Кӧдзыд Пӧль
| Кӧдзыд Пӧль | |
|---|---|
 | |
| Мифология | коми |
| Ин | Коми Республика |
| Ним гӧгӧрвоӧдӧм | тӧвся персонаж, петкӧдлӧ кӧдзыд |
| Рӧд | ай лов |
| Йитчӧм персонажъяс | Лымныв |
Кӧдзыд Пӧль — коми йӧзлӧн тӧвся тун. Ӧнія Кöдзыд Пöль олӧ Коми Республикаын, Сыктывдін районса Финн-йӧгра этнокультура паркын[1].
История
Кӧдзыд Пӧль — коми мифологияын том персонаж. Сійӧ чужис 1930-ӧд вояс гӧгӧрын, кор СССР пасьтала выльвося гажъяс дырйи официальнӧя вӧлі бӧр бергӧдӧма Дед Морозӧс. Комияслӧн Дед Мороз дорӧ матын волі кык персонаж — Кӧдзыд Пӧль да Войпель. Медводзсӧ кӧсйисны бӧрйыны Войпельӧс, мый комиысь роч вылӧ вуджӧдсьӧ кыдзи «Владыка Севера» либӧ «Северный Ветер». Войпель лоӧ коми мифология персонажӧн, но сійӧ абу вывті бур персонаж, сыкӧд пыр колӧ сёрнитчыны[2]. Но бӧрынджык сувтісны мӧд вариант вылӧ — Кӧдзыд Пӧль, мый матынджык Дед Морозлы[3].
Ӧнія Кöдзыд Пöль
Ӧнія коми тун аслас Лымныв нучкакӧд (рочӧн Снежная девочка) 2010 восянь олӧ Коми Республикалӧн Сыктывдін районса Ыб сиктын финн-йӧгра этнопаркын. Сылӧн тані резиденция, кытчӧ челядь ыстӧны ассьыныс письмӧяссӧ[4]. Сыкӧд ӧтлаын тайӧ паркас олӧны и коми войтырлӧн мукӧд мифология персонажъяс: Райда царевна, Пера-багатыр, Яг-Морт — Вӧрса морт, великан, чудище, а сідзжӧ Ёма Баба — Баба-ягалӧн чой да мукӧд[3][5].
Кöдзыд Пöль новлӧ коми серъяса лӧз либӧ турунвиж дженьыд пась (таӧн матын суомиса Йоулупуккикӧд), вӧнясьӧма Бур вӧньӧн[6]. Кӧмалӧма сера пим. Юрас неыджыд шапка, а сылӧн кудриа тошкыс юкӧма некымын пельӧ[3][5][7].
Кӧдзыд Пӧль радейтӧ исласьны лыжиӧн, котравны кӧръясӧн. Водзджык сійӧс позис паныдавны «Сияние Севера» фирменнӧй поездын, торйӧн нин «Добрый Новый год» акция дырйи, кор тайӧ поездыс ветліс став республика пасьта[3].
Кöдзыд Пöль пырӧдчис Коми Республика петкӧдлысь мероприятиеясӧ. Шуам, 2023 вося ӧшым тӧлысьын вӧліс «Россия» выставка вылын ВДНХ-ын[8] да пырӧдчис «Интеррекорд» войтыркостса агентствоӧн котыртӧм «Москваын регионъясса Дед Морозъяслӧн медводдза ставроссияса слётӧ»[3][9][10].
Культураын тӧдчанлун
2024 воын волі йӧзӧдӧма А. Сукгоевалӧн «Кӧдзыд Пӧль» небӧг, кӧні мойд сяма висьталӧма челядьлы Кӧдзыд Пӧль йылысь[11].
Пасйӧдъяс
- ↑ В Финно-угорском этнопарке распахнул двери Дом Кöдзыд Пöля
- ↑ Ритуальные бесчинства и «Холодный старец»: как раньше в Коми встречали Новый год
- ↑ 3,0 3,1 3,2 3,3 3,4 Здравствуй, Дедушка Мороз! Часть 4., Telegraph (17 ӧшым тӧлысь 2023). Шыӧдчан кадпас: 13 ӧшым тӧлысь 2024.
- ↑ О чем пишут Кöдзыд Пöлю
- ↑ 5,0 5,1 Дед Мороз на Севере – кто создает зиму и праздник для жителей Арктики (неопр.). Люди Севера. Шыӧдчан кадпас: 13 ӧшым тӧлысь 2024.
- ↑ Кӧдзыд Пӧль и его финно-угорские братья поздравляют Деда Мороза с днём рождения
- ↑ О тринадцати родственниках Деда Мороза. БНК (29 ӧшым тӧлысь 2016). Шыӧдчан кадпас: 13 ӧшым тӧлысь 2024.
- ↑ Кöдзыд Пöль радует гостей выставки "Россия"
- ↑ Елена Низовцева. Коми брат Деда Мороза, «Регион». Журнал о Республике Коми (25 тӧвшӧр тӧлысь 2024). Шыӧдчан кадпас: 13 ӧшым тӧлысь 2024.
- ↑ Кӧдзыд Пӧль примет участие в открытии зимнего проекта «Елки России» в Москве (неопр.). ГТРК «Коми Гор» (30 вӧльгым тӧлысь 2023). Шыӧдчан кадпас: 13 ӧшым тӧлысь 2024.
- ↑ Сукгоева А. Кӧдзыд Пӧль. — Сыктывкар: Коми республиканская типография, 2024.
Ыстӧгъяс
- Коми брат Деда Мороза
- Какие Деды Морозы живут в России?
- Дед Мороз из Коми отпраздновал День рождения в Москве
|
Тайӧ материал вылӧ право кутысьнас лоӧ «РУВИКИ» ӧтуввез-энциклопедия» асшӧрлуна абу коммерческӧй организация. Мукӧд сайтъяс вылын тайӧ материалнас позьӧ вӧдитчыны сӧмын сэк, кор «РУВИКИ» ӧтуввез-энциклопедия» ААКО сетас позянлунсӧ. |
| Россияса войтырлӧн выльвося геройяс  | |
|---|---|
| |
