Давидович Николай Петрович

Николай Петрович Давидович
Чужан лун	1919 вося моз тӧлысь 15-ӧд лун
Чужанін	Карбачевка грезд, Логойскӧй район, Минск обласьт
Кулан лун	1993 вося ода-кора тӧлысь 6-ӧд лун
Куланін	Минск
Канму	СССР
Войска сикас	пехота
Служитан вояс	1941—1946
Звание
Тышъяс/вӧйнаяс	Айму вӧсна Ыджыд тыш
Наградаяс да премияяс

Давидович Николай Петрович (1919 вося моз тӧлысь 15-ӧд лун, Карбачевка грезд, Логойскӧй район, Минск обласьт — 1993 вося ода-кора тӧлысь 6-ӧд лун, Минск) — Сӧветскӧй Армияса лейтенант, Айму вӧсна Ыджыд тышын участвуйтысь, Сӧветскӧй Союзса Герой (1943).

Олантуй

Николай Давидович чужлӧма 1919 вося моз тӧлысь 15-ӧд лунӧ Карбачёвка сиктын (ӧні — Беларусьса Минск обласьтлӧн Логойскӧй район) кресьтянин семьяын. Помаліс школаысь вит класс, сы бӧрын уджаліс колхозын.

Коми АССР-ӧ воӧм бӧрын уджаліс леспромхозын. 1941 воын Давидовичӧс босьтӧмаӧсь служитны Гӧрд Армияӧ.

1942 восянь — Айму вӧсна Ыджыд тыш вылын. Участвуйтіс тышъясын Воронежскӧй да медводдза Украинскӧй фронтъяс вылын. Участвуйтіс Курск дуга вылын косьын, Украина ССР-ӧс мездӧмын. 1943 вося кӧч тӧлысь кежлӧ сержант Николай Давидович командуйтіс Воронежскӧй фронтвывса 38-ӧд армиялӧн 180-ӧд стрелкӧвӧй дивизияса 21-ӧд стрелкӧвӧй полклӧн пулемётнӧй расчётӧн. Петкӧдліс асьсӧ геройӧн Днепр вӧсна тышын.

1943 вося кӧч тӧлысь помын Давидович передовӧй отряд составын вуджис Днепр вомӧн Украина ССР Киев обласьтлӧн Вышгород районса Новые Петровцы сикт дорын. Рытыввыв берг дорын отряд босьтіс плацдармсӧ да кутіс сійӧс вӧрӧгъяслӧн контратакаясысь. Тышъясын Давидович ӧтнас коли ловйӧн став отрядысь да ӧтнасӧн некымын час чӧж кутіс оборонасӧ.

СССР-са Медвылыс Сӧвет Президиумлӧн 1943 во йирым тӧлысь 29-ӧд лунся Индӧдӧн «немецкӧй захватчикъяскӧд тыш нуӧдігӧн командованиелысь боевӧй заданиеяс образцӧвӧя олӧмӧ пӧртӧмысь да та дырйи мужество да героизм петкӧдлӧмысь» сержант Николай Давидовичлы вӧлі сетӧма Сӧветскӧй Союзса Геройлысь ним Ленин орден да 1194 №-а «Зарни Кодзув» медаль сетӧмӧн.

1945 воын Давидович помалӧма Туркестанса пулемётнӧй училище. 1946 воын лейтенант званиеӧн сійӧс ыстӧмаӧсь запасӧ. Оліс Минскын, уджаліс вузасян да стрӧитчан юкӧнъясын.

1953 вося вӧльгым тӧлысь 23-ӧд лунӧ СССР-са Медвылыс Сӧвет Президиумлӧн Индӧдӧн Давидовичлысь вӧлі босьтӧма Сӧветскӧй Союзса Герой нимсӧ, но 1977 вося ӧшым тӧлысь 2-ӧд лунӧ сійӧс бӧр вӧлі сетӧма. Талысь помкасӧ абу индӧма.

Кувсис 1993 вося ода-кора тӧлысь 6-ӧд лунӧ.

Наградаяс

• Сӧветскӧй Союзса Герой ним;
• Ленин орден;
• «Зарни Кодзув» медаль;
• Гӧрд Дӧрапас орден;
• Айму вӧсна Ыджыд тышса I тшупӧда орден.

Пасйӧдъяс

Литература

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.