Дементьев Иван Павлович

Иван Павлович Дементьев
Иван Павлович Дементьев
Чужан лун	1912-ӧд вося лӧддза-номъя тӧлысь 24-ӧд лун
Чужанін	Берег грезд, Великоустюжскӧй уезд, Вӧлӧгда губерния, Россия империя
Кулан лун	1944-ӧд вося кӧч тӧлысь 5-ӧд лун (32 арӧс)
Куланін	Одесса[d], Украина ССР[d], Сӧветскӧй Социалистическӧй Республикаяслӧн Союз;
Канму	СССР
Войска сикас	Саридзса военнӧй флот
Служитан вояс	1934—1936, 1941—1944
Звание
Тышъяс/вӧйнаяс	Айму вӧсна Ыджыд тыш .;

Дементьев Иван Павлович (1912 вося лӧддза-номъя тӧлысь 24-ӧд лун, Берег грезд (ӧні Кардор обласьтса Котлас район) — 1944 вося кӧч тӧлысь 5-ӧд лун, Одесса) — сӧветскӧй матрос, Черноморскӧй флотлӧн Одессаса военно-морскӧй базаын морскӧй пехоталӧн 384-ӧд торъя батальонса автоматчик, Айму вӧсна Ыджыд тышын участвуйтысь, Комиысь Сӧветскӧй Союзса Герой (1945)^[1].

Олантуй

Иван Павлович чужлӧма 1912 вося лӧддза-номъя тӧлысь 24-ӧд лунӧ Берег грездын (ӧні Кардор обласьтса Котлас район) роч кресьтянин семьяын. Нёль класс помалӧм бӧрын уджаліс Котласын мӧлӧтничайтысьӧн, кузнечӧн, котельнӧйса машинистӧн.

1926 восянь уджаліс Коми АССР-ын Войвыв да Печораса ювывса пароходствоын, пароходъяс вылын кочегарӧн да масленщикӧн. Печора ю кузя ветлаліс «Сталинец» пароход вылын^[1].

1930 во бӧрын оліс да уджаліс Омскын.

1934 воын босьтӧмаӧсь Гӧрд Армияӧ. Службасӧ Иван Павлович прӧйдитіс ВМФ-ын эскадраса миноносеч «Яков Свердлов» вылын. 1936 воын демобилизуйтчис.

Айму вӧсна Ыджыд тыш заводитчӧм бӧрын, 1941 вося сора тӧлысьын, бара босьтісны армияӧ. Служитіс медводз Войвыв флотса ТЩ-35 тральщик вылын, сэсся 1942 вося моз тӧлысьын вуджӧдісны Черноморскӧй флотса морскӧй пехотаӧ.

1943 вося косму тӧлысьын мӧдӧдісны Черноморскӧй флотлӧн 384-ӧд торъя морскӧй пехотнӧй батальонӧ, и сійӧ жӧ вося арын участвуйтіс Таганрог, Мариуполь да Осипенко мездӧм кузя десантнӧй операцияясын. Тайӧ тышъясас кыкысь сьӧкыда ранитчылӧма.

1944 вося рака тӧлысьын пырис старшӧй лейтенант Константин Фёдорович Ольшанскийлӧн командуйтӧм улын десантнӧй группаӧ. Десантлӧн могӧн вӧлі кокньӧдны сӧветскӧй вӧйскалысь уджсӧ Николаев кар мездігӧн, коді вӧлі Одессаса операция юкӧнӧн. Николаев портӧ петӧм бӧрын отряд кык сутки чӧжӧн бӧрыньтіс противниклысь 18 атака, бырӧдіс 700 гӧгӧр гитлеровецӧс. Тайӧ тышъясас геройскӧя пӧгибнитісны пӧшти став десантникыс, а Дементьев вӧлі сьӧкыда ранитчӧма.

СССР-са Медвылыс Сӧвет Президиумлӧн 1945 во косму тӧлысь 20-ӧд лунся Индӧдӧн «немецкӧй захватчикъяскӧд тыш нуӧдігӧн командованиелысь боевӧй заданиеяс образцӧвӧя олӧмӧ пӧртӧмысь да та дырйи петкӧдлӧм повтӧмлунысь да героизмысь» матрос Иван Павлович Дементьевлы вӧлі сетӧма Сӧветскӧй Союзса Геройлысь ним^[2].

Бурдӧм бӧрас водзӧ участвуйтіс Айму вӧсна Ыджыд тышын морскӧй пехоталӧн 384-ӧд батальонын. 1944 вося моз тӧлысь 24-ӧд лунӧ вӧлі ранитчӧма Одесса обласьтса Жебряины сикт дорын десантнӧй операция дырйи да 1944 вося кӧч тӧлысь 5-ӧд лунӧ кувсьӧма Одессаса госпитальын.

Наградаяс

• «Зарни Кодзув» медаль (1945);
• Сӧветскӧй Союзса Герой ним (1945);
• Ленин орден (1945);
• Гӧрд Дӧрапас орден;
• Айму вӧсна Ыджыд тышса I тшупӧда орден.

Паметь

• Николаевын Геройяслы сиӧма моряк-десантникъяслӧн боевӧй славалысь народнӧй музей, сувтӧдӧма паметник^[3].
• И. П. Дементьевлысь нимсӧ сетӧма РСФСР-са ювывса флот министерстволӧн буксирнӧй теплоходлы^[4].
• Геройлысь нимсӧ сетісны Омскын уличалы^[4].
• Документальнӧй кино Героический десант.

Пасйӧдъяс

↑ ¹ ² Репортаж 19. Наш Герой – матрос ВМФ Дементьев Иван Павлович
↑ Дементьев Иван Павлович (рус.). Сайт «Герои страны».
↑ Александра Медведенко. Адрес Победы: улица Дементьева (рус.). Новосибирские новости. МКУ ИА «Новосибирск» (10 урасьӧм тӧлысь 2017). Шыӧдчан кадпас: 27 тӧвшӧр тӧлысь 2025.
↑ ¹ ² Дементьев Иван Павлович (неопр.). Котлашане - Герои Советского Союза. Котласская централизованная библиотечная система.

Литература

• Медведев, Николай Яковлевич (матрос). Нас было 68 / Литературная запись Ивана Жигалова. — Изд. пер. и доп. — М. : ДОСААФ, 1966.
• Божаткин, Михаил Иванович Десант принимает бой. — Николаев : Возможности Киммерии, 1998. — 379 с.
• Морская доблесть / сост. Ю. И. Чернов, А. А. Воронин. — М. : Воениздат, 1982. — 206 с. — 65 000 экз.
• Жигалов, И. М. Флотская доблесть. – М., 1983
• Цыганов, В.И. Удар «Меча» : Историко-художественное издание. – Николаев, 2008.
• Цыплаков, И.Ф. Имя на карте города : [История Новосибирска в именах и фамилиях] / И.Ф. Цыплаков. – Новосибирск, 2001.
• Книга памяти Республики Коми. — Сыктывкар, 2006. — Т. 12.

Ыстӧгъяс

Дементьев Иван Павлович (рус.). Сайт «Герои страны». (Дата обращения: 18 сора тӧлысь 2010)

[:1-1] ¹ ² Репортаж 19. Наш Герой – матрос ВМФ Дементьев Иван Павлович

[2] Дементьев Иван Павлович (рус.). Сайт «Герои страны».

[3] Александра Медведенко. Адрес Победы: улица Дементьева (рус.). Новосибирские новости. МКУ ИА «Новосибирск» (10 урасьӧм тӧлысь 2017). Шыӧдчан кадпас: 27 тӧвшӧр тӧлысь 2025.

[:0-4] ¹ ² Дементьев Иван Павлович (неопр.). Котлашане - Герои Советского Союза. Котласская централизованная библиотечная система.

[1]

[2]

[3]

[4]