Дед Мороз

Босьтӧма Рувикиысь
Learning.svg

Б. Н. Ельцин нима Президентскӧй небӧгаинысь

Arrow-Right.png
Library.png
Тайӧ гижӧдын вӧдитчӧма
Б. Н. Ельцин нима Президентскӧй небӧгаин фондъясысь материалъясӧн
Паськыдджыка
Дед Мороз
Ded Moroz.jpg
Мифология асыввыв славяналӧн карса фольклор
Ним гӧгӧрвоӧдӧм тӧвся персонаж, петкӧдлӧ кӧдзыд
Мукӧд кывъясын ним
Рӧд ай лов
Ныв-пи Лымныв[1][2]
Йитчӧм персонажъяс Лымныв нучка, Выль во детинка
Йитчӧм понятиеяс выльвося пу, козинъяс
Йитчӧм лоӧмторъяс Выль во
Атрибутъяс бедь, пась, кепысь, гынкот, тош, мешӧк
Мукӧд культураын Санта-Клаус да татшӧмсяма персонажъяс
Логотип РУВИКИ.Медиа Медиафайлы на РУВИКИ.Медиа

Дед Мороз — роч выльвося гаж вылын медшӧр мойд персонаж, рӧштвося козин сетысьлӧн роч вариант[3].

Прообразъясӧн лоӧны Мороз — славяна мойд фольклорысь да календар обрядъясысь персонаж[4][5], да Рытыввыв Европаса рӧштводырся персонажъяс (Санта-Клаус да мукӧд)[4], кодъяс подулавсьӧны вежа Николай Чудотворец ӧбраз вылӧ[6]. Тӧдса (кыдз Мороз Иванович) 1840 восянь[3], но Дед Морозлысь каноническӧй образсӧ кыдзи выльвося, а абу рӧштвоса гажлӧн быть колана персонажӧс лӧсьӧдӧмыс лоис сӧветскӧй кадӧ 1930-ӧд вояс помын, кор некымын вося дугӧдом бӧрын бара вӧлі сетӧма позянлун пасйыны Выль восӧ мичмӧдӧм коз дорын[7].

Дед Морозӧс пыр петкӧдлӧны уна рӧма (лӧз, кельыдлӧз, гӧрд либӧ еджыд) пася, кузь еджыд тошка, киас бедь, гын сапӧга пӧльӧн. Ветлӧдлӧ куим вӧлӧн. Тшӧкыда волывлӧ Лымныв (рочӧн Снегурочка) нучкакӧд, а сӧветскӧй кадӧ и Выль во детинкакӧд, локтан либӧ локтӧм волӧн персонификацияӧн. Сідзжӧ Дед Морозкӧд корсюрӧ ветлӧдлӧны вӧрса пемӧсъяс.

Славяналӧн фольклор да обрядъяс

«Дед Мороз», В. М. Васнецов, 1885

XVIII-XIX нэмъясӧ Дед Мороз нима персонаж либӧ кӧдзыд вӧсна кывкутысь кутшӧмкӧ дух роч кресьтяна пӧвстын эз вӧв тӧдса. Версияыс, мый тайӧ языческӧй ен, чужис сёрӧнджык[6].

Кӧдзыд, кыдзи вӧр-ва стихия, персонификацияыс пасйыссьӧ асыввыв славяналӧн «кӧдзыдсӧ» праздничнӧй сёян вылӧ (куття, кисель, блинъяс сёйны) корӧмын, мый пырджык сёйӧны Вежадырӧ либӧ Ыджыд лунӧ. Лыддьыссис коланаӧн вердны Морозӧс обрядӧвӧй сёянӧн, медым сійӧ эз кынты нянь кӧдзаяс да градвыв пуктасъяс. Вежадыр праздничнӧй гӧститӧдӧм вылӧ корлывлісны дедъясӧс — кувсьӧм пӧльясӧс, кодъяс кывкутлісны семьялӧн тыр-бур олӧм вӧсна. Татшӧм пӧльыслы вӧзйылісны казьтылан сёян, мукӧддырйиыс пыдди пуктӧмӧн шыасьлісны сы дінӧ — пан Мороз либӧ Мороз Васильевич. Сылы кольлісны гӧстинеч, а воча виччысисны, шуам, озыр урожай[8].

Ылӧсас Мороз петкӧдчӧ став славяна традицияын, медсясӧ шусьӧгъясын да кывйӧзъясын[4]. Асыввыв славяна мойдса Мороз — багатыр, кузнеч, коді кӧртавлӧ васӧ «кӧрт» кӧдзыдӧн (калинникъясӧн, мый йӧзкостса этимология серти йитчӧма «калить» кадакывкӧд). Татшӧм жӧ вежӧртас петкӧдчӧ кузнечьяскӧд йитчӧм чех да сербско-хорватскӧй фразеологизмъясын да обычайясын. Мойдкывса Морозӧс (Трескун, Студенец), коді роч мойдкывйын мунӧ Шондікӧд да Тӧвкӧд да грӧзитчӧ кынтыны сыкӧд паныдасьысь мужикӧс, позьӧ ӧткодявны Морозкӧд, коді олӧ йи керкаын да кыдзи мойдкывса отсасьысь козьналӧ сы дінӧ локтысь мортӧс[4]. А. Н. Афанасьевӧн 1856 воын йӧзӧдӧм мойдъяс пӧвстын петкӧдчӧ Морозко — тӧвлӧн морткодялӧм: тӧвся дух, коді тшӧктӧ мыйкӧ вӧчны тӧвся вӧрын сыкӧд паныдасьысь кык нывлы[6].

Морозлысь образсӧ, кыдзи войвывсянь локтысь ыджыд тушаа (либӧ зэв ичӧт тушаа) еджыд тошка стариклысь, коді котралӧ муяс вывті да аслас беддьӧн тотшкӧдчӧмӧн вайӧ шковӧдчана кӧдзыдъяс (кыдзи пасйӧма Афанасьевлӧн уджъясын, а сэсся славяна мифология кузя мукӧд туялӧмъясын), оз эскӧдны этнографияын да фольклорын бӧръя туялӧмъяс[5].

Образ артмӧм

Революцияӧдзса рӧштвоса открытка вежа Николай Чудотворецкӧд

Аслас туялӧмын С. Б. Адоньева индӧ[7], мый Дед Морозлӧн каноническӧй образыс Снегурочка нучкакӧд кыдзи выльвося, а абу рӧштвоса гажлӧн быть колана персонажӧс лӧсьӧдӧмыс лоис сӧветскӧй кадӧ 1930-ӧд вояс помын, кор некымын вося дугӧдом бӧрын бара вӧлі сетӧма позянлун пасйыны Выль восӧ мичмӧдӧм коз дорын. Е. В. Душечкина сӧглас татшӧм видзӧдласкӧд[3], но индӧ важъяджык ӧшмӧсъяс[9].

Литератураӧ Дед Мороз пырис водзджык А. Н. Афанасьевлӧн мойдъясысь (1856)[6]. В. Ф. Одоевскийлӧн «Сказки дедушки Иринея» (1840) сборникӧ вӧлі пыртӧма «Мороз Иванович» мойд[10], кӧні медводдзаысь вӧлі литература боксянь серпасалӧма Мороз[3][11]. Кыдзи пасйис Е. В. Душечкина, тайӧ образыс тӧдмалана нин[3].

Поэзия Морозӧс пыртіс Н. А. Некрасов аслас «Мороз Красный Нос» поэмаын (1863)[4][6].

Дыр кад чӧж Мороз Иванович да коз пу Выль вокӧд эз йитчыны. Тайӧ образъяссӧ ӧтувтӧмыс лои XIX нэмлӧн мӧд джынйын, кор Россияса каръясын пасйисны аслыспӧлӧс «рӧштвоса дедӧс», коді эськӧ козьналіс роч челядьлы козинъяс, кыдзи Николай Угодник налӧн рытыввывса тшӧтшъяяслы. Александр II дырйи казьтывсьӧ «пӧрысь Рупрехт» (тыдалӧ, немеч кывйысь воӧма , 1861), «вежа Николай» либӧ «Николай пӧль» (1870), но найӧн эз кутны вӧдитчыны. Но вежа Николай йылысь йӧзкостса представлениеяс водзӧ вылӧ кутшӧмакӧ тӧдчисны Дед Мороз образ лӧсьӧдӧм вылӧ[12][13]. 1880-ӧд воясӧ пыр ёнджыка паськалӧ Дед Морозлӧн образыс, коді козьналӧ челядьлы козинъяс[14]. XX нэм заводитчигкежлӧ артмӧ нин Дед Мороз тӧдса образыс[15]. 1910-ӧд воясын Дед Мороз кутіс «ловйӧн» волыны гажъяс вылӧ[16]. Революцияӧдзса открыткаяс вылын заводитісны серпасавны Дед Морозӧс[17].

1920-ӧд вояс помын - 1930-ӧд вояс заводитчигӧн Сӧвет канму аслас антирелигиознӧй политикаын зілис бырӧдны Рӧштво да Выль во пасйӧм. Сӧветскӧй пропаганда серавліс либӧ «эрдӧдліс» революцияӧдзса традицияяссӧ. Тайӧ кампания дырйиыс паськӧдісны мӧвп, мый Дед Мороз — языческӧй важ олӧмлӧн коляс, языческӧй ен, да та вӧсна лёк. Эскӧдӧмаӧсь, мый сійӧ — «козлӧн лов», кодлы важъя славяна вайлӧмаӧсь жертваяс да ӧшлӧмаӧсь найӧс пу вожъяс вылӧ. Быттьӧкӧ буретш та йылысь казьтылӧм могысь козсӧ мичмӧдӧны Дед Морозлӧн фигураӧн[6].

Сӧветскӧй олӧмӧ Дед Мороз воис 1936 во водзвылын. Тайӧ лои сы бӧрын, кор 1935 вося ӧшым тӧлысь 28-ӧд лунӧ СССР ЦИК Президиумса член П. П. Постышев йӧзӧдіс «Правда» газетын статья, кӧні вӧзйис котыртны челядьлы Выль во пасйӧм выльвося ёлкаӧн (но Постышев эз вӧзйы бӧр вайӧдны Дед Морозӧс[18]), та бӧрын став страна пасьтала заводитісны нуӧдны выльвося гажъяс[19]. Дед Морозлӧн официальнӧй кыпыда воӧмыс лои зэв регыд. СССР-ын медводдза Харьковса пионеръяслӧн дворечын (восьтӧма 1935 воын) 1935 вося ӧшым тӧлысь 30-ӧд лунӧ вӧлі СССР-ын «реабилитация» бӧрын медводдза официальнӧй выльвося ёлка[20]. А 1937 вося тӧвшӧр тӧлысьын Дед мороз да Снегурочка чолӧмалісны гӧсьтъясӧс гаж дырйи Москваса Союзъяс керкаын[21].

Сӧвет кадӧ Дед Морозкӧд корсюрӧ, Лымныв да вӧрса пемӧсъяс кындзи, вӧліс гӧрд пася да шапкаа Выль вося детинка (тайӧ паськӧмторъяс пиысь ӧти вылын тшӧкыда пасйывлісны локтан/воӧм восӧ). Детинка петкӧдчис кыдзи Дед Морозлӧн аслыспӧлӧс преемник, выль волӧн персонификация, а ачыс Дед Мороз петкӧдліс мунысь/бӧрӧ кольӧм во. Медся тшӧкыда детинкаыс петкӧдчывліс выльвося открыткаясын 1950-ӧд вояс помын - 1980-ӧд вояс шӧрын. Ӧти мультфильмын петкӧдлӧма Дед Морозлӧн нукӧн да лэбалӧма самолётӧн. Бӧрынджык тайӧ персонажыслӧн популярносьтыс кутіс чинны, и ӧнія кадӧ сійӧс пӧшти вунӧдӧмаӧсь.

Дед Морозлысь выль образ лӧсьӧдӧмӧ ыджыд пай пуктіс и сӧветскӧй кинематограф[22].

  • Антирелигиознӧй сӧветскӧй пропаганда, 1928

    Антирелигиознӧй сӧветскӧй пропаганда, 1928

  • Дед Морозлӧн фигурка, 1960-ӧд вояс

    Дед Морозлӧн фигурка, 1960-ӧд вояс

Ӧнія Россияын

Дед Морозлӧн керкаыс Югдінын

Россияын эмӧсь Дед Морозкӧд йитчӧм некымын асшӧр проект. Дед Морозлӧн медводдза чужанін, Кардор, чужис ВЛКСМ обкомлӧн водзмӧстчӧмӧн, кодлы отсасисны сэки, 1980 вояс помын, Кардорса саридзвывса вузасян портса, военнӧй Севмашзаводса, мукӧд гырысь предприятиеясса директоръяс. 1991 во заводитчигӧн вӧлі котыртӧма «Дом Деда Мороза» ПАК да «Почта Деда Мороза» ИКК, регистрируйтӧма вузӧс пасъяс[23]. 1995 воын Кола кӧджса Лапландия заповедникӧн веськӧдлысьяс заводитісны «Сказочная Лапландия — Владения Деда Мороза» проект, код серти Дед Морозлӧн резиденцияыс вӧлі Чунозерскӧй усадьбаын[24]. Москваса вӧвлӧм мэр Юрий Лужковлӧн водзмӧстчӧмӧн 1998 восянь Вӧлӧгда обласьтын уджалӧ «Великий Устюг — родина Деда Мороза» туристъяслы канму проект[25]. Тайӧ проект сертиыс 2005 восянь сідзжӧ пасйӧны Дед Морозлысь «официальнӧй» чужан лунсӧ: вӧльгым тӧлысь 18-ӧд лун[26]. Тайӧ кадпассӧ вӧлі бӧрйӧма кыдзи лун, кор Югдінын статистика серти заводитчӧны медводдза ёсь кӧдзыдъяс[26].

Сӧветскӧй да российскӧй кинематографын

Художественнӧй фильмъяс
  • «Морозко» (1965) — Морозко рольын Александр Хвыля;
  • «Снегурочка» (1968) — Пётр Никашин;
  • «Зигзаг удачи» (1968) — Евгений Леонов;
  • «Новогодние приключения Маши и Вити» (1975) — Дед Мороз рольын Игорь Ефимов;
  • «Чародеи» (1982) — Валерий Золотухин;
  • «Снегурочку вызывали?» (1985) — Владимир Меньшов;
  • «Ирония судьбы. Продолжение» (2007) — Михаил Ефремов;
  • «Срочно требуется Дед Мороз» (2007) — Леонид Неведомский;
  • «Дедушка в подарок» (2008) — Александр Михайлов;
  • «Страна ОЗ» (2015) — Юлия Незлученко;
  • «SOS, Дед Мороз, или Всё сбудется!» (2015);
  • «Дед Мороз. Битва магов» (2016) — Фёдор Бондарчук;
  • «Секретарь Деда Мороза» (2023).
Мультфильмъяс
  • «Новогодняя ночь» (1948)
  • «Когда зажигаются ёлки» (1950)
  • «Снеговик-почтовик» (1955)
  • «Новогоднее путешествие» (1959)
  • «Дед Мороз и лето» (1969)
  • «В лесу родилась ёлочка» (1972)
  • «Ну, погоди!», выльвося выпуск (1974)
  • «Дед Мороз и серый волк» (1978)
  • «Новогодняя песенка Деда Мороза» (1983)
  • «Маша и Медведь» (мультсериал, с 2009) — «Раз, два, три! Ёлочка, гори!» серия
  • «Белка и Стрелка. Озорная семейка» (мультсериал, 2012) — 1 сезонса 3-ӧд выпускын «Настоящий Дед Мороз» 6-ӧд серия
  • «Смешарики» — «Операция „Дед Мороз“» серия.
  • «Три богатыря и принцесса Египта» (2017)

Пасйӧдъяс

  1. ↑ Островский А. Н. Снегурочка (рус.): Весенняя сказка в четырёх действиях с прологом // Снѣгурочка: журнал историко-политических наук / под ред. М. М. Стасюлевич, Д. Н. Овсянико-Куликовский — СПб.: Михаил Матвеевич Стасюлевич, Овсянико-Куликовский, Дмитрий Николаевич, 1873.
  2. ↑ Снегурочка (рус.) — 1850.
  3. ↑ 1 2 3 4 5 Душечкина, 2001.
  4. ↑ 1 2 3 4 5 Иванов, Топоров, 1988.
  5. ↑ 1 2 Виноградова, 2004, с. 302—303.
  6. ↑ 1 2 3 4 5 6 Архипова, 2021.
  7. ↑ 1 2 Адоньева 1999
  8. ↑ Левкиевская Е. Е. Представления о «том свете» у восточных славян // Славянский альманах. — 2004.
  9. ↑ Душечкина 2002
  10. ↑ Одоевский В. Ф. . Мороз Иванович // Сказки дедушки Иринея.
  11. ↑ Шигарова, Юлия.  Мороз или Санта? // Аргументы и факты — СтоЛичность. — 2013. — № 19 (49) за 18 декабря. — С. 4.  (Дата обращения: 9 тӧвшӧр тӧлысь 2016)
  12. ↑ Народная культура и проблемы её изучения. Сборник статей. Архивса копия 22 ӧшым тӧлысь 2015 Wayback Machine ресурсын / Материалы научной региональной конференции 2008 г. — Воронежский государственный университет, 2009. — 280 с. (Афанасьевский сборник. Материалы и исследования. Вып. VII) — С. 196—197
  13. ↑ Голодяев И. К. Никольские церкви города Ново-Николаевска (Новосибирска) Архивса копия 8 ода-кора тӧлысь 2019 Wayback Machine ресурсын
  14. ↑ Душечкина Е. В. Русская ёлка. История, мифология, литература — Мифологические персонажи — Дед Мороз
  15. ↑ Душечкина 2003
  16. ↑ Душечкина Е. В. История Деда Мороза в России.
  17. ↑ Тетерина Анастасия. Выставка «Новый год и Рождество в открытках» Архивса копия 10 ӧшым тӧлысь 2021 Wayback Machine ресурсын. Алтайская краевая универсальная научная библиотека имени В. Я. Шишкова.
  18. ↑ Легенда о человеке, подарившем елку советским детям — Журнальный зал. Шыӧдчан кадпас: 3 тӧвшӧр тӧлысь 2019. Архивируйтӧма 25 ӧшым тӧлысь 2018.
  19. ↑ Минаева, Анна.  Как ёлочка стала советской // Московские новости. — 2003. — № 49.  (Дата обращения: 9 тӧвшӧр тӧлысь 2016)
  20. ↑ Ильич, Лариса.  На элитную ёлку — строго по пропускам // Вечерний Харьков. — 2007. — № за 21 декабря.  (Дата обращения: 9 тӧвшӧр тӧлысь 2016)
  21. ↑ Душечкина 2008
  22. ↑ Лесков С. Дед Мороз и клаустрофобия. // Известия науки (28 ӧшым тӧлысь 2006). Шыӧдчан кадпас: 1 ӧшым тӧлысь 2011. Архивируйтӧма 30 тӧвшӧр тӧлысь 2009.
  23. ↑ titkov_speak: Экономическая география Деда Мороза («Российский региональный бюллетень»)
  24. ↑ «В России появилась ещё одна родина Деда Мороза». Шыӧдчан кадпас: 12 урасьӧм тӧлысь 2012. Архивируйтӧма оригинала 22 вӧльгым тӧлысь 2013 года.. 17 декабря 2003
  25. ↑ Великий Устюг — родина Деда Мороза. Правительство Вологодской области. Архивируйтӧма 15 косму тӧлысь 2016.
  26. ↑ 1 2 Черемушкина И. Российский Дед Мороз отпразднует день рождения 18 ноября. РИА Новости (17 вӧльгым тӧлысь 2009). Архивируйтӧма 27 моз тӧлысь 2011.

Литература

Ыстӧгъяс

Босьтӧма "https://kv.ruwiki.ru/w/index.php?title=Дед_Мороз&oldid=470029"-ысь