Горчаков Иван Павлович

Иван Павлович Горчаков
Иван Павлович Горчаков
Чужан лун	1922 вося лӧддза-номъя тӧлысь 12-ӧд лун
Чужанін	Коми Республикаын Сыктыв районса Поёл сикт
Кулан лун	2004 вося урасьӧм тӧлысь 27-ӧд лун
Куланін	Петыркар
Канму	СССР
Войска сикас	артиллерия
Служитан вояс	1940—1946
Звание
Тышъяс/вӧйнаяс	Айму вӧсна Ыджыд тыш

Видлалӧм гижӧд

Горчаков Иван Павлович (1922 вося лӧддза-номъя тӧлысь 12-ӧд лун, Сыктыв районса Поёл сикт — 2004 вося урасьӧм тӧлысь 27-ӧд лун, Петыркар) — Комиысь Сӧветскӧй Союзса Герой (1945), Айму вӧсна Ыджыд тышын участвуйтысь, подполковник^[1].

Олантуй

• Иван Горчаков чужис Сыктыв районса Поёл сиктын 1922 вося лӧддза-номъя тӧлысь 12-ӧд лунӧ. Иванлӧн батьыс, Павел Горчаков, вӧлі вурсьысьӧн да ветлывліс Урал сайӧ нажӧвитчыны. Сійӧ чайтіс, мый сэні, Тюмень обласьтын, лӧсьӧдас семьяыс бурджык олӧм. Медводз найӧ овмӧдчисны Абатскӧй сиктӧ, сэні Иван велӧдчис школаын, а 7-ӧд классянь 10-ӧд классӧдз — Ишим карын. Школа помалӧм бӧрын сійӧ муніс уджавны татчӧс кӧмкот вӧчан фабрикаӧ, а регыд мысти босьтісны армияӧ^[2].
• 1940 воын сійӧс босьтӧмаӧсь служитны Рабоче-крестьянскӧй Гӧрд Армияӧ.
• 1942 вося ода-кора тӧлысьын помаліс Дальневосточнӧй артиллерийскӧй училище^[3].
• 1943 вося урасьӧм тӧлыссянь — Айму вӧсна Ыджыд тышса Центральнӧй да 1 Белорусскӧй фронтъяс вылын. 1944 вося йирым тӧлысь кежлӧ старшӧй лейтенант Иван Горчаков командуйтіс 997-ӧд зенитнӧй артиллерийскӧй полкса батареяӧн 1 Белорусскӧй фронтса 65-ӧд армиялӧн 12-ӧд зенитнӧй артиллерийскӧй дивизияын. Петкӧдліс асьсӧ геройӧн Польша мездӧм дырйи^[4]. 1944 вося йирым тӧлысь 4-ӧд лунӧ Нарев ю рытыввыв берегын Сероцк карсянь войвывланьын Дзбанице дорын плацдарм кутӧм вӧсна косьяс дырйи, кор враг пехота да 30 сайӧ танк контратакуйтісны Горчаковлысь батарея, артиллеристъяс бырӧдісны 7 танк да противниклысь уна салдатӧс да офицерӧс^[4].
• СССР-са Верховнӧй Сӧвет Президиумлӧн 1945 во урасьӧм тӧлысь 21-ӧд лунся Индӧдӧн «немецкӧй захватчикъяскӧд тыш нуӧдігӧн командованиелысь боевӧй заданиеяс образцӧвӧя олӧмӧ пӧртӧмысь да та дырйи мужество да героизм петкӧдлӧмысь» старшӧй лейтенант Иван Горчаковлы сетісны Сӧветскӧй Союзса Геройлысь ним Ленин орденӧн да 4957 номера «Зарни Кодзув» медальӧн^[4].
• 1946 воын капитан званиеын Горчаков муніс запасӧ.
• 1946 вося лӧддза-номъя тӧлыссянь уджаліс Тюмень обласьтса Ишим карын кӧмкот вӧчан фабрикаын кадръяс отделса начальникӧн.
• 1947 вося моз тӧлыссянь вӧлі Тюменьын моднӧй ательеса директорӧн.
• 1948 вося рака тӧлыссянь Горчаков служитіс СССР-са МГБ/КГБ органъясын.
• 1950 воын сійӧ помалӧма Ленинградса МГБ-лысь школа, 1952 воын заочнӧя помалӧма Ленинградса канму университет.
• 1952 восянь 1954 воӧдз олӧма Нижегородскӧй обласьтса Саров карын^[5].
• 1954 вося ода-кора тӧлыссянь Горчаков служитіс военнӧй контрразведка органъясын. Госбезопасносьтса почёта уджалысь Иван Горчаковлӧн послужнӧй списокын — пӧдса Арзамас—16 (ӧні Саров) КБ-ын, СССР-са КГБ-лӧн Ленинград да Ленобласть управлениеысь контрразведка кузя 3-ӧд отделын удж^[2].
• 1971 воын отставкаӧ петӧм бӧрын подполковник Горчаков водзӧ уджаліс Ленинградса «Энергосетьпроект» НИИ-ын инженерӧн да кадрӧвикӧн^[2].
• 1975 воын сійӧ волӧма чужанінас — Поёл сиктӧ, аддзысьлӧма сиктсаяскӧд^[2].
• Оліс Петыркарын, нуӧдіс общественнӧй удж.
• Куліс 2004 вося урасьӧм тӧлысь 27-ӧд лунӧ Петыркарын.

Наградаяс

• Сӧветскӧй Союзса Герой почёт ним (1945.02.21)
• Ленин орден (1945.02.21)
• «Зарни Кодзув» медаль (4957 №) (1945.02.21)
• Гӧрд Кодзув орден
• Айму вӧсна Ыджыд тышса I тшупӧда орден
• Айму вӧсна Ыджыд тышса II тшупӧда орден

Паметь

• Тюмень обласьтса Абатскӧй сиктса школаын пуктӧма казьтылан пӧв^[6].
• 2005 воын Петыркарса Красненькӧй шойна вылын пуктӧма И.П. Горчаковлы паметник^[7].

Литература

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• Герои атомного проекта. — Саров, 2005.
• Десницкий К. С. Подвиги зенитчиков. М., 1966.
• Сердца и звезды. 2-е изд., доп. Сыктывкар, 1971.
• «Герои страны» проектын И.П. Горчаков йылысь

Ыстӧгъяс

↑ Александров А. Горчаков Иван Павлович // Республика Коми. Энциклопедия. Том I. — Сыктывкар: Коми книжное издательство, 1997. — С. 377.
↑ ¹ ² ³ ⁴ Владимиров Е. Июнь: Иван Горчаков. Удержать плацдарм!
↑ Книга памяти Республики Коми. Горчаков Иван Павлович
↑ ¹ ² ³ Горчаков Иван Павлович (рус.). Сайт «Герои страны».
↑ Букова Ольга Викторовна, Смирнова Ольга Георгиевна, Баев Сергей Васильевич, Бутусов Евгений Павлович. Высшей славы солдаты. Герои в нижегородской истории. — Нижний Новгород: «Литера», 2018. — С. 353. — 448 с. — ISBN 978-5-905163-58-6. Архивса копия 7 кӧч тӧлысь 2022 Wayback Machine ресурсын
↑ Горчаков Иван Павлович
↑ Памятник Герою Советского Союза уроженцу Коми Ивану Горчакову открылся в Санкт-Петербурге

[1] Александров А. Горчаков Иван Павлович // Республика Коми. Энциклопедия. Том I. — Сыктывкар: Коми книжное издательство, 1997. — С. 377.

[:1-2] ¹ ² ³ ⁴ Владимиров Е. Июнь: Иван Горчаков. Удержать плацдарм!

[3] Книга памяти Республики Коми. Горчаков Иван Павлович

[wh-4] ¹ ² ³ Горчаков Иван Павлович (рус.). Сайт «Герои страны».

[5] Букова Ольга Викторовна, Смирнова Ольга Георгиевна, Баев Сергей Васильевич, Бутусов Евгений Павлович. Высшей славы солдаты. Герои в нижегородской истории. — Нижний Новгород: «Литера», 2018. — С. 353. — 448 с. — ISBN 978-5-905163-58-6. Архивса копия 7 кӧч тӧлысь 2022 Wayback Machine ресурсын

[6] Горчаков Иван Павлович

[7] Памятник Герою Советского Союза уроженцу Коми Ивану Горчакову открылся в Санкт-Петербурге

[1]

[2]

[3]

[4]

[5]

[6]

[7]