Лымныв

Босьтӧма Рувикиысь
Лымныв
В. М. Васнецов. «Снегурочка». 1899
В. М. Васнецов. «Снегурочка». 1899
Лӧсьӧдысь славяналӧн йӧзкостса устнӧй творчество да карса фольклор
Произведениеяс «Снегурочка» (мойд); «Снегурочка» (пьеса); «Снегурочка» (опера); «Снегурушка» (мойд).
Рӧд ныв
Арлыд ичӧт нывка, ныв
Семья кресьтяна
Нимтысян ним Снегурка, Снежевиночка
Логотип РУВИКИ.Медиа Медиафайлы на РУВИКИ.Медиа

Лымныв (рочӧн Снегурочка, Снегурка, Снежевиночка)[1] — роч мойдса да Выльвося персонаж, Кӧдзыд Пӧльлӧн нучка да отсасьысь. Гажъяс дырйи отсалӧ ёртасьны челядьлы да Кӧдзыд Пӧльлы[2]. Мукӧддырйиыс петкӧдчӧ ичӧтик нывкаӧн, мукӧддырйиыс — нылӧн. Нылӧн овлӧ тшӧкыдджыка: Лымныв литературнӧй образ тӧдчӧм улын да гаж вылын практическӧй коланлун вӧсна (Кӧдзыд Пӧлькӧд ӧтлаын ветлӧдлӧм). Лымныв медводдзаысь официальнӧя петкӧдчис Дед Морозлӧн отсасьысьӧн 1937 вося чукӧртчылӧм вылын москваса Союзъяслӧн керкаын[2].

История

Роч фольклорын

Лымнывлӧн образыс абу славяна йӧзкостса обрядъясын, но сійӧ эм йӧзкостса фольклорын[2]. Роч фольклорын Снегурочка — лымйысь вӧчӧм нывка Снегурочка (Снежинка) йылысь ӧти нима йӧзкостса мойдлӧн персонаж, коді ловзис. Тайӧ сюжетсӧ А. Н. Афанасьев бурмӧдіс да йӧзӧдіс 1869 воын «Поэтические воззрения славян на природу» уджлӧн мӧд томын: «Снегурочка (Снежевиночка, немечьяслӧн Schneekind) шусьӧ тадзи сы вӧсна, мый чужӧма лымйысь». Мойдкывйын старик да старука вӧчалӧны лымйысь акань да сійӧ ловзьӧ, а гожӧмнас ныв мунӧ нывъёртъясыскӧд вӧрӧ да сылӧ.

Дед Мороз Лымнывкӧд Октябрса революцияӧдзса рӧштвося открытка вылын

Искусствоын

1873 воын Афанасьевлӧн мойдъяс вылӧ подуласьӧмӧн А. Н. Островский гижӧ «Снегурочка» пьеса. Сэні Лымныв петкӧдчӧ кыдзи Кӧдзыд Пӧльлӧн да Гӧрд Тулыслӧн ныв, коді пӧгибнитӧ шонді ен Ярилаӧс пыдди пуктан гожся ритуал дырйи. Лымныв — мича кельыд чужӧма еджыд юрсиа ныв. Медводз пьесаыс эз кажитчы видзӧдысьяслы. Но 1882 воын Н. А. Римский-Корсаков пуктіс пьеса серти татшӧм жӧ нима опера, и сійӧ ёна кажитчис видзӧдысьяслы[2].

Лымнывлысь образсӧ водзӧ сӧвмӧдісны ХІХ нэм помын-ХХ нэм заводитчигӧн педагогъяс Рӧштво кежлӧ челядьлы сценарийяс дасьтігӧн. Революцияӧдз на Лымнывлысь фигурасӧ ӧшӧдлісны коз вылӧ, нывкаяс пасьтавлісны Лымнывлысь костюмъяс, вӧчлісны мойдкывъясысь, пуктісны сцена вылын Островскийлӧн пьесаясысь либӧ операысь юкӧнъяс. Сэки нуӧдысьӧн Лымныв эз на вӧв[2].

Сӧветскӧй Союзын

Революция бӧрын канму кутіс личкыны вичко вылӧ, тшӧтш и Рӧштво да сыкӧд йитчӧм став обычайяс вылӧ. 1929 восянь сӧветскӧй Россияын вӧлі запретитӧма пасйыны Рӧштвосӧ[3].

Войнабӧрся кадӧ Лымныв — Кӧдзыд Пӧльлӧн быть колана спутница став гаж дырйи да чолӧмалӧмъяс дырйи. Выль во дырйи Лымнывъясӧн тшӧкыда уджавлісны театральнӧй вузъясысь студентъяс да актрисаяс. Самодеятельнӧй постановкаясын Лымныв роль вылӧ бӧрйылісны векджык еджгов юрсиа нывъясӧс да нывбабаясӧс[2].

Лымнывлӧн терем

«Снегурочка» фильм (1968) снимайтӧм могысь Мера ю дорын вӧлі стрӧитӧма «берендейяслысь» быдса грезд. Местасӧ бӧрйисны тӧдӧмӧн: тані, Щелыковоын, Островский гижис ассьыс пьесасӧ. Съёмкаяс помалӧм бӧрын пуысь вӧчӧм декорацияяссӧ вуджӧдісны Костромаӧ, кӧні лоис «Берендеевка» парк. Таысь кындзи, Костромаын 2008 воын кыпӧдӧмаӧсь Лымнывлы терем, кӧні сійӧ во гӧгӧр чӧж примитӧ гӧсьтъясӧс. 2009 вося косму тӧлысь 4-ӧд лунӧ медводдзаысь официальнӧя пасйисны Лымнывлысь чужан лунсӧ. Тайӧ кадсяньыс Лымнывлысь чужан лунсӧ Костромаын пасйӧны быд во. 2020 воын Костромаын сідзжӧ воссис Лымнывлӧн мода музей.

Рекордъяс

2023 вося ӧшым тӧлысь 23-ӧд лунӧ «Кузбасс-Арена» спорткомплекс бердын Кемеровоса Олимпийскӧй паркын Лымнывъяслӧн ыджыд хоровод веськаліс Россияса рекордъяс небӧгӧ[4]. Хороводас пырӧдчис 1071 морт[5].

Медся пӧрысь Лымнывлы, Зоя Плотниковалы, вӧліс 101 арӧс. Сійӧ локтіс хороводас аслас Елизавета пранучкакӧд[6].

Искусствоын

Кинематографын

Йӧзкостса мойд мотивъяс серти
• «Сказка о Снегурочке» (1957) — В. Д. Дегтярёв режиссёрлӧн мультфильм;
• «Снегурка» (1969) — В. Д. Дегтярёв режиссёрлӧн мультфильм.

А. Н. Островскийлысь пьеса адаптируйтӧм
• «Снегурочка» (1952) — И. П. Иванов-Вано режиссёрлӧн мультфильм;
• «Снегурочка» (1968) — П. П. Кадочников режиссёрлӧн кинофильм;
• «Весенняя сказка» (1971) — Ю. Н. Цветков режиссёрлӧн телефильм;
• «Ледяная внучка» (1980) — Б.Рыцарев режиссёрлӧн кинофильм;
• «Снегурочка» (2006) — М. А. Муат режиссёрлӧн мультфильм.

Мультфильмъяс
• «Зимняя сказка» (1945) — мультфильм-фантазия, сценарий — Иван Иванов-Вано, Евгений Шварц;
• «Когда зажигаются ёлки» (1950) — мультфильм, сценарий — Владимир Сутеев;
• «Ну, погоди!» (8-ӧд выпуск, 1974) — мультфильм;
• «Дед Мороз и серый волк» (1978) — мультфильм, сценарий — Владимир Сутеев;
• «Партизанская Снегурочка» (1981) — мультфильм;
• «Сказочный патруль» (2016 —) — мультсериал.

Фильмъяс
• «Новогодние приключения Маши и Вити» (1975) — Ирина Борисова;
• «Снегурочку вызывали?» (1985) — Ирина Алфёрова;
• «Ирония судьбы. Продолжение» (2007) — Евгения Добровольская;
• «Моя мама — Снегурочка» (2007) — Мария Порошина;
• «Срочно требуется Дед Мороз» (2007) — Светлана Письмиченко;
• «Снегурочка. Пасхальная сказка» (2010) — Татьяна Петрова;
• «Страна ОЗ» (2015) — Алиса Хазанова и Дарья Екамасова;
• «Снегурочка против всех» (2021) — Надежда Сысоева.

Шыладын

• 1882 воын Н. А. Римский-Корсаков гижис «Снегурочка» опера;
• «Расскажи, Снегурочка, где была» сьыланкыв «Ну, погоди!» мульфтильмысь (1974);
• «Снегурочка» — «Жестокий романс» (1984) кинолы гижӧм сьыланкыв, сійӧ абу киноас, но эм грампластинка вылын, сьылӧ Людмила Гурченко.

Изобразительнӧй искусствоын

• «Снегурочка» (1899) — Виктор Михайлович Васнецов. 116х80 см. Музей: Третьяковскӧй галерея.

Коми литератураын

Коми литератураын Лымнывлы сиӧма некымын гижӧд:
• «Выль вося мойд» А. Мишариналӧн (2001 во)[7];
• «Кӧинӧс кокыс вердӧ» Н. Щукинлӧн (2003 во);
• «Синмӧй чужӧмын да» Л. Ануфриевалӧн (2008 во);
• «Некод оз кӧсйы лоны Ёмаӧн» А. Поповлӧн (2024 во) да с.в.

Цензура

• 2012 вося Выль во пасйӧм водзвылын Дагестанысь ислам проповедникъяс аддзисны Лымныв образын традиционнӧй культуралы паныд сулалӧм («дженьыдик развратнӧй сарафанчик» вӧсна), мый вӧсна республикаса ӧткымын школаын эз нуӧдны гажсӧ[8].

• 2014 во водзвылын Таджикистанса канму телевидение юӧртіс, мый кӧсйӧ ӧткажитчыны аслас эфирын Выль волы сиӧм уна сӧветскӧй символысь: выльвося коз, Кӧдзыд Пӧль да Лымныв[9].

Галерея

  • Зворыкин Б. В. Снегурочка (1925 во)

    Зворыкин Б. В. Снегурочка (1925 во)

  • Лымныв костюма интерьернӧй кукла

    Лымныв костюма интерьернӧй кукла

  • Лымнывлӧн терем Костромаын

    Лымнывлӧн терем Костромаын

  • Дед Мороз и Лымныв Кремльса ёлка вылын» 2016/2017 во

    Дед Мороз и Лымныв Кремльса ёлка вылын» 2016/2017 во

  • Дед Мороз и Лымныв Беловежскӧй пущаын, 2004 во

    Дед Мороз и Лымныв Беловежскӧй пущаын, 2004 во

  • Лымнывъяслӧн хоровод Кемеровоын. 2023 во

    Лымнывъяслӧн хоровод Кемеровоын. 2023 во

Пасйӧдъяс

  1. ↑ Афанасьев, 1994, с. 639.
  2. ↑ 1 2 3 4 5 6 Душечкина 2003
  3. ↑ Рожков А. Ю. В кругу сверстников: жизненный мир молодого человека в Советской России 20-х годов : в двух томах (Том 1) — Краснодар: Перспективы образования, 2002 — Стр. 171—205 с.— ISBN 5-93749-017-7
  4. ↑ Сердакова, Е. В Кемерове 1 071 Снегурочка прошлась в гигантском хороводе (рус.). Комсомольская правда (23 ӧшым тӧлысь 2023). Шыӧдчан кадпас: 12 вӧльгым тӧлысь 2024.
  5. ↑ В Кемерово прошел самый массовый хоровод Снегурочек в России, РИА Новости (20231223T1155). Шыӧдчан кадпас: 12 вӧльгым тӧлысь 2024.
  6. ↑ Снегурочки Кузбасса установили рекорд России – РИА «Кузбасс» (неопр.). kuzbass.media. Шыӧдчан кадпас: 12 вӧльгым тӧлысь 2024.
  7. ↑ Мишарина А. "Выль вося мойд"
  8. ↑ В Дагестане Снегурочку считают распутной девицей. Шыӧдчан кадпас: 30 ӧшым тӧлысь 2011. Архивируйтӧма 4 тӧвшӧр тӧлысь 2012.
  9. ↑ Мороз и Снегурочка вне закона в Таджикистане. Шыӧдчан кадпас: 24 вӧльгым тӧлысь 2015. Архивируйтӧма 10 ӧшым тӧлысь 2018.

Литература

• Афанасьев А. Н. Поэтические воззрения славян на природу. — М.: Индрик, 1994. — Т. 2. — 784 с. — ISBN 5-85759-011-6. Архивировано 16 косму тӧлысь 2014 года.
• Душечкина Е. В. Дед Мороз и Снегурочка // Отечественные записки : журнал. — М., 2003. — № 1.
• Душечкина Е. В. Три века русской ёлки // Наука и жизнь : журнал. — 2008. — № 1.
• Елкина, М. В. Сказочный сюжет «Снегурочка» и его интерпретация русскими писателями: автореферат дис. … кандидата филологических наук: 10.01.09 / Елкина Мария Владимировна. — Челябинск: Челябинский государственный университет, 2009.

Ыстӧгъяс

• Снегурочка. Аудиосказка с текстом (рус.). Сказка, рассказанная на ночь. Шыӧдчан кадпас: 1 ӧшым тӧлысь 2011. Архивируйтӧма 20 урасьӧм тӧлысь 2012.
• Официальный сайт Костромской Снегурочки
• Святая Люсия — западноевропейская сестра Снегурочки // ОТР

Босьтӧма "https://kv.ruwiki.ru/w/index.php?title=Лымныв&oldid=471649"-ысь