Запорожье обласьт

Босьтӧма Рувикиысь
Россия Федерацияса субъект
Запорожье обласьт
Дӧрапас[d] Канпас[d]
Дӧрапас[d] Канпас[d]
Страна  Россия
Адм. шӧрин Мелитополь[d]
Губернатор Балицкий Евгений Витальевич
История да география
Артмӧдан кадпас 1939 во
Джуджда
 • Максимальнӧй 324 м
Час кытш MSD и Европа/Москва[d]
Экономика
ВРП  
 • места Места-ӧд места
 • морт вылӧ Ӧти морт вылӧ
Олысь лыд
Олысь лыд 1 636 322 морт (2022)
Лыдпаса идентификаторъяс
Телефон код 910
Официальнӧй сайт
Запорожье обласьт на карте
Логотип РУВИКИ.Медиа Медиафайлы на РУВИКИ.Медиа

Запорожье обласьт (рочӧн Запоро́жская о́бласть) — Россия Федерацияса субъект, сэтчӧ пырысь обласьт, меститчӧ Днепр  (рус.) (коми кывтыдын. Запорожье обласьтсӧ вӧлі артмӧдӧма 1939 воын Украинаса ССР-ын Днепропетровскӧй обласьтысь сійӧс торйӧдӧмӧн. 1944 воын обласьтысь вӧлі торйӧдӧма рытыввыв юкӧнсӧ, коді лои Херсон обласьтӧн. 2022 вося кӧч тӧлысьӧдз вӧлі Украинаын. Запорожье обласьт да Россия Федерация костын 2022 во кӧч тӧлысь 30-ӧд лунся сёрнитчӧмыс индӧ обласьтсӧ кыдзи Россия Федерацияӧ пырысь выль субъектӧс[2]. Помшуӧмсӧ вӧлі подулалӧма 2022 вося кӧч тӧлысь 27-ӧд лунӧ Запорожье обласьтын нуӧдӧм референдумлӧн кывкӧртӧдъясӧн.

Украинаса власьт талы сувтӧ паныд, водзӧ лыддьӧ тайӧ обласьтсӧ Украина мутасӧн.

Войвылын сыкӧд орччӧн сулалӧ Украинаса Днепропетровскӧй обласьт, рытыввылын — Россияса Херсон обласьт, асыввылын — Донецк Народнӧй Республика, лунвылын сійӧс кытшалӧ Азов саридз.

Обласьтлӧн ыдждаыс — 27,1 сюрс км², 2022 во заводитчигкежлӧ тані оліс 1,6 млн морт. Административнӧй шӧрин да медыджыд кар — Запорожье. Россия Федерацияӧ пырӧм бӧрын недырся юркарӧн лои Мелитополь[3][4], мукӧд гырысь кар — Бердянск, Энергодар, Токмак.

Обласьтсӧ вӧлі артмӧдӧма 1939 воын Украинаса ССР-ын Днепропетровскӧй обласьтысь сійӧс торйӧдӧмӧн. 1944 воын обласьтысь вӧлі торйӧдӧма рытыввыв юкӧнсӧ, коді лои Херсон обласьтӧн.

Мукӧддырйи став обласьтсӧ шуӧны Запорожьеӧн, но тайӧ абу сідз. Кӧть история боксянь тадзи шусьыліс Запорожье обласьтлӧн ыджыдджык юкӧнсянь войвылын меститчысь мутасыс, ӧнія Днепропетровскӧй обласьт гӧгӧрын мутас.

Му веркӧс да пытшкӧс

Запорожье обласьтлы лӧсялӧ тшӧтшкӧсвыв. Сійӧ ёнджыкасӧ меститчӧ Днепрбердса увтасінын, коді лунвылын вуджӧ Сьӧд саридзбердса увтасінӧ, асыв-лунвыв юкӧнсӧ босьтӧ Азовбердса вывтасін. Азов саридз берег пӧлӧн нюжӧдчӧмаӧсь кузь векньыдик лыа кӧсаяс.

Войвывсянь лунвылӧдз кузьтаыс — 208 км, рытыввывсянь асыввылӧдз — 235 км.

Запорожье обласьтын визувтӧ 109 ю, медся ыджыдыс на пиысь — Днепр. Тайӧ тӧдчана ва туй, коді могмӧдӧ обласьтлысь промышленносьтсӧ, сэні стрӧитӧма некымын ва видзанін.

Запорожье обласьт условнӧя юксьӧ вӧр-ва да видз-му овмӧс куим зона вылӧ — степ зона вылӧ (50,8 % мутас), косьман степ зона вылӧ (34,8 %) да кос степ зона вылӧ (14,4 %). Кызвыннас позьӧ аддзыны сьӧд му. Сідзжӧ тані эмӧсь гранитлӧн, кӧрт да марганец рудаяслӧн тӧдчана видзасъяс.

Ывласямыс умереннӧй континентальнӧй, кос. Вогӧгӧрся шӧркодь температураыс: гожӧмнас +22 °С, тӧвнас — 4,5 °С. Вонас шӧркодя 225 шондіа лун, лым-зэрыс усьӧ 448 мм.

История

Тайӧ муас йӧзыс овмӧдчылӧмаӧсь 31-32 сюрс во сайын[5], та йылысь висьталӧ «Мира» сулаланін, кутшӧмӧс аддзӧмаӧсь 1995 воын Днепр юлӧн веськыд берегын Запорожье районса Каневское сикт гӧгӧрысь. Запорожье дорын туялӧма сёр палеолит кадся сизим оланін, а сідзжӧ бронза кадся 100 гӧгӧр памятник. Мамай-Гӧраса шойнаын эмӧсь неолит кадсянь шӧр нэмъясӧдз дзебӧмъяс.

Катакомбнӧй культура гуяс пӧвстысь (дмитровскӧй 6-ӧд номера курган да «Тягуновлӧн гу» марьевскӧй гуаланін) аддзӧмаӧсь 5 сюрс гӧгӧр вося кольӧм кӧлесаа додьяс[6].

Миян эраӧдз VІІ нэмсянь Войвыв Причерноморьеын ыджыдалісны скифъяс, а налӧн юркарыс, кыдзи лыддьыссьӧ, вӧлі ыджыд Каменскӧй городище.

IV нэмын тайӧ муяссӧ босьтісны гуннъяс, VI нэмын — аваръяс, VIII нэмын — хазаръяс. Покровское сиктдорса Макартет урочищеысь аддзӧмаӧсь алано-гуннскӧй кадся (IV—V нэмъяс) жертва ваян места. Макартет урочищеысь гуннскӧй кадся комплексыс петкӧдліс обрядлысь Запорожьеын Вознесенскӧй археологическӧй комплекскӧд шензьӧдана ӧткодьлунсӧ, кӧть эськӧ кад серти найӧ ёна торъялӧны[7]. Фёдоровка сикт дорын Днепр юлӧн веськыд берегвывса Канцирка урочищеын VII нэм помын заводитӧ уджавны гырнич вӧчан шӧрин. Вознесенскӧй археологическӧй комплекслӧн кадпас — VII нэм пом — VIII нэм заводитчӧм.

Сы бӧрын, кор 969 воын князь Святослав Игоревич пасьвартіс Хазарскӧй каганатӧс, на пыдди локтісны печенегъяс.

XI нэмсянь азовдорса муяс вӧліны половечьяслӧн власть улын. ХII нэм заводитчигӧн Молочная ю берег дорын роч князьяс жугӧдісны половечьяслысь войскасӧ. Чингульскӧй курган — половецкӧй (кыпчакскӧй) гуаланінлӧн кад — ХІІІ нэмлӧн мӧд четверть — шӧр[8]. 1223 вося лӧддза-номъя тӧлысьын вӧлі Калка дорын тыш, роч-половецкӧй войскаӧс вӧлі пасьвартӧма, Азовдорса степъясын олысьяслӧн юкӧн веськаліс Зарни Орда да Крымскӧй ханство улӧ, муяслы сетісны Дикое поле ним. XV нэм помын чужис казачество, а 1552 воын Малая Хортица ді вылын Дмитрий Вишневецкий лӧсьӧдіс кар, коді лои локтан Запорожье Сечаяслы прототипӧн.

ХVIII нэмын рочьяс да турокъяс костын тышъяс дырйи да Крымскӧй ханство бырӧдігӧн Запорожье обласьтлӧн муясыс пырисны Новороссийскӧй, а сэсся Екатеринославскӧй да Таврическӧй губернияясӧ.

Регионлӧн промышленносьтыс заводитіс сӧвмыны ХІХ нэмлӧн медводдза джынйын, кор чужисны видз-му овмӧсса сырьё переработайтан мануфактураяс.

1917—1921 воясся Гражданскӧй война чӧжӧн ӧнія Запорожье обласьтсӧ киын кутіс Шӧр Рада, большевикъяс, бара Шӧр Рада (кодӧс индӧма австро-германскӧй войска отсӧгӧн), гетман П. Скоропадский, Директория, еджыд гвардеечьяс, махновечьяс да медбӧрын вермисны большевикъяс.

Обласьт артмӧм

1939 вося тӧвшӧр тӧлысь 10-ӧд лунӧ Запорожье обласьтсӧ вӧлі торйӧдӧма Днепропетровскӧй обласьтса асыв-лунвыв районъясысь (Андреевскӧй, Акимовскӧй, Бердянскӧй, Великобелозерскӧй, Большетокмакскӧй, Васильевскӧй, Веселовскӧй, Геническӧй, Гуляйпольскӧй, Каменско-Днепровскӧй, Коларовскӧй, Красноармейскӧй, Куйбышевскӧй, Люксембургскӧй, Мелитопольскӧй, Михайловскӧй, Молочанскӧй, Нижнесерогозскӧй, Нововасилевскӧй, Новозлатопольскӧй, Новоникольскӧй, Ореховскӧй, Пологовскӧй, Приазовскӧй, Ротфронтовскӧй, Сивашскӧй, Черниговскӧй) да Николаевскӧй обласьтлӧн кык районысь (Больше-Лепетихскӧй да Новотроицкӧй). Сійӧ жӧ воас урасьӧм тӧлысь 11-ӧд лунӧ бӧр лои лӧсьӧдӧма Запорожье район, рака тӧлысь 26-ӧд лунӧ бырӧдӧм Коларовскӧй, Люксембургскӧй, Молочанскӧй да Ротфронтовскӧй районъяс пыдди вӧлі артмӧдӧма Приморскӧй район, лӧддза-номъя тӧлысь 7-ӧд лунӧ Бердянскӧй районӧс нимтісны Осипенковскӧйӧн (1958 воӧдз). 1944 вося рака тӧлысь 30-ӧд лунӧ Запорожье обласьтлӧн рытыв-лунвыв юкӧныс (Большо-Лепетихскӧй, Геническӧй, Ивановскӧй, Нижнесерогозскӧй, Новотроицкӧй, Сивашскӧй районъяс) вуджис выльысь лӧсьӧдӧм Херсон обласьтӧ. Запорожье обласьтлысь ӧнія мудоръяссӧ помалісны лӧсьӧдны 1949 воын, кор сэтчӧ пырысь Зачатовка да Красновка сиктъяс (ӧні Донецк обласьтса Волновахскӧй район) вуджӧдісны Сталинскӧй обласьтӧ. Район лыдыс унаысь вежсьывліс: 1939 — 29, 1946 — 23, 1963 — 10, 1966 — 17, 1993 — 20..

Власьт органӧн вӧлі Йӧзӧн бӧрйӧм депутатъяслӧн Запорожье обласьтса олӧмӧ пӧртысь комитет. Зэв тӧдчанаӧн вӧлі Украинаса Коммунистическӧй партиялӧн Запорожье обласьтса комитет.

Россияӧ пырӧм

Веськӧдлан орган пыдди Россияӧн лӧсьӧдӧма Запорожье обласьтса Военно-гражданскӧй администрация.

2022 вося ода-кора тӧлысь 25-ӧд лунӧ Россияса Президент Владимир Путин йӧзӧдіс Запорожье обласьтын олысьяслы Россияса паспортъяс кокньӧдӧмӧн сетӧм йылысь индӧд. Налы сетісны позянлун босьтны РФ-са паспортъяссӧ сідзи жӧ, кыдзи тайӧс вӧчӧны Донецк да Луганск Народнӧй Республикаясса олысьяс[9].

2022 вося моз тӧлысь 8-ӧд лунӧ Запорожьеын ВГА-са юралысь кырымаліс Россия дорӧ ӧтувтчӧм йылысь референдум нуӧдӧм йылысь индӧд. Водзынджык лои тӧдса, мый Херсон да Запорожье обласьтъясса военно-гражданскӧй администрацияясӧн веськӧдлысьяс кырымалісны бӧрйысян комиссияяс котыртӧм йылысь документъяс[10]. Кӧч тӧлысь 20-ӧд лунӧ Евгений Балицкий юӧртіс, мый Россиякӧд ӧтувтчӧм йылысь референдумыс лоӧ кӧч тӧлысь 23-27-ӧд лунъясӧ[11].

Кӧч тӧлысь 29-ӧд лунӧ Россияса Президент Владимир Путин кырымаліс индӧд, кӧні шуис Запорожье обласьтсӧ асшӧр канмуӧн[12].

Кӧч тӧлысь 30-ӧд лунӧ канмуса юралысь да Донецк да Луганск Народнӧй Республикаясса, Запорожье да Херсон обласьтъясса веськӧдлысьяс кырымалісны тайӧ регионъяссӧ Россияӧ пыртӧм йылысь войтыркостса сёрнитчӧмъяс[13].

Сёрнитчӧмъяс серти ДНР, ЛНР, Запорожье да Херсон обласьтъяс лыддьыссьӧны Россия Федерация тэчасын кырымалан кадпассянь — 2022 вося кӧч тӧлысь 30-ӧд лунсянь.

2025 вося урасьӧм тӧлысь 20-ӧд лунӧ РФ-са Вооружённӧй вынъяслӧн Генштабса начальникӧс медводдза вежысь генерал-полковник Сергей Рудской юӧртіс, мый ДНР-лысь, Херсон да Запорожье обласьтъяслысь 75 % гӧгӧр мутассӧ мездӧма Украинаса вооружённӧй формированиеясӧ пырысьясысь[14].

Йӧз

2020 вося тӧвшӧр тӧлысь 1 лун вылӧ обласьтын оліс 1 687 401 морт, сы лыдын карса олысь — 1 306 231 морт, либӧ 77,4 %, сиктса олысь — 381 170 морт, либӧ 22,6 %.

Пыр олысь лыд
1989
2 074 018
1990 1991 1992 1993 1994 1995 1996 1997 1998 1999
↗2 081 836 ↗2 087 798 ↗2 094 784 ↗2 100 466 ↘2 092 524 ↘2 074 940 ↘2 055 614 ↘2 034 624 ↘2 015 453 ↘1 994 147
2000 2001 2002 2003 2004 2005 2006 2007 2008 2009
↘1 972 338 ↘1 948 620 ↘1 926 810 ↘1 908 525 ↘1 891 809 ↘1 876 391 ↘1 860 242 ↘1 846 136 ↘1 832 099 ↘1 820 503
2010 2011 2012 2013 2014 2015 2016 2017 2018 2019
↘1 810 875 ↘1 800 526 ↘1 790 879 ↘1 784 454 ↘1 775 044 ↘1 765 137 ↘1 752 853 ↘1 738 699 ↘1 722 382 ↘1 705 047
2020 2021
↘1 686 612 ↘1 665 726

Войтырсикасъяс

2001 воын став Украинаын йӧзӧс гижалӧм серти ӧти сюрсысь унджык лыда войтыр.

Войтырсикас Лыд Прӧчент
Ставыс 1 926 810 100 %
Украинечьяс 1 364 095 70,8 %
Рочьяс 476 748 24,74 %
Болгара 27 764 1,44 %
Беларусъяс 12 655 0,66 %
Армяна 6411 0,33 %
Тотара 5177 0,27 %
Еврейяс 4353 0,23 %
Грузинъяс 3899 0,2 %
Азербайджансаяс 2490 0,13 %
Молдавана 2476 0,13 %
Немечьяс 2209 0,11 %
Грекъяс 2179 0,11 %
Чиганъяс 1887 0,1 %
Полякъяс 1774 0,09 %
Мукӧд войтырсикас да найӧ, кодъяс эз индыны войтырсикассӧ 12 693 0,66 %

Религия

Обласьтын артавсьӧ 50 гӧгӧр религиознӧй нырвизь да визь. Пасйӧма 900-ысь унджык организация. Сідзжӧ уджалӧ 100 гӧгӧр абу официальнӧй котыр. Медся ёна паськалӧма православие (организацияяслӧн ӧтувъя лыдысь 51,1 % (400 котыр), мӧд местаын протестантъяс — 39 % (129 котыр).

Запорожье обласьтӧ пырӧны Украинаса православнӧй вичколӧн (Московскӧй патриархатлӧн) Запорожье да Бердянскӧй епархияяс да Украинаса Православнӧй вичколӧн Запорожье епархия. Римса католическӧй вичко пыртӧ Запорожье обласьтсӧ Харьков-Запорожье диоцезӧ.

Протестантизм петкӧдлӧны: евангелистскӧй христиана-баптистъяс (ЕХБ), пятидесятникъяс (Евангелиеӧ эскӧм серти христианалӧн ставукраинсаса котыр), Сизимӧд лунся адвентистъяс (АСД), Тырвыйӧ Евангелие вичко.

Ортодоксальнӧй иудаизм петкӧдчӧ ӧти ӧтулӧн да квайт котырӧн. Таысь кындзи, обласьтын эм прогрессивнӧй иудаизмлӧн ӧти котыр, чукӧртчылӧмъяссӧ нуӧдӧны кӧртымалӧм жырйын.

Обласьтын эм мусульманалӧн вит котыр, кодъяс пырӧны Украинаса Мусульманалӧн Духовнӧй Веськӧдланінӧ (ДУМУ) да нёль котыр — найӧ асшӧрӧсь.

Еврейяслӧн котыр

Муын, кӧні талун меститчӧ Запорожье обласьт, еврейяс заводитӧмаӧсь овны ХVI нэм помын. Найӧ олісны, торйӧн кӧ, Запорожье Сечаса казакъяс пӧвстын[15]. Еврейяс кутісны овмӧдчыны Запорожье карӧ, коді 1770 восянь 1921 воӧдз шусис Александровскӧн, ӧти местаӧ вужъясьӧм бӧрын. Котырыс вочасӧн содіс — сідз, 1897 воын карын 18 849 олысь пӧвстын вӧлі 5 290 еврей. Мукӧд уездын еврейяс ёнджыкасӧ вузасисны да вӧчисны кипод удж, тайӧ муясас найӧ медшӧрсӧ вӧдитісны видз-му (3 700 еврей), а сідзжӧ вурисны паськӧм да вӧчисны дӧра.

  • Бердянскын синагога

    Бердянскын синагога

  • Запорожьеын хоральнӧй синагога

    Запорожьеын хоральнӧй синагога

  • Запорожьеын кравецъяслӧн синагога

    Запорожьеын кравецъяслӧн синагога

  • Мелитопольын синагога

    Мелитопольын синагога

Стереотипъяслы паныд, Александровскын винокурня да юан заведение кутысьяс пӧвстын еврейяслӧн прӧчентыс вӧлі зэв ичӧт. 1897 воын йӧзӧс гижалӧм серти Екатеринославскӧй губернияын еврейяслӧн вӧлі сӧмын 6 винокурня завод.

Михайловкаын чужлӧма кывбуралысь Саул Черниховский (1873), Черниговкаын — просветитель Хаим Богер (1876), Бердянск бердса Софиевкаын — художник Исаак Бродский (1884), Мелитопольын — израильса политик Ицхак Канев (1896), Токмакын — бритмуса медиа-магнат Лу Грейд либӧ Лев Виноградский (1906), Гуляйполеын — драматург Леонид Юхвид (1909), Запорожьеын — борец Яков Пункин (1921) да кинорежиссёр Ева Нейман (1974).

Олысь лыд
2002[16]2010[17]2020[18]
1609↘1524↗1853
500
1000
1500
2000
2002
2010
2020

Административно-территориальнӧй юклӧм

Запорожье обласьтӧ пырӧ 13 район да обласьт тӧдчанлуна 3 кар, меставывса асвеськӧдлӧм котыртӧм серти тані лӧсьӧдӧма 13 муниципальнӧй кытш да 3 кар кытш[19].

2020—2022 воясся Запорожье обласьт административнӧя юклӧмсӧ вӧлі бырӧдӧма да медсясӧ лӧсьӧдӧма 1991 вося кӧч тӧлысь 16-ӧд лун кежлӧ УССР-ын Запорожье обласьт юклӧм серти[20]. Вӧвлӧм УССР-ын Запорожье обласьтса административнӧй шӧринлӧн — обласьтувса Запорожье карлӧн, а сідзжӧ сылӧн вит войвыв районлӧн (Вольнянскӧй, Запорожье, Новониколаевскӧй, Гуляйпольскӧй да Ореховскӧй) мутасын, кодъяс 2023 во рака тӧлысь 3-ӧд лунся индӧдъяс кырымалігӧн[20][19] вӧліны Украиналӧн оккупация улын, административно-территориальнӧй единицаяссӧ да муниципальнӧй юкӧнъяссӧ эз торйӧдны.

Запорожье обласьт административнӧя юклӧм

Запорожье обласьтлӧн административнӧй шӧрин — Мелитополь кар[20], кӧні водзті вӧлі Запорожье обласьтлӧн военно-гражданскӧй администрация.

№Административно-
территориальнӧй
единица (муниципальнӧй
юкӧн)		Олысьяс
(морт)
2019		Площадь
(км²)		Административнӧй
шӧрин
1e-06Районъяс (муниципальнӧй кытшъяс)
1Акимовскӧй32 8551850Акимовка ккп
2Бердянскӧй[21]27 6961780Бердянск кар
3Васильевскӧй61 8971621Васильевка кар
4Весёловскӧй20 9781130Весёлое ккп
5Каменско-Днепровскӧй[22]46 7271700Каменка-Днепровская кар
6Куйбышевскӧй[23]29 8121950Куйбышево ккп
7Мелитопольскӧй48 6981800Мелитополь кар
8Михайловскӧй28 1501070Михайловка ккп
9Пологовскӧй39 1151340Пологи кар
10Приазовскӧй26 6481950Приазовское ккп
11Приморскӧй29 2881400Приморск кар
12Токмакскӧй[24]52 7301472Токмак кар
13Черниговскӧй16 5451200Черниговка ккп
13.000002Вольнянскӧй46 1951290Вольнянск кар
13.000003Гуляйпольскӧй25 8301300Гуляйполе кар
13.000004Запорожье56 7591460Запорожье кар
13.000005Новониколаевскӧй15 365920Новониколаевка ккп
13.000006Ореховскӧй44 6861600Орехов кар
13.000007Обласьт тӧдчанлуна каръяс
(кар кытшъяс)
14Бердянск110 455Бердянск кар
15Мелитополь[25]153 112Мелитополь кар
16Энергодар53 567Энергодар кар
16.000008Запорожье738 728Запорожье кар

Олан пунктъяс

7 сюрсысь унджык олысь лыда олан пунктъяс

7 сюрсысь унджык олысь лыда олан пунктъяс
2022 вося тӧвшӧр тӧлысь 1 лун вылӧ
Запорожье ▼710 052 Васильевка ▼12 567
Мелитополь ▼148 851 Каменка-Днепровская ▼12 117
Бердянск ▼106 311 Константиновка ▼12 081[26]
Энергодар ▼52 237 Михайловка ▼11 530
Токмак ▼29 573 Приморск ▼11 157
Пологи ▼18 111 Акимовка ▼11 069
Днепрорудное ▼17 736 Весёлое ▼9340
Вольнянск ▼14 324 Кушугум ▼7796
Орехов ▼13 896
Гуляйполе ▼12 786
Каръяс
  • Запорожье
  • Бердянск
  • Васильевка
  • Вольнянск
  • Гуляйполе
  • Днепрорудное
  • Каменка-Днепровская
  • Мелитополь
  • Молочанск
  • Орехов
  • Пологи
  • Приморск
  • Токмак
  • Энергодар

Экономика

Сӧвмӧма сьӧд да рӧма металлургия, машина стрӧитӧм (сы лыдын электротехника, авиация, автомашинаяс вӧчӧм), энергетика (Европаын медыджыд Запорожье АЭС), химическӧй да нефтехимическӧй, сёян-юан да кокни промышленносьт, видз-му овмӧс, фармацевтическӧй производство.

2010 воын Запорожье обласьтын вӧлі 17 сюрс пасйӧм уджтӧмалысь.

Энергетика

1932 воын Запорожье карын стрӧитӧма Ленин нима Днепровскӧй гидроэлектростанция (ДнепроГЭС).

Энергодар карын стрӧитӧма Запорожье АЭС да Запорожье ТЭС.

Регионын сӧвмӧны электроэнергия вӧчан альтернативнӧй ӧшмӧсъяс. 2012 воын вӧлі пыртӧма уджӧ Тӧвсянь уджалан Ботиевскӧй электростанция, 2018 воын Новое сиктын вӧлі восьтӧма шондісянь уджалысь электростанциялысь медводдза ӧчередьсӧ (Tokmak Solar Energy) да заводитӧма стрӧитны Орловскӧй ВЭС. 2019 восянь уджалӧ Приморскӧй ВЭС. 2021 вося гожӧмын воссис Надеждино сиктсянь неылын меститчӧм Тӧвсянь уджалан Запорожье электростанция.

Торъя керкаясын олысьяс пиысь кодсюрӧ сувтӧдӧны шонді панельяс, а сэсся вузалӧны вӧчӧм лишнӧй электроэнергиясӧ ӧтувъя везйӧ.

Экономика петкӧдласъяс

петкӧдлас единицаяс 2006 во 2008 во 2013 во 2014 во
Тӧвар суйӧр сайӧ нуӧм млн АӦШ-са доллар 3 121,0 5 370,1 3 678,5 3730,2
Ӧтувукраинасаын уд.сьӧкта % 8,1 8,0 5,8 6,9
Тӧвар бокиысь вайӧм млн АӦШ-са доллар 2 084,1 3 591,0 1 762,3 1 570,7
Ӧтувукраинасаын уд.сьӧкта % 4,6 4,2 2,3 2,9
Тӧвар суйӧр сайӧ нуӧм да бокиысь вайӧм сальдо млн АӦШ-са доллар 1 036,9 1 779,1 1 916,2 2 159,5
Капитальнӧй инвестицияяс млн гривна 4 545,0 6 838,8 6658,1
Шӧркодь удждон гривна 1091 1812 3142 3432
Шӧркодь удждон АӦШ-са доллар 216,0[27] 344,0[28] 393,1[29] 288,7[30]

2013 во заводитчигкежлӧ Запорожье обласьтын гӧльлун тшупӧдыс вӧлӧма 13,8 %. 2012 воын вӧлі лӧсьӧдӧма 35,4 сюрс уджалан места. 2013 вося тӧвшӧр тӧлысь 1 лун кежлӧ шӧркодь пенсияыс вӧлі 1.500 гривна.

2009 воын Украинаса Национальнӧй банк лэдзис обласьт котыртӧмсянь 70 во тырӧмкӧд йитӧдын 2 гривнаа сьӧм.

Промышленносьт

Регионын уджалӧ 160-ысь унджык гырысь промышленнӧй предприятие. Обласьтлӧн металлургия комплекс петкӧдлӧны став мирын тӧдса татшӧм предприятиеяс, кыдзи «Запорожсталь» восьса акционер котыр — емдон да чугун вӧчысь, «Днепроспецсталь» восьса акционер котыр — торъя сикас емдон вӧчысь, Запорожьеса кӧрт руда комбинат (Васильевскӧй районын), «Украинский графит» — графитируйтӧм электродъяс вӧчысь, «Запорожский алюминиевый комбинат» — Украинаын алюминий да сійӧс вӧчӧм вылӧ медшӧр сырьё — сёй — вӧчысь, «Титано-магниевый комбинат» — Украинаын губчатӧй титан вӧчысь, германий да измар кремний вӧчысь.

Запорожье карын эмӧсь машина стрӧитан юкӧнын вылыс технологияа производствоӧн став мир пасьтала тӧдса предприятиеяс: «Мотор Сич» ВАК — медшӧр авиакомпанияяслӧн (Антоновлӧн, Яковлевлӧн, Туполевлӧн, Бериевлӧн, Камовлӧн, Мильлӧн КБ) самолётъяслы да вертолётъяслы авиадвигательяс вӧчысь; «Запорожтрансформатор» ПАК — Украинаын силовӧй трансформаторъяс дзик ӧти вӧчысь; «Запорожабразив» — абразивнӧй материалъяс да инструментъяс вӧчысь.

«ЗАЗ» ПАК — легкӧвӧй автомобильяс вӧчысь, Украинаса рынокын медводдзаяс лыдын. Запорожьеын автомашина стрӧитысьлӧн конвейерысь петӧм машинаясыс лӧсялӧны качество да безопасносьт боксянь мирса став стандартлы. Пырӧ «Укравто» корпорацияӧ.

«ИВЕКО-Мотор Сич» ПАК, кодӧс ӧтув котыртысьӧн лоӧ Италияса «ИВЕКО» компания, лэдзӧ оз сӧмын автомашинаяс, но Украинаса техникаӧ сувтӧдӧм да суйӧр сайӧ нуӧм вылӧ прӧдукция. Запорожье карын лэдзӧны 70-сянь 110 в. в. вынйӧра автомашинаяс, передача коробкаяс да двигательяс. Водзӧ вылӧ, рынокын корӧм серти, кӧсйӧны паськӧдны модель сикасъяссӧ, медсясӧ войтыркостса перевозкаяс вылӧ сьӧкыд грузӧвикъяс вӧчӧмӧн, а сідзжӧ кӧсйӧны выльмӧдны ичӧт тонна машинаяссӧ сэтшӧм сикасӧн, кутшӧм эм нин Европаса мукӧд странаын. Запорожье карса «ИВЕКО-Мотор Сич» заводын вӧчӧм автомашинаяссӧ вузалӧны «ИВЕКО» вузасян пас улын.

Ӧдйӧ сӧвмӧ авиация промышленносьт. «Мотор Сич» ВАК-лысь АН-140 самолёт да сылысь АН-140-100 модификация сертификат босьтӧм бӧрын сійӧс заводитісны уджӧдны Украинаса да суйӧрсайса авиация линияяс вылын.

«Запорожсталь» металлургия комбинат лоӧ Европаын сьӧд металлургияын медся вына предприятиеясысь ӧтиӧн, кӧні металлургия комплексыс эм ставнас. Комбинатлӧн медшӧр прӧдукция — кӧрт кисьтан чугун, пӧсьӧн да кӧдзыдӧн быгльӧдлӧм листӧвӧй прокат, кӧдзыдӧн кусыньтӧм профильяс да уна мукӧдтор. Пыртӧма кык сьӧктаа пӧсьӧн быгльӧдлӧм металлическӧй рулонъяс вӧчан ресурсъяс видзтан выль технология. Вӧчсьӧ вылыс тшупӧда автолист. Комбинат нуӧ прӧдукциясӧ мирса 50 сайӧ странаӧ.

«Украинский графит» ВАК — электросталеплавильнӧй, рудотермическӧй да емдон сывдан мукӧд сикас пачлы графитируйтӧм электродъяс, Содерберглӧн электродъяслы вузалан углероднӧй массаяс, металлургия, машина стрӧитан, химическӧй предприятиеяслы да промышленносьтса мукӧд комплекслы углерод вылын футеровочнӧй материалъяс вӧчысь. 2000 воын ставукраинаса рейтинглӧн кывкӧртӧдъяс серти тайӧ предприятиеыслысь прӧдукциясӧ вӧлі пасйӧма «Высшая проба» почёта наградаӧн.

«Завод алюминиевой катанки» ПАК — Украинаын дзик ӧти предприятие, коді вӧчӧ электротехническӧй могъяс вылӧ дугдывтӧг кисьтӧмӧн алюминий катанка. Предприятиесӧ Украинаын медводдзаяс лыдын вӧлі сертифицируйтӧма ISO 9001:2000 качество стандарт серти.

«АзМОл» ВАК — нефтехимическӧй промышленносьтса предприятие, кӧні медшӧр продукцияыс: универсальнӧй, автомашина, индустриальнӧй, кӧрт туй да торъя мавтасъяс; мавтан-кӧдзӧдан кизьӧртор; синтетическӧй да минеральнӧй моторнӧй, гидравлическӧй, кӧдзӧдан машинаяслы, торъя мавтас. «АзМОл» ВАК-лысь прӧдукциясӧ пыр корӧны оз сӧмын Украинаын да СНГ-са странаясын, но и ылі суйӧрсайса канмуясын.

«Селена» да «Элегант» фирмаяс бура петкӧдлӧны кокни промышленносьтлысь юкӧнсӧ Украинаса рынокын да СНГ-са странаясын, бура ёртасьӧны Рытыввыв Европаса странаясын уджалысьяскӧд. Тайӧ фирмаяслысь паськӧмсӧ пасйӧма «Золотой Байда» дипломӧн да «Высшая проба» йӧзкостса наградаӧн. Францияса, Великобританияса, Германияса, Австрияса, Швейцарияса да мукӧд нуӧдысь фирмаяс окотапырысь уджъёртасьӧны Запорожьеса фирмаяскӧд, но та вылӧ видзӧдтӧг «Селена» да «Элегант» восьсаӧсь мукӧд предприятиекӧд ӧтув уджалӧм вылӧ.

«Пивобезалкогольный комбинат „Славутич“» ВАК — Асыввыв Европаын сур вӧчӧсьяс пиын медводдзаяс лыдын. Сылӧн технологическӧй процессъясыс вылын тшупӧдын автоматизируйтӧмаӧсь. «Славутич» маркаа янтарнӧй юанторлысь дасысь унджык сортлысь качествосӧ эскӧдӧма уна национальнӧй да войтыркостса наградаӧн.

Обласьтлӧн энергетическӧй комплексыс — Украинаын медся вына. 2001 воын обласьтса электростанцияясӧн вӧчӧма 48,521 млрд кВт•ч электроэнергия, мый лоӧ Украинаса электростанцияясӧн вӧчӧм электроэнергиялӧн став йӧрышысь 28,5 %.

Регионын меститчӧма Запорожье атомнӧй электростанция — Европаын медся ыджыд АЭС, сылӧн вынйӧрыс — 6 000 МВт. ЗАЭС талун — тайӧ вылыс технологияа ӧнія предприятие, кодӧс пыдди пуктӧны став мирын. Станцияын урчитӧма мероприятиеяслысь комплекс, кодъяс гарантируйтӧны электроэнергия безопаснӧя да экология боксянь сӧстӧма вӧчӧмсӧ.

Видз-му овмӧс

Запорожье обласьт — Украинаса регионъяс пӧвстын видз-му овмӧс прӧдукция да сёян-юан промышленносьт изделиеяс вӧчысьяс пиысь ӧти.

Обласьтса видз-му угоддьӧяслӧн площадьыс — 2 246,3 сюрс га, либӧ Украинаса видз-му овмӧсъясысь 5,4 %.

Аграрнӧй реформа нуӧдӧм бӧрын видз-му овмӧс кутіс ёна сӧвмыны. Асэмбур подув вылын обласьтын уджалӧ 331 котыр, видз-му овмӧсса 135 кооператив, 162 асшӧр (асшӧр-арендаа) предприятие, 2 339 фермер овмӧс. Видз-му овмӧс угоддьӧяслӧн площадьыс, кутшӧмъясӧн вӧдитчӧны выльӧн артмӧдӧм став сикас эмбур да овмӧс формаа агроформированиеяс, лоӧ 1 761,4 сюрс га, либӧ обласьтын эмъясысь 78 %. Сӧвмӧ аграрнӧй рыноклӧн инфраструктура. Лӧсьӧдӧма 21 агроторг керка.

Видз-му овмӧс производствоын медся уна быдмӧг вӧдитан прӧдукция.

Быдмӧг вӧдитӧмын ӧнія кадӧ да водзӧ вылӧ шӧр места босьтӧ нянь комплексув, кыдзи мукӧд сикас видз-му овмӧс сӧвмӧдӧмлы, медводз скӧт видзан прӧдукция вӧчан йӧрыш содтӧмлы, подув.

Запорожье обласьтлӧн медшӧр техническӧй культура — шондіюр. 2001 воын Украинаын шондіюр вӧчӧмын регионлӧн пайыс вӧлі 12,8 %.

Став агроклиматическӧй зонаын эмӧсь град выв пуктас да бакча культура быдтӧм вылӧ бур условиеяс.

Матысса куим во кежлӧ скӧт видзӧм сӧвмӧдӧмын медтӧдчана нырвизьӧн индӧма сэтшӧм юкӧнъяс, кыдзи чипан да порсь видзӧм. Видз-му овмӧс предприятиеяс содтӧны порсь да лэбач лыд.

Обласьтын уджалӧ сёян-юан да переработайтан промышленносьтса 546 предприятие. На лыдысь 87 % — тайӧ предприятиеяс, кодъяс пырӧны «ичӧт предпринимательство» юкӧнӧ да могмӧдӧны сёян-юанӧн татчӧс олысьяссӧ (мини-пекарняяс, вый вӧчанінъяс, мукӧд).

Обласьтын меститчӧмаӧсь предприятиеяс, кодъяс вынйӧр да прӧдукция лэдзӧм серти лоӧны Украинаын медводдзаясӧн: Пологовскӧй маслоэкстракционнӧй завод, Запорожьеса масложиркомбинат, Запорожьеса да Мелитопольса мясокомбинатъяс. Татшӧм предприятиеяс, кыдзи Запорожьеын «Славутич» комбинат да Запорожьеын алготольтӧм юанторъяс вӧчан завод, лоӧны регионса сёян-юан юкӧнӧ да аграрнӧй комплексӧ сьӧм колана ногӧн вичмӧдӧмын бур примерӧн.

Запорожье обласьтса сиктъясын бура сӧвмӧма социально-бытӧвӧй инфраструктура: тані 110-ысь унджык бурдӧдчанін да ичӧт да шӧр тшупӧда велӧдан 730 учреждение, а сідзжӧ уна сикас нырвизя матӧ 900 библиотека.

Вылынджык индӧмторсӧ тӧд вылӧ босьтӧмӧн позьӧ шуны, мый обласьтса агропромышленнӧй комплекс — инвестицияяслы бур ин. Тані бур муяс, донтӧм да квалифицируйтӧм уджалан ресурсъяс, переработайтан юкӧнлӧн ыджыд вынйӧр, прӧдукция суйӧр сайӧ нуӧм вылӧ география боксянь бур положение.

Транспорт

Автомашина транспорт

Запорожье обласьт кузя мунӧны[31]:

  • E 58 автомагистраль;
  • E 105 автомагистраль.

Кӧрт туй транспорт

Запорожье обласьтын эмӧсь кӧрт туйяс, наӧн веськӧдлӧ «Укрзализныця» акционер котыр, найӧ пырӧны Днепрбердса кӧрт туйяс лыдӧ. Запорожьеын уджалӧны Запорожье I да Запорожье II кык вокзал да сувтланінъяслӧн вез.

Вавыв транспорт

Обласьтын медшӧр ва туй — Днепр ю, кыті ветлӧны суднояс. Азов саридзса портӧн лоӧ Бердянск кар. Днепрса гидроэлектростанция пыр мунӧны шлюз пыр.

Сынӧдса транспорт

Обласьтса шӧринын меститчӧма «Запорожье» войтыркостса аэропорт, коді йитӧ регионсӧ юркаркӧд да суйӧрсайса странаяскӧд.

Водзті уджаліс и Бердянскын аэропорт.

Велӧдчӧм

Запорожье обласьтса медшӧр вылыс тшупӧда велӧдчанінъяс:
• Азовса региональнӧй веськӧдлан институт (Бердянск).
• Бердянскса канму педагогика университет.
• Классическӧй приватнӧй университетлӧн Канмуӧн да муниципалитетӧн веськӧдлыны велӧдан Бердянскса институт.
• Бердянскса менеджмент да бизнес университет.
• Запорожьеын инженернӧй канму академия.
• Запорожьеын медицина канму университет.
• Запорожьеын экономика да юӧртан технологияяс институт.
• Запорожьеын национальнӧй техническӧй университет.
• Запорожьеын национальнӧй университет.
• Классическӧй приватнӧй университет (Запорожье).
• Богдан Хмельницкий нима Мелитопольса канму педагогика университет.
• Мелитопольын «Украина» экология да социальнӧй технологияяс институт.
• Таврическӧй агротехнология канму университет (Мелитополь).

Запорожье обласьтлы сиӧм Украинаса марка

Нималанторъяс

• Из Гу (Мелитопольскӧй районса Мирнӧй).
• Из гуяс заповедник (Розовскӧй район).
• Азовбердса национальнӧй вӧр-ва парк.
• Поповлӧн замок (Васильевка).
• Панскӧй купель.
• Нывбабаяслӧн манастыр, Царкут с.
• Запорожье: Хортица ді, Запорожье тупу, ДнепроГЭС, Преображенскийлӧн посъяс, челядьлы кӧрт туй.
• Бердянск: Бердянскса ас му туялан музей, И. Бродский нима Бердянскса художествоа музей, П. П. Шмидтлӧн мемориальнӧй музей, зоопарк, аквапарк, дельфинарий.
• Мелитополь: «Мойдъясӧн эрдӧн» Горькийлӧн парк , Мелитопольса ас му туялан музей, Савва Освященныйлы сиӧм мужичӧйяслӧн манастыр.
• Камышеваха (Ореховскӧй р-н) Вежа Елизаветинскӧй аньяслӧн манастыр.
• Успеновскӧй Балка.
• Дмитровскӧй курганысь аддзӧм кӧлесаа пу додь, кодлы 5 сюрс во нин — тайӧ Украинаын медся важ кӧлесаа транспорт сикасысь ӧти[32].

Наградаяс

  • Ленин орден (1958 вося урасьӧм тӧлысь 26-ӧд лун)[33].

Пасйӧдъяс

  1. ↑ Запорожье обласьт > Данные не обнаружены. Возможно, страница переименовывалась. Проверьте справочник
  2. ↑ Договор между Российской Федерацией и Запорожской областью о принятии в Российскую Федерацию Запорожской области и образовании в составе Российской Федерации нового субъекта от 30 сентября 2022 года (ратифицирован Федеральным законом от 4 октября 2022 года № 374-ФЗ, вступил в силу 5 октября 2022 года, письмо МИД России от 05.10.2022 № 19696/дп). Официальный интернет-портал правовой информации (3 йирым тӧлысь 2022). Шыӧдчан кадпас: 14 сора тӧлысь 2025.
  3. ↑ Временной столицей Запорожской области в составе России станет Мелитополь, РБК (26 урасьӧм тӧлысь 2024). Шыӧдчан кадпас: 14 сора тӧлысь 2025.
  4. ↑ Столицей Запорожской области официально стал Мелитополь, Коммерсантъ (3 рака тӧлысь 2023). Шыӧдчан кадпас: 14 сора тӧлысь 2025.
  5. ↑ Vadim N. Stepanchuk. The surface-dwelling from layer I of Mira site: Main features and interpretationsStructure d’habitat paléolithique supérieur de la couche supérieure I du site de Mira: principales caractéristiques et interprétations. Архивса копия Wayback Machine ресурсын
  6. ↑ Чередниченко Н. Н., Пустовалов С. Ж. Боевые колесницы и колесничие в обществе катакомбной культуры (по материалам раскопок в нижнем Поднепровье) // Советская археология. — 1991. — № 1. — С. 206—216. Архивса копия 23 рака тӧлысь 2018 Wayback Machine ресурсын
  7. ↑ Комплекс из Макартета и ритуальные памятники гуннского времени. Шыӧдчан кадпас: 14 сора тӧлысь 2025. Архивируйтӧма В._Комплекс_из_Макартета_и_ритуальные_памятники_гуннского_времени оригинала 26 вӧльгым тӧлысь 2018 года.
  8. ↑ История Чингульского кургана. Шыӧдчан кадпас: 14 сора тӧлысь 2025. Архивируйтӧма 13 ода-кора тӧлысь 2020.
  9. ↑ Путин упростил получение гражданства для Херсонской и Запорожской областей. РИА Новости (25 ода-кора тӧлысь 2022). Шыӧдчан кадпас: 14 сора тӧлысь 2025.
  10. ↑ Виолетта Ханенева. Глава Запорожской области Балицкий подписал указ по референдуму о воссоединении с Россией. Газета.ru (8 моз тӧлысь 2022). Шыӧдчан кадпас: 14 сора тӧлысь 2025.
  11. ↑ Референдум о вхождении Запорожской области в Россию пройдет с 23 по 27 сентября. ТАСС (20 кӧч тӧлысь 2022). Шыӧдчан кадпас: 14 сора тӧлысь 2025.
  12. ↑ Путин подписал указы о признании независимости Запорожской и Херсонской областей. ТАСС (30 кӧч тӧлысь 2022). Шыӧдчан кадпас: 14 сора тӧлысь 2025.
  13. ↑ Путин подписал договоры о включении в состав России новых территорий. Российская газета (30 кӧч тӧлысь 2022). Шыӧдчан кадпас: 14 сора тӧлысь 2025.
  14. ↑ Генштаб: Армия РФ освободила 64% захваченной ВСУ территории Курской области - Российская газета, Российская газета (20 урасьӧм тӧлысь 2025). Шыӧдчан кадпас: 14 сора тӧлысь 2025.
  15. ↑ COSSACKS' UPRISING. JewishEncyclopedia.com. Шыӧдчан кадпас: 14 сора тӧлысь 2025. Архивируйтӧма 26 тӧвшӧр тӧлысь 2021.
  16. ↑ http://www.perepis2002.ru/content.html?id=11&docid=10715289081460.
  17. ↑ https://rosstat.gov.ru/free_doc/new_site/perepis2010/croc/perepis_itogi1612.htm.
  18. ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya.
  19. ↑ 1 2 Указ временно исполняющего обязанности губернатора Запорожской области от 3 марта 2023 года № 20-у «О статусе и границах муниципальных образований Запорожской области». https://gubernator.zo.gov.ru. Шыӧдчан кадпас: 31 сора тӧлысь 2025.
  20. ↑ 1 2 3 Указ временно исполняющего обязанности губернатора Запорожской области от 3 марта 2023 года № 21-у «Об административно-территориальном устройстве Запорожской области». https://gubernator.zo.gov.ru. Шыӧдчан кадпас: 31 сора тӧлысь 2025.
  21. ↑ Бердянск карса сӧветлы 2020 воӧдз веськӧдлӧм улӧ пырысь став сиктса олан пунктсӧ пыртӧмӧн, но кодъяс пырлісны Бердянскӧй районӧ 1991 вося кӧч тӧлысь 16-ӧд лун вылӧ
  22. ↑ бырӧдӧм Великобелозёрскӧй район пыртӧмӧн
  23. ↑ вӧвлӧм Розовскӧй район пыртӧмӧн
  24. ↑ Токмак кар пыртӧмӧн (водзын обласьтувса)
  25. ↑ Мелитополь веськӧдлӧм улын 2 ккп да 28 сиктса олан пункт
  26. ↑ 2001 воын йӧзӧс гижалӧм серти мыччӧдъяс
  27. ↑ Курс 5,05 за 2006 г.
  28. ↑ Курс 5,2672 за 2008 г.
  29. ↑ Курс 7,993 за 2013 г.
  30. ↑ Курс 11,8867 за 2014 г.
  31. ↑ Атлас «Автомобильные дороги» — Россия, страны СНГ, Прибалтика, 2006 г.
  32. ↑ Бердянские археологи завершили раскопки курганов в Дмитровке. Шыӧдчан кадпас: 14 сора тӧлысь 2025. Архивируйтӧма оригинала 4 рака тӧлысь 2016 года.
  33. ↑ Области, награждённые Орденом Ленина. https://web.archive.org/. Шыӧдчан кадпас: 31 сора тӧлысь 2025.

Ыстӧгъяс

Регионъяс Россияын Рочму дöрапас
Республикаяс: Адыгея | Алтай | Башкортостан | Бурятия | Войвыв Осетия | Дагестан | Донецк Народнӧй Республика | Ингушетия | Кабарда-Балкария | Калмыкия | Карачай-Черкесия | Карелия | Коми | Крым | Луганск Народнӧй Республика | Мари Эл | Мордовия | Татарстан | Тува | Удмуртия | Хакасия | Чечня | Чувашия | Якутия
Крайяс: Алтай | Байкалсайса | Камчатка | Краснодар | Красноярск | Перым | Саридздор | Ставрополь | Хабаровск
Обласьтъяс: Амур | Астрахань | Белгород | Брянск | Владимир | Волгоград | Воронеж | Вӧлӧгда | Запорожье | Новгород | Иваново | Иркутск | Калининград | Калуга | Кардор | Кемерово | Киров | Кострома | Курган | Курск | Ленинград | Липецк | Магадан | Макаръя | Москва | Мурманск | Новосибирск | Омск | Оренбург | Орёл | Пенза | Псков | Ростов | Рязань | Самара | Саратов | Сахалин | Свердловск | Смоленск | Тамбов | Тверь | Томск | Тула | Тюмень | Ульяновск | Херсон | Челябинск | Ярославль
Федеральнӧй тӧдчанлуна каръяс: Москва | Петыркар | Севастополь
Асвеськӧдлан обласьт: Еврей
Асвеськӧдлан кытшъяс: Ханты-Манси | Чукотка | Ямал-Яран | Яран
Федеральнӧй кытшъяс:
Волгаберд | Урал | Лунвыв | Рытыв-Войвыв | Сибыр | Шӧр | Ылі Асыввыв | Войвыв Кавказ
Босьтӧма "https://kv.ruwiki.ru/w/index.php?title=Запорожье_обласьт&oldid=482632"-ысь