыӧдчан кадпас: 26 кӧч тӧлысь 2025. Архивируйтӧма 1 кӧч тӧлысь 2022.
  71. ↑ Устав Чукотского автономного округа от 28 ноября 1997 г. № 26-ОЗ. https://constitution.garant.ru/. Шыӧдчан кадпас: 17 сора тӧлысь 2025.
  72. ↑ Закон Чукотского автономного округа «О порядке проведения выборов Губернатора Чукотского автономного округа». Шыӧдчан кадпас: 17 сора тӧлысь 2025. Архивируйтӧма оригинала 1 вӧльгым тӧлысь 2013 года.
  73. ↑ Alexander Belenkiy. Средняя зарплата на Чукотке. Чукотка: ледяной край дорогих продуктов и домов (16 моз тӧлысь 2018). Шыӧдчан кадпас: 17 сора тӧлысь 2025.
  74. ↑ Чукотский автономный округ. Шыӧдчан кадпас: 17 сора тӧлысь 2025.
  75. ↑ Государственный музей истории ГУЛАГа. Шыӧдчан кадпас: 14 сора тӧлысь 2025. Архивируйтӧма оригинала 15 косму тӧлысь 2016 года.
  76. ↑ Ртуть. Проблемы геохимии, экологии, аналитики. Сборник научных трудов. — М.: Имгрэ, 2005. — С. 5—34.
  77. ↑ Романтика и будни на вечной мерзлоте. Шыӧдчан кадпас: 14 сора тӧлысь 2025. Архивируйтӧма оригинала 21 сора тӧлысь 2013 года.
  78. ↑ Добыча золота в Чукотском АО. Добыча золота в Чукотском АО. Шыӧдчан кадпас: 17 сора тӧлысь 2025.
  79. ↑ Музейный центр «Наследие Чукотки». Шыӧдчан кадпас: 14 сора тӧлысь 2025. Архивируйтӧма оригинала 14 тӧвшӧр тӧлысь 2013 года.
  80. ↑ 1 2 Схема и программа развития электроэнергетики Чукотского автономного округа на 2019-2023 годы (недоступная ссылка — история). Глава Республики Саха (Якутия). Шыӧдчан кадпас: 14 сора тӧлысь 2025.
  81. ↑ Колыму и Анадырь свяжет автомобильная трасса.26 Января 2012. Шыӧдчан кадпас: 17 сора тӧлысь 2025. Архивируйтӧма 12 рака тӧлысь 2014. // Восток Медиа
  82. ↑ С. Болашенко. Узкоколейные железные дороги Чукотского автономного округа (23 лӧддза-номъя тӧлысь 2007). Шыӧдчан кадпас: 14 сора тӧлысь 2025. Архивируйтӧма оригинала 1 сора тӧлысь 2014 года.
  83. ↑ Север и северяне. Современное положение коренных малочисленных народов Севера, Сибири и Дальнего Востока России. С. 253. Шыӧдчан кадпас: 17 сора тӧлысь 2025.
  84. ↑ Север и северяне. Современное положение коренных малочисленных народов Севера, Сибири и Дальнего Востока России. С. 207. Шыӧдчан кадпас: 17 сора тӧлысь 2025.
  85. ↑ Север и северяне. Современное положение коренных малочисленных народов Севера, Сибири и Дальнего Востока России. С. 208. Шыӧдчан кадпас: 17 сора тӧлысь 2025.
  86. ↑ Валовые сборы основных сельскохозяйственных культур в хозяйствах всех категорий 2016—2020. Шыӧдчан кадпас: 17 сора тӧлысь 2025.
  87. ↑ Голубчиков Ю.Н. География Чукотского автономного округа. — Москва: ИПЦ «Дизайн. Информация. Картография», 2003. — 320 с. — ISBN 5-287-00080-4. Архивированная копия. Шыӧдчан кадпас: 14 сора тӧлысь 2025. Архивируйтӧма оригинала 21 кӧч тӧлысь 2013 года.
  88. ↑ Беликович А. В., Галанин А. В. Чукотка: природно-экономический очерк. — Москва: Арт-Литэкс, 1995. — С. 98–99.
  89. ↑ Постановление Правительства Чукотского автономного округа от 31 декабря 2010 года № 458 «Об утверждении региональной программы модернизации здравоохранения Чукотского автономного округа на 2011—2013 годы». Шыӧдчан кадпас: 17 сора тӧлысь 2025.
  90. ↑ ГБУЗ «Чукотская окружная больница» на пути модернизации отечественного здравоохранения. «Медицина и Здоровье» (8 вӧльгым тӧлысь 2012). Шыӧдчан кадпас: 17 сора тӧлысь 2025.
  91. ↑ Пашенцев А. В., Воропаев А. В., Исаев И. В. К вопросу об особенностях суицидомании в Чукотском автономном округе // Сибирский медицинский журнал. — 2013. — Т. 116, № 1.
  92. ↑ Чукотка осталась без всех трёх наркоманов автономного округа. https://mir24.tv. Шыӧдчан кадпас: 17 сора тӧлысь 2025.
  93. ↑ Лицензия (рус.). Рособрнадзор. Шыӧдчан кадпас: 7 сора тӧлысь 2025.
  94. ↑ Музейный Центр «Наследие Чукотки». http://www.chukotka-museum.ru. Шыӧдчан кадпас: 17 сора тӧлысь 2025.
  95. ↑ В Анадыре открылся Международный арктический кинофестиваль «Золотой ворон» (рус.). ТАСС (10 рака тӧлысь 2020). Шыӧдчан кадпас: 14 сора тӧлысь 2025.
  96. ↑ О чём стоит знать и к чему быть готовым. Чукотка. Прекрасный и суровый край. Шыӧдчан кадпас: 14 сора тӧлысь 2025.
  97. ↑ Фильм «Жизнь и быт на Чукотке». Шыӧдчан кадпас: 14 сора тӧлысь 2025.

Ыстӧгъяс

Регионъяс Россияын Рочму дöрапас
Республикаяс: Адыгея | Алтай | Башкортостан | Бурятия | Войвыв Осетия | Дагестан | Донецк Народнӧй Республика | Ингушетия | Кабарда-Балкария | Калмыкия | Карачай-Черкесия | Карелия | Коми | Крым | Луганск Народнӧй Республика | Мари Эл | Мордовия | Татарстан | Тува | Удмуртия | Хакасия | Чечня | Чувашия | Якутия
Крайяс: Алтай | Байкалсайса | Камчатка | Краснодар | Красноярск | Перым | Саридздор | Ставрополь | Хабаровск
Обласьтъяс: Амур | Астрахань | Белгород | Брянск | Владимир | Волгоград | Воронеж | Вӧлӧгда | Запорожье | Новгород | Иваново | Иркутск | Калининград | Калуга | Кардор | Кемерово | Киров | Кострома | Курган | Курск | Ленинград | Липецк | Магадан | Макаръя | Москва | Мурманск | Новосибирск | Омск | Оренбург | Орёл | Пенза | Псков | Ростов | Рязань | Самара | Саратов | Сахалин | Свердловск | Смоленск | Тамбов | Тверь | Томск | Тула | Тюмень | Ульяновск | Херсон | Челябинск | Ярославль
Федеральнӧй тӧдчанлуна каръяс: Москва | Петыркар | Севастополь
Асвеськӧдлан обласьт: Еврей
Асвеськӧдлан кытшъяс: Ханты-Манси | Чукотка | Ямал-Яран | Яран
Федеральнӧй кытшъяс:
Волгаберд | Урал | Лунвыв | Рытыв-Войвыв | Сибыр | Шӧр | Ылі Асыввыв | Войвыв Кавказ
Босьтӧма "https://kv.ruwiki.ru/w/index.php?title=Чукотка_асвеськӧдлан_кытш&oldid=482869"-ысь